|
أنا خطبني واحد تظهر عليه علامات التدين و لكن .........................؟؟؟
خلال فترة الخطبة أكتشف أنه طمعان فيني و كل هدفه من الزواج رصيدي بالبنك و شو أملك سواءا من عقارات أو حتى مجوهرات أو غيره..................... و للأسف الشديد أنه ما يستحي و يقول لي بالفم المليان المرأه تنكح للمالها....................حسسني أنه ما يبغي شئ غير المال..........؟؟؟ و على فكره طلب مني مبلغ مالي كبير نسبيا خلال فتره الخطبة.................. وطبعا رفضت بصرااااااااااااااااااحه أحمد الله انه الموضوع تفركش و أني لم أرتبط برجل من هالنوع |
طيب زين الحمدلله انه الموضوع تفركش انتي ليش مضايقه الحين ..؟!....... الله يعوضك ان شاءلله
|
مراحب للجميع
اوجه تحياتي للجميع واشكرك دودي على الموضوع يعطيك العافيه فبالنسبه لي لايختلف وضعي عن البقيه فأنا لم يطرق احد الباب الى الان مع اني وصلت عمر 22 سنه بقى لي سنه واتخرج من الجامعه لكن المشكله ان صديقاتي ومن حولي في نفس سني تزوجوا او على وجه زواج احيانا افكر في نفسي وماشوف اي عيب موجود الحمدلله على كل شي وهذي المساله نصيب اكيد لكن انا الي محيرني مافي اي شخص فكر يتقدم لي مع ان لنا علاقات بالناس والناس تمدح فينا بس مافي امل ومن هالوضع اشعر بملل وخاصه افكر اني بقى لي سنه واتخرج كيف راح اعيش وضعي بعد مانتهي من الدراسه اي راح يشغلني دعواتكم جميعا ويااااااااااارب التوفيق لي ولكم آمين |
البنت بأول شبابها تدلع وترفض تتوقع انه راح يجيها واحد احسن من اللى خطبها يعني هذا السبب يكون بس
او باسباب تافهه ثانيه بعدين تطلع عليها سمعه انها ترفض وطبعا محد راح يتقدم ..........او قليل .............. بعدين عدم الاختلاط بالناس كل وحده قاعده بالبيت لاتروح لاعزائم ولا اعراس ومحديشوفها كيف بتنخطب ولاتنسون دورالخطابات مفروض كل وحده تكلم خطابه او حرمه اجتماعيه جدا وتقولها تشهر يعني عشان اشباب يعرفون ويجون يخطبونها ......... وانا عندي طريقه احسن المفروض اخو البنت او ابوها يكلم احد من الرجال الاجتماعيين المعروفيييييين بلدين والحكمه ويقوله انه عندي بنت ومواصفاتها لانه هو رجال ويعرف الشباب من العزاب وغيره اللى يدورون والله انها طريقه فعاله انا بنات خالاتي تزوجو بهالطريقه .... لو كل والد كلم رجل يخطب لبناته مابيصير معنسات اصلا لكن الحياء والشروط البايخه وتعليق المواضيع على اشياء يعني تافهه هو اللى البنات من الزواج تقعد بلبيت ومحد يعرفها ولاداري عنها وتقولون عنوسه اكيد بيكون عنوسه |
[line]
بعدين عدم الاختلاط بالناس كل وحده قاعده بالبيت لاتروح لاعزائم ولا اعراس ومحديشوفها كيف بتنخطب [line] يااااااااربيييييييييه .. ارحمنا ياالهي .. ردينا على سالفه الأختلاط والأعراس وكيف بنتخطب ؟؟ لاحول ولاقوه الا بالله .. [line] ولاتنسون دورالخطابات مفروض كل وحده تكلم خطابه او حرمه اجتماعيه جدا وتقولها تشهر يعني عشان اشباب يعرفون ويجون يخطبونها ......... [line] هذي ممكن .. لكن يمكن لو عرف الشاب ان البنت عارفينها من خاطبه يلغي الموضوع من راسه من غير تفكير او وجع راس .. جايه عن طريق خاطبه اكيد فيها عيب صح ؟؟؟ هذا رأي الكثير ن البنا ت فكيف بالشاب .. وسبق طرح موضوع الخاطبه هنا والأغلب رفضوه ... [line] وانا عندي طريقه احسن المفروض اخو البنت او ابوها يكلم احد من الرجال الاجتماعيين المعروفيييييين بلدين والحكمه [line] عيني بعينك توافق لو جاء رجل خطبك لبنته او اخ خطبك لأخته ؟؟؟ تقريبا مستحييييل في الوقت هذا ...علشان كذا تلقى الأباء والأخوان متخوفين من الطريقه هذي وعارفين انه مالها نفع او جدوى ... وعن تجربه .... اثنين من قرايبي عرض لهم بنات للزوج من قبل اولياء امورهن ورفضوا ... وايضا الموضوع هذا طرح في منتديات كثير .. وكثير من الشباب يرفضونه ... آآسفه اختي دودي الحلوه على تدخلي في الرد ... |
في البداية السلام عليكم وطبعا هذا الموضوع كثير شائك ومتشعب والمجتمع ما بيخلص منها اول شي طبعا النصيب والقضاء والقدر والاشياء الثانية هي بحكم القدر ياخواتي وثاني شي ان شبابنا من كثر ما يشوفون الفضائيات صار فكرهم في بنات الغرب ونسى انه من مجتمع له عاداته وتقاليده ويركض ورا الجسد الفاني ونسى الادب والخلق والحشمة والحياة وصار يتعلث بغلاء المهور وقلة الراتب واشياء وهمية ما لها اساس من الصحة والى كل اب يفكر في بنته وكل اخ يفكر في اخته كيف هذي الانسانه ينستر عليها لا بد منه يفكر في بنات الناس ايضا وللاسف الشديد ان الشباب والاغلبية منهم يستغلون البنت بحجة الزواج واخر شي يتركها بحجة انها طلعت معاه او كلمته في التليفون تراه سوت جذي عشانها تحبك وتبا الارتباط فيك كزوج ولا كيف بتتزوج فيا شباب خافو الله في الولايا ؟؟؟؟؟
|
اقتباس:
يطق الباب يتقدم لها اما غير شذيه = غير كذا ترفض والشاب مايأمن البنت ابدا ابدا الي تدقها صداقه قبل الزواج = ترتبط معه بصداقه او علاقه مهما كان يرفض ذلك هو رجل شرقي ويشك فيها فيما بعد :( قرأت معاناه شاب بيتم زواج بعد فتره يقول نفسيا تعبان عشانها كانت تكلمني واهلها مايدرون وش اسوي الحين اخاف تخونني بعدين طبعا في منتدى آخر مو هنا المهم ان الرجل الشرفي مهما تظاهر للبنت مايرضى بعلاقه قبل الزواج إلخ وجع يلعب بمشاعر البنت ويحاول معها تتكلم معه واذا استجابت قال خاينه إلخ http://www.66n.com/forums/images/icons/cry3.gif http://www.66n.com/forums/images/icons/mama.gif <<<<<<<< هذا الشاب تلقينه خايف من البنت ويقول تورطت بها وتبي زواج :14: وهو ماقصده زواج فهمتيني :11: |
اقتباس:
الاخت التي ترى شخصا نائما قربها على الارجح تعاني من مس عاشق لها وقد يكون هو من يفسد امر زواجها من بعد امر الله تعالى وقد يكون هو من يجعلهم بصورة قبيحة جدا فلا تستغربي اختي من ردة فعلهم على مايبدو تحتاجين لرقية شرعية والله اعلم انصحك بالدخول لموقع شفاء للشيخ عبدالله السدحان وشوفي عن نفسك ولا تهملي الامر سلالالالالالالالالالالالالالالالالالالالالالام |
اختي همسات ..
اللي حصل لك خيره والله يعوضك بالزوج الصالح... حلا الشرقيه.. أنا مثلك ماتقدم لي أحد الا بعد ماتخرجت بـ سنه تقريباً لكن ما أدري إذا كان فيه أحد قبل وأمي ماقالت لي :) .... وعموماً أنا كنت نا أفكر في هالشي هذاك الوقت أبد.. اخوي ضاحي .. أنا أكره روحت الزواجات للاستعراض ويعني ياناس شوفوني واخطبوني أحس هذي طريقه غبيه واللي كاتب لها ربي رزق بيجيها لو تمتر الصالات طول وعرض.. ولاختلاط بالناس مايكون بس بهدف الزواج يعني بيكون طبيعي حسب الأهل واجتماعيتهم ... أما فكرة ان أبوها أو أخوها يخطب حلوه لكن مو في كل حال.. مشكور على المرور.. اختي لولو.. عادي حبيبتي خذي راحتك في الرد الموضوع لكل من في المنتدى.. الاماراتيه.. فعلاً كثير من الشباب الحين همهم الشكل والباقي عادي أذكر واحد تقدم لي كانت اخته تقول انه يبي وحده بس تتدلع وتتمايع تعرفين هالفضائيات وماهمه مطبخ وغيره ..وطبعاً مانفعت لهم لأني ماكنت على درجة الدلال والجمال اللي طالبه ..المشكله عيالنا يتشرطون مايشوفون أشكالهم أحياناً يجيك واحد يحط لستته شروط وهي حافي منتف ما شاف الزين ..يعني مثل ماالولد بيتشرط البنت بعد بتتشرط على كذا .. وفي شي ثاني الشاب عندا يصيع ويكلم ويمكن يطلع لكن إذا جا على الزواج مايدور الا على المتستره واللي ماتكلم هو هذا المطلوب لكن ياريت كل شاب يشوف بكل بنت مسلمه اخت له والبنت بعد المفروض تحافظ على نفسها وخاف الله قبل كل شي ... كاره رياضيات .. مشكور على المرور.. بنت من السعوديه.. فعلاً صادقه والمفروض الوحده تخاف الله قبل كل شي واللي خانت أهلها ممكن تخون زوجها وهذا من أكبر أسباب الطلاق عندنا الحين.. |
انا مع الاخت حورية
(لاكن بصراحه انا احس ان السبب اهلي لأنهم مايختلطون بالناس كثير وانتي تعرفين حال مجتمعاتنا مايشوفونا الا بالعزايم والأعراس) انا عمري ماانخطبت ماامدح نفسي لكن اهلي ناس طيبين ومعروفين متعلمة وجامعية واشتغل وعلى قدر لا بأس به من الجمل لكن سبحان الله مااحد تقدم لي ابدا ابدا لدرجة انه احيان تتغلبني افكار عجيبه غريبه اعوذ بالله من الشيطان الرجيم يستغربوا زميلاتي وكمان طالبات ييوم عرفوا اني ماتزوجت وحتى يوم حبيت انسان وكان ناوي الزواج مني اختفى فجأة وبلا مقدمات |
| الساعة الآن 03:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©