الله يجزاكم خير


انا اواجه ضغوطااااااااااات افهموني

امي مريضة بمرض قبل ماتولدني وزارد الحين واضطرت تسوي عملية خطيرة والحمدالله نجحت ودايم تحسسني ان األمها زايد بسببي!!

دايم تقول اذا مت انت السبب

مرة رحنا لدكتور وقالها انت مشكلتك تنفعلين فيه حاجة مضايقتك في البيت قالت ايه انا عندي مشكلة كبيرة انا بهم مايعلمه الا الله وقعدت تناظرني عند الدكتور الين ناداني على جنب وسألني!!


وهي في العناية المركزة والى الان اثار البنج ماراحت مرة تعرفني ومرة لا.. كنت جالسة جنبها وقالت بموت ماشفتك متزوجة!!تخيلووووووووو كان عليها 24 أنبوب وحتى الاكل ماكانت تاكل أبد ولها 3 ساعات طالعة من العملية
بغيت اموت ويوم قالت لي كذا وصارت تحرك يديها جت الممرضة طردتني برا تقول شسويتي نقص عندها الاكسجين!!

اذا طلعنا لأي مكان عيونها عالمتزوجين وتقارن وتقول انا محرومة ماشفت بنتي تمشي مع زوجها!

اذا جت بطاقة زواج تدخل بغرفتي وترميها بوجهي وتعطيني كم كلمة محترمة!!

تفشلني عند اهلي دايم يعني احيانا تجيني ضيقة صدر كل انسان تمر عليه فترة يتعب فيها تقولي شفيك اقول مافيني شي بس مابي احد يكلمني تقول البنت اذا زعلت بدون سبب يعني ابي رجل والله انا ودي اكثر منك بس نصيبك!!<<< تفشلني عند اهلي

اذا رحنا المشغل وسألتهم عن اي شي قالت الموظفة هذا تبع العرايس انخطبتي شوبارد؟ على طول امي تقول ايه ان شاءالله 4 شهور ونجيك تجهزين شوبارد من الى ابغاكم تطلعونها قمر وش الجدي للعرايس!!
صراحة ازعل واركب السيارة وهي تقولي عادي خلينا نتفاءل مافيها شي على الاقل نتخيل!!

رحنا لمحل ورد وفيه مسكة عروس تجنن عنده سألأته امي بكم قال عندكم عروس قالت امي ايه بعد 4 شهور بنجيك ان شالله صار يتفلسف ويعلمها عن انواع الورد وهي مبسوووطة ونفس الكلام
تعيده خلينا نتفاءل لدرجة بعد شهر دخلت المحل انا وحريم اخواني وقالي راعي المحل اهلين بعروستناااااااااا!!!!!!!!!!!!

في البنت ماتبي احد يشغل خط التلفون تقول يمكن احد يدق يخطب!

اذارجعنا البيت من مشوار تقول روحو شوفو الكاشف فيه رقم غريب! واذا صار فيه فعلا ماتطلع من البيت الين يدق ارقم هذا او تدق عليه!!

اذا كنا بعزيمة وسلمت على حرمة وعندها ولد تناديني بصوت عالي شوبارد تعالي سلمي!! ووتقولها تهذي شوبارد بنتي الكبيرة!! كأنها تعرضني عندها آآآآآه وحلفت لها قلت والله لو تناديني لحرمة اسلم وهي بعيدة والله بتتفشليتن ترى مانيب جاية ابد!
[SIZE="4"]
اذا جيتها بآخر الليل اقول يماه شفيك مانمتي قالت بسبتك ذبحتيني بحياتي اللي كبرك عندهم عيال موتيني اطلعي مابي اشوفك قدامي!!!!

هواجيسها كثيرة يماه شفيك قوليل فيه شي تقول من فيه غيرك ذابحني!

دايما في البيت اشوفها تتأمل فيني وتتألم كثييييييييييييير واذا قلت شفيك على طول تبكي تقول والله لوك منتي بنتي لأخطبك الظاهر وانا حامل فيك عصيت ربي بشي!!

مرة انخطبت لواحد لمدة 3 شهور وعطاني المهر وقت مادقو يعتذرون كنت واقفة اسمع ابوي وهو يكلم ومرت من جنبي قلت يماه الظاهر انهم هونو تصدقوووووون طاحت على الارض وماسكة راسها وتصارخ تقول بنتي مسحورة!!
اول مرة اشوفها بهالمننظر وماراح انساها طول عمري

ومرة حرمة فشلتها عند الحريم قالت اكيد انكم تردون الرجال ولا بنتك فيها بلا روحو اقرو عليها!! بنت مافيها قصور عشان ماتتزوج


كل هذا وماتبغوني ارضخ لأمي؟!!! انا ياناس معذبة امي انا مهلكتها بحياتها والله دايم ابوي الله يخليه لي يقولي ماعليك من امك القرار قرارك ودايم ينصحها بس مافيه فايده[/SIZE

اختى شوبارد

كان الله في عونك معظم الأخوة والأخوات لم يقولوا لاتقبلي به

اقبلي لكن اسألى عنه وماتدرين يمكن يكون ابن حلال وتنتهى

المشكله ، لو لاسمح الله طلع فيه عيوب ماظن أمك توافق تتزوجينه

ولاظن لاسمح الله سهل أنك ترجعين بعد ثلاث اربع شهور مطلقة0

لو أن أنظمة المنتدى تسمح والله نعرف من الشباب الخلوقين

من يبحث عن امثالك ولكن الله يوفقك ويسعدك ويدلك للخير يارب

عزيزتي الغالية الظاهر أنا وأنتي راح نتزوج بنفس اليوم:d


والصراحة الأعضاء ماقصروا ........


بقولج سالفة صديقتي على وعسى تنفعج؟؟؟؟


صديقتي عمرها 24سنة ومن يوم عرفتها ((6سنوات))وهي تقول متى بتزوج,,,,والله يجون لها عرسان لكن فأخر لحظه يهربووووون:19: المهم قبل سنة تقدم لها ريال مطلق وعنده بنية عمرها 6سنوات وصديقتي من النوع الحساس الطيب وكانت خايفة مثلج من البنت ومن الريال بس الحمدالله الحين مرتاحة معاه:22: ومع البنت سمن على عسل


وأمج نفس أمي والله يعيني ويعينج:23:

اسأل الله العالم بالخفايا ان كان فيه خير لك ان يتمم لك بخير وإن كانه شر ان يصرفه

عنك وعن طريقك ولك تقديري

السلام عليكم

اختي شوبارد ترا منت كبيره مره عشان تحسين انك شارفتي عا 30 سنه وانت ما تزوجتي بس مجتمعنا شوي ( ..... )
اول شي تسوينه صلاة الاستخاره ثم صلاة الاستخاره ثم صلاة الاستخاره صدقيني اذا فيه خير لك ربي بيسره بدون لا تبذلين اي جهد انت او اهلك ..........

وبالنسبه لبنته اذا كانت صغيره ان شا الله انك بتاخذين فيها اجر ولا راح تحرمك من حقوقك كعروسه و بتتربى معاك وبتشوف حنيتك راح تحبك .

واذا كنت جريئه ممكن تكلمين زوجته السابقه بدون لا احد يدري واسمعي منها وعلى حسب كلامها بتشوفين اذا هي شريره او مظلومه ....

وبالنسبه لضغط اهلك عليك ( مع احترامي لهم ) لا تردين على احد لان هذي حياتك ولو لا قدر الله عشتي تعيسه ما راح ينفعونك بل انهم ما راح يطلقونك منه اذا كانو من نوع اللي ( ما عندنا بنات تتطلق ) .....

اختي الله يكتب لك اللي فيه الخير ويوفقك ويسعدك ...................... دعواتك

استخيري بعد كل صلاه وان كان ربنا كاتبه من نصيبك راح تاخذيه وان كان مو من نصيبك ماراح تاخذيه حتى لو كان يبغاك وتبغيه لان مااحد ياخذ الا نصيبه

اهم شي اكثري من الاستخاره وان شاء الله ربي ييسر امرك ويفرح امك بيك

حبيبتي شوبارد انصحك لا تستعجلي هذي حياتك و انت لسى صغيره _ 26 _ و اهم شي استخيري
انا لي خبرتي في الموضوع هذا انا متزوجة واحد مطلق مرتين و لكل حالة له اسبابه المقنعه و عنده من زواجه الثاني ولد عمره 5 سنوات و الولد امه منزوجه و عندها اولاد و الولد عايش مع اهل ابوه في دوله ثانية غير الدولة اللي انا عايشه فيها و زوجي كمان يدخن يعني نفس مواصفات العريس الولد انا عمري ما شفته و جا هو و جدته ( ام ابوه ) و سكنوا عندنا لمدة 7 شهور و سافروا الي الدولة الثانية و ربي مرت علي كأنها سبع سنين كرهت نفسي و ربي عيشت في حالة نفسيه صعبه نحفت صرت ما أكل صرت بس ابغى انام يوميا ابكي و كل هذا مجرد غيره و حسيت على قولتك انه اخذ فرحتي لانه جا و انا متزوجه لي 7 شهور بس حسيت انه اخذ جوي فأنصحك خذي وقتك في التفكير انا جلس معاي سبع شهور انت راح يجلس معاك العمر كله و الله يوفقك يااااااااااارب

أختي شوبارد ، اهديك هذا الرابط و هو من تجربة اختنا المشرفة حنوونه

http://www.66n.com/forums/showthread.php?t=85494

بالتوفيق مقدماً و إن شاء الله نسمع الأخبار الحلوة قريب

الله يكتب لك الخير اختي عليك بالاستخاره والدعاء

ولابد من السؤال عن سبب الطلاق واصري على ذلك

والله يوفقك ويسعدك يارب

اختي...

قد تتعب والدتك اليوم بسبب تأخرك في الزواج...

إلا أنها ستتعب أكثر ان تسرعتِ واكتشفتِ في وقت متأخر بأن هذا الرجل غير مناسب...

تريثي بارك الله فيك...ولن يكون إلا خير..

لك منا الدعاء...

،،

،،

وفقك ربي