|
رد: منهااااااااارة
اقتباس:
الله يسعدك ويفرح قلبك ويجزاك كل خير انا عندك اكبر مثال تصدقين كان يحط لي توبيكات حب وعشق واذا أهديته هدية او اعطيته باقة ورد يحطها صورة في الواتس كنت من حبي له أبوس رجوله اذا زعل مستحيل مستحيل ننام واحنا زعلانين من بعض والنتيجة طلقني في عز حاجتي له هجر بنته طيب وين الحب والتوبيكات يعني كانت كذب تصدقين ليلة ماطلقني صلح لي شموع وقالي اخاف يافلانة احسد نفسي من كثر ماني مبسوط كان لي أغلاط والله انه جهل مني وعدلتها وقالي انتي تغيرتي صحيت اليوم الثاني صارت مشكلة بسبب اخواته اتذكر اني دعيت بان الإذن والإقامة في المغرب وهو يسمع قلت له اذا حياتي معك بتكون كذا ولا بكون مبسوطة معك واهلك بيجننوني الله يجعلني اتطلق ولا اكمل معك كلها كم ساعة وصار الطلاق الحمدلله على كل حال اللهم أجرني في مصيبتي واخلفني خير منها تصدقين لو يقول برجعك ماراح ارجع مع اني باقي أحبة لاكن انسان مثله ضعيف وأمه وأخواته قويات العيشة معه مافيها أمان لان ممكن يتخلا عني في اي وقت يقلبون راْسه علي لاكن والله إحساسي يقول ان اهله مع زوجته تمام خصوصا انهم بعد ماتزوجت وشافتها امه قلبته راْسه علي وصار يقول كثير يتمنوني لبناتهم وقبل كان يقول كيف وافقتي علي وانتي وأخواته يقولون انتي محسودة عليه يعني راح يكونون عكس ماكانو معاي عشان يبينو لناس ان العيب فيني لو هي مو مرتاحة معه وهو لو مو مرتاح معها ماكان جلس معها سنة |
رد: منهااااااااارة
اقتباس:
فرح خلينا نحسن الظن تخيلي أخذ البنت وسافرتي من دونها كيف بتكون سفرتك؟؟ بتقولي نكد علي ومارح يهتمو فيها وووو طليق قريبتي لما طلبت جواز سفر لبناتها قال بناتي مايسافروا وانا مشغول مااقدر أخذهم تصرفو تخيلي سافرو اهلها وقعدت هي مع واحد من اخوانها ربما طليقك حس بالذنب تجاهك انتي وبنتك وقاعد ينفذ رغباتكم وهذا شي الحمدلله في صالحك وحاولي ماتفكري كثير ايش قصده المهم يقوم بطلبات بنتك وهو مع السلامه مانتي محتاجه تغيره واحساسه بالذنب انتهى كل شيئ |
رد: منهارة
اول خطوة عليك هي قطع الاتصالات وعدم رؤية الواتس اب مرة اخرى
|
رد: منهارة
اختي فرح انا فاهم شعورك زين
عارف وش تفكرين فيه بالضبط اختي انتي مشكلتك انك حاسه انك استعجلتي في طلب الطلاق وهالشي هو اللي متعبك لانك حاسه ان اللي تزوجها راح تكون سعيده لانه تعلم من اخطائه معك وبنفس الوقت كنتي تظني انه راح يعيش على ذكراك ولايمكن ينساك لانك اول انسانه بحياته ونفس الوقت خايفه من مصيرك وش مخبي لك اختي الكريمه الخلوقه فرح احب اقولك ان الرجال اللي انتي جالسه تلومين نفسك وتاكلين بنفسك عليه مايستاهلك اصلا انتي جوهره ومانتي عارفه قيمة نفسك التوبيك اللي حاطه بس عشان يقهرك لانه عارف انك راح تشوفيه او احد من اخوانك او اقاربك يشوفه وراح يبلغك ولكن المهم في الموضوع انتي لازم تعرفين ان حتى لو انه يحب زوجته وهي تحبه هذا ماراح يغير من عيوبه شي ترى ممكن الواحد يغير كل شي بشكله او بملابسه ولكن صعب يغير شخصيته وطبعه راح يبقى نقال كلام حريم وكلمه توديه وكلمه تجيبه يعني اصلا كيف انتي راح تكوني بامان مع انسان ممكن باي لحظه يقلب عليك لان فلانه قالت له او فلانه نقلت له شي ماصار الواحد اختي يتحسر على فراق رجال يمعنى الكلمه رجال واثق من نفسه رجال يتحمل المسؤليه رجال يحن على زوجته واولاده رجال يكون حامي لاهل بيته ويحسون بالامان وهو بجنبهم رجال يكون عضيد وسند وقت الشدايد هذا اللي ينبكى عليه اما اللي مثل طليقك مافيه ميزه يخليك تفكرين فيه اصلا وصدقيني راح يجي يوم تضحكين من نفسك وتلومين نفسك كيف كنتي تبكين وتحزنين على انسان بهالشكل وحتى زوجته الجديده مسكينه راح يجيها الدور اصبري عليها بس شوي انتي الحين اللي عليك انسي موضوعه نهائيا وفكري بنفسك وفي بنتك واحسني الظن برب العالمين ولاتحاولين تراقبين حالته او حتى تعطين نفسك مساحه للتفكير فيه واشغلي نفسك في بنتك او سجلي بنادي رياضي وان شاءالله قريب راح تجين تبشرينا بعريس يعوضك عن كل اللي شفتيه اختي الدنيا يبي لها صبر وتوكل على الله وصدقيني مايخيب من توكل على العزيز الحكيم واخر كلمه اقولها لك اعطي نفسك حقها انتي تستاهلين كثيييير تستاهلين تعيشين مع انسان يعرف قيمتك ويقدرك الله يوفقك يارب ويسهل امرك |
رد: منهارة
حاولي ماترافبينه
ولا تعترضي على حكم ربك الحمدلله |
رد: منهااااااااارة
اقتباس:
بنتك لك اهتمي فيها لا تشلين هم شيء ياما اطفال عاشوا من دون أب وأفضل بكثير من اللي مع امهم وأبوهم ياختي انا مرتاحه منه لانه م يسال ولا يدري عنها الحمدلله ولا ابيه يسال ولا يجي فكه منه بتقولين م يحب بنتك ولا يبيها لها ربها وانتي كفايه تحبينها مو لازم هو انا م بسأل عن بنتي ولا يدري عنها وغير كذا النفقة توصل متاخر ولا شافها الا مره وعمرها ثلاث شهور ولا حتى يزورها كان يبيني انزلها انسيه بحريقه بنتك عندك لا تروح عنده وين م تروحين بنتك معاك بكره تكبر قدام عينك , لا تخلينها تروح عنده برغبتك انتي الا اذا هو طالب يشوفها مو مشكله انتبهي حق بنتك ولنفسك وهو بحريقه تحرقه الله يعوضك ويعوضنا خير والطلاق مو نهاية الدنيا انا مطلقه مثلك من قريب لأكن راضيه ف النصيب والحمدلله |
رد: منهارة
الاخت فرح لو ابو بنتك فتح صفحه جديده وقال برجعك وبلاش تشتيت الاسره ، ترجعين له ...!
|
رد: منهارة
يمكن شخصيتها تماشت مع شخصيته وحبها وعاش حياته
يمكن عرفتله وعرفت لاهله ومشتهم على عجين ما يلخبطونه المهم اختي انسيه وعيشي حياتك ليش المراة دااايما تجلس تبكي على الاطلال والرجل ينطلق بحياته وان عانى عانى شوي ونفض الغبار وقام اما المراة تجلس تبكي وتندب ليييين اما تروح صحتها او يجيها زوج اخر؟! خلاص من اولها سوي زيه واحزني شوي ايام العده او سنه بالكثير وخلاص انسيه وعيشي حياتك حتى حساباته بالبرامج لا تشوفيها شوفي كيف تعنيتي تفتحين جوال ابوك وتروحين تشوفينه في الواتس وتبين تنسين!!! ما رحتي تشوفينه الا هو شاغل بالك لازم تطلعينه من مخك وقلبك علشان تستمتعي بحياتك واول خطوه الاستعانه بالله ثم عدم تتبع اي اخبار عنه واولها عدم تتبعه بالواتس وامر اخر ليش شاغله بالك وتدعي ربي انك ما تسمعي خبر ولادة زوجته؟!! شايفه كيف شاغله بالك فيه وفي زوجته لهذي الدرجه يا اختي انسيييييه حتى في دعاءك لا تجيبي سيرته ولا سيرة زوجته حتى تساعدي نفسك تنسينه اما اذا حتى في دعاءك تجيبي سيرتهم وهنا تجيبي سيرتهم وفي جوال ابوك تطلي عليه كيف بالله تنسيه؟! كيف! |
رد: منهااااااااارة
اقتباس:
الحمدلله انه وافق يطّلع جواز الله يهديه ويسخره لبنته |
رد: منهارة
الله يطمنك ويفرحك اكثر يافرح
ويعوضك خير يارب وش صار على المشروع الي تبغي تفتحيه |
| الساعة الآن 11:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©