|
والله مواضيعك تشدني دائما يالغلا
وصدقيني أدعي لك والله ولكل البنات الله يرزقك بالزوج الصالح عاجلا غير أجلا ياااااااارب |
اختي أم مزنة
جربي روحي لشيخ اشربي موية زمزم - موية مقري فيها عسل او زيت زيتون مقري فيه اعرف وحدة من صديقاتي ماقد تقدم لها اي احد وجاها واحد وماشالله صار نصيبها والحين سعيدين ماشاء الله توفيق من رب العالمين وبعدين بالنسبة لسالفتك مع اخوك انت شكلك تمزحين تريقة انا احيانا اسوي مثلك بس لاتصدقين اخوك ترى العيال مزحهم ثقيل والله يرزقك الزوج الصالح الحنون أختي ياربي لاتحرمني الظاهر الكل يتغلى وهو صغير واذا بدينا نكبر خفنا.. يابنت الحلال كله مكتوب مكتوب عند الله أختي karmine اجل انت مثل طالباتي:30: دايم اسمع هالكلمة معهم بس اسوي نفسي مااسمع خايفة يحرجوني صراحة الله يرزقك ويسعدك يارب أختي ام حور أنا لست ملاكا:25: وأتمنى أسمع رايك حبيبتي اختي لولو والله امي بعد كانت مثلك!! ترا امهاتنا كانو يتوقعون الأفضل.. الحين اذا جا احد كانت ترفض مثل مواصفاته اول بقوووة واذا جا تعالي شوفي شلون تزيينه بعيوني وساعات مالومها تشوف بنتها قدامها تكبر واللي بعمرها معيليين لولو قولي امين جعله مايمر شهر الا انت حاطة موضوعك نبارك لك أختي الفتاة ان شاءالله تتزوجين قبل وقبل بكثير بعد.. اختي بيورسول ماندمتي لانشغالك بأمور الدراسة.. لعله خيرة ان شالله والله يرزقك الزوج الحنون أختي قمر الحجاز ماشالله تحددين عمرك بالزواج انا تخرجت من هنا وبالي عالزواج من هناك على طول ماعندي وقت أختي الحب والحبيب أولا تسلمين على اهتمامك.. والى الآن ماصار اي شي جديد ثانيا.. تصدقين لما تجربين احد يتقدم لك ويروح تحسين بالاحباط تحسين انك ولاشي.. تراك بنعمة والله صديقتي زي ماذكرت من قبل.. بعمرها ماحد تقدم لها مع انها تطلع وتروح وتجي وزوجها هو الخاطب الوحيد كل ماشفتها اذكر الله عليها هي أسعد صديقاتي بحياتها لعل الفرحة اللي تحسينها ببداية الخطبة تصير اول واخر فرحة لك.. مو مايمديك تفرحين الا تتحطمين وتتمنين الموضوع ماجا من اول صح ولالا؟ الله يفرحنا فيك يالحب والحبيب أختي a_gleam انا مثلك في البداية ماكنت اهتم .. بس كن السالفة طولت وصرت اهتم:23: مدام لازم أتنيل خليني أتنيل بشياكة << اول مرة اشوف نيلة بشياكة بس يمكن تضبط ان شالله ليه لا هههههههههههه الله يوفقك ويهديك ويسخر زوجك لك.. شاكرة لك من جد كلامك عسل أختي am with u المهر وهذي عادة في المجتمع.. سوالف القبايل برضو ماافيها كلام امر مفروغ منه لكن سالفة الطيار وال ال.... خلي امي تكلم امك وتقلب راسها.. ترى امي كانت كذا وانا للأسف بعد بس ماشالله توك صغيرة تهني بحياتك الله يوفقك |
شكراً لك حبيبتي.. بس اسمي مس هواي.. نسبة لجزيرة هواي :)
|
يا قلبي احسك مرررره شاغلة بالك بها الموضوع والله لو تدرين قد ايش احسدك لأنك بنوته
ترا حاسة فيك وادري انك متحسره على اشياء كثير بس والله الحياة صعبه ومعد في رجال مثل زمان شوبارد متعي عمرك باللحظات السعيده ولا تشغلي فكرك واشغلي وقتك أكفلي يتيم ما تتخيلي مدى السعادة التي رح تشعري بها مع هذا اليتيم الله يرزقك يا رب |
مرحباااااااااااااااااااااا شوبارد الحلوه والطيبه والحنونه
انا لما كنت ادرس ما كنت افكر الا بدراستي شيء اسمه زواج ما كان يخطر على بالي ابد ولا تحسبونها مثاليه نو ,,, هذا كان واقعي الأليم لأن اسرتي كانت تمر بظروف ماديه صعبه جدا وكنت بس منتظره متى اتخرج عشان اتوظف واشيل جزء من الحمل اللي كان بسبب حماقات والدي الله يشفيه ويرد له عافيته ما اكذب عليكم كنت احلم بالفستان الابيض والزوج الحنون والأطفال والبيت والسعاده والحب لكن كنت اقول خليني احسن شوي من ظروفي المحيطه فيني وهذا بيجي لأني جميله جدا واكيد راح القى رجل يناسبني بس تصير ظروفي زينه عموماً كنت متفائله ولا زلت متفائله لكني هيئت نفسي لأقسى ظروف بالحياه ولو أعيش حياتي كلها عزوبيه فأنا على إيمان كبير بأن هذا كله قدر ونصيب من الله سبحانه وتعالى والحياه الدنيا كم نبي نعيشها سنه ...........عشرين سنه ؟؟ظ مصيرنا راح ننقط بقبر متر في متر في وحده مريره لا بناخذ معانا فيها لا زوج ولا أولاد ولا مال ولا شيء والحياه الأخره هي الحياه الباقيه وهي التي أن أحسنا أعمالنا وكانت خالصه لوجه الله صدقوني بيرزقنا ربي بأحسن زوج في الجنه ,,,,, أهم شي يا بنات دوروا لكم على أعمال تقربكم من الله وتضاف الى صحيفة أعمالكم التي تبشركم بدخول الجنه اتصدقون عاد وش امنية حياتي والله العظيم اني اتمنى أموت شهيده ياليت ربي يرزقني بالشهاده أحسها أحسن شي يعوضني صبري ,,, والسلام |
اقتباس:
|
موضوعك حلو
وإن كان لادلو لي فيه لأني تزوجت بعمر 19 سنة وكنت أوافق على أي أحد وماأدقق وكتب ربي خمس سنين معاه واتطلق الحين اختي بعمر 24 وماتزوجت وأقول لها ياحظك أنت بنت من كثر ماتعقدت من قولة مطلقة (الشكوى لله وحده ) |
يااااااااااااارب انه يرزقج بالزوج الصالح قريب ان شاء الله وتجين تبشرين بهاي الخبر
ودوم ادعي ادعي وصديقني انه الله راح يستجيب دعائج دوم ادعي بالزوج الصالح والستر |
اقتباس:
عذراً من كاتبة الموضوع ، الأخت بسمة رضا آمل منك كتابة موضوع في قسم الرسائل الخاصة للأهمية بعنوان للمراقبة Reemona http://www.66n.com/forums/forumdisplay.php?f=29 في انتظارك |
بصراحة و بكل خجل كنت اتصور انني ساتزوج متأخرة لأنني كنت لا أخرج كثيرا من البيت و استحي كثييييييير و لان ظروفي العائلية كانت تحول دون سهولة الموضوع .. و لأنني اردت إكمال دراستي .. لكن سبحان الله .. لم اتصور يوما ان شعوري سينقلب و انني سأكون حزينة و قلقة بسبب عدم زواجي .. و الذي يخيفني هو لوم الناس . لا اريد ان يقول احد اني نلت شهادة لكن علي ان اتقبل خسارة زوج و عائلة لا قدر الله لا عليك اختي العزيزة .. دعائي لك دوما و لكل الاخوات العزيزات .. الله مسهل الامور و مفرج الكروب |
| الساعة الآن 11:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©