|
رد: زوجتي مو متقبلتني واشك انها معجبة ببنات
1) سؤال:
كيف هو الوضع المادي لأهلك أو لأحد أعمامك؟ 2) أقترح ما يلي: أ- أن تتفاهم مع البنت بشكل كامل مرة أخرى، وتعرف حقيقة الأمر تماماً. ب- أن تعرف منها رغبتها الفعلية في إكمال الحياة معك أو لا. ت- إن أجابت عليك برغبتها أن تكمل معك عليك أن تفكر كثيراً مع الاستخارة في ضرورة علاج زوجتك نفسياً وسلوكياً عند طبية نفسية ممتازة بشكل سري وبالاتفاق بينكما+تتوقف عن ضربها أو التعدي لفظياً أو جسدياً لأنك مخطىء في هذه النقطة. ث- إن أجابت عليك بعدم رغبتها فهنا ينبغي عليك إخبار والدها ووالدتها بالأمر، وتسمع ردهما. ج- في حالة الاتفاق بينكم في إنهاء الأمر ينبغي أن يكون محدداً ومتفقاً عليه. 3) عليك بالدعاء كثيراً مع الصدقة. |
رد: زوجتي مو متقبلتني واشك انها معجبة ببنات
اقتباس:
لكن الله يعقل عليكم ويردكم لبعض |
رد: زوجتي مو متقبلتني واشك انها معجبة ببنات
هي متاكد انها تبغى الطلاق 100% 100
لكن هي عشان امها ماتزعل عليها واهلها وايضا وضعهم المادي على قد حالهم تبي اطلقها على اتفه سبب وادري تحاول تنرفزني عشان اطلقها انا ابغى مهري والله يستر عليها لكن كل مااقولها تقول انت اساسا تبي تطلقني وانت وانت بنت غريبة عجيبة ابي انساها فترة لكن اعجز خصوصا وقت النوم اول ماحط راسي على مخدتي تجي ببالي خصوصا اغراضها وملابسها وعطورها باقي عندي بالبيت والله تعبت ولا ادري وش اسوي مالي الا الصبر |
رد: زوجتي مو متقبلتني واشك انها معجبة ببنات
لاتطلقها ولاتعلقها ..
* هل انت متأكد من موضوع تعلقها بالبنات ام هو شك فقط وهل يمكنك مصارحتها ؟ * حاول مقابلتها ومقابلة اهلها وادعوها للرجوع وبين حزمك ان لم ترجع فراح تتخذ خطوة اخرى ،، امهلهم اسبوع بعدها ارجع واقعد معاهم واطلب رجوعها فإن رفضت فأخبرهم انك راح ترفع قضية النشوز .. اتوقع زوجتك من النوع المتأثر بوالدتها والله يعينك لان هناك من يدربها ويقودها حتى بحياتها الخاصة ! |
رد: زوجتي مو متقبلتني واشك انها معجبة ببنات
الأعجاب مع صديقاتها أو مع البنات في تويتر غريبه صراحه أما أسلوبها في الكلام الله يهديها
|
رد: زوجتي مو متقبلتني واشك انها معجبة ببنات
أتوقع مو عاجبها السكن مع أهل زوجها وأنا مستغربه من موافقتها لأن السكن المستقل أول شروط البنات
|
رد: زوجتي مو متقبلتني واشك انها معجبة ببنات
اعتقد اخوي موضوعك يبي له شوي حيله
يعني رح لها واجلس معها لحالكم وتكلم بكل هدوء وقول لها شوفي يابنت الحلال ابي اعرف انتي صحيح مغصوبه على الزواج ولا تبين تستمرين معي ترى عادي قولي لي وهالكلام راح يكون بينا واهلك ماراح يدرون عنه وجرجرها بالكلام حتى تعرف الصحيح اذا قالت الا ابيك تفاهم معها على حياتكم وبين لها ظروفك الماديه وان عندك ديون ومايبقى من راتبك الا اللي يادوب يعيشكم ولازم تصبر هذا في حالة انها فعلا تبيك واذا قالت ايه مغصوبه خلها تطلع كل اللي بقلبها وبعدين روح لـ ابوها وعطه السالفه انها مغصوبه وماتبيك وطالب بمهرك وخلها عندهم لاتطلق اذا رجعوا فلوسك زين واذا مارجعوها راح يضيق فيهم الامر وراح يرفعون قضية خلع وراح يرجع لك مهرك بس اول طبق اللي قلت لك واجلس معها لحالها وهذا ضروري |
رد: زوجتي مو متقبلتني واشك انها معجبة ببنات
اولا لا تقلق كلنا بداية الانفصال ماننام الليل نروح للدوام مواصلين
لاتفكر بالحب وهالكلام ولا تفكر أعطيت ولا قصرت فيه ناس كذا مهما أعطيت مايبين بعينهم تبي نصيحتي انا أوافق الأخ الوحيد اجلس معها وإذا رفضت تقابلك قابل ابوها وقول له انا طلبتها منك وتكون نعم الزوجه والآن بنتك ماتبيني رجعوا مهري والله يستر عليكم اذا ماطلوا فيك اطلبها عن طريق المحكمه إذا رفضت ترجع بيلزمهم الشيخ يرجعون مهرك وانتهى هالاجراءات تأخذ وقت وصدقني بكرة لما تتزوج اللي تعوضك بتضحك وتقول سبحان من خلق وفرق مانام الليل من الهم مع الأولى اللي تجيب الهم وعايش بالعسل الحين بتزعل على كل لحظة شلت فيها هم وتقول ماكانت تستاهل وبالاخير هي بتندم الزوج الصالح يعتبر حظ وبتتزوج بعدك واحد يوريها نجوم الظهر هي وأهلها وتعرف الفرق بينك وبين غيرك والله اني أذكر موضوعك بالمقبلين وفرحنا لك كثير ويحزننا أن الوضع ماكان كما تتمنى |
رد: زوجتي مو متقبلتني واشك انها معجبة ببنات
زوجتك يبغالها صدمة علشان تصحى من غفلتها
قول لها إنك كشفتها وكشفت محادثاتها مع البنت و اعمل نفسك مصدوم منها وشاك فيها وانت بالفعل كذا يعني اقلب السالفة عليها وسو نفسك انك انت اللي ماعاد تبغاها وأنها طاحت من عينك ولا يشرفك تعيش مع وحدة مثلها بعض الناس اذا حسوا انك متعلق فيها ينفرون منك واذا حسوا انك نافر منهم تعلقوا فيك اعرف كثير بنات من هالنوع ويعترفون بأنفسهم جرب هالحل و ان شاء الله ينفع معك |
رد: زوجتي مو متقبلتني واشك انها معجبة ببنات
السلام عليكم
اعتذر عن انقطاعي البنت الله يهديها مسويه فلم على اهلها ان امي تضربها وتهاوشها وكلام طويل عريض اساسا انا مستغرب اذا هي ماكملت عندي اسبوعين يعني وش شافت!! امها واهلها شانين حرب علي بعد ماكانو يقولون اصبر عليها وهي طفلة وتحملها وهذا جزاتي ؟؟ امها بلكتني بالواتس وزوجتي بعد بلكتني هههههههههه والله مدري وش اقول حسبي الله ونعم الوكيل ابوها لحد الان مادق ومدري متى بيدق لكن انا قررت مراح استاجر برا مافيه اساسا راتبي طفسه مايساعد علشاني مديون وابني انا بطنشهم ياترجع لحالها ولا تتعلق سنين صح احبها واموت فيها لكن احس كرامتي انهانت بما فيه الكفاية اللهم وكلتك امري فكن لي خير مدبر ادعولي |
| الساعة الآن 05:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©