[quote][حبيبة قلبي إنتي..
طمنينا عليج أول بأول..
على فكرة أنا بحرينية.............( ولكن )!!!

/quote

أعتذر أختي ميسونا ..
أختي بحرينية ولكن ..ما هي أخبارك الآن ..طمنينا أنت عليك ....

لله يوفقك ويرزقك اللي يسعدك في الدنيا

والآخرة

تسلمون كلكم و الله يوفقكم ويستر عليكم و يهنيكم جميعا ,,كل الي قاسمه رب العالمين هو الي بيصير و الحمدالله علئ كل حال و شكر لكم

:) الف مبروك ...............الله يسعدك و يعوضك خير .

اسأل الله ان يكتب لكي حياة سعيده

ركزي بكلامي وان شاء الله لن تندمي
اختي اسمحي لي بالتدخل انا لست معك في فكرة الطلاق ابغض الحلال عند الله وبعد صبر طويل هل هانت عليك العشره مع زوج تحبينه ويحبك وهل هانو عليك اطفالك بهذه السهوله ممكن تقولي نعم من اجل ان ترتاحي من ماعانيتي بس فيه اكثر من طريقه ممكن تسلكيها قبل الطلاق مثل تدخل اهل الخير وحل مشكلتكم واعادة المياه الى مجاريها وتعيشي مع اطفالك حياه سعيده ويضاً فيه لجنة اصلاح ذات البين ممكن يتدخلون بمشكلتكم ويحلونها بشكل ودي او ممكن تبحثين لدي شيخ فربما يكون احد عمل لكم عمل بغرض التفريق بينكم او اصابتكم عين حاسد او نفس خبيثه وهذه ممكن علاجها لدي قاري متخصص بهذا الشان فنصيحتي لك اذا كان بقي في الامر متسع ان تتريثي في طلب الطلاق والفرصه لازالت ان شاء الله حتى تهدى الانفس ويعود الحنين ويبتعد عنكم الشيطان والذي حريص على التفريق بين المرء وزوجه
اختي اعلم بانك الان في حالة انفعال وسرعان ماتنسي كل المشاكل وتندمي في وقت لاينفع فيه الندم
اختي الحقي على بيتك ولاتهدميه وتشردي اطفالك وتتركيهم تحت رحمة الغير وارجعي الى صوابك فهذه شده وتزول مع مرور الزمن اتمنى ان تعود المياه لمجاريها وتعيشي مع اطفالك بمنزل مستقل وحياه سعيده جديده من جديد
اسف على الاطاله وفكري بكلامي ولك الخيار وربي يسعدك
اخوك الناصح لوجه الله المقصلي1

اخوي العزيزالمقصلي 1 اشكرك علئ كلامك الطيب و عسئ ربي ما يردك بكل امر ,اخوي انت طلبت انه يدخل طرف اخر ,زوجي من اول بدايت زواجنه قال اذا احد يدخل بحياتنا راح يكون مصيرك الطلاق ,زوجي يكرهه احد يدخل يقول هذول اذا دخلو يكون من وراهم الدمار و الخراب ,,اخوي 10 سنين صبر ما نفع معه ,تحملت من عنده كل انواع القهر و الالم و المرار و العذاب و قلت ان شاء الله رب العالمين يعوضني ,بس اشوف حياتي يوم وراء يوم للاسواء و ما في اي فايده ,,الاب الي ما يرحم اطفاله يتوسلون فيه بابا الله يخليك لا تعذب ماما ,وكل مشاكلنه تصير يم الاطفال يعني انا اشوف اطفالي يتحطمون كدامي و ما اقدر اسوي شي ,,الحين برايك مثل هذا الشخص شنو يقدر الواحد يسوي له

اختي والله حيرتيني
انا خوفي عليك وعلى مستقبل اطفالك مع انسانه ثانيه ممكن يعيشون معها في جحيم اشكال والوان مع انسانه غير والدتهم وكان بودي تبعدون عن بعض بدون طلاق يعني فترة نقاهه مع البحث عن حل من الحلول المذكره سابقاً وصدقيني اخر العلاج الكي اذا حياتكم خاربه خاربه فلامانع من تدخل شخص عزيز عليكم يحب لكم الخير ويعيد المياه الى مجاريها وكلامه بعدم تدخل اي انسان بحياكم معه حق في حاله غير هذه الحاله والتي وصلت الى طريق مسدون هنا يجب التدخل وعمل الخير وربما يصلح حال زوجك في فتره قصيره من الفراق ويراجع نفسه ويندم على تصرفاته هذا ماحبيت افيدكم فيه والقرار قرارك مع احساسي الشديد بماء تعنين منه بس حذاري تتخذي قرار لاينفع معه الندم ولك تحياتي
اخوك المقصلي1

والله يا اخوي وايد طلبت من عنده ان نفترق من غير طلاق علشان نفكر و نحسبها عدل ,بس هو ما ادري شفيه ميبس راسه ,زوجي ما عنده اسلوب مثل الناس ,اذا يبي عدل اسلوبه معي يكون بسب و الاهانت ,انا صراحه مليت و نفذ صبري ,بس والله ما ابي بعدين اندم ,صراحه اخوي كلامك وايد اثر فيني و من ما قريته للحين انا افكر فيه ,بس ما ادري شنو اسوي