أختي الكريمه أم مزنه
أنت محظوظه
فعلا أنت محظوظه ؟؟؟
وقد حيزت لك الدنيا
وعندك خير كثير ؟؟

قال الرسول صلى الله عليه وسلم في معنى الحديث (( من أمن له في سربه وضمن له قوت يومه وعوفي له في بدنه فكانما حيزت له الدنيا ))

وأنت الحمد لله حمدا يليق بجلال وجه وعظيم سلطانه تحققت لك هذه الامور

وايضا جميع من مر يدعو لك وهذا ايضا خير لك

الله يوفقك ويرزقك ويفرج لك همك ويحقق احلامك
والصبر مفتاح كل خير
والانسان في ابتلاء

وانا محظوظ فيكم يااخواني واخواتي في المنتدى

الله يكتب لك الزوج الصالح ان شاء الله

الله يفرجها عليك

والله يوفقك ويسعدك ويعوضك برجال ينسيك أيامك الماضية يارب

وتبشرينا:14: <<< احب هالصورة اموووووت فيها

الله يعينك عزيزتي ام مزنه .. الله يعينك .. مدري والله ايش اقول لك ....

لكن بأذن الله شده وتزوووووول...

الله يرزقك عاجلاغير اجل

يا حبيبتي . .

كلامك والله اوجع قلبي . .

أصعب شئ الأنسان ما يحس بالراحة في بيته . .

حاولي حبيبتي تفتحين قلبك لوالدك . . أجلسي بقربه . . قبّلي رأسه . . أدعيله دائما بصوت عالي حتى يسمع دعائك . . بيني له أنك تحبينه وأنه هو عمود هالبيت . . صارحيه باللي يضايقك . . صدقيني حبيبتي الأهل ما في شئ يعوّضهم . . أنا يتيمة الأب . . و والله من فارق والدي الحياة و أنا احس أني ضايعة . . مع أن زوجي الله يحفظه مو مقصر معي بأي شئ . . الله يرحم والدي و يغفرله يا رب . . و يجمعنا معاه في جنة الخلد يا رب . .


و حاولي تتقربين أكثر من أمك . . أدعيلها . . سولفي معاها . . كوني متواجده معاها و مع والدك دائما في وقت وجودهم بالمنزل . . لا تحبسين نفسك بالغرفة . .


و بالنسبة للزواج . . حاولي ان تتدخل أختك بالموضوع . . مادام أختك متزوجة . . خليها تلمّح لزوجها يذكرك لأحد معارفه أو أصدقاءه . .

ترى أغلب الشباب لمّا يبحثون عن زوجة يسألون أصدقائهم المتزوجين . . أذا زوجاتهم عندهم أخوات . .

و ان شاء الله ربّي يرزقك بالزوج الصالح اللي يعوضك كلالأيام الحزينة اللي عشتيها . . و يفرّح قلبك . . و يسعدك يارب . .

يا كأبت حياتي ومره ياناس والله الكتابه سهله لكن لاحد بيحس الا الي عايش عيشتي

من اول ما اصحى الى ان انام وانا جالسه في الغرفه ومقفله الباب ما اشوف احد وانا ما ابغى اشوف احد

وفوق هذا ابوي مو ساكت رايح جاي يبغى يخلث مشكله

يقتل القتيل ويمشي في جنازته ما يكفي السمعه السئه الي اكسبها لنا يسوي نفسه ماعمل شي

انا ما ابغى شي ابغى فقط اخرج من عندهم لا ابغاهم يزوروني او يعرفوني يكفي هذي السمعه بتحلق عيالي وتخجلهم هذا يكفي لاخر يوم في حياتي

بسألج أسئله ياااريت تجاوبي نفسك عليها <<< ولاتقولي أتفلسف بس والله انا جربت اللي إنت فيه وأكثر حتى إن مره فكرة أنتحر وانا بنت 17 بس ماقول غير حسبي الله ونعم الوكيل وبس

الأسئله:
* إنت تحافظي على صلواتك الخمس وتأديهم على أكمل وجه؟ يعني مو في دقيقه تخلصي صلاتك.أو برضا وشوق لكل فرض.
* لمن تبدئي بصلاتك تنسي كل همومك ولا تفكري فيها؟!! وبالعكس تحسي الدنيا مسكره في وجهك وتضيعي وايد بالصلاه.
* لمن تضايقي وتلجأي لربك تكوني متيقنه من رحمة ربك لك وإنه راح يستجيب لدعواتك عاجلا أم أجلا ولا تحسي بخيبه وإنك دعيتي وايد دون جدوى!!!
أظن فهمتى القصد من أسئلتي بالضبط. يعني حالتك الأسريه والنفسيه هذي مثل ماهي مأثره عليك ومخليتك كارهه البيت أكيد مأثره عليك وحارمتك من السكينه والراحه اللي تجنيها من عبادك لربك.

نصيحتي لك (وهي فيها جهاد للنفس والشيطان كبييير) لاتحرمي نفسك من حبك وقربك من خالقها وتساهمي إنت بعد مع اللي حولك في تعذيبها وتدميرها ووصولها لمرحلة اليأس. حرام عليك نفسك آمنه بين إيديك.

((( حبي ربك وأخلصي في عباده. خلي همج الوحيد رضا ربك وعبادك له ولا تقصري في حقوق والديك أبدا ولا تدعي عليهم إدعي لهم بالهدايه والخير يظلوا أهون من غيرهم صدقني وقوي علاقتك مع خواتك ولا تحرمي نفسك منهم. والنتيجه راحه نفسيه كبيييره وأحوالك الأسريه راح تتحسن واااايد وأبوك ماراح يمد يده عليك ويمكن من دعوات بنته الباراه ينهدي والله يغفر له :22: صدقيني حبيبتي جربي وبتشوفي ومافي شي كبير على الله)))

<يكفي اللي ضاع من عمرك وبعدين لاتفكري الزواج هو الحل بالعكس ممكن يزيد الطين بالله>

وأسفه لو طولت عليك :d وأتمنا تفهمي كل كلمه قلتها لك.

اختي الغاليه لا اعرف ماذا اقول لكي، لكن اكيد انتي قلبك اكيد يسامح، ادعي الله ان يغفر لوالدك وبالنسبه عن السمعه،صدقيني كلام الناس ما يخلص ،لو الواحد كامل بعد يطلعون عليه سوالف
تذكري في ناس يعانون مثلك علشان ما تحسين انك الوحيده
الله يفرج همك ويسر امورك