|
حبيبتي والله لوكنت مكانك راح ازعل واشيل بخاطري وكل اللي قالوا ان امك مزودتها وتطلب كثير من زوجك خليهم يكونوا في موقفك وش راح يكون موقفهم وخلك على زعلك عشان يعرف غلطته ولا يكررها مره ثانيه...
ام لولو |
شكرا لكل من تجاوب معي بالرد وبالنصيحه وبدون ذكر اسماء
احب ان ابين لكم ان موقف زوجي يعتبر صدمه لي لاني ماتوقعت منه التصرف هذا وانا فعلا ما راح احط امي في الموقف هذا مره ثانيه انا اصريت على موقفي كان باين علي اني زعلانه بس ماقصرت في واجباتي اهتميت في بيتي ولبسي وكل شي مثل العاده بس ما اكلمه ولا اجلس معاه واذا كلمته كلمه ورد غطاها امس حاولت اني انام بدري قبل لا يرجع لما رجع دخل علي الغرفه وجلس يلعب مع بنته ومعاي يحاول يبوسني ويضحكني وانا مسويه نفسي نايمه وكان يعلق علي عارف اني صاحيه رديت عليه وقلت وش تبي انا تعبانه وبنام قالي وش دعوه انا على طول رديت قلت وش تبيني اسوي اجلس معاك وانت مفشل امي وفشلتني معهم يعني انت ما حسيت انك غلطان الحين امي جايله عشان انت توديها قالي ليه ماعلمتيني انا كنت تعبان وصاحي بدري وابي انام انتي المفروض تعذرتي عني وتدافعين عني عند اهلك قلت له اهلي يحبونك وماخذين عنك فكره وما ابيها تتغير ((مثل مانصحتني وحده من الاخوات)) حسيت انه ضاق صدره وكانه ندمان وباس يدي قلت له هذا اعتذلرك يلا قوم بوس راسي واعتذر وكنت مبتسمه عشان مايحس ان قصدي اهينه او اذله وقام باشس راسي وقلت له لازم تعتذر من امي بعد واليوم كنت ابي اتصل عليه لما كان في العمل بس جوالي استقبال اتصلت على اهلي وقلت لامي تتصل عليه وتخليه يكلمني كنت ابغاه ضروري اتصلت امي عليه وقالت له يكلمني لاني ابغاه ضروري وهو لقاها فرصه واعتذر لامي وقال انه كانت تعبان واهم شي ماتكون زعلانه عليه لما قالت لي امي انه اعتذر لها انا ارتحت وحسيت ان الهم انزاح ورضيت ونسيت الزعل بس قلت له اني مستحيل اطلب منه شي لاهلي عقب اليوم وش رايكم في الي صار؟ |
حلووووووووووووو
الله يسعدك ويخليلك عيالك وأبوهم ...آمين بس أختي حبيت أنصحك نصيحه لوجه الله أنا لا أعرفك ولا أعرفكم ونظرتي للأمور حياديه ولكن فيما يتعلق بالله عز وجل رأيت من واجبي لفت نظرك حول أمر قد يكون فاتك أو ليس لديك علم كافي تجاهه....أنت لا تزورين أهل زوجك وتقريبا بل حسب ما قلت قطعتيهم من الزيارات واكتفيتوا بزيارة زوجك لهم عزيزتي هذا لا يرضي الله وهي قطيعة رحم,,, نعم قطيعة رحم لأن النسب الذي جمع بينك وبين زوجك يجعل منهم أقارب لك،، فكيف بأطفالك الذين حرموا من جدانهم وعمامهم أختي تخيلي نفسك مكان أمه وأنت بعدم زيارتك لها تحتقرينها وما كأن لها المعزة أو تقدير على الأقل من أجل زوجك تحملي من أجل الله واحتسبي الأجر فلن يخذلك عز وجل حتى وإن كنت مقتنعه أنهم لايريدونك فقط من أجل زوجك الذي لا يستحق أن تعاملي أهله بهذه الطريقة هو لم يتكلم لأنه أراد للحياة أن تمشي ويسلم من المشاكل ولكن أرى أن تكوني رسميه ومجاملة لأبعد الحدود أقرأي عن قطيعة الرحم وجزاء فاعلها ولاتبقي هكذا لا تعلمين ماهو الحكم الشرعي ولا تجحدي نعمة الله التي أنعم عليك قال عز وجل (لئن شكرتم لأزيدكم) هل تشكرينه بقطيعة الرحم؟! فكري هذه حياتك وبيدك القرار وحدك اعذريني إن قسوت ولكن والله لو كانت إحدى أخواتي أخبرتني مثل ما أنت فيه لنصحتها بما نصحتك به اختك/ ساره333 |
اختي العرووس حنا هنا مالنا قصد بردودنا الانفيدك يالغاليه..
اولا زوجك طيب ومحترم جداً الله يخليه لكم.. ثانياً لازم قبل تواعدين اهلك مره ثانيه تقولين لهم خل اشوف فلان مشغول ولالا وارد لكم..لازمن تستأذنين منه اول .. لعلمك حتى اهله ممكن يصرفهم لو جوه بهالطريقه.. ثالثاً اختي انا اهل زوجي مايحبوني ويجتمعون ماادري عنهم.. بس لازم الام تحسنين اليها قدر الامكان..خواته وش بيضرونك لارحتي لها نصف ساعه بالاسبوع تسلمين عليها وتاصلين رحمك.. خليهن يتكلمن لحد مايشبعن..لاتلقين لهن بال..لان عملك لله .. ولانك تبين ذريتك تبرك زي ماانتي باره فيها.. تصدقين خالتي كانت ماتطيقني ودايم ترمي علي كلام من تحت راس بنتها..ولاجبت لها شي تستهتر فيني.. مع الاحسان ومرور الوقت الحين والله تدعي لي وتدافع عني من وراي وانا ماادري عنها..سبحان الله كم ملك الاحسان من انسان.. وبالنهايه بلاقيه بذريتي الله لايخيب رجاي. مره سوي حلا وقهوه وروحي..ومره اطلعوا تمشوا انتم وخالتك.. ومره اعطيها مبلغ هديه اذا كانت محتاجه.. ومره هديه طبعاً فترات متباعده..وتأكدي انك بتملكينها بإحسانك وبترضين ربك ..وبتكبرين بعيون زوجك. الله يوفقك ويرعاك. |
أحسنت ياأخت/سارة333 وبارك الله فيك وكثر من أمثالك .............
الزعيم55 |
الحمد لله على صلحك مع زوجك ، وأسأل الله لكما التوفيق والسعادة في حياتكما الزوجية ، وبما أن مشكلة أصبحت محلولة فيغلق الموضوع ، وينسخ منه نسخة الى عالم المشاكل المحلولة .
تحياتي،،، |
| الساعة الآن 04:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©