بس للصبر حدود ..

هذه أول مشاركاتي .. يعني أختكم عضوة جديدة ..

للصبر حدود .. أنا معاكم الوحدة لازم تصبر .. بس والله مو ضروري يجيب نتيجة ..

هو موظف وأنا موظفة .. بس دايم أنا اللي أواسي .. وأبين له حناني واهتمامي

أما هو ما أدري ليه يستصعبها ..

والله اني دايم جالسة لوحدي .. وهو يا عالانترنت أو نايم .. أو عند أهله .. ما أقول انه مو كويس

بس تصدر منه أشياء تقتلني بالصميم .. ألفاظ أكرهها .. ما أتحمل صوته العالي ..

وأتغاضى وأسكت وأترك المكان لأن لو رديت عليه أعرف ان الامور راح تتطور .. وأقول بيحس بغلطته وبيعتدل .. لكن أبدا

والله اني قاعدة أعاني ودايم أبكي هاليومين .. كل رافع صوته ومعصب .. ولما أقوله بهدوء .. انه اللي يسويه مايصير .. يهيج علي ويتلفظ عي بألفاظ يعرف اني ما أتحمل أسمعها

وربي حاسة إني بختنق ..

المشكلة بعد كل اللي يسويه .. يتوقع اني أعامله طبيعي جدا .. هذا صعب علي .. فوق طاقتي .. والله اني أبكي وأنا أكتب هالرد

ليه صعبة عالرجال يقول لزوجته حقك علي .. ليه صعبة الكلمة الحلوة تطلع من لسانه .. ويستسهل الكلمة الشينة ..

عمري 26 سنة وصار لي 5 سنوات متزوجة وعندي بنت .. كلمة أحبك سمعتها منه من 4 سوات ونصف يمكن .. مع انه يعرف ان بهالكلمة يقدر يأسرني ويخليني الأسعد

بس كبرياءه ما يسمح له ويعتبر هالأشياء هذه خرابيط .. إذا هذا حاله وهو عمره 30 سنة .. ايش راح يكون حاله بعد 20 سنة

اسفة لو طولت عليكم بس الدنيا ضايقة فيني وحبيت أفضفض

تسلمين الغاليه على نصايحج الحلوه

مشكووورة حبيبتي على النصيحة الحلووووة :22:

أرق التحايا .