|
هذا شهر الرحمة والغفران اكثري من الدعاء والاستغفار واطلبي من الرحمن جلا وعلا ان يفرج همك ويكتب لك الخيرة وان يسخر لك من احوجك اليه في الدنيا بعد الله سبحانه
الله يفرجها عليك ويسهل امرك ويسهلك حملك وولادتك |
اقتباس:
|
اقتباس:
|
كل عام وانتم بخير
آخر الأحداث والمستجدات.... -* يوم العيد الأول جاء ابو زوجي الصباح واثنين من اولاده((الأخ زوجي ما جاء معهم)).. -*بعد اسبوع دق علي ابو زوجي..وعطاني محاظرة عن الحياة الزوجيه وحلف ايمان مغلظه ان زوجي يبيني وانا ابيه لكن نكابر...وقال انه سأل زوجي سؤال عادي بتروح تعايد ولدك وقال لهم ايه بروح هاليومين الجايين...ابو زوجي قال انه ما كلم زوجي انوه يروح لنا لأنه عرف ان زوجي ماينفع معه شي لا نصيحة اب ولا ام...وانه مايحب احد يضغط عليه اويتدخل... -*وبعد يومين جاء زووجي وبالغصب طلعت له وكان ابوي قايل له اذا ماتبي بنتي بعطيك فلوسك وطلقها..قال لا ابيها.. لما طلعت له قال ارجعي لعيالك قلت لا خلاص انتهينا ...قال لا ارجعي...قلت ما ابيك خلاص قال لا بترجعين ((كأنه يقول غصب ترجعين)) وقالت امي خلاص انت خربتها من البدايه والان انت خذيت اختيارك وبنتي بتاخذ اختيارها قال لا اللي مثلك ينصحها قالت انانصحتها وهي حره بقرارها... المهم راح وكان جايب معه حليب الطفل وحفاظاته! بعد يومين دقبت عليه ((كان كلامه كذب بيطلعني كذابه وينكر زي لما قالي هاللي بطنك ما ابيه وانتي اللي حملتي انا مالي دخل وانا ماكنت ابي الا الطفل الأول يحلف انه ما قالها وينكر...ويبي يسوس بيني وبين ابوه كذبه وتفريق وواضح انه ينكر وبقوه ويقول لأبوه انا ماسويت لها لاشي.... يقول انتي اللي خليتيني اتزوج((واحب ارد واقول كذااااب لأنه يهدد فيها من اول ليله وماسكها طوال زواجنا ولما صارت عنده فلوس اتزوج وعلى عجل..)) يقول انا تزوجت علشان اعيش بدون مشاكل وانتي متى ما رجعتي ترجعين((مو هو صناع المشاكل وانا دايم متهمه)) وعارف ان زوجته مو حلوه ويقول مايهمني الجمال وانتي غيرانه ....وكلام فاضي... بعد كم يوم دق علي ابوه يحاول يقنعني ارجع وقال بجيكم وقال انه الآن يكلمني وواحد من اخوان زوجي يتهاوش معاه علشان يروح يرجعني((قلت لاتغصبنه مايبي بسلامته)) وقبل 3 ايام العصر جاء هو وابوه ابوي ماكان موجود واللي يتكلم ابو زوجي يقول زواجه الثاني مو راضين عليه وهو بنفسه مو راضي وزوجته مو حلوه وانتي الأحلى (وزوجي وجوده كعدمه صامت الا يقول هيا ا رجعي)) قلت اوكي برجع لكن بشروط...((اماطل بشوف مدى مصداقيتهم)) وطبعا ولا شرط نفذوه يقول ابوه انتي ارجعي اولاىوالرضاوه اذا تزوج...ويبني لك بيت اذا بنى بيت كبير بالمستقبل وهي بيبني لها بيت صغير وبعدين يبني لكم كلكم...وباقي الشروط اللي هي يصرف ويعدل وافق عليها ابو زوجي...زوجي مغمي عليه هههههههههههههههههههه قصدي ساكت الا من القهر خلص على القهوه خخخخخخخخخ قلت مو راجعه بعد الولاده نتفاهم ...قال خلاص يجي زوجك عندكم قال لا هي ترجع<<افاق المحروس قلت اصلا انا استخدم مثبت ممنوع الجماع وشغل البيت((كذبت عليه بصرفه جد لزقه ابو زوجي))وراحو... ولا ادري للآن متى زواج زوجي شكله ماحدده مضبوط او ينتظرني ارجع علشان يقهرني وانا عنده يتفرج علي.. واهلي طلعو يبون يرجعوني وعلى قولتهم اذا وافق على الشروط يعني طلعو يهدوني ايام الصدمه والا هم مو ناوين يطلقني منه... مو معقوله بعيش طول عمري وانا اشوف وجهه |
لله يعينك يا اختي ويصبرك ويحقق لك أمانيك يارب
موفقه ان شاءالله .. أخوك |
اي نوع من النساء انت ؟؟؟
واي نوع هم اهلك ... ومن اي انواع المخلوقات زوجك وابوه ؟؟؟ قصه غريبه ,,, مااشمت لكن تستاهلين ماجاك وش مجلسك معه سنتين ونصف ,,, متاكده انك بكامل قواك العقليه ,,, من اي بيئات الباديه انت ؟؟ الرجل ان شاء بصق او داس او ضرب وعلى المراه ان تتقبل ذلك بكل رحابة صدر ,,, هل فهمت قولهم \>>> ان كان عندك يازمان بقيه مما يهان به الكرام فهاتها ,,, هل فهمتيها خطئا .,,, دعيه يفعل بك مايشاء فلن يحزنني ذلك بل ساطرب لانك تقبلتي ذلك وتعودتي عليه فلم لاتستمرين ؟؟؟ يبدو انك تحبين الزوج المؤذي وتحبين الزوج المريض وتحبين الزوج البذي ,,, لذا كوني معه فلن تجدين افضل منه في هذه المواصفات ... لا بعد ماتركتي البيت الا لما تزوج وقبل وش مقعدك معاه ابفهم ؟؟؟ مقهووووووووور عليك وعلى اهلك ,,, ماباليد حيله ,,, بلداااااااء واللااللي يقول اصبري وفكري ياعمي جتك عدوى البلاده بعد ,,,, |
^^^^^^^^^^^^^^
ليش كدا >>>> يا ليش كدا ؟؟ يا أخي حراااام عليك اللي تقوله ... الله يهديك بس ... الله يهديك |
بأختصار باين من اسمك انك تحبينه ومعنده انتي لابد تتغيريين اسمحيلي حسن التبعل ماتعرفي عنه شي انتي وعنادك اللي بيوديك بداهيه ترا انتي اللي خليتيه يجيب لك ضره الله يغفر لك بس...... لازم تتقبلي الوضع وتعيشي واذا زوجك قصر بشي مو تنفري منه على طول لا بالحب والنصح والذكاء تقدري تحببي في دينه وصلاته وتدعين له وهو يدعيلي الي جاء يروح يصلي .
وانت يا ليش كذا اسمحلي انته مغرور بزياده اخاف تطيح على وجهك بعدين مو بهالاسلوب تنصح او تقول وجهة نظرك وحرام التحريض هو مقال قريته ياترد بمشاركه مثمره من وجهة نظر او تسكت الاعضاء والمشاركين اكيد فيه ناس بتتضايق منك ومن اسلوبك حراااااااااااااااااااااااااااااااااااااااااااام اللي تقوله احضر محضرخير والا اسكت فالسكوت من ذهب في كثير من الاحيان..... لاتزعل مني بس خليك ارقى من كذا .. وشكرا |
اقتباس:
|
اقتباس:
نكذب على روحنا لما نقول ارجعي له وهو بنفس الوقت يجهز لزواجه الثاني.. ولكن نسألك التريث بموضوع الطلاق.. هو صحيح صعبه عليك يتركك معلقه فهالوقت.. انا اشوف ان يتم الانفصال لفتره حتى يتم زواجه ويعيش ماقدر الله له ان يعيش معها.. وبعد فترة سنه على الاقل يتم التفاوض مره اخرى بموضوع العوده والمصاريف والبيت.. الله يوفقكم |
اقتباس:
تتوقعين يتغير مستحيل الرجال في قلبه وحده اقتباس:
ثاني شي الحب مو علي شكل ولا تعليم ولا ابو يااختي أنتي غلطتك من أول الرجال واضح معك وقالك لك هالكلام ليه تستمرين معه وتجيبين عيال منه علي الاقل الكل يعرف الطلاق صعب صبرتي ولاحملتي لما تشوفين نفسك مع الرجال والحمدالله أبوك حي وأمك ليه يخلونك معه علي أي أساس أدوس كرامت بنتي ماعليش البعض بيقولون تخربين بيوت أنا أقول إلي مقتنعه منه شوفي ألحين أنتي جبتي عيال وعيالك أمانه وغلطك تتحملينه أنتي ليه تسوين في نفسك كذا وتتساهلين في حقك نصيحه عشان عيالك أجلسي حرام يعيشون بعيد عن أبوهم وأحتسبي عندالله وبعدين أختي لاتتهزين بزوجته وتتحملين الإثم مو غلطتها هذا زوجك و الرجال واضح معك وقال احب وحده وأعترف لك قبل يلمسك ليه تتمسكين فيه أنا لو منك ينام في غرفه وأنا في غرفه والصبح في بيت أهلي صح أنه مر هالقرار لكن عزتي وكرامتي ماتسمح زوجك مغصوب ومقهور والرسول تعوذ من قهر الرجال أو علي الاقل تتفقين معه علي أنه فتره بعدين يطلق وعموما الرجال حبه أقوي من الحرمه وغير كذا مقهور الله يعينك ويصبرك |
ان كان صدقا ما قلتي وانا لا اكذبك لكن لغة الانفعال احيانا اقوى من لغة الحقيقة . ان كان ذلك فأنت قد منحت كرمك لمن لا يستحقة وكنت تبذرين اغلى ما عندك في ارض صبخة لا تنبت شجرا ولا تمسك ماء
فان كان ذلك ففراق جميل فربما تفرحي بكسب نفسك اكثر من فرحتك بكسبه حتى وان عاد فجراح السنين احيانا تكون غائرة تستعصي على المداواة تمنياتي لك وللجميع بالتوفيق |
اقتباس:
|
اقتباس:
|
اقتباس:
|
اقتباس:
بس انا ماعندي قدره نفسيه كافيه او حتى بدنيه اني ارجع له....لأن ماكسر فيني صعب ينجبر ويعطيك العافيه |
اقتباس:
|
اقتباس:
وجزاك الله خير |
لجميع من يلوموني...بأستمراري معه..انا لا الومكم ففي البداية كان امامي امران الطلاق((وجميعنا نعرف صعوبته ووضع المطلقةالآن في المجتمع وكثرة ظلمه لها)) او اصلاح الكائن الذي امامي ..فأخترت اصلاحه وهذا ليس رأيي انا فقط بل الكثير من المستشارين المتخصصن...لكن زوجي وللأسف ليس من النوع القابل للتغيير يعني لا يلين ولا يتغير...وحاط براسه اني ابيه خاتم بأصبعي وخايف من سيطرتي عليه..وكل ما شاف ان وضعنا هداء شويه وبدينا نفهم بعض او الأمور بتمشي على مايرام صنع مشكله او تهرب المهم يخرب اللي انا اسويه يعني زوجي كان عارف اني احاول اكسبه واحببه فيني ويهدم ما ابني.......
وفشلت معاه بجميع محاولاتي بالأضافه ان شخصية زوجي نفسها صعبة وليست لينه...حاولت الطلاق وهو اول من رفض هالشي ومع هذا مايتغير((لايتغير ولا يطلق!!!!))ثم ان اهلي رفضو طلاقنا وخاصة الوالد لأسباب انه صغير وانا صغيره - وجاهل بأمور الزواج-وانتظارهم يتغير علما انهم الآن ينتظرون انه يتغير بعد زواجه؛؛<<<مدري كيف تجي هذي وانا يائسه منه... المشكله الآن تكمن فيما يلي بوجهة نظري والله المستعان - زوج لا يحبني ويكن لي كره خفي يظهر على افعاله ومحاولة قهري بكل الطرق بأصغرهاواكبرها((زي يوم كنت عنده يسلم على زوجات اخوانه ويسألهم عن احوالهم وانا يناديني بهيه سواء عندهم او بلحالنا وطوال الفتره اللي كنت عنده -- ومثل لما رفض يبني لي دورة مياه الله يعزكم وزوجته بيبني لها بيت وجنب بيتي ومطلع كلمه كل الناس يرددونها الجدار بالجدار يعني جدار بيتها بجدار بيتي قهر لي ومضايقه لي)) -كرهي له وحقدي عليه بعد هالأفعال ومجرد تخيل اني اعيش معاه ما اقدر وحتى لو اغصبوني ارجع مارح اصافيه او تكون علاقتنا حلوه راح تكون اسوأبكثيييير من قبل -الأطفال وهنا المشكله الكبرى...لو اطلق بتكون الحضانه معي لكن لما اتزوج بياخذهم وامي ترفض حضانتهم لأنها امراة كبيرة ومريضه وحتى عند الشغاله برضو رافضه حاولت معاها مافي فايده.. رجوع ما اقدر ارجع حتى اني اتصلت على مركز للتنمية الأسرية وقالي المستشار اصلحي زوجك علشان اطفالك برضو رافضه ولو اطلق بتزوج لكن الأطفال!!الله المستعان الله يفرجها |
صلي صلاة الاستخارة واتخذي قرارك
ثقي في الله |
اقتباس:
|
مرحباااا
الان اهلي يحاولون يقنوعوني اني ارجع بعد الولادة ولكن بشروط وكل هذا من اجل الاطفال حاطين امامي هذي المعادلة اذا اتطلقت واتزوجت راح يروحون الاطفال لابيهم وممكن اني ماتزوج الا معدد او كبير سن بحكم وضع المطلقة وبكذا خسرت الاطفال والزوج واهديته لزوجته اللي ماخذها براءيي ان المعادله صحيحه باستثنا الزوج لاني خسرانه الغير معدد يعني زوجي معدد الان ومايهمني وكارهه العيشه معاه ولو تزوجت غيره بشتري راحتي لكن اكيد بينشغل بالي ع اطفالي انا اقول عندي خيارين ارجع او اعيش عازبة ورجوعي لزوج مايحبني وصعب التعامل معاه وقاسي هذا بيتعبني نفسيا او اعيش عازبه هذا برضو صعب لاني راح اكون عاله انا واطفالي على اهلي واخواني واتشتت بين اخواني وزوجاتهم بالمستقبل ودائما افكر في مخرج فقلت للوالده تاخذ حضانة اطفالي ورفضت لسببين الاول انها مريضه ولا تقدر على متابعة الاطفال حتى بوجود الخادمه السبب الثاني هو انها لاتريد ان تدخل في خلافات وشجارات مع زوجي واهله وتخشى على اخواني منهم ايش الحل زوجي ما اقدر اعيش معاه يعني صعبه انا خلاص عفته كرهته ولو قلنا ارجع ايش اسوي وايش استفيد لان لو حاولت اصلاحه فماذا افعل كل شي سويته ومع كل هذا مو عاجبته وسيئة! انا استخرت كثير وصايره بين امرين ارجع لاجل اطفالي وما ارجع لاجل نفسي خاصة ان زوجي ما حاول يرجعني وكل اللي يصير من ابوه قاعد يضغط عليه يرجعني ومو معقوله برمي اطفالي عليه حتى اني دقيت على مستشار وقالي ارجعي لزوجك وحاولي اصلاحه علشان اطفالك وانسي طلاق لان الاستمرار هو الخيار اللي امامنا اقل ضرر برضو مو مقتنعه ما ابي اتخذ قرار واندم زي ما انا ندمانه اني استمريت معاه وانجبت مالحل ارشدوووووني |
من زمان عنك حبيبتي .. انا ولدت من كم يوم .. وجبت بنووته قمر ويقولون تشبهني ^_^
وانا اهلي مثل اهلك يضغطون علي وزوجي يضغط علي ارجع بس ماحد له كلمه علي .. كنت رافعه قضية خلع واهلي يبغوني اتنازل واجلس معلقه لحد مايطلق من نفسه.. المهم .. انا انصحك ماترجعين له.. وفيه فرق بين لما ترجعين له او تاخذين معدد .. يمكن المعدد يحبك اكثر منه ويدلعك اكثر .. وبعدين لو تطلقتي هو مجبور يصرف على عيالك يعني لاتحاتينهم وتقدرين تسجلين بالشوونه والجمعيه يصرفون عليك 1400 ويمكن اكثر حسب عدد عيالك.. والجمعيه يعطونك للكهرباء والاكل والمدرسه .. والحضانه بتكون معك لانك ماتزوجتي ولو فكرتي تتزوجين هذيك الساعه اقلبي الحضانه لامك امك الحين ماراح توافق عشانها ماتبيك تتطلقين بس لو تطلقتي بترضى بالحضانه عشانها تبيك تتزوجين ولاتجلسين مطلقه فـ هي تحاول تضغط عليك عشان ماتطلقين .. وترى المعلقه لها مصروف ولعيالها من الشوونه لمده سنتين |
الملاك يونا
الحمدلله ع السلامه قلبي والف مبررووووك البنوته تتربى بعزك انتي زوجك اارحم من زوجي لانه يحاول يرجعك لكن زوجي ابدا مايتصل الا اذا تهاوش مع ابوه جانا وقال ارجعي لعيالك وقبلها ابوه يتصل علي ويقولي ارجعي بيجيكم زوجك ومره يقولي انا اكلمك الحين وولدي فلان يتهاوش مع زوجك علشان يرجعك.... اجل وش بقى؟ مسالة مو راجعه هذي مقتنعه فيها لكن الاطفال الوالده الله يسامحها رافضه الحضانه الان وبعدين انا جاء على بالي زي اللي قلتي لكنها قالت خذيها من قصيرها ماراح اخذهم الان او بعدين قلت تتعوودين عليهم وتاخذينهم بعدين ورفضت وفي شي مهم ان اهل زوجي يقدرون يثبتون ان امي مريضه وياخذون اولادي هذا اللي مضيق خلقي ابي اتخلص منه يطلعون لي الاطفال عائق. ابوي يقول ارجعك بعد الاربعين وبشهود وشروط اذا وافق ينفذ الشروط وياخذك ما وافق ذاك الحين تروحين للمحكمه طبعا اخوي يرفض اروح للمحكمه الا اذا اذن له ابوي الله يعيني انا الان توني ادخل التاسع..... |
حياتي لاتحاتين .. انتي فكري تبين تجلسين معهم مطلقه مع عيالك ؟ او ترجعين لزوجك وهو مايبغاك ومذلوله ..؟
تقدرين تجلسين عند اهلك والحضانة لك لحد مايبلغون السن اللي المفروض ابوهم ياخذهم .. وساعتها شوفي نصيبك لان حتى امك ماتقدر تاخذ حضانتهم .. لكن في حال تبين تتزوجين على طول تضطرين تدبرين لك احد يحضنهم.. جربي وافقي على شرط ابوك .. قولي له يرجعني بشروطي ولو ماوافق على الشروط نروح المحكمه وتطلقوني منه.. وانا اقترح انك ماترجعين له وتجلسين عند اهلك وتربين عيالك يمكن يحن قلبه ويندم ويرجعك من نفسه وبالنسبه لامك وعيالك صدقيني مستحيل تعترف لك .. لو عاشت مع عيالك وحبتهم بيعورها قلبها عليهم يروحون عند مرة ابو .. ولو خذت حضانتهم بس بالاسم انتي اكيد بتزورينهم اغلب الوقت وتهتمين فيهم ..وزوجك ماهو حولك ( اللي رح يصير طليقك) بس بكل الحالات استخيري .. وخلي ابوك يحلها ولو ماوافقو مثل ماقلت لك اخر حل المحكمه وخلي اخوك يعطيك كلمة .. انه اذا ماوافق زوجك عالشروط يروح للمحكمه ويعرف ان ابوك موافق.. كلامي مره ملخبط بس عساك تفهمينه .. ويارب يحفظ لك جنينك وتولدين بالسلامه |
الملاك يونا شروط اهلي كثيره ولو وافق عليها معناته بيحافظ على بيته
اهلي يحاولون اوافق ع المرحله هذي اللي هي بعد الاربعين ويقولون مافي ذل اذا وافق ع شروطنا لاننا اتمكنا منه وعدلنا ميلانه وبكذا حافظنا ع كرامتك ونفسيتك واطفالك وقتها انتي حببيه فيك ع راحتك شروط اهلي هي -بيت زي زوجته او يعدل البيت الحالي يبني دورة مياه جديدة وخزانة مويه لي وغرفة للاطفال ويسكر شبابيك امه واهله ويحط الاثاث والتكييف والاجهزة الناقصة -رضاوة لي ب10000 بمناسبة زواجه علي -يصرف ويعدل بيني وبين زوجته -يلتزم بالمراجعات اللي بعقد النكاح ومو يتذمر ويعاير فيهم -يقدرني ويعاملني باحسان هذي شروطهم اذا وافق الاخ زوجي بيرجعوني واذا لا فالمحكمه هي اللي تقرر ترجيع او طلاق المستشار يقولي ارجعي ونبدا من الصفر علشان تكسبينه يعني انا لو رجعت مثلا برجع سنة تجريبي خخخخ وانا لا ارى لا اسمع لا اتكلم وبنفذ خطة المستشار اول باول لاني راح اكون متواصله مع المركز الاسري وماشيه معهم بالخطوات حبه حبه هذا اذا رجعت لاني الحين قاعده اعيد التفكير مره ثانيه الملاك يونا وضحيلي حاجه ذكرتيها اللي هو السن اللي يقدر ابوهم ياخذهم وامي ماتقدر تاخذ حظانتهم؟ اللي اعرفه ان البنت ياخذها لكن الولد يخير وشي جدا طبيعي كبنت بسن 22 انها راح تتزوج لو اطلقت لاني توني صغيره يعني اعيش عازبه بهالسن صعبة ومشكوووره حبيبتي الله يفرج علينا |
كان الله فى عونك بس بقولك فكري فى عيالك مو شايفه انه لازم تضحى عشانهم!!!!!!!!!!!! وعارفه ان الوضع بيكون صعب عليكي ولكن هذا حال الدنيا وبلأخص قلب الام تقدم مصلحه اطفاله على مصلحتها الشخصيه تدرين فرضا لا قدر الله وتم الطلاق انتي ما تعرفين وش رح يكون حالك مع زوجات اخوانك ابوك وامك مارح يكونوا معك طول الله العمر الله يحفظهم لك ويطول بعمرهم وش يضمن لك ان احد بيتقدم لك فكرى يالغلا واستخيري الله قبل كل شيء واذا قررتي العوده لازم يكون لك شروطك الخاصه بك وايضا حاولى تجنبي الاخطاء التى وقعتي فيها وتتعلمي منها الحياه تجارب الله يكتب لك مافيه خير لك طمنينا عنك |
من رأيي انك ترجعي فهو بالنهاية أبو عيالك ويستحقون منك محاولة الاصلاح
ويمكن زواجه الثاني يكون فاتحة خير عليك وربي يصلح بينكم من رأيي ارجعي و لكن بدون ضعف وتنازلات وانما بنفس صافية و عزيمة قوية على الاصلاح مع المرشدين الاسريين وخليك واثقة من نفسك و عيشي حياتك الزوجية بدون التركيز الكلي على زوجك وتصرفاته وخاصة انه لن يكون متفرغ وانما سينشغل بجزء من وقته لبيته الثاني ...ومن جانبك أنت انشغلي بأطفالك وبيتك و بالاهتمام بنفسك وبعلاقتك بربك وبعلاقاتك الاجتماعية وتأكدي زواجه الثاني سيغيره بإذن الله للأفضل ولكن كوني حكيمة وصبورة |
الولد يخير والبنت بسن 7 سنين اعتقد ياخذها بس بعض المحاكم يخلونها مع الام للمصلحه عشان القصص اللي تصير والجرايم بحق الاطفال ...
وتقدرين تكسبين حضانة اطفالك علطول لو عندك ادله على عدم مسؤوليته وفساده.. وبالنسبة لشروط اهلك حلوه بس اهم شي ماتتنازلون عن اي شرط فيهم .. وزوجك لازم يعدل حتى في التمشيات والمستشفى وغيره وغيره ,,, واي شرط تحسين انك تبغينه اكتبيه.,. عالاقل بهالحاله اهلك مايلومونك ااذا زوجك رفض الشروط او مانفذها.. |
سلمى
وهل حياتي مع زوجي هي الامان!!! انا عارفه ان حياني عازبه ومع اطفالي فيها صعوبات ومتاعب..لكن بترك هالخيار هو الخيار الاخير ... وبالنسبه للأطفال هم اللي كاسريني الان ومتعبين تفكيري وهم السبب الوحيد اللي يخليني افكر اني افكر ارجع لزوجي رغم عدم محاولته لارجاعي وكأني متزوجه ابوه مو هو...! لو رجعت فاالحلول اللي عندي نفدت وخلاص مافي حل الا اتباع خطوات المركز الاسري وربي يوفقني اما اخطائي فما انكر ان لي اخطاء كبشر لكن مو ذيك اللي تخلي زوجي يعمل هالعمله ويتزوج يعني اخطائي بذكرها وهي - اسأله تبيني والا لا سالته ثلاث مرات ومسكها علي يقول دايمن تزعجني بهالسؤال!!! -طلب الطلاق وبكثره ليش! لاني عارفه اني بوصل لهالمرحله وهو مقصر ماديا ومعنويا ودايم التهديد بتزوج عليك والا احب وحده... -الخطا الثالث واعتبره حساس هو انه كل ماتزوج رجل ع زوجته جاني مبسووووط ويتبسم ولاحظت هالشي كثييير واسكت اخر مره كانت بشهر 2الماضي وصارت مشاده بيننا وكان يخبرني انه بيتزوج وكان جاد وصراحه طفح الكيل وقلت له انا احب خطيبي السابق الثانيه طبعا ماراح اتنازل كافي اني تنازلت زمان ومانفعني شي وصبرت على فقره وسوء معاشرته وكافئني اول ماجاله الراتب وخذ قرض اتزوج وبسرعه مدري يمكن ارجع وانا ناسيته يعني مايهمني زيه زي اي رجل غريب لكن اهم شي حقوقي ويعدل بيني وبينها ويعطيني ليلتي ويومي ديكور قدام الناس وله مني المعامله الحسنه واحتمال كبير ارجع سنه تجريب اذا اعجبني الوضع وهو تغير بستمر اذا لا فمظطره انهي هالزواج ولله ما اخذ ولله ما اعطى اما زواجه ما اظن يتعدل ارى انه بيجاول يقهرني خاصة لو كانت رجعتي قبل لا يتزوج الان هو ماجل زواجه الى متى ما ادري الملاك يونا ماعندي ادله هو سيء من ناحيتي مو من ناحية الاطفال اجيب ادله انه سيء معي اما الاطفال فما فيه ويعطيكم العافيه جميعا |
اقتباس:
الرجل يقول لك ماابيك ضفي وجهك اقلبي وجهك انتي ماتسوين انتي عندي زي الجارية بالبيت مو زي الشغاله لا زي الجاريه >> اسوا حال من الشغاله يعني وش ينفع 10 الاف واللا الخرابيط اللي بيسويها تصدقين بعد موضوعك وموضوع ندمانه حيل ابصير شرير واعذب زوجتي اللي توي خاطب وعمرها 17 سنه سابصق في وجهها كلما مرت بقربي واقول لها رجاءا ريحتك مو حلوه لاتمرين من عندي واخليها تغسل رجولي بعد الدوام ولو طفى الكهرب بسبب الشركه اضربها بسلك كهرب اطلع حرتي ولو جت فاتورة جوالي كثيرة اسحبها مع شوشتها من المطبخ الى غرفة النوم واضربها وبعد كذا اتمتع بها ,,, صرت اعشق التعذيب دام ان هناك من يستمرؤه ويستعذبه لو قالت لي احبك بقول لها بالله لاتمغصيني انا مااحب مشوهه مثلك يالله روحي مسحي الدرج :25: البنت اللي ماتبي تعز نفسها تبشر باسوا مما قلت ,,, والله يااخوان كنت اقول لاحد الزملاء يااخي استحي لو تزوجت اقول لزوجتي ممكن كاس ماء بس انت وصاحباتك خليتوني احس ان المراه مهمتها بالحياه خدمة الرجل وان يتسلى ويستمتع بها دمتـــــــــــــــــــــــــــــــــــــــــــي بــــــــــــــــــــــــــــــــــــــــــــــود ,,,,,, |
ليش كذا
انت تستوعب والا لا ؟ خخخخخ يا اخي ادري انه ما يبيني الله لا يوفقه ولانه مايبيني ماقلب علي جد الا لمى استغنى وصار عنده فلوس واتزوج فهمنا انه مايبيني خلاص وعارف ان من ناحية نفسي ماينعغ استمر معاه لو يوم... لكني متوووووووووووهقه عندي طفلين فهمت؟ ولو اني اطلق ويبقون معي واتزوج لكان اتطلقت لكن انا يا ارجع ياعيش عازبه يا اعطيهم ابوهم واشوف حياتي علشان كذا انا افكر شسوي اطلق والا ارجع فهمت؟ ولو الاقي لي مخرج كان اعتقت نفسي وريحت بالي. الله يفرجها بس وحسبي ربي ع زوجي |
اختي
كيف تطلبي منه يتغير و تتشرطوا عليه و هو يقول للكل يا نااااااااس ما أبغاها ؟؟؟؟؟؟؟؟؟ |
أنتِ الحين ليييييييش تفكري بأشياء ماصارت ؟؟!!
ويمكن ما تصير ..! ركزي بوضعك الحالي والمستقبل على الله .. وانتِ أدري بنفسك ، وكلام المستشارين الأسريين لا يودي ولا يجيب .. كله كلام نظري .. ما ينفع للواقع ..! ما يحل مشكلتك قدك .. اصبري انتِ الآن وشوفي .. وعلى الأطفال زوجته ماراح تتحملهم حتى لو اخذهم راح يرجعهم .. |
روح الطير
في هذي معك حق وهذي نظرية اهلي والمستشارين انا ما ادري كيف بيتغير وانا سنتين وثمانية اشهر ولا فايده الابنة الصغرى ﻻﻻﻻﻻﻻﻻ لازم احط لكل شي حساب بالنسبه لي مستقبلي بدونه افضل وراحتي النفسية وسعادتي مو معاه اما الاطفال ؟؟؟ اما المستشارين فانا ارى ان لهم راي صائب وهو عندهم علم ورؤية اكثر مني لو انا مثلا رجعت فما ارجع رجوع كلي يعني سنة تجريب ومع المستشار وفي حالتين بس 1-اذا شفت من زوجي رغبة منه هو بأرجاعي ووافق هو بدون ضغط عليه من ابوه ع الشروط 2اذا المستشار بالمركز راح يعطيني شي جديد انا ما قد سويته برجع واجرب ماني خسرانه شي خاصة الطفل رضيع اما اذا بيعيد لي نفس الطرق اللي سويتها حينها عفوا مقدر ارجع |
طيب أختي هو ليه مأجل زواجه الثاني حتى هذا الوقت؟؟؟؟
ليه ما تزوج دام انه مبسوط بزواجه وباختياره؟؟؟ أنا أقولك انه بيتغير بعد زواجه الثاني لأنه احتمال كبير يكون هالزواج فرصة يعرف قيمتك أكثر لما يجرب غيرك |
أختي لحظات فرح وسعادة بإذن الله
والله يكفيك معاملته لك في الليلة الأولى لتختاري الفراق حبيبتي الرجل اللئيم يقضي شهوته في تلك الليلة بفرح، فكيف هذا الرجل لا يفرح بمتعته أليس غريب؟؟ لا أقول لك سوى أنكم الآن ثلاث ضحايا فلا تغامري بالعودة فيزيد عدد الضحايا بسبب تجربة سنة قد تدفعين ثمنها عمرك بأكمله وتذكري أنت لست وحدك لتغامري بل معك أطفال لا يستحقون منك أن تذهبين بهم في تلك البيئة الفاسدة |
الثانية
مشكوووره ع الدعم النفسي مأجل زواجه كما قال ابوه ان ماعنده فلوس كافيه لاقامة حفل الزواج.. اما انا خايفه يرجعوني قبل زواجه وهو يستغل هالفرصة بتعذيبي عن قرب... ديمي والله جد تعذيب ولما هربت لاهلي ورجعت المرة الاولى ورجعتله انواع التعذيب النفسي وصرحلي واعترف لي باشياء ماقد اتخيلت انه بهالوقاحة قالي انه كان يجاملني لما يقولي احبك عند اهلي وقالها مرتين ما انكر اني كنت اجامل وقال محد قالك تصبرين وهو بنفسه كان يحاول فيني زمان استمر معاه وانه يوديني السوق لان الفلوس فلوسي ولو هي فلوسه ما وداني وفعلا هالشي اثبته بفعله بالواقع المهم هو دخل علي وقال ما ابيك فعايل سودا كثيره عديتها وانا عند اهلي وفي بيته قلب علي على طول وقالي ما ابيك وعلى الطالعه والنازلة ليتني ماتزوجتك ليتني طلقتك وانا بتزوج وبحط الجدار بالجدار وفعلا تزوج واهله الان يكررون الجدار بالجدار ولطالما ان في تضحية سواء كان باستمراري معاه او اكون عازبه لاجل اطفالي فأنا اختار اكون عازبه واتفرغ لمستقبلي وسعادتي اما اكمل دراستي او احاول اتوظف وهو له الخيار يطلقني ويعتقني لوجه الله خخخخ او اقنع اللي عندي واصر على رايي لين يودوني المحكمه صراحه الوضع الان مو مطمن انا شايفه رجل يضغط عليه ابوه علشان يرجعني وحتى اطفاله مهمشهم كله كره لي وبكذا ماني فارضه نفسي عليه ولا فارضته على نفسي والله المستعان ومشكوره ديمي |
ما فهمت اللحين
اذا تطلقتي منه بياخذ اطفالك منك وانتِ ما تبغينه ياخذ اطفالك ,,علشان كذا ودك ترجعين ؟؟؟ او اذا تطلقتي ما تبغين اطفالك معك وتبغين تعيشين بدونهم بعد الطلاق ؟؟؟ |
هلا اصيله
انا خايفة اتطلق وياخذ اطفالي لو اتزوج علشان كذا افكر اعيش بدون زواج بعد طلاقي وادري انها صعبه لكن الله المستعان |
| الساعة الآن 01:26 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©