|
لولو
تدرين عاد اني ماقد شفت بمجتمعي او احد اعرفه ان فيه شباب اعمارهم 25 وتزوجو الغالبية 27 وفوق << اتكلم عن المجتمع اللي اشوفه اخواني كلم تزوجو بعمر 30 سنة الا الكبير بعمر 26 << فرحانين فيه عشانه الكبير وكل زوجاتهم من 23 وفوق واشوف نماذج كبيرة قدامي من رجال في الثلاثين يتزوجون من اعمار 25 وفوق الى 30 بعد طيب نكون واقعين أسألك بالله هالرجال المتزوجين واللي اخذو مبلغ عشان يتزوجون فيه هل كلهم بياخذون متأخرات بالزوج ومطلقات وارامل!! هل كلهم كفؤ للزواج مع العلم اغلبية الزواج الثاني قليل ماتنجح!! بصراحة ماقتنعت ابد مع احترامي الشديد لرأيك يالغلا هالعالم تراكض ورا الزواج الثاني طيب شبابنا اللي اعمارهم بالثلاثين ويبون يتزوجون من اللي بأواسط العشرين ويننهم!! خلصو يعني؟؟ |
أتفق مع أختي لولو 100%
[لولو طبعا لأن اللي ر اح يتزوج مره ثانيه غالبا ويمكن اكييييييد انه راح ياخذ وحده كبيره اومطلقه او ارمله وهي الفئه اللي فعلا محتاجه مساعده ... يعني تبرعه الشيخ هذا الله يجزاه خير مو مساعده للرجل .. هومساعده للمرأه ..
لأن هدفه تقليل العنووووووووووسه جزاه الله خير وكثر الله من امثاله ... والشاب اللي ماتزوج اكيد صغير في السن او يشتغل ويجمع للزواج .. يعني كافل نفسه وقدامه العمر طويل بأذن الله .. ويوم يبغى يتزوج طبعا راح يفكر بوحده صغيره ولم يسبق لها الزواج يعني مو عانس ولا ارمله ولا مطلقه يعني مافيه مشكله عندها و ولا عند اللي ماتزوج :22: :14: |
أكيد أغلبية أبناء القبيلة متزوجين وعدد الفتيات أكثر من عدد الشباب والا لما تقدم الشيخ بهذا الطلب
وهل برأيكم انه لو فعلاً أتى شاباً لم يسبق له الزواج الى هذا الشيخ وأراد أن يتزوج فهل يشترط عليه أن يكون متزوجا حتى يدفع له المال ؟؟ إن بعض الظن إثم |
اقتباس:
وانا متأكده انه ماراح يتزوج الا ارمله او مطلقه او عانس .. يعني الموضوع مو واضح لنا كلنا ومو متأكدين منه ... لكن اللي الكل مايختلف عليخ وانا متأكده والشي الأكيد انه مافعل الشي هذا الا بسبب انه يقلل العنوسه وبحسن نيه منه صح والا لا ؟؟؟ يمكن رجال كثير يستغلونه ويتزوجون صغار .. لكن اللي فيه الخير والواعي الفاهم يقدر ويعرف ان المساعده هذي لحل مشكله و هو بدوره اكيد راح يساعد بحلها ويتزوج اللي محتاجه للزواج اكثر من غيرها ... اقتباس:
اللي راح يتزوج مره ثانيه اكيد مضظر للزواج هذا غالبا حتى لو مابغاه واللي تتزوج معدد هي بعد مضطره حتى لوماتبيه ... يعني الطرفين راح يتمسكون فيه بكل قوه ... وان جيتي للحق .. انا اشوف المتزوج المعدد كفوء للزواج اكثر من الشباب اللي ماسبق لهم الزواج ... |
ماشاء الله لولو تفكيييرك جداً راقي وواقعي
فتحية شكر وتقدير لهذه النماذج من النساء وأبشري بالفرج |
[
اقتباس:
يسلم فمك هذا الكلام الصح والدليل ان المعدد محتفض بزوجته الاولية وعيالها ومصاريفها ويفتح ويتحمل بيت ثاني وزوجه ثانية الله يكثر من امثالك |
بعدين المعدد بان فعله في الحياة
وعرفوه الناس ان كان كريم او طيب او يقدر الانساب او مهتم باسرته يعني الشاب الاعزب لساته يبغا من يكتشفه ويعرف تعامله كيف |
لولو يالغالية الإختلاف في الرأي لايفسد للود قضية
أنا الى الآن وأنا مصرة نسبة كبيرة من الزواج الثاني مايجيب الا المشاكل انا ماقول الكل لكن نسبة كبيرة الزواج من معدد اكفأ؟؟ نصف رجال أكفأ؟ نص رجال عقله بينك وبين مرأة ثانية؟ مجرد مايطري في بالك ان حبيبك واغلى ماعندك بالدنيا واللي انتظرتيه هالسنين كلها حسيتي مجرد احساس انه يفضل الاولى عليك هذي لحالها قمة التحطيم والله لو بكتب مانيب خالصة شكلي.. الله لايحدني وآخذ معدد والله يجيني خوف بمجرد ماأفكر بمعدد بسم الله علي وجهة نظرك واحترمها والله ومع ذلك اقول يارب جعلك تاخذين واحد طالع من القرطاسة ياشيخة يطير بك بلا معدد بلا هم اول تجربة له انت.. واول حبيبة له انت .. وأول طفل يشوفه منك انت وأول طبع يعرفه للحريم مايعرفه الا منك انت.. واول احساس للرجل بالحب مايحسه الا معك انت آمييييييييين ^ ^ يالله من فضلك.. يوم كتبته انا انهبلت شلون لو صار صدق الله يرزقك ويرزقني |
مهما تزوجت المرأة من شاب غير معدد , فلا تتوقع أنها ستكون الأولى في قلبه مها كان الأمر , ففطرة الرجل التي
فطرها الله عليه هي التعدد فمنهم بالحلال ومنهم بالحرام , وما يخفاكم مبدأ الخليلات في الغرب , فالرجل يقتنص الفرصة التي يستطيع فيها التعدد , فالمرأة أول سبب يدفع الرجل للتعدد بحماقتها وجهلها في تصرفاتها مع زوجها , |
اقتباس:
اللهم امين .. جزاك الله الف خير شوبارد ... وانا مااقول لك الكلام هذا يالغاليه واناقشك فيه علشان اقنعك او تقنعيني .. حتى انا وجهك نظرك احترمها واقدرها والله وافكر فيها كثير ..وماالومك ابدا وحاسه بك والله ....وانا قلتها قبل ان اهلي مو قابلين ابدا اني اتزوج رجل مطلق فما بالك بالمتزوج (والله اعلم النصيب وين ) والزواج الثاني ميه بالميه مايخلو من المشاكل من اووووووله الى نهايته ... لي قريبه اكبر عيالها تعدى الأربعين وزوجها متوفي والى اليوم تعاني وبمشاكل لأنها تزوجت من متزوج وبغض النظر كان الزوج كفوء او لا .. كان اعزب او معدد ... تجربتي وكل اللي مريت فيه وشفته وسمعته تغيرت نظرتي للزواج واللي ابيه منه ... يكفيني رجل صالح يقدرني ويحترمني حتى لو ماحبني وفضل علي الأولى والا الثانيه احس انه يكفيني وامنيتي اني انجب اطفال يسلوني بهالدنيا ....ومهما حصل وجود زوج صالح سواء ربع زوج او نصف زوج اهون بكثير بكثير بكثير علىالوحده انها تظل طول عمرها بدون زواج وحكمه الله وتشريعه عزوجل للتعدد مافي اي شي مكن يضر الأنسان وهذا الشي يريح كثير لو فكرنا فيه ( وعسى ان تكرهوا شيئا وهو خير لكم ) وله حكمه سبحانه بكل شي ولا نقدر بعقولنا ندرك مدى حكمته وتقديره للأمور عزوجل لا المتزوج ولا الأعزب ولا المطلق ولا الصغير ولا الكبير يكون هذا هو المقياس للرجل الصالح .. اهم شي التوفيق من الله وبنهايه كل شي انا اريد وانت تريد والله يفعل مايريد .... موفقه ياشوبارد ويارب يرزقك باللي تتمنينه واكثر عاجلا غير اجل |
| الساعة الآن 03:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©