منتدى عالم الأسرة والمجتمع - كرهت زوجي بسبب عدم اهتمامه بمرضي

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - كرهت زوجي بسبب عدم اهتمامه بمرضي (http://www.66n.com/forums/showthread.php?t=268907)

رد: كرهت زوجي بسبب عدم اهتمامه بمرضي

على أي اساس صار زوجها انتهازي ؟
ليش دايركت اطلقتوا الاحكام ؟!!!
مو شرط انه باقها...
يجوز يرجعهم عقب فترة .. ليش الاحكام الاستباقية !

نصيحة لوجه الله
لمن وحدة او واحد ينزلون موضوع عن شريك حياتهم وهو غلطان
ما له داعي نتلفظ بلفظ قد يكون جارح لصاحب الموضوع
في النهاية هذا شريك حياته
لو مروا بأزمات عاصفة .. مو معناته ان " نشتر " فيه

رد: كرهت زوجي بسبب عدم اهتمامه بمرضي

الزوجة الي تعتقد ان مالها وجمالها
بوابة لدخول قلب زوجها تعتبر زوجة
فاشلة بجميع المقايس..

رد: كرهت زوجي بسبب عدم اهتمامه بمرضي

اولا الحمدلله على السلامه وما تشوفين شر ..
ثانيا .. افصلي المبلغ المالي اللي اعطيتيه سلف وموضوع الاهتمام .. من متى كان اذا اعطيت زوجي فلوس راح يهتم فيني !! الموضوعين مالهم علاقه ..
ثالثا .. الرجل باله مب وسيع نفس الزوجه .. للمعلوميه ..
يعني ماعرف عن طبيعة مرضك .. بس اذا الموضوع مطول وله بالاشهر تاكدي ان الاهتمام راح يقل ..
رابعا .. انتي في بيت اهلك .. والزوجه لما تكون في بيت اهلها الزوج يكون متطمن عليها حتى من غير لا يسال .. وسؤاله عن اولادك هو سؤال عنك ..
خامسا .. ما ابرر له موقفه يوم انه ما كان جنبك وقت كان بيدخلونك العمليه .. ولا اعلم ما السبب .. انتي الوحيده التي تعرفين السبب ..
يا أنه في نقطه صايره بينكم وما بينتيها في الموضوع من قصد او من غير قصد ..
لانه مستحيل زوج زوجته داخله على عمليه وما سال عنها ..
انا مو متابع مواضيعك السابقه بتمعن .. يعني مريت عليها مرور .. اللي هي موضوع الورث والسلف ..
بس انا متاكد انه في شي بينكم ما ذكرتيه ..
مابطلق على زوجك الاتهامات لاني ما سمعت منه .. سمعنا من طرف واحد ..
وعلى كلن مستحيل زوجه تعطي زوجها مبلغ وقدره 80 الف وهي تدري انه مو مهتم فيها وكل اللي يبيه فلوسها وبس .. اسف بس مافي زوجه ممكن تسويها ..
ارجو ان ما نكون فاهمين زووجك غلط من خلال كتاباتك ..

رد: كرهت زوجي بسبب عدم اهتمامه بمرضي

متى بترجعين بيتج يا سمورة؟

رد: كرهت زوجي بسبب عدم اهتمامه بمرضي

نظامك مع زوجك انك تشترين مشاعره وتصرفاته بفلوسك
وهذا غلط يا انك تعطينه بقناعتك والا لاتعطين
دامك بتحسبين تصرفاته
نظام بعطيه فلوس عشان يسأل عني ماهكذا تورد الإبل
وبعدين الحين تقولين انا عطيته 80 الف اذا انتي مو واثقه فيه ليه تعطينه ؟؟!!
تعطينه فلوس بعدين تحاسبينه على تصرفاته ماسأل عني مدري ايش
كل شي نقدر نشتريه بفلوس الا المشاعر
المره الجايه دوري لك تصريفه اذا ماتبين تعطينه
وبعدين 80 الف مبلغ كبير كيف بيعطيك اياها في اقل من سنه
في ناس يخذوناها قرض ويقعدون كم سنه يسددونها
وانتي تبين زوجك يرجعاها لك بعا السرعه وراتبه على حسب علمي 4000 الالاف على مااظن وصححي لي اذا كنت غلطانه
وانتو الله يهديكم يابعض الردود بتخلونها تكرهه زوجها زياده
وبقولك كلمه اخيره كثرت العطاء تخلي الواحد مايحس بقيمة الشي
انا مااقصد الفلوس حتى المشاعر

رد: كرهت زوجي بسبب عدم اهتمامه بمرضي

اقتباس:

المشاركة الأصلية كتبت بواسطة روح الطير (المشاركة 3452265)

ياخووووووفي

يجي و يقول لك كنت مهموم و مشغول بالي و متورط و ديون وووو الخ
عشان تحزني عليه و تعطيه باقي فلوسك

اخونا ( نيت مان )
مو حذرك اكثر من مرة في قسم ساعدني !!!!!!!!

فاهمه ياروح ... بس بعد ماوقف اخوي معاي وتغيرت معاملته للاحسن ندمت اني وقفت بوجيهم وطالبتهم ... واساسا لو كنت ماستشرتكم بموضوع الورث كان تنازلت لهم من البداية.. يهمني ياروح العايله اكثر ..

اقتباس:

المشاركة الأصلية كتبت بواسطة روح الطير (المشاركة 3452266)

لا تزعلي مني

لكن تخسري فلوسك و لا تخسري اخوانك

ليش تعب ابوكي يروح لزوجك !؟

ما تبغي فلوسك .. كنت تركتيه لإخوانك عالاقل

اقتباس:

المشاركة الأصلية كتبت بواسطة الفلوجة (المشاركة 3452267)

الف الحمد لله على السلامة طهورا لا بأس عليك ان شاء الله

اما عن زوجك فبصراحة ما راح اتكلم لان يا ما نصحناك امسكي فلوسك ولا تعطيه( لا تعطيه يعني لا تسلفيه) ما ينفع معك فعقلك براسك تعرفي خلاصك هي فلوسك مو عند اخوه شلون قدر يوصل لها ؟؟؟؟

ربي يسلمك الفلوجه ... لا رجعت تواصلت مع عمي ورجعت فلوسي وفتحت حساب ثاني والحين هي معي .

رد: كرهت زوجي بسبب عدم اهتمامه بمرضي

اقتباس:

المشاركة الأصلية كتبت بواسطة naadha (المشاركة 3452269)

بكل بساطة انتي من بنى سقف توقعات عالي جدا من ناحية زوجك لدرجة ما شفتي سلبياته ، هذه الحياة و يجب ان نتعلم ان لا نثق ثقة عمياء في الشريك ( كثير من الأمان غفلة ) فحاولي تكوني متزنة في توقعاتك و عطائك
تعلمي الدرس جيدا انه اهم شيء هو صحتك و خلي فلوسك ممكن تحتاجينها ( ممرضة تهتم فيكي بما انه زوجك لا يقوم بالأمر ، شغالة تهتم بالبيت و مشاويره ووووووووو.....يعني خليها حتى توفري الراحة لألك لو خانتك الصحة لا قدر الله )
الف الف الف سلامة عليكي حبيبتي ، طمنيني كيف حالك ، شو نوع الورم ؟ هل شفيتي ام تحتاجي علاج و هل بيطول ؟
يا ريت انتي من يدلع نفسه من نسمة الهواء و لا تنتضري شفقة احدا ، الأشياء هاذي تخرج بطيبة نفس و بحب و خوف على شريكته و ليس بالغصب
فعلا الموقف مألم لكن الحمد الله أمك و اهلك جنبك و هو خليه براحته و لا تنسي ولا حدا ضامن نفسه و صحته

ربي يسلمك ... في البدايه شخصوا حالتي على انه ورم ورجعوا حددوا انه ورم حميد وان لازم يستئصلوه قبل مايكبر ..والعمليه كانت الأحد... ماكنت مرتاحه ولا متطمنه من ناحية تشخيصهم ولا من ناحية العمليه ... لان لها مضاعفات اذا فشلت العمليه ... فرحت اكثر من مستشفى وقالوا إنه مو ورم وانه مجرد كيس وصغير مارح يتاثر الا اذا زاد حجمه يحتاج العمليه ...

اقتباس:

المشاركة الأصلية كتبت بواسطة Deem.fh (المشاركة 3452276)

قبل كل شي اسأل الله العظيم رب العرش العظيم ان يشفيك و يعافيك ياسمر
الله يحفظك و يخليك لأولادك

بالنسبه لزوجك ماله اي عذر مايسأل عنك يارب لو مسج يتطمن فيها عليك اقل شي يسويه
لذلك اسأليه انت زوجي ونصفي الثاني المفروض اول من يوقف معاي انت .. تخليت عني ليش ؟؟ افهمي منه يمكن عنده شي مع ان تطنيشه غير مبرر .

نجي لفلوسك ، انا مع كلام روح الطير ياخوفي يرجع لك حتى يتمكن و ترجعين تعطينه من ورثك اللي حاربتي اخوانك عليه ،، نصحنا قلنا لك ماينفع تعطينه ريال واحد من ورثك بالاخير مشيتي على شورك و هذه النتائج وانتي لسى ماسويتي عمليه ولا احتجتيها !

لا ترفعين سقف توقعاتك وانتي عارفه زوجك زين .

الله يشفيك و يلبسك لباس الصحه والعافيه

امين ... ربي يجزاك خير ...

انا سألته... اذا هو زعلان ولا لا ... قال لي لا

اقتباس:

المشاركة الأصلية كتبت بواسطة × الرسمي × (المشاركة 3452287)

مرحباً أختي

ماني عارف إيش علاقة إنك تذكري إنك سلفتي زوجك 80 ألف
وبين إنك مريضة وماسأل عنك ..!!

موضوع فلوسك ياتطالبيه وتقولي رجع لي السلف يا تسكتي ألين يرجعها من نفسه .. وزوجك سوف يكون بين أمرين : إما يرجع لك فلوسك ويشكرك على السلف وإما يماطل ومايرجع وأشبه إنه سرقك .. هذا بإختصار موضوع فلوسك

أما موضوع مرضك فلكِ الحق أن تعاتبيه وتتكلمي معه وتسأليه لماذا فعل ذلك وما كنتِ متوقعة إنه يطنشك وماهو مهتم بك وهو يعرف إنه عندك عملية .. وبدل ما تكتبي هنا في المنتدى وتستشيري .. أتصلي على زوجك وتكلمي معه وأنهي الموضوع وطلعي كل إللي في قلبك

أخيراً
أقول لكِ كيف تسمحين أن ُتطال زوجك الإتهامات والتحذيرات والتخويف من زوجك بدون بينة أو دليل واضح على زوجك .. هل عندما تكتبين في المنتدى مشكلتك تعتقدين أنك لن تتأثري ولن يتم شحنك ضد زوجك خصوصاً في موضوع الفلوس

أعانك الله

انا ماقلت انه ماحيرجعها ولا حابه اطلبها منه ولا حتى اساله عنها ... بس اول مره يجلس هالفتره مايسال عني ... اكيد في شي مخبيه عني ...هذا مو طبعه ان مايسأل اذا مرضت ...

رد: كرهت زوجي بسبب عدم اهتمامه بمرضي

اقتباس:

المشاركة الأصلية كتبت بواسطة كنافة بالجبن (المشاركة 3452288)

سموره الحمدلله على سلامتك حبيبتي
وان شاء الله وضعك الصحي كويس
احمدي الله كثير وتصدقي
مافي شي بالدنيا اهم من الصحة
وفعلا وقت الشدة تبين معادن البشر

بقول لك قصتي
قبل سنتين جاني مرض غريب
عطاني الدكتور كورس كورتيزون
وقال لي ماتحملي 6 شهور
وكنت قلقه ومهمومه على وضعي
طلعنا من الطبيب ركبنا السياره
لقيت زوجي صار شيطاااان
معصصصصب ويصرررررخ
يقول ابي عياااااال ابي عيااااال
ويذكرني انه بالثلاثينات وانو كبير
وانو ماعنده استعداد يتحمل
((لاحظي كل هذا وانا عندي بنت))
بس كان قبلها يزن علي بالحمل

كان موقف صددددمه بالنسبه لي
بكيت بصمت ولا عاتبته ابدا
لان المشاعر ماتتشحذ
بس صراحة انكسر داخلي شي كبير
المهم
بعدها باسبوع اشتري لي طقم ذهب
وكانت اول مره يشتري لي طقم
من بعد زواجنا.. يعني حدث غير اعتيادي
وفهمت انه اعتذار (بس بعد ايش!)

والحمدلله
بعدها ب8 شهور تقريبا حملت
وجبت ولد.. صار عندي بنت وولد
ومن ذاك اليوم ماعمري فاتحته بالموضوع
اذكر قلق اهلي علي (الله يحفظهم)
وتعلمت امور كثيره من هالدرس

سموره
مافي شي يصير عبث
ربي يرسل لنا رسائل في كل ابتلاء
والذكي اللي ينتبه ويفهم الرساله
وانتي اقدر منا على هالشي

--------

الحمد لله على كل حال وربي يسلمك .. لو كان هذا طبعه من زمان عادي رح اتقبل الوضع ومارح اهتم ...بس هو تغير

اقتباس:

المشاركة الأصلية كتبت بواسطة المتواضع305 (المشاركة 3452290)

ليس منا من خبب امرأة على زوجها
حديث نبوي شريف ...!
وين احسان الظن...!
وين المسامحه ....!
الرجل يقول لك مشغول ....!
ليه هذا التمنن على زوجك يعني لما يكون متواصل معاك ويسأل عنك ماراح تذكرين الفلوس بس انشغل او تشاغل صرتي تذكرين الفلوس واتمننين فيها ...!
ثلاثه لاينظر الله اليهم ولايكلمهم ولايزكيهم ولهم عذاب اليم ومنهم( المنان)
اتقِ الله بزوجك وين الصبر وين الاحتساب ...!
انا اعلم علم اليقين لو يزورك زوجك ويهديك هديه ويطيب خاطرك ويتعذر لك راح يذهب كل الي بصدرك ....!

انا ماتمننت ! ... ولا قلت له عطيتك وعطيتك ... لحد الحين ساكته ... منتظره يكلمني مثل اول .. طيب اذا مشغول خلاص لا يسال عن عياله ... بس مايخصص لعياله وانا لا !

اقتباس:

المشاركة الأصلية كتبت بواسطة خالد_عبدالله (المشاركة 3452305)

ربي يسلمك

انا ماقلت اذا اعطيه فلوس عشان يهتم فيني ..

طبيعة مرضي مو مطول بس حسيته انه تغير بعد ماذكروا المضاعفات اللي بتصير اذا مانجحت العمليه وذكروا منها فقد البصر والذاكره ... حاسه انه تخلى عني بسبب هالشي ماعرف ليه ..

حتى لو كنت ببيت اهلي كان يسال عني .. طيب مابغاه يسال عني ... بس ليه اذا راسلته او اتصلت عليه مايرد علي واذا رد يكون من دون نفس

انا واثقه فيه وماعطيته الا ثقتي فيه كانت عاليه ... وعطيته لأنه ماكان مقصر معي لا ماديا ولا معنويا ... بس الحين انقلب الحال

رد: كرهت زوجي بسبب عدم اهتمامه بمرضي

اقتباس:

المشاركة الأصلية كتبت بواسطة مهره (المشاركة 3452331)

متى بترجعين بيتج يا سمورة؟

مدري يامهره ... للحين ماتصل ولا سال عني ... ودي الحين ارجع بس صعب .. افكر اكلمه او ارجع لبيتي من غير مايقول

اقتباس:

المشاركة الأصلية كتبت بواسطة ظل الياسمين1989 (المشاركة 3452332)

ماشتريت مشاعره ولا شي ... راتبه 4000 واحيانا يزيد اذا زاد ساعات عمله وفوق هذا المشروع اللي عنده ...

انا ماببغاه يرجعه الحين ولا اني بحاجته ..

رد: كرهت زوجي بسبب عدم اهتمامه بمرضي

سمورة ممكن مايدري اصلا انت زعلانه فردي لبيتج وعاتبيه هناك حتى ما تزيد الفجوة .... ثانيا لا عاد تشترين مشاعره بفلوسك لانك راح تدفعين كثير وتلاقين قليل وتنقهرين زيادة اشتري بكل فلوسك عقار وخل يجيك دخل شهري وافتكي من هل مشكله
وحطي افتراض ولو واحد من عشرة ان زوجك له ظروف تمنعه من الاتصال بك مثلا مرض الم به او مسجون او متورط بمشروعه ولانك مريضه يخاف يزيدك الما فأثر الابتعاد .... دموعه حين عرف بمرضك شفيعه له ودلاله على حبه لك ...سؤاله عن اولادك فيا اختي معزة العيال من معزة امهم
واكيد اهله قالوله مافي عمليه وعرف وممكن هو محتاجك جدا وماخذ على خاطره انك ما بلغتي .... خل نحط حسن الظن بدل سوء الظن وراح تهدأ اعصابك جدا قومي يا سمورة واتصلي على حبيبك واقصري الشر ( كفايه دلع) ومثل ما سامحتي اخوانك ( ولو ان موقفهم اكبر بكثير من زوجك) سامحي زوجك