|
جزاكم الله كل خير ... ولا حرمتم أجر ما كتبتم ووجهتم ونصحتم أشكر لكم هذه الردود التي قد تكون خففت شيئ من معاناتي لم تسألوني هل هذه أول حادثه ..؟؟ أقول : لا طبعاً فقبل تسع سنوات من الآن حصل لي مثل هذا الموقف مع شاب أعزب وكانت المشكلة بين الأهل .. تقبلت وفوضت أمري الى الله ولكن الحرقة التي اشتعلت في صدري بسبب نظرته لي كانت تتأجج ... خلال تلك الفترة كنت أرفض الدخول لأي خاطب مهما كان .. وكنت فعلا أجد من يتقبل بحيث يرسل من يراني من أهله .. ولم أكن أرفض الأشخاص بل اعتبر نفسي من يرضى بالقليل ولا أطلب الرجل المعجره لكنهم ( الأهل ) وبعد كثرت الضغوط منهم والقلق بسبب التقدم بالعمر كان ما كان .. كان القبول بمتزوج .. وحصلت الصدمه التي كنت أخشى منها .. نعم أعترف بأنني حساسة ولكن لست جزعه فمواقف كثيره تمر عليَّ أجد ان الله يلهمني صبراً عظيماً لكن موقف كهذا ومن رجل متزوج وغير جاد .. أراه امراً فيه احتقار للفتاة .. ألأنها قد تأخرت في زواجها أصبحت رخيصه وغير مطلوبه ؟؟ وللكل _ صالح أو طالح _ الحق بالنظر إليها وتأملها ؟؟ لا أدري ...!!! إلى الله المشتكى ،، اقتباس:
أخي الكريم : كانت هذه فكرتي التي لم أجد ممن حولي من يعتقد بها بل قد وصفت بالجنون حين طرحتها والآن يرون أنني أدفع ثمن هذه الفكره ... اقتباس:
أعتذر اخيتي قد أكون نطقت ببعض الجمل التي اخشى أن تكون أساءت لشخصك الكريم ولكن ثقي أنني فعلاً اتحسر وقلبي يشتعل ناراً من حصول مثل هذه المهازل لبنات المسلمين ،، لو أن أهل الخاطب ( أمه - اخته ) يرونني وقد يمضون دون ان يكتب الله نصيب بالنسبة لي أرحم من كون الرجل ينظر إلي .....!!!!!!!!!! وقد حصلت لي ... ولم اتأثر كتأثري بهذا الموقف يعلم الله ... سمعت عن احدهم وبكل بجاحه يقول : ثلاثة أرباع بنات مدينتي رأيتهم يقصد ( النظرة الشرعيه ) بل إنني أرى فعله هذا ( نظره شيطانيه ) .. لأنه أساساً غير جاد ويستمتع بالنظر لبنات المسلمين ..فقط لمجرد النظر وقد سمعت من أحد المشائخ (( التحذير من هؤلاء العابثين ووجوب حرص الأهل على عدم عرض ابنتهم إلا لمن يرون بانه صادق بتقدمه للخطبه ..)) أقول : الأهل ؟؟....... لا أدري ماحيلة من تجد أماً تخلت أو أباً مشغول عن موضوع خطير ويتعلق بمستقبل إبنتهم ؟؟؟؟؟؟؟؟؟ إلى الله المشتكى .. والله المستعان ***** حورية البحر : آآآآخ ... لدي رد..... ،،، ولكن لن أنطق به خوفاً من تشنج الرجال هنا علينا .. أو قد يفهم ردي بخلاف ما أريد الحمدلله على كال حال ***** ختام : ابشري سأحمد الله دائماً وأبداً .. وأرجو من الله ان يعينني على ذكره وشكره ************ الشوق : صدقت معضم البنات يكون أخوها أو والدها سبباً في تضييع عمرها ولو قبلت بمتزوج لوجدت الاعتراض وهم من كان يعترض على الأعزب في زمن مضى .. أمور محيرة ... الحمدلله ،،،،، ****** صاحب رأي سديد : أشكر تواجدك وجزيت خيراً على هذه الكلمات ..والدعوات ******* فيافي نجد : لن أقول أن اليأس بدأ يدب في نفسي ... لأن الله يقول : ولا تيأسوا من روح الله .. نعم سأسعى للبعد عنه لكنني وصلت لمرحله بدأت احتقر هذه الدنيا وما فيها .. وبتُ أطلب ما عند الله تعالى .. الجنه والفوز بها فقط *********** همسات :أقف عاجزه عن شكرك على تلك الوصايا والكلمات الرائعه .. وفقك الله عاجلا غير آجل وجميع فتيات المسلمين *************** جروح تبتسم : كثيراً ما أقف أمام هذا المعرف .. وأتأمل احرفه .. وأشعر أن وراءه ألماً ،، وقف بوجهه ابتسامة أطفأت لهيبه غاليتي : أسأل الله أن يلهمنا الصبر وأن لا يحرمنا أجر ما يمر بنا من آلام ،، ************* |
|
ياحبيبتي يابنان
شوفي مصايب غيرك وتهون مصيبتك ولاتراسلينه ولاشي مالت عليه هوالخسران جعلك تاخذين احسن منه وتتذكرينه وتقولين اشوى انه راح وربي ذكرتيني بللي صاير لي.. صارت لي هالمواقف اكثر من مرة وانحرق قلبي وتحطمت وانهرت بس ماسويت ولاشي الا اني اذا سجدت بصلااااااااااااااااتي أبكي من قلللللللب وادعي ربي يافشيلتي عند امي عند ابوي ياقهري كل هالسنين ماقد شافني رجال ويجي ذا جعل عيونه العمى ويشوفني ويروح اه ياقلبي وتصير سالفة يجون اهله بعدين هو يتعرف عليه ابوي بعدين يسألأون عنه بعدين تجي الشوفة!!!! وربي مرة يوم دريت انه راح دخلت غرفتي واناظر الدولاب واقول ياليت يطيح على راسي ويقلب مخي وأنسى اللي صار لي <<< انهبلت وانا الحمدالله واثقة من نفسي وكانت عندي ثثقة غير طبيعية اول مدري وين ماخذتها منه! دايم اقول اللي بيشوفني بيطير عقله ومايصدق<< مسكينة خخخخخ المهم يوم صار هالموقف الأسود قلت بنفسي أكيد ياشوبارد فيه صفة شينة وربي راحمك أو حس انه اقل منك وراح <<< هذي كلمة امي لكن تبغين الصراحة لما تكرر هالموقف أكثر من مرة وضعي اختلف كثير اول مرة قد دخلت فيها كنت واثقة بصراحة بس اللي بعدها تحطمت وخفت فاأصير خايفة مررررة لما أدخل وأرجف ماهو حيااا ابد على قولة لولو ياربي ماقدر اقول كلمتها توجع! لكن خوووف من رفض.. اروح المراية اتأمل نفسي أتذكر فلانة وفلانة وش قد قالو عني! ياربي الحمدالله ماهو ناقصني شي مواصفاتي والله بشهادة الجميع الحمدالله تمااااام طيب نفسي اعرف ليه راح؟؟ احط أسباب كثيرة بس ماهي مقنعة! تصدقييييين احساسي بأنوثتي فقدته لدرجة ساعات أقول بنفسي ودي أتعرف على أي واحد ودي أشوف وش يقول عني انا حلوة ولالا؟ أنا أجذب ولالا هل أنا انسانة طبيبيعة أصلح للزواج؟؟]دايم في بالي كلام صديقتي بعض البنات الحلوات يجذبون الحريم وبس مايجذبون الرجال؟!! <<< كلمتها تخوف راحو الله يوفقهم بس الله يحرق قلوبهم مثل ماحرقو قلبي وحطموني كل مكان يذكرني بللي تقدمو لي كل مكان له ذكرى سيئة عندي حتى الشوارع لما أمر من عندها أتألم لما امر من البنك الفلاني اتذكر فلان قد تقدملي.. الاتصالات فلان تقدم لي المسجد فلان ساكن هناك.. وزارة كذا فلان هناك مع ذلك استحالة اتزوج بدون نظرة شرعية لأني أبغى اللي يتزوجني يكون مقتنع فيني والله يابنان اكتب لك وانا ابكي من الحرقة والقهر قهر قهههههههههههههههههر بس شوفيني انا ولولو وتأكدي ان هذا حال يمكن البنات كلهم من جد والله هالشي مشغلني كثير يتقدمون لي مع ان هالفترة الحين راكدة الله يستر ولما أروح مناسبات والله اشوف نظرات واحيانا يحرجوني ويكلموني ومع ذلك!! الشكوى لله كلن ياخذ نصيبه الله يعوض عليك يابنان ويفرح قلبك وقلوبنا كلنا يارب |
اقتباس:
هذي اللي تحررررررررررق قلبي بجد وتجرحني واحس بالذل والأهانه فيها .... ايش اللي راح يضر ولدها او اخوها لو شافني ... لا يكون خايفه على مشاعري يشوفني ولدها ويتراجع ؟؟؟ وهي ماشافاتني طيب وانحاشت ؟؟؟ مشاعري ماراح تنجرح بسببها ؟؟؟؟ واللي يقهرني اكثر لو كانت اخته وتجي بيتنا وتروح ولا يجي اخوها ولا يصير شي .... الأم اعذرها وعادي لأنه ولدها واغلى مالها بالدنيا هذي .. وتبغى له الأحسن في كل شي .. لكن الأخت آآآآآه عليهم بس هالخوات ... لكن يجي يوم يصير لها بنت والدنيا بسرعه تدور .... والسبب الثاني هو من اللي راح يتزوج ... الأم والأخت والا ولدهم ؟؟؟؟ نظره النساء تختلف ميه وثمانين درجه عن نظره الرجل .... المفروض يجي الرجل اول اذا صار نصيب يجون الأهل بعدها .. وهذي حياة الرجل والبنت وهم اللي راح يعيشونها العمر كله والواجب يكون القرار الأول والأخير للشاب ثم البنت ..... الحمد لله على كل حال .. اسأل الله العلي القدير ان يعجل بالفرج علينا جميعا ... والله اني تعقدت وصرت ارتجف لما اسمع كلمه رؤيه شرعيه |
اختي الغالية
تناسي الموضوع, انسييييييه وحاولي النسيان لك له بل لكي من مصلحتك ان تنسيه ولا تفكري انك تراسليه بالعكس اذا راسلتيه سوف يفسر رسالتك بشي غير المقصود قد يفسره بانك اعجبت به او مازلت تفكرين به انسيه يابنان موضوع النظرة الشريعة حلال لا تدري رفضه لكي قد يكون خير لك انتي لا تعريفين اين الخير ولا تنسي انك استخرتي اذا مهما يحدث ففيه خير لك لانك استخرتي مالك السموات والارض بنان كثيييير من الفتيات تمت خطبتهن وكانت فرحتهن كبيرة لا توصف ويقرب موعد الملكة او الزواج ويحدث ماهو تافه لكي تنفصل او تطلق هوني على نفسك انتي ان شاء الله مصانه وانتي درة غالية رفع الله قدرك ورزقك من خيره ورزقك الزوج الصالح الحنون العطوف التقي الذي يخاف الله فيك |
اقتباس:
ياعزيزتي هذا كله مجرد فضفضه .. يعني غيض من فيض مثل مايقولون .... والله انه مع انه كلام مايودي ولا يجيب الا اني ارتاح وانا اكتب ... مع اني احس كلامي كله احباط في احباط ... الا اني الحمد لله كل يم بعد حالتي تتحسن ...<<<<تناقض غريب مدري كيف صاير لي .. لكنه صار ... الله يستر لايكون بديت استمتع بالأحباط واتلذذ فيه :24: الله كريم ياشوبارد .. الله يبلغنا اليوم اللي نسمع فيه خبر فرحتك الكبيره وجميييييع بنات المنتدى .. ونطلب من الأداره تعمل لنا حفله زواج جماعي هنا في المنتدى .... اللهم اجعله عاجلا غير اجل ياحي ياقيوم ..... |
لا حول ولاقوة الا بالله ,, والله قطعتوا قلبي
يالله بهل ليله انك مجيب دعوة الداعي اذا دعاك ارزق جميع بناتنا بالرجال الصالحين الي يحطونهم في عيونهم ,, ( وانا معهم ) ,, اللهم آمين .. |
ما ازيد على كلام اخواني واخواتي
الا الله يسعد قلبك دنيا واخره ويرزقك ويعوضك اخير منه اكثري من الاستغفار وتستكثرين على الله جل وعلا شي |
[quote=*&* لولو *&*]
بسم الله عليك قلبي شوبارد ايش الكلمه اللي اوجعتك اروح اكسر راسها :29: Quote] جعل السم مايجيك كلمتك هذي عورت قلبي وقسما بالله اني بكيت يوم قريتها [quote=*&* لولو *&*] حتى تعودت من كثر اللي يشوفوني . صرت ادخل واجلس ابحلق في الرجل واطالعه وهو مستحي منزل راسه للأرض ... Quote] والله يالولو اني ماناظر الشاشة زين الحال من بعضه.. تصدقين ضايقة وضقت زيادة الحين اه يالقهر اااااااااااااااااه اذا تذكرت مثل هالمواقف ودي انفجر ودي اموت اقسى شي اللحظات هذي كل أنثى تتمنى تحظى بإعجاب رجل كل وحدة مننا تتمنى لو واحد يشوفها يصير يتمناها زوجة له ويفكر فيها ويحلم فيها وربي ماناقصنا شي.. أسألك بالله روحي قارني بينك وبين بعض البنات وشوفي بس المقرود مقرود وانا أختك. تصدقين مجلس الرجال أكرهه اكرهه.. مرة عندنا عزيمة وعطتني امي المبخرة وقالت روحي المجلس وادخل واجلس عالكنب واتذكر لحظاتي السووووووووووووووووووووودااااااااااء كلها وأتألم والى الآن والى بكرة مازلت أتساءل عن السبب اللي يردهم. الأهل وشافوني وقالو لأمي نفس مواصفات البنت يبغاها ولدنا!! آآآآآآآآآآآآآآآآآآآآآآآآه يارب ياكريم يارازق ياحنان يامنان ياعليم بالحال يامن تعلم بحالنا وضعفنا ومكاننا وزماننا اللهم ارحم ضعفنا اللهم عوض علينا ياحي ياقييييييييييوووووووم اللهم فرح قلوبنا اللهم ارزقنا جميعا ياذا الجلال والإكرام آميـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــن |
اقتباس:
اللهم آآمين اللهم آآآمين الله كريم يالغاليه ...ماله داعي الدموع غاليتي شوبارد ... الله يجعل بعد هالدموع دموع فرح وسعاده ماتوقف طول العمر .... ولا يزال البلاء بالعبد حتى يمشي على ظهر الأرض ليس عليه خطيئه .... الله يفرجها علينا عاجلا غير اجل .. شده وتزووووووول ..... |
| الساعة الآن 05:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©