|
سميدعة تجربتك غريبة وقعدت اضحك يوم قريتها <==رايق :)
خاصة يوم قلتي كانكي خسرانة في تجارة :) |
يحرر من التثبيت
|
بسم الله
ماشاء الله تجارب فيها خبرات ثم نصائح تدعو للأمل وتزرع الثقة جزاكم الله خيرا |
سميدعة]تجربتي اللي سحبتها .. قررت إني أحطها للفائدة أخواتي المتزوجات و اللي على وش الزواج ....
و كانت أفشل تجربة في حياااااتي ... عنوانها (قمت أتكلم مثل الأخت هالة نور هههه) : لا ترفعي صوتك على زوجك و تكوني حمقة .. أبداً ........ مرة من المرات كنت أكوي عباتي و كانت جديدة .. و أنا أكويها حرقتها بالمكواة ... فانقهرت و كنت أبي أبكي من كل قلبي .. لأني كنت أعرف ضروف زوجي إنه ما كان عنده ذيك الأيام فلوس عشان أشتري عباية جديدة ... \ فلما كان جاي البيت ياخذني عشان نتغدى في بيت أهله .. شافني مكشررررة و معصبة ... و لما سألني ما جاوبته .. و ظليت مكشرة ... لأني ما بغيت أخبره بموضوع حرق العباية ... و مسيكن ظل يحاول يكلمني و يخفف عني ( و هوماكان عارف ايش فيني ) .. بس أنا كنت هيك .. ما أتكلم (كأنه هو اللي حرق العباية) ... و قبل لا نطلع من بيت أبوي قال لي عدلي وجهك لا يشوفنا أحد و يحسبنا متخاصمين أوشي ... و أنا يا جبل ما يهزك ريح أبد .. مكشرة الوجه كأني خسرانة في تجارة ... و احنا على هالحالة دخل أبوي .. و شافني مكشرة .. فسأل زوجي .. وش مسوي في بنتي ؟؟ فقلت له : ما مسوي شي .. لا تخاف .. و لما راح أبوي .. عصب زوجي كثيرررر و خلاني في بيت أبوي و راح عني بيت اهله .. (كنا مخطوبين طبعاً عشان كذا انا كنت في بيت أبوي) ... المهم .. أنا توقعت إنه راح يرجع لي (احسب رووحي أميرة ) .. لكنه ما رجع .. و جلست أبكي وأبكي و أبكي .. بعدين ركبت سيارتي و قررت أروح بيت أهله عشان ما يحسون إن بيننا شي لما يشوفونه بروحه ...\ .ركبت السيارة ..و اتصلت فيه و لما رد علي .... رفعت صوتي علييييييه بقوووة و قلت له إنحك أهنتني و ذليتني و أنا ما راح أسامحك لما رحت عني و خليتني بروحي .... و من هالكلام الأحمق اللي أنا ندمانة عليه ... و هو كان يحاول يهديني خصوصاً إني كنت أسوق السيارة و أسرع فيها كنت أسوق تقريباً بسرعة 140 بدون ما أحس ... و أنا مو راضية أهدئ .. و كا يقول لي : ارجعي البيت أحسن لك ... أنا باروح لك .. بس لا تسوقين بسرعة لا تسوين حادث .. و أنا كنت أبكي وأبكي كأني مجنونة .. أصابتني هيستيريا تلك اللحظة ... و لما انفجر زوجي علي.. قال لي كلام عمري ما سمعته من قبل ... جلس يلعن الساعة اللي خلته ينذل و ينرفع الصوت عليه .. و حس إنه إنسان غير محترم ... و صك التلفون في وجهي .. و أغلقه تماماً .. و كل ما أتصل فيه ما يرد أو مغلق... لين ما جنييييت و جلست أبكي وأبكي في الشارع ... كأني مجنونة .. الله ستر ما سويت حادث ... وبعدين ظل فترة يمكن 4 ساعات لا يكلمني ولا يرد على مكالماتي .. و بعد فترة فتح تلفونه و ترجيته يسامحني على حماقتي و غبائي ... و هو كان منصدم و مستغرب ليش أنا تصرفت معاه كل هالتصرفات و هو كان مسكين جاي و تعبان و يبي ياخذني بيته عشان يرتاح بقعدته معاي .. و جيت أنا و طينتها .. و لما قلت السبب .. استغرب كثييير و ما صدق إن السبب حرق العباية بس !!!!! أنا أعترف إني كنت غير قادرة على التصرف .. و كنت غير مسؤولة ... و ما احترمت زوجي اللي يحبني و مستحملني لما صرخت عليه و رفعت صوتي ... و استفدت من هالتجربة إني ما ارفع صوتي على حبيبي أبدا .. لانه خلوق و عمره ما رفع صوته علي و يحترمني على طول ... المهم .. قبل لا أختم القصة ... زوجي عمل موقف معاي أحرجني فييييه مررررة ... لأنه يوم ثاني من السالفة اتصل فيني و قال لي تجهزي بنروح مكان ... و أخذني لمحل عبايات فخم .. و أشترى لي أغلى عباية .... لا... و معاها ملافع من مختلف التشاكيل .. و عشاني في مطعم بعد .... و قال لي لسان حاله ..... عشان تعرفين شلون بتصرف لو احتجتي شي و توقعتي إني ما أقدر أجيبه .... لأني باجيييبه ... حبيبي والله ... فديت عمره والله ... و شكراً .. سميدعة ..د[/QUOيTE] أختي سميدعه
|
| الساعة الآن 01:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
