رد: تنصحوني اتطلق من زوجي ؟!!
 

طبعا انا ضد الطلاق
الرجال ما اهانك ولا جرحك
ولا ضربك ولا شتمك
ولا عنفك ولا اساء لك

عشان هدايا ورومانسيه قلتي طلاق!!
حبيبتي الحياه ماتجي على الكيف
ووضعك افضل من مليون وحده

......
....
.....
دام زوجك رجل صالح تمسكي فيه

اعرضي عليه تروحوا بعثه دراسيه
ويكون هو مرافق لك
سافري معه اذا ماعنده مشكله
والا قدمي بجامعه بالبلد وخلاص

رد: تنصحوني اتطلق من زوجي ؟!!
 

اسقاط الولايه تحسبينه سهل!
وابناءك لمن تتركينهم!

رد: تنصحوني اتطلق من زوجي ؟!!
 

مشكلة مو الرومانسية قريت مواضيعك عندك مشاكل اكبر
زوجك مو ملتزم بحياتكم الزوجية ويسافر بالشهر والشهرين واعتقد الان مخليك عند اهلك وعايش مع امه كانه عزوبي ما اتزوج هو نفسه هارب من المسؤلية
هذي مشكلتكم ع ما اعتقد لا انتي ملتزمة بهذا الزواج ولا هو ملتزم

رد: تنصحوني اتطلق من زوجي ؟!!
 

مخلي مسؤلية ابناء ع والدك ويتصل عليه ويقله استاجرلهم بيت قريب منك وانا اجيهم جمعه وسبت و والدك يقوله ابشر هذا وضع طبيعي انتي راضية بكذا !

رد: تنصحوني اتطلق من زوجي ؟!!
 

الحياة ليست وردية يابطة ياحلوة انتي

وصك الطلاق مش صك السعادة اللي بينهي التعب والجهد بالدنيا

ماراح تتطلقين دايركت وتهجين من البلد وتركضين بين المروج الخضراء وبستان الورد بدون هم وتلتقين بفارس الاحلام

وين بتروحين؟ وعلى اساس؟ وعيالك وين بتودينهم؟ بتشحذين من الشارع؟

عيشي حياتك حسب معطياتك وظروفك واللي عندك.. لايجي يوم ماتحصلين لا اللي بعيد ولا اللي كان عندك وتطلعين من كل هذا بولا شي

بتطلعين من البلد عشان زوجك ماقال لك كلام حلو؟ سيريسلي؟

ولو اني احس شووووي ان الموضوع سواليف بس شوووي 😬

رد: تنصحوني اتطلق من زوجي ؟!!
 

أنا أفهمك يامختلفة
لكن صدقيني الطلاق مش حل.. البنات اللي حاليا عايشين حياتهم وتبغي تصيري مثلهم حيتزوجوا قريب ويتجنبوك لأنك مطلقة
انت لسا صغيره وماجربتي العيشة بدون رجل من عرفتي الدنيا تزوجتي
لكن المرأة فطريا تحتاج الرجل
تبيه بحياتها حتى لو ماجاء على كيفها
تبي بيت مستقر عماده موجود رجل تداريه وتراعيه، المشكله إنك صغيره على كل هذا وزوجك مو محتوي عمرك أخاف هو بعد صغير

مختلفه تتخيلي نفسك بعد عمر طويل وانت بالاربعينات أو الخمسينات كيف وضعك؟
خلصتي شبابك وانبسطتي وتزوجوا عيالك وأنت؟
وحيدة؟ وإلا زوجة ثانية؟

عيالك وش نظرتهم لك؟

لو صبرتِ يامختلفه حتكبري وتفهمي زوجك حبه حبه ويفهمك وتنضج أفكاركم ويكبروا أولادكم وأنتم لسا صغار
يقولون الأزواج اللي عرفوا بعض صغار وصبروا على جهل بعضهم هم اللي يتعلقون ببعض كبار ويعوضون حياتهم الصعبة

مختلفة إهدي وريحي مخك ورتبي مشكلتك ووكلي أمرك لله
حياتك حلوة والمشكلة اللي أنت فيها بسيطه لكن تشوفينها كبيره

رد: تنصحوني اتطلق من زوجي ؟!!
 

يابنتي هذي ارزاق مقسمه
اللي بعمرك ويدرسن يعني ايش
بيحصلن عليه ممكن وممكن بيتخرجن
ومايحصلن على وظايف انتي شايفه
ايش كثر الخريجات بعدين تقدرين
تسجلي بجامعه وتختاري قسم حلو
واستعملي مانع الحمل الى ان تتخرجي دام معك 3اطفال وانتي لسى صغيرة
مالومك لانك فعلا صغيرة
بس ان شاء الله انك تقدري توفقي بين دراستك ورعاية ابناءك اذا ظروفكم الماديه كويسه جيبي شغاله مع مساعدة والدتك اذا قريبه منك

رد: تنصحوني اتطلق من زوجي ؟!!
 

واضح جدا انك تعيشين حالة اكتئاب اختي الكريمة


فبين حياة زوجية غير مستقرة ووالد فير متفهم لمعنى الاستقرار - كما فهمت من التعقيبات - و3 اطفال بهذا العمر الصغير ،، كلها امور فوق الطاقة ،،



اهدأي قليلا لتعودي الى اجمل مافيه حياتك اطفالك ،، اصبري عامان ليكبرو قليلا اذا اصبح الكبار في مرحلة الروضة فسترتاحين قليلا وستكون حياتك أهدأ ،،


اعانك الله

رد: تنصحوني اتطلق من زوجي ؟!!
 

عزيزتي اي ابتعاث وبرنامج خادم الحرمين سكروه ؟ الا اذا بتبتعثين بفلوسك هذي حكاية ثانية :)
الشيء الثاني ما اعتقد مسموح تبتعثين بدون موافقة ولي الامر :)
ثالث شيء طيب وتطلقتي وابتعثتي مستوعبة بتصيرين لوحدة مع ثلاث اطفال !!! اي متعة واي وناسة واي انبساط تتكلمين عنه مستحيل ياعزيزتي المسؤولية بتصير دبل ثلاث مرات .

باختصار ماتقدرين تسوين شيء لحد ما تستقلين ماديا ومارح تستقرين ماديا حتى تتوظفين ولا رح تتوظفين حتى تدرسي جامعة بتخصص ( كويس ) بعدها تقدرين تستقلين بحياتك .

اعتقد المشكلة انك استوعبتي انك ماعشتي حياتك .. شفتي اللي حولك صديقاتك واهلك والبنات بانستغرام عايشين حياة غير اللي عايشتها وحسيتي انك محرومة من شبابك ولا استمتعتي ..

ولا رح تستمتعين بهالطريقة زي ماقالت مسك صك الطباق مارح يبعث لك السعادة نهائي ، منطقيًا حتى لو تطلقتي فانتي بترجعين لنفس البيت اللي تكرهينه ..
مارح يتقدم لك شخص كويس لان معك 3 اطفال وزي مازوجك ابوك وانتي صغيرة بيزوجك عصب وانتي بهالعمر :)

لو أنا بمكانك بعيش حياتي بالمعطيات اللي معي .. بحاول استمتع بعمري ..
اول شيء مبسكن ببيت قريب من اهل زوجي حتى يتدبس فعلاً :)
الشيء الثاني بخلق لي بيئة مريحة .. اتعرف ع ناس .. ادرس بدار تحفيظ او اي شيء اختلط مع الناس .. اتابع لي مسلسلات حتى اشبع ..
اكتشف ايش هي هواياتي !
نعم غلطت وحملت ورا بعض وجبتهم وانا صغيرة .. لكني بحط هدف تربيتهم بقائمة اهدافي .. بعتبر هالشيء مشروعي الاول بالحياة ..
بالوقت الحالي اولادي صغار ومحتاجين لي ..
بربيهم كويس وبقرا عن التربية .. اسوي لهم روتين مريح لي مثلا من 9 ينامون ويبدا وقتي الخاص .. بقرا القصص والكتب اللي احب .. بشوف افلام وبتابع مسلسلات ..
بسوي لي رياضة تضبط لي جسمي بعد الحمل والولادة .. واذا احتاج مثلا تقويم اسنان بسويه .. اذا احتاج علاج لبشرتي مارح ابخل ع نفسي :)
بهتم بنفسي اكثر وبحب نفسي وبدلعها لان ماعندي احد يهتم فيني :)
بدرس بالجامعة وبهتم بدراستي وبحاول اشد حيلي واتخرج بمعدل حلوو حتى احصل لي وظيفة احلى
بحاول احسن علاقتي مع زوجي .. لاني انا المستفيدة .


هذي بتكون خطة الخمس سنوات القادمة .. بعدها بحط لي خطة ثانية اذا صار عمري 28 بشوف ايش اولوياتي


هذا لو انا بمكانك :)

رد: تنصحوني اتطلق من زوجي ؟!!
 

الله يهديك ويصلح حالك ..
22 سنه و 3 أولاد ومو عاجبك حالك .،
ركزي على تربي أولادك وليكن هدفك تربيتهم وتنميه شخصيتهم .. وليكن تحقيق حلمك عن طريقهم ..
هذا رائي