|
رد: غيرة زوجي تكاد تزهق روحي
اقتباس:
طبعا مشكلة سمورة مشكلتين وبنظري منفصلات يعني غيرة زوجها او حب التملك طبعا غير طبيعي ولا مبرر له ومفروض تعمل عل التخلص من هذا الاشكال وتقف وقفة جادة لحن ما نوصلها للطلاق .،تجرب طريقة حكيمة لانه وضع زوجها مع غيرته من اخوتها وشكوكه مش طبيعية وبحاجة لحل . |
رد: غيرة زوجي تكاد تزهق روحي
اقتباس:
OTE=كاتي93;3501117]كله كوم و الاخوان اللي يبررون بالسياقه كوم ثاني ! ترا 4 ساعات مو بعيد كلها من الدمام للرياض مثلا ، وبعدين على كلام سموره انه حتى قبل لاتروح ينكد عليها يعني مو سبب السياقه ابدا ، العذر مهما كان هذولي محارمك واخوانك كيف يدف اخوك يقول لاتسلم عليها ! حاولي تصلحين امور بيتك وتكونين حازمه معه لانه دامكم عيال عم صعب الطلاق ولا له داعي ..[/QUOTE] للحيز ماعرفت السبب .. واذا سألته يقول هو حر وملزوم علي اطيعه .. ان شاء الله اصلح الأمور. . شكرا لك .. |
رد: غيرة زوجي تكاد تزهق روحي
اجل تبين الطلاق علشانه يغار عليك !!
عجبي والله على بعض الحريم وتفكيرهم لو زوجك مايغار عليك جيتي هنا تبكبكين زوجي مايحس ولا يغار شكلو مايحبني خفي على زوجك يابنت الناس لو تعاملك معة يرضيه كان ماحسسك بالغيرة الزايدة لكن واضح عليك تقهرية ومحسته انو اخر اهتمامك |
رد: غيرة زوجي تكاد تزهق روحي
اقتباس:
الله يرضى عليك يابسمه ركزي بموضوعي .. شوفي احنا نطلع سوا انا وزوجي واحيانا تحصل مشاكل بسبب غيرته الزايده من الغريب .. يعني اذا سمعني تكلمت مع بايع يقلب الدنيا علي .. لو بان مني شي لو طرف اصبعي يمنعني من الطلعه فتره .. طلبت منه الطلاق ؟؟ جيتكم هنا قلت لكم ابي اتطلق عطوني حلول او او او ؟؟ طبعا لا .. لان هالشي راجع له .. وانا بطريقتي امتص غضبه بعد اي نوع من المشاكل بعيدا عن " اهلي " بس هاالمره ليه انا ركب راسي الطلاق واستخدمت اسلوب الاستفزاز وجلست عند اهلي مارجعت . ؟ بسبب " غيرته من اخواني " فهمتي ؟ وبرضو عشان مليت وكرهت عيشتي انو كل اسبوع بيصير كذا .. وبرضو عشان اهلي بداو يلاحظوا علي كل ما اجي يكون وجهي متغير واول مادخل عندهم طوااالي لسريري وانام .. وعذري اني تعبانه من الطريق .. وانا اكون تعبانه من البكي انام او اكمل بكا من اللي يسويه كل اسبوع .. تعبت من مشاكله .. مع ان بالايام العاديه يقول لي انتي مو مقصره معي ابدا .. وانا ادري بنفسي اني مو مقصره معه .. والاهتمام زااااايده عن حده له .. بس هاليومين بصراحه انساه شوي شوي مو كثير .. وهاليومين يقول انتي انانيه انتي ماتهتمي فيني وانتي وانتي .. طيب منتا قبل امس تقول اني مو مقصره معك ومهتمه فيك ومدلعتك ؟ تعبت وانا اكتب .. ان شاء الله تكوني فهمتي 😅 |
رد: غيرة زوجي تكاد تزهق روحي
نظامنا عادي مثل اي زوجين .. حياتنا حلوه وطبيعيه طول هالاسبوع .. ماشوف منه نكد الا اذا جبنا طاري اخواني بالغلط .. مع انه يحبهم 😅 .. بس مايبيني احبهم .. دوامه عادي صار اهون من زمان .. يعني من 9 الين 1 ومن 4 الين 9 .. شو بنعمل يعني ياميما 😅 .
انا لفت انتباهي كلامك اللي اعلى👆 من قال لك ان حياة اي زوجين حلوة وطبيعية والزوج ماينشاف منه اي نكد اغلب ايام الاسبوع؟! ايضاً لفت انتباهي قولك في احد الردود انك سلمتي على احد اخوانك بالاحضان وبوسة على الخد! انا ارى ان سلام الاحضان بين المحارم لايجوز .. يعني انتي الان تملكين زوج رائع عيبه الغيرة الزايدة طيب ابتعدي عن مايثيره وتصبح الامور طبيعية لكن انا من رايي انك انتي سبب رئيسي بالمشكلة بتصرفاتك وعدم الابتعاد عن الغلط بنظره حتى لو تشوفين انه الامر عادي.. لو كان زوجك لايغار مما ذكرتيه لكن منكد عليك العيشة هل ترضين؟ |
رد: غيرة زوجي تكاد تزهق روحي
معذرة لكن من قال ان السلام على المحارم لا يجوز
يعني الواحدة لما اخوها يجي من سفر وتكون مشتاقة له او ابوها ما تحضنه وتبوسه غريب لم نسمع بهذا من قبل.!!!!!!! قبل لا نتزوج من كان يغار علينا حتى من هذا زوجنا قبل الدخول اليس اخوانا وابونا كنا كاتبين الكتاب ونكلم خفية لانهم يغارون والان لا نسلم عليهم اذا يغار ايضا انها كانت عايشة معهم قبله وانها كانت معه في نفس البطن |
رد: غيرة زوجي تكاد تزهق روحي
سمورة dgn
حبيبتي بما انك طرحت الموضوع لانك تدورين على حل، فلازم تقرري من خلال آراء الاعضاء اذا سفرك وغيرة زوجك طبيعيين أو لا. وانا يعجبني فيك انك دائما تتقبلين النصيحة وتعملين بها الأغلبية -رجالا ونساء- متفقين أن سفرك لأهلك مبالغ فيه، وانا معهم، يعني سفر اربع ساعات يوديك ويتم راجع ويضل يوم ويرجع مرة ثانية ياخذكم وترجعوا، يعني زوجك عنده يوم الخميس ويوم السبت سياقة ×سياقة. اضافة الى انكم تسافرون مع الصغار واكيد انهم يتعبوكم في الطريق، وزيادة على هذا التعب الي انت المستفيدة الوحيدة منه، زوجك بيضل وحده نهاية الأسبوع، حقه يزعل حبيبتي ولا اتصور فيه رجل يقبل هذا الشيئ حتى لو مرتين بالأسبوع مايقبلون. خلي زيارتك لهم مرة بالشهر، اكثر شي مرتين، معليش سمورة انت هنا غلطانة100%، طبيعي ينكد عليك لانك انت تعطيه احساس انك تفضلين اهلك عليه! وانك تتعبيته بالسياقة 16 ساعة في الويكند لعيون اهلك، معقول مابتزعلي عليه؟ ؟ هو يشوفك كيف تكوني مبسوطة عندهم وتنسينه غصب عنه يزعل يا اختي انت ليش مو حاسة بانه هالشي غلط! والسياقة فعلا متعبة البعض يتصور ان الانسان قاعد مكانه يعني مارتح يتعب، لا التعب بيجي من التركيييييز المستمر والجلوس لساعات متتالية بنفس الوضعية وزد عليها ازعاج الاطفال! انا مستحيل اروح لمكان بعيد 4 ساعات وارجع بنفس اليوم، اذا كان شي ضروري فلازم على الاقل ابات هناك وارجع اليوم الي بعده لان 8 ساعات والله تقهر وغيرته من اخوانك انت سبب كبير فيها، بعض الرجال يغارون حتى من اطفالهم لما يشوف زوجته تهمشه مرات عشان الصغير، ماله داعي تبيني انبساطك معاهم وتحكيله شو بتسوون، اما غيرته من سلامك عليهم فبالنسبة لي غير مقبول، بس لازم تفرقي في موضوعك بين هذي الغيرة "الشاذة"، وبين غيرته من اهلك ككل وظلمك له بسفرك لهم. |
رد: غيرة زوجي تكاد تزهق روحي
اقتباس:
اللي اقصده ان تضمه على صدرها فهذا حرام نعم حرام اليس صدر المرأة من مفاتنها؟! انا لست مفتي ولكن هذا من فعل الزوج مع زوجته فقط او المرأة مع المرأة..السلام الحلال هو المتعارف عليه الخد على الخد |
رد: غيرة زوجي تكاد تزهق روحي
اقتباس:
الا وهي جزئية طريقة تفكيرك طريقة تفكيرك على عيننا وراسنا وانتي ماشاء الله سيّدة عاقلة وغنية 💰 الله يبارك لك طريقة تفكيرك لازم تفهمينها انتي قبلنا نحن - على اي اساس قائمة - ماهي مراجعك - ماهي خبرتك - على ماذا تقيسين - مدى هيمنة العاطفة عليها - هل بتعدلينها بين فترة وفترة وهكذا فعندك مثلاً لما قلتي انك مبسوطة مع اخوانك من اجل ان يتعوّد على الوضع على اي اساس حسبتي انه بتكرار الخطأ (من وجهة نظر زوجك) والمجاهرة به (اخبارك له) بأنه سيجعله يتقبل الوضع! هل قستيه على نفسك؟ اسأل من جد والله يعني هل انتي من النوع اذا فيه شي يزعلك من زوجك وهو مايشوف هذا الشي يزعل وقام بتكرار هذا الفعل وارسال الرسائل انه بيفعله الان، هل سيجعلك ذلك تتقبلين هذا الأمر وماتزعلين منه بعد ذلك؟ هذا واحد (اللي هو طريقة تفكيرك انتي ياسمورة) اثنين: ماهي طريقة تفكيره هو: - كذكر - كفلان من الجنسية الفلانية (المجتمع) - كفرد من القبيلة الفلانية (العادات) - كابن من الام والاب الفلانيين (نشأته وتكون العقد النفسية) - كقريب لي (عنده تصوّر مسبق عني (سواء صحيح او خاطئ)) - كرجل يبلغ من العمر العدد العلاني من السنوات - وضعه المادي والاجتماعي والصحي الان ثلاثة: كيف اوصل له المعلومة التي اراها (أ) وهو يراها (ج) ؟ اعتقد بفهمك للثلاثة النقاط السابقه سوف يتحسن وضعك بشكل كبير وجوهري بمشيئة الله تعالى 1- معرفة وفهم كيف افكر انا كسمورة 2- معرفة زوجي كيف يفكّر 3- معرفة كيف اوصل له المعلومة (مثل فكرة توحيد المقامات في جمع الكسور، فماينفع ابداً انك تجمعي 1/5 مع 1/9 وكأنها ارقام صحيحة عادية، لابد من تحويلها (واحد منهما او كلاهما) لصورة متكافئة) والله الموفق |
رد: غيرة زوجي تكاد تزهق روحي
اقتباس:
لانه لم يخطر في بالي يوما انه الواحدة قد تفتن احدا منهم لان مجرد التفكير في الامر يجيب الاشمئزاز للطرفين وهذا على حسب علمي والله اعلم |
| الساعة الآن 02:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©