|
رد: الزواج من الصغيره
بعد ما ترجع من السفر روح شوفها نظرة شرعيه
ممكن تغير رايك اذا عرفتها واذا عجبتك طول فتره الخطبة شوي حتى تتاكد من قرارك |
رد: الزواج من الصغيره
إجلس مع بنت أختك و شوفها هل هي خبرت هذي البنت بكل ظروفك ؟؟
و إذا كانت تعرف كل ظروفك و تريدك ساعتها من وجهة نظري أطلب نظرة شرعية لأن ممكن تكون هذي البنت اللي تناسبك و ممكن تكون هي الزوجة اللي راح تسعدك لا تضيع اللي يتمناك بسهوله و خاصة و ضعك صعب تحصل و حدة بهذي المواصفات و طالبتك بهذه القوة بس نقطة العمر لازم تحلها عشان ما يقولون فلان ضحك على بنتنا وفقك الله |
رد: الزواج من الصغيره
الله يوفقك ..ويوفقها ..ياربّ
لكن صراحة اصرارها وسرعة موافقة أهلها عجيب .. بنت صغيرة توها بالجامعة .. بالعادة الأهل يتحرون ويسألون ويترددون ويستشيرون حتى لو من قرايبهم خصوصا إذا كان مطلق.. ليه كل هالإنجذاب والوعود لك وهي ماشافت إلا صورتك ! أخشى أن تكون هذه اندفاعية الصغيرات والله أعلم.. |
رد: الزواج من الصغيره
اقتباس:
يمكن اخ وحيد وسيم عشان كذا هي مصره ووافقت بدون تردد او تفكير وازعجت اهلها وابوها عادي وافق عشان يعرف اخلاقه بس مافكر اذا بعدين هي بتنسجم معه اولا ومثل ماقلت انا اغلب البنات بهالعمر يركزون ع الشكل ومايفكرون بالاشياء الثانيه يعني مثلا اذكر صديقه اختي كانت بعمر 20 تحب جارهم لانه عاجبها شكله وتتمنى تتزوجه وكانت تحاول بهالشي مع انه كان كبير ومتزوج ثنتين 😂😂😂😂💔 |
رد: الزواج من الصغيره
اقتباس:
بس هو يقول أنه أبوه طلع يعرف أبوي .. معقولة!! وش معجلكم كذا .. وبنتكم صغيرة .. وماتنتفوت على كلام بنت أخته.. وش حادكم ماتزوجونها شاب بعمرها وأول فرحته .. أنا أشوف أهلي وقرايبي دقيقين جدا في تزويج بناتهم لأنها حياة وعمر مو يوم ولايومين .. وعموما الله يسعد الوحيد ويسعدها ويكتب لهم الخير |
رد: الزواج من الصغيره
اولا ٢٣ماتعتبر صغير غير ناضجة بالعكس
ثانيا بموضوع الوحيد بالذات فيه اصرار عجيب انه حالته عويصة وصعبة ولازم مواصفات بالملي انا مع ان ربما الكبيرة افضل لعياله بس برضو مو اكيد.. انا من رأيي تستخير اولادك كبروا فموضوع رعايتهم الان اسهل لأنهم عيال فراح يكونون بصحبتك بشكل اكثر.. الشيء الثاني من حقك تفرح وتعوض ايامك الصعبة..مو لأن معك اولاد تحكم على نفسك انك ماتستحق.. فيه حالات بينهم فارق وسعيدين.. وانت انسان مسؤول ومعطاء ماراح تقصر وهي عندها كامل الاستعداد برضو تعطيك ولاتقولون اندفاع.. الزوجة اذا شافت لعطائها صدى تبذل أكثر استخير قبل وطول الخطبة كم شهر تتأكد من جديتها وربي يكتب الخير لكما جميعا |
رد: الزواج من الصغيره
يمكن تشوف ماهي مناسبه .. ويمكن هي من نصيبك ماتدري. رغمها صغيره أهم شي تفكيرها وعقلها تستطيع بعد شوفه. ان اراد الله. يكون فتره الملكه فتره اطول لتفهم شخصيتها ومن البدايه تعرف كل ظروفك وتكون صريح معها وواضح وهي كذالك اهم شي (التوافق الفكري) اخي الوحيد. قلبك. يريد. بس انت تكابر مجرد احساس 😁 |
رد: الزواج من الصغيره
شي لايصدق ، ماأقول الا لعل الله ساق لك الخير لانك تستحقه وهذه طعمه لك من الله ، الله يكتب لك الخير والتوفيق ...
|
رد: الزواج من الصغيره
لا أنصحك
بالتوفيق |
رد: الزواج من الصغيره
للتوضيح عن السؤال ليش وافق ابوها بسرعه وبدون مايسأل
معكم حق ولكن انا من عائله معروفه وابوي الله يرحمه شيخ فخذنا ومجرد ماينذكر اسم عائلتنا معروفين مايحتاج سؤال وسمعتنا ولله الحمد ذهب اما عن ليش متردد للاسباب اللي ذكرتها باول الموضوع وزاد عليها بع الحاجات اللي استجدت مثل كذبها على اهلها بعمري وانا مااقدر اجاريها بكذبها عشان مايجون مثل ماتفضل اخي محب السنه ويقولون فلان كذب علينا او ضحك علينا ثانياً انهم من طبقه مادياً اعلى مني فـ مااقدر اجاريهم ثالثاً انا اخشى ان اللي تحس فيه مجرد اندفاع للشكل فقط وبعد العشره وبعد ماتعيش الواقع وتشوف انها ماهي حره في بيتها لابلبس ولا بطلعه وكل شي محسوب عليها لان يشاركها في البيت اطفال يفهمون ولازم تكون محتشمه طول الوقت .. يتغير حماسها وهذا المتوقع يمكن اكون متشائم ولكن تفكيري يوديني لهالنتيجه كل مافكرت بهالموضوع وبصراحه صرت اخاف من الفشل وادقق على كل شي |
| الساعة الآن 02:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©