|
عندنا في الخليج يعتقد الرجل ان أي تصرف تتصرفه المرأه خدشا لرجولته حتى بعضهم يسوي حكايه في تسمية المولود ولو ترك الرجل هذا الفكر الخاطيئ ونظر للمرأه انها كائن ضعيف وأنها مهما كان هذا الرجل لاتستطيع العيش بدونه لنظر للا مور بمنظار أخر
يعني أنظر أنها متعبه نفسيا وأنك زودتها معها وأنت على حق بغضبك ماكان له داعي اتصالها بالعمل والاخذ والعطاء خلاص شفت نفسية زوجي ملخبطه أعذره لكن عقول الحريم ويش تقول فيها فرجاء أخوي اهدأ ولاتغضب وروح لها ونبهها لغلطها وصارحها أن ليس كل حياة الرجل زوجته هناك امور قد تكون تافهه ولكن تهم الرجل الله يصلح الحال ويبعد ابليس عنكم |
من رأيي السالفة ما تستاهل وعذرا لهالكلمة (السالفة تافهه) المفروض ماتوصل لهالحد واتصل عليها وفهمها الشئ اللى انت تبي توصله لها مثل اذا كنت في الشغل ما تقدر تكلمها خصوصا اذا كنت مشغول بتكون عصبي شوي من ضغط العمل وغيره من هالكلام .......
بس بعد لازم اذا واحد منكم شد الثاني يرخي عشان يسير المركب ..... ترضوا وأنسوا اللى صار الموضوع ما يستاهل وبين الزوجين مافيه كرامة .................. |
انا من رائيي انك ترجعها وتصلح الامور وتتفاهم معاها وتحذرها وتعطيها انذار بأنها ماتروح لأهلها مره ثانيه والا بتلحقها عاقبة بتندم عليها
واذا مو عشانها عشان ولدك ! |
اخي الكريم انت غلطان لان زوجتك محتاجة منك حتى لو كلمة واحدة وحتى لو انت مشغول
اخي لا تنسى انك اب ولازم هالاشياء تتجازوها ومرتك لها حق عليك الله يسعدك . أختي الكريمة .. لفظ الجلالة ( الله ) ينتهي بالهاء وليس بسواها . كما نرجو منكِ تغيير الصورة الرمزية لمخالفتها لتعليمات المنتدى وحتى لا تتعرض عضويتكم للإيقاف . شكرا لكِ |
بإختصار هي طلعت لوحدها ترجع لوحدها
بالعامية اللي راح بالحاله يجي بالحاله لأنك لو جبتها بتصير كل زعلة تروح لأهلها وتتغلى وتصر على رايها خلها عند أهلها حتى تدق عليك وتقول تعال المرأة عزامة ندامة أي تعزم وتندم |
إذا طولت السالفه ممكن تكبر وتتعقد
حل الموضوع من الحين وربي يسهل امورك |
أقولك شي من ست مثلها طنش وزي ماراحت بتجي ومدام أنها أرسلت رساله يعني ندمانه وتبيك تدق
|
راضها الله يرضى عليك
|
استكشفت من حديثك انكم كلكم عصبتوا يعني بتحبوا بعض 100%
وصي واحد يوصلهم انك تعبان في البيت وما رحت العمل وانه شافك بالمستوصف وخله يسالهم عنك وعن صحتك راح يجونك هوا من حبهم لك وبعدين ترا البنت اللي تسال احسن من اللي ما تسال ولا شيئ واضح انكم كلكم عصبتوا اكيد فيه شيئ في ايام الحدث رفعت العصبيه شويء خل عقلك كبير واترك عنك سوالف اول انك اذا رحت هالمره راح تكررها روح وحب راسها وجب لها هديه بعد كم يوم من رجوعها وحاول انت وهي تبعدو عن التعصيب المراه قريبه جدا كلمه تجيبها وكلمه تجيبها واترك عنك نصائح غيرك هذي زوجتك وانت ادرى بها جبها قبل مايتطور الموضوع ويتدخل حريم وناس من الاسره مالهم هم الا يتفرجون عليكم يالله بسرعه تحرك لا تاخر خير البر عاجله بسرعه ولا تفكر وخبرنا بسرعه راح ارجع بعد المغرب واحصل خبر رجوعها |
| الساعة الآن 07:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©