|
رد: كشفت وجهي بفرنسا وزوجي زعل
اقتباس:
لا تتوقّعي ولا شيء,,, لأنّك راح تشغلي بالك بالغيب وتمرض نفسيتك عيشي مع أطفالك ولا تلتفتي لما يقول اللي مثل زوجك كلامه مهين, يستحسن التطنيش معه إلى أن يهدأ وزين فعلت بأنّك لم تردّي عليه, لأنّ بردّك راح يتمادى ويواصل في التجريح لكن هل من عادته يرجع لك بعد نوبات غضبه؟ هل يبدي ندما أو على الأقلّ يبادر؟ هل أهلك يدرون بتصرّفاته معك؟ |
رد: كشفت وجهي بفرنسا وزوجي زعل
حاس بقهر زوجك ... لكن انشالله يهدأ وتعدي علي خير والله يسهل اموركم يارب
|
رد: كشفت وجهي بفرنسا وزوجي زعل
اللي فهمته انك اعتذرتي
وعاتبتيه قام هو تطاول عليك اكثر خلاص اتركيه الكره بملعبه تعاملي معه طبيعي ومسيره يندم على اندفاعه وكلامه ...... ماراح اناقش تصرفك سواء غلط او صح خلاص صار اللي صار ولو كلمك فيه قولي كلمتين: انا اعتذرت بس! يعني ماله حجه عليك يطلقك/ يتزوج عليك/ خرابيط كلهم يقولون كذا وقت الغضب خرابيط لاتهز منك شعره روقي واستهدي بالله ايام فضيله والعيد قرب هو المفروض اللي متعكنن الحين لانه نكد على نفسه وبيته خلاص هو يحلها بطريقته |
رد: كشفت وجهي بفرنسا وزوجي زعل
تركتك لله
أنا ما اعتذرت وللأن الاعتذار مو ف بالي لأن غلط علي جدا جدا و زين مني ملتزمة الصمت وقايمة بواجباته اذا هو مقهور وانا غلطانة فهو أخذ حقه مني بلسانه حتى طلب حقه الشرعي والله العظيم كل كلمة قالها تنعاد وزي الشريط اسمعه بإذني كنت شوي و أقوله كيف لك نفس مو انا اللي ما تسوى جزمتك؟ مو انا قليلة الأصل والتربية ؟ مو انا اللي المفروض تشوتها بطول رجلك جد جد الشغلة ثقيلة ع نفسي لدرجة سرت استغفر بصوت عالي عشان اهدأ لكن بلعت موس وسكت ! دعواتكم تجيني وظيفة ساعتها بطلبه جديا يبعد عني ويعفيني من حقوقه مدري ليه تذكرت موضوع ساري الليل وكيف طليقته رفضت اعتذاره بسبب كلامه الجارح نفس الشيء جالس ينعاد معاي |
رد: كشفت وجهي بفرنسا وزوجي زعل
اقتباس:
يندم لا شايف انه هذا اللي استحقه لو ارجع افتح الموضوع معاه بسمع نفس الألفاظ ويمكن أخس .. وساعات يشوف المفروض أتحمل وما أنطق حرف اذا معصب ايوه يدرون لكن ما قلت لهم أنه يسبهم |
رد: كشفت وجهي بفرنسا وزوجي زعل
اقتباس:
لو من البدايه تفهمتي غضبه بدون تبريرات وشرح قلتي اسفه ماقصدت اضايقك كان ما تمادى زوجك وفجر بالخصومة وكان الزمتيه يلزم حده معك وكان راضاك من ثاني يوم ترى كلمه اعذرني اسفه ماتعني رضاك تقدري تقوليها وتكملي زعل تعلمي هالتكنيك لانه بيريحك وبيتعب زوجك وترى الاسف مايقوله الا الراقيين شوفي الاجانب على كل طالعه ونازله قالوا سوري/ سوري الخ ترى سلوك راااااقي بس مجتمعاتنا العربيه تفكره ذل وكأن المكابره هي الشجاعة والصدق احنا مو بمعركة احيانا نرخي حتى يرخي الطرف الثاني لكنك تمسكتي بنقطه ان الحق معك ودخلتي معه بصراع ماله داعي عموما مافاتك شي تقدري تقولي له انا اعتذر عن تصرفي اللي ضايقك تأكد ماقصدت ازعلك والله اما اخطاءك بحقي فراجع فيها نفسك وبس اسكتي واتركيه بتلاقينه جاي هو بعد يعتذر وعيدك مبارك |
رد: كشفت وجهي بفرنسا وزوجي زعل
عزيزتي براءة ربي يبدل حالك الى افضل حال
لو مكانك كنت بعتذر عالكشف وببرر انو صار من الخوف وهالشي مش بارادتك وانو كمان مانك مبسوطة لانو اضطريت انك تكشفي واعطيه فتوى انو الكشف من دون تبرج ما فيها معصية لله وخاصة بحالتك انك كنت خايفة ومن بعدها قوليلو بس كلامك كان كبير كتير واقوى واصعب من الكشف ومن بعدها التزمي الصمت وشو ما حكى ما تردي ولا تكبري المشكلة خليه عندها يراجع نفسه انك انت كمان زعلانة من كلامه دعواتي ترافقك 🌷🌷🌷 |
رد: كشفت وجهي بفرنسا وزوجي زعل
بصراحه بدون زعل انتي الغلطانه
يعني انتي عارفه ان زوجك موب راضي انك تكشفين وفي بعض الرجاال مايرضى لو ع قص رقبته ويعتبر هالشي جريمه وينجن كان من البدايه وقبل السفر تناقشتو في هالموضوع انتي كذا كانك بينتي له انا بتحداك بمشي اللي براسي فهمها هو كذا اكيد وكل رجل ماراح يرضى طبعا ولا راح يسكت عموما اللي حصل حصل خلاص مانقدر نرجع الايام لورى لكن اعتذري منه وعاتبيه بنفس الوقت ع كلامه الجارح لك بس واضح ان زوجك يحبك ويغار عليك ولك معزه بقلبه عشان كذا زعل وكبر الموضوع فأنتي اعتذري ما اشوف انه شي عيب ولا تقولين كرامتي وما كرامتي مافيه شي اسمه كرامه بين الزوج وزوجته فالأسف والاعتذار بالعكس كذا تهدين النفوس وتزين امورك ولا تخسرين بيتك وزوجك واطفالك الله يصلح حالكم ويسخركم لبعض |
رد: كشفت وجهي بفرنسا وزوجي زعل
اقتباس:
تركتك انا للآن ما اشوف نفسي غلطانة تركتك افهميني كيف اعتذر عشان سويت شيء يحسسني بالأمان ! محد بيحس بالرعب والإحراج إلا اللي عايش نفس حالتي قبل أسبوع رحت العب بنتي وفيه طفل صغير جلس يبكي مفجوع اضطريت أنزل لثمتي عشان يهدأ الطفل ! و يدي ع قلبي زوجي ما ينتبه لي ! إذا خرجت امشي والله اشوف الرعب بعيون اللي اصادفهم ف اضطر اشيله خاصة إذا كانو حريم ووحدة قالتلي خوفتيني! هذا غير الصغار اللي ينادوني ننجا! طبعا اشيله من ورى زوجي ويعز علي وصلت لذي المرحلة لكن هو اللي اضطرني! |
رد: كشفت وجهي بفرنسا وزوجي زعل
براءه انتي مقتنعه بالنقاب او لا
|
| الساعة الآن 11:58 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©