|
اشكركم على الردود
|
اختي انصحك اذا لم يكن بينكم اطفال فالفراق افضل حل فالواضح انه مريض نفسيا والعيش معه صعب او تذهبين الى أهللك
وصدقيني اهلك ما راح يسخرون منك بلعكس روحي لهم واشرحيلهم المشاكل بينك وبين زوجك والاهل سوف يقفون معاك |
الله يعينك يا عشق
انتى حالتج مثل حالت اختى بس اهيا متزوجه بدون قصه حب زوجها يطقها من اول زواجها ولمه احملت ويطقها نفس الطريقه بالواير مال التلفزيون ولا يكسر عليها العصايه والله واهيا حامل طاقها بوكس على عينها و رافسها من السياره وبعدين لمه يخلص يهدها وبعدين يردلها يبجى ويقولها سامحينى كنت معصب واهيا تسامحه اهيا صارلها سنتين على هالحاله وللحين ماتغير واهيا للحين صابره وتقول يمكن الله يهديه ويتغير فالله يعينكم اللى يشوف مصيبه غيره تهون عليه مصيبته واختى يشك فيها ويحطلها تسجيل بالتلفون وكامرات بالشقه ومايخليها تطلع يعنى بالسنه حسنه انشوفها الله كريم |
مرحباااااا
السلام عليكم ورحمه اله وبركاته,, اختي العزيزة عشق ،،، تفاعلت مع قصتك كثير ،،، اختي اكيد وقت فكرتي تتزوجيه كنتِ ومازلتِ تحبينه وهو لما تقدم لك وحارب أهله علشانك شيء اكيد يعزك اذا السؤال ليش يضربك؟؟؟ مهما كان الجواب ياأختي انا ماانصحك بالطلاق ليش؟ 1-لأنك بالأول تحبينه ومتأكده يحبك .والدليل انه يعتذر ويبكي لتسامحينه . 2-مو كل مشكلة ياأختي بالبيت نفكر بالطلاق كوسيله حل وحيده ونتجاهل الحلول الاخرى ليش تعتقدي انه كل المتزوجين يعيشون بسعاده؟ طبعاً أكيد لا.. وخاصه بالسنوات الاولى . 3-هل تعتقدين انك لما تتطلقين راح تتزوجي بسرعه ؟؟؟ ياأختي البيوت مليانه بنات ما أبي احطمك وبالمقابل ماابي اغريك بشيء مستحيل .واخليك تتركي بيتك وزوجك مثل ماقالوا الاعضاء هداهم الله. انزين اختي اتمنى تتقبلي حلولي البسيطة لأني ابي لك الخيرويا أختي انتي ضحيتي بحياتك واهلك علشانه مايستحق تحاولين تغيرينه؟؟ بعدين فكري في عيوبه وحسناته عدديها في ورقه وشوفي يستحق المحاولة ولا لأ ..،،، 1-ممكن تكلمينه وتصارحينه بالموضوع وطبعا تناقشينه بهدوووووووؤء وبدون عصبيه وتحاولين تفهمين منه ايش السبب في الضرب وتحاولين تستخدمين اسلوب مرح ومحب بالحديث علشان ماتتوتر اعصابه مثلاً (مالقيت الا الضرب وسيله لتربيني فيها !!لا..وبعد بحزام ؟؟)يمكن الاسلوب الناعم والرقيق ينفع معه . (وربي تجرحني كثيييييير ساعه تضربني مو جسمي ؟؟؟لالالالالالا يحز بنفسي اعز دنيتي يهيني) . (يعني لما تضربني افكر انا وين اروح وكل روحي لك اذا تعبان وضربي يريحك انا كلي فدا لك). انزين هذي بعض الكلمات الي ممكن تستخدمينها لتأثري فيه ..وممكن تزيدي عليها وانتي وشطارتك .. اختي ...بيتك تقدرين تحيينه ...وتقدرين تهدمينه... !!بكلمه!!... 2-اذا مانفع الحل الأول تقدرين تشكين لأمه او لأبوه عن المشكله وهم اكيد راح يساعدونك. 3-الاحترام مهم بينكم أختي هو مو حاس انه لك ظهر تستندين عليه علشان كذا ماخذ راحته فلازم وضروري يعرف انه اقل شيء ممكن يهينك انه في كبير لك يتصرف معه . 4-أختي الاهل مهما زعلو ومهما قسو معك اعرفي انهم مايرضون لك بالمهانه يمكن صعب تقولين لأمك لأنها راح تشيل عليه حتى بعد ماتتصالحون بس انصحك تكلمين واحد من اخوانك او خوالك بحيث مايطلع الموضوع . هذي بعض ماعندي لك اتمنى تساعدك وترجع السعاده لبيتك يااااااااااااااااااااارب. |
الله يفك ضيقك بس والله ذكرتيني بقصه مره واحد عندنا اتزوج وكان عصبي كل يوم يضرب زوجته يابت ولد لكن مافيه امل ولهله متضايقين من الموضوع وايد لانها بنت ناس وهم خطبوا المهم قررت الزوجه انها تسكن مع اهلها وفي مره ضربها وهي اف بيت اهلها فدخل اخوها وشافها تصيح سألها قالت ضربني تعرفون شو استوى ضربه وضربه ولا ودخل اخوها الثاني ويوم عرف السالفه اتساعد مع اخوه وضربوه ضرب لين خلوه يسير بيت اهله مب قادر يمشي حتى امه اللي حكت القصه وقالت رغم اني كنت ميته عليه من الالم والحرقه بس يستاهل ربوه واليوم ماتتخيلون الريال مافيه احسن منه مع زوجته ولا وازيدكم من الشعر بيت بنا له ملحق في بيت اهل زوجته ومستريحه وايد وياه ليش لان هذا الزوج في بيت اهله مالقى حد يرده لكن يزم علموه ان بنات الناس مب لعبه اتادب وانا قصدي من القصه انك ماتطلقين بس اذا خلصت الحلول معهاه سيري عتد اهلك وصدقيني عشانه متعود يضربك فبيضربك وانت عندهم وان شاء الله اخوانك مابيقصرون لانه يستاهل .
بس والله لو كنت مكانك .............................اعوذ بالله من الشيطان الرجيم خليني ساكته مع تحياتي المرررررررررررررررحه |
لا للطلاق السريع
الضرب اختي اهون بكثير من الخيانه وغيرها انظري لمشاكل غيرك واحمدي الله واطلبي منه الهدايه لزوجك . |
| الساعة الآن 08:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©