رد: للزوجات هل كان الزواج حلم
 

نعم كانت أمنيتي الزواج لأني أبغى أحب رجل وأجرب الحب الحلال بصراحة

والحمدلله تزوجت وحبيته بكل شيء أغدقت عليه بالحب والهدايا والإحترام وطلقني في النهاية

رد: للزوجات هل كان الزواج حلم
 

شلون طلقك يعني نمتي بالليل وفي الصباح طلقك مثلاً ....!

رد: للزوجات هل كان الزواج حلم
 

وهذا ماحصل معي فعلا
نمت الليل وثاني يوم طلقني على قولتك
لاتتشمت اخ المتواضع البعض عنده الطلاق مثل السلام عليكم

رد: للزوجات هل كان الزواج حلم
 

رماني عند أهلي وهذه من عاداته لأنه يروح الاستراحة مع اخوياه يومياً وطلبته يخصص لي يوم وبدأ من هنا يزعل

سبحان الله اختار اخوياه علي ووداني بيت اهلي وخلاني ومقدرت انام ولا اتهنى بشي اتصلت رجعني ترجيته ورحت لشقته واهديته هديه ورسالة اعتذار واخذني ورجعني
كلمت اهلي ما عاد قدرت اتحمل بعده عني ابغى احد يساعدني

لما تدخلوا اهلي ما خلوني اتواصل معاه وبغوه يجي يكلمونه جا وقال كلام كثير موب فيني وطلقني عند ابوي وارسل لي رساله

وبعد اسبوع راح عند خالي وتكلم فيني مدري ليش؟
ورجع بيت اهلي ولوا يد أبوي وتشاد معاه بالكلام

وبعدين ارسل لي رساله عزيزتي مدري كيف تم الطلاق أنا مصدوم !

تقول لي نمت وصحيت !

نعم أنا كنت أشوف الطلاق أبعد ما يكون عني لأني كنت كل شيء يتمناه موب بس زوجي كل رجل احترمته كثير واحترمت أمه وخواته اكراماً له
اهديته هدايا جداً حلوه وغاليه
خواته خمسه وزوجة اخوه كنت اهديهم واحترمهم ووالله اني اهديتهم مجوهرات من امريكا وامه كل الهدايا اجيبها لها من حسابي هدايا روعه واطلع معاها وارفه عنها واناديها عندي واشيل همها

لما طلقني ولدها ارسلت لي رساله كاتبة انصدمت فيك كنت اتمنى انك تحترميني زي ما احترمتك
تخيل اني قرأت رسالتها بعد دوامي وعلى الاكل وما قدرت اكمل وجلست ابكي من القهر واخذوا اهلي الجوال وألغوا رقمي نهائياً

كل مرة يكلموني أهلي بدون ما أتكلم معاهم ويقولون لي أنتي رايتك بيضاء انتي جوهرة رموها واستحقروها


إن شاءالله أكتب قصتي يوم

أنا مصدومه مصدوومه لكن اذا فكرت بعقلانية أحس بأن الله ما رضى أضيع فلوسي وحبي وحياتي عليهم وأخذني من وسطهم مهما قلبتها أحس إنها نعمة

وأدعو الله إني أكره زوجي وأعيش الحياة وأرجع أحسن من أول

رد: للزوجات هل كان الزواج حلم
 

الله شاهدي الوحيد ان زواجي كنت أعتبره ميثاق غليظ كنت أحط الله قدامي ولا عمري عصيت زوجي ولا طلعت بدون أذنه ولا رحت بيت أهلي على كثر ما كنت أبكي إلا إني كنت أعقل منه

كان زوجي عيوني اللي أشوف فيها ما يغريني أي رجال للآسف إلى الآن مدري ليش مع إني انهنت كثير إلا إن قلبي أحسه صغير ويصغر يصغر

رد: للزوجات هل كان الزواج حلم
 

ريما
حاسه فيك
كانك تعيدي قصتي من جديد
فعلا انتي جوهره وربك كاتب لك الاحسن
ابشرك بتنسيه لا تدعي تكرهينه لكن الله بينزع حبه من قلبك ويربط عليك
بكره اجمل