|
رد: مسجات بين زوجي واخوه
لا مهره لسى ماسويت بس ح سوي بعد العيد ... لأن قال مايبغاني اروح وارجع للمحاكم وغيرو ... قال لي قبل فتره ان بيشتري لي بيت وبيسجله بإسمه وبعدها نأجرها للمستأجرين ... وحاجات كثير كان يتكلم فيها وانا بس اسمع واقول ان شاء الله خير ... بس سألته ليه بإسمك مو بإسمي ... قال عيب يكون شي بإسم الحريم ومدري ايش ... صار فيني وساوس واربط بكلامه هو واخوه باشيا كثيره مدري كيف ...
اخواني الاحظ عليهم هالفتره متغيرين علي ... زمان كانو كل يوم يتصلو فيني ويتطمنوا علي ... اما الحين يادوب مره بالاسبوع او انا اللي اتصل فيهم ... فقلت يمكن سامعين شي من زوجي على لساني زي مايقول لاخوه ... اللي يقول اني ادور مشاكل .. لو صحيح ادورها كان من اول يوم ومن اول ماشفت الرسايل سألته... بس شاريه راحة بالي.. ولا ابغى مشاكل ... وبرضو لما قلت ابغى افتح الموضوع واعرف السالفه من زوجي لاني هامه اخواني ومابغاه يتكلم معاهم بهالموضوع لان بيزعلو مني ... اما تجسس وماتجسس الله يرضى عليكم هذا مو موضوعي وخلاص بترك جواله ومابفتحه .. |
رد: مسجات بين زوجي واخوه
حبيبتي سمورة انا مع الاعضاء بلا ما يعرف ويصير وجع راس وحتى ولو رضي بعد كم يوم رح يضل محطاط والثقة مفقودة ولو ما حسسك هيك
وفيكي انت تفتحي موضوع الورث بطريقة غير مباشرة مثلا الكلام اللي عم تسمعيه من امك واختك وهيك ممكن هو يخبرك اشياء انت بدك تعرفيها ولفتتني جزئية بكلامك عن تسجيل البيت حبيبتي زوجك الو مكانته واحترامه عندك بس الحق حق ما دخل حريم برجال المال مالك والدنيا فيها حياة او موت فلازم اي شي من مالك يكون باسمك الا اذا انت متنازلة بطيب نفس والا اذا ما في شي باسمك بالقانون ما الك حق وانتبهي ما المال يأثر بعلاقتكن افصلي حياتك عنها اسأل الله ان يقدم لك كل الخير احترامي |
رد: مسجات بين زوجي واخوه
اقتباس:
اشكرك ميمو ... ان شاء الله ماح قوله شي وبحاول اعرف الموضوع بطريقة ثانيه مثل ماقلتي .. اما تسجيل البيت وغيره بصراحه تاركه الموضوع وماله اهميه عندي الآن... ولا رح اتصرف بشي .. بس مارح يتسجل شي بإسمه حتى لو اثق فيه .. اشكرك عزيزتيddg |
رد: مسجات بين زوجي واخوه
سمورة
أولاً زوجك مستحيل يكلم أخوانك بورثك إلا لو سويتي له وكالة فتطمني من هالناحية ثانياً أخو زوجك وش دخله بالسالفة ؟! هذا يعني إنك تسكتين وتكتمين الموضوع وكوني متفرجة وبلهاء وغبية إذا ودك تنكشف لك الأمور بعدين ثالثاً جملة عيب يكون شي باسم حرمه هذي تخوف، وتخليك ترفضين تسوين وكالة له ماحد اه دخل يتكلم بورثك حتى زوجك!! وإن بدا يلمح ويتكلم خافي منه لأنه من يدك إلى يده تسمعين مني نصيبك خليه ساكن لا تحركينه ، وإخوانك إذا عرفوا إن زوجك ورى هالموضوع ويحركك ممكن ما يعطونك ولا ريال. دخلتي صفحة جديدة من هالحياة، بتشوفين كيف النفوس بتتغير في لحظات الله يعينك. لي سالفة مضحكة مبكية مع الورث قبل 8 سنوات، ما زلت أشرب من نتايجها إلى الآن!! خليك متفرجة وحافظي على حقك ، وخذيها مني هالتجربة بتسوي لك قفزة في النضج، وبتكبرك بسرعة 😌 |
رد: مسجات بين زوجي واخوه
نصيحتي لك كأني أنصح أختي من لحمي و دمي
الأمور المادية يجب أن يكون فيها و ضوح و صراحة سجلي أملاكك باسمك ليس قدحاً في زوجك و أخلاقه حاشا و كلا لكن من باب توثيق الحقوق لأصحابها وكما جاء في المشاركة رقم 32# لأختنا الفاضلة أفصلي حياتك عن امورك الماليه الخاصة وكون هادية إذا فاتحك في الموضوع لا تنفعلي و لا تهاجمي و خلي كلماتك واضحه و صريحه و حازمه بلا هجوم |
رد: مسجات بين زوجي واخوه
اقتباس:
قررت اسكت واتفرج ومصيري بعرف بعدين ... وشي ثاني برضو ... فتح لي حساب بالبنك قبل كم يوم وحط المبلغ اللي عطاني اياه واحد من اخواني هو صحيح مبلغ صغير بس صمم اني افتح حساب... يقول عشان تحافظين على فلوسك ... المشكله مو هنا .. المشكله ان البطاقه معاه وطلب الرقم السري وقلت له ... عاد مدري عن البطاقه بشي من يوم مافتحت حساب ماشفت البطاقه ! .. شوك ... لما قال عيب يكون باسم الحريم ... جاني احساس انه في شي بس طنشت واقول مو وقته الحين حتى اتناقش معاه ... الوكاله مدري اسويها ولا لا محتاره.. الله يكون بعونك عزيزتي ddg المشكله ماعرف كيف اتصرف ويمكن ادخل عمي بالموضوع اذا زوجي او اخواني فتحوا الموضوع معاي ... اشكرك شوك ddg اخي محب السنه ... اشكرك وان شاء الله افصل الامور المالية عن حياتنا ... اشكرك عالنصيحه .. |
رد: مسجات بين زوجي واخوه
عزيزتي سمورة اذا الوكالة شاملة كل شي بيحق لزوجك يتصرف باي شي من دون استشارتك
الا اذا حددتي شي معين بالوكالة من دون السماح بالتصرف باشياء تانية والوكالة مسؤولية كبيرة لانها حفظ لحقوق شخص وثق فينا امام الله ثم امام نفسه بحس هالشي متعب للزوج وللزوجة وبفضل كل شخص يقوم بأموره مع استشارة الشخص الثاني اذا احتاج لهالشي بس نصيحة حبيبتي سمورة ما تحسيي زوجك انك اتغيرتي بسبب الورث بالعكس خدي حقك كامل ومكمل وباسمك وعاملي زوجك معاملة افضل من قبل بالتدرج لانو في بعض الحالات بيصير الرجال يحاسب زوجته على اي هفوة وبيدقق بكل كلمة ظنا منه انو اتغيرت عليه بسبب المال وهالشي بيدمر اي علاقة ناجحة فبإذن الله زوجك مش من هالنوع وفيه الخير بس خلي كل شي على نور من البداية كوني له كما يحب وبنفس الوقت كوني نفسك دعواتي ترافقك احترامي |
رد: مسجات بين زوجي واخوه
اقتباس:
|
رد: مسجات بين زوجي واخوه
سمورة منو ممثل الورثة؟
هل أخوانج عاملين له توكيلات؟ المنطقي إن التوكيل ينعمل لممثل الورثة لأنه هو اللي يباشر ويراكض ورا أمور حصر التركة والورث. وأياً كان الشخص اللي بتعملين له توكيل .. انتبهي لصيغة التوكيل وشوفي شو اللي محتاجة توكيلنه فيه بالضبط وهو اللي ينكتب. وأياً كان الشخص اللي بتعملين له توكيل .. ما في أي خطوة تتم بدون علمج وموافقتج. |
رد: مسجات بين زوجي واخوه
الله يعينك الله اعلم زوجك حاطط عينو على الميراث وما يشوفو شي خاص فيك وبس..
اعملي بكلام الاخ محب السنة.. اتمنى زوجك يفهم ولا يساوي حركات زعل ومظلومية.. |
| الساعة الآن 10:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©