رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

باتحمل امور بسيطة .. و مو مشكلة فيها دام اولادي يستفيدوا

بس صاحب الفيلا طلب فاتورة الكهربا فدفعتها له
تقريبا 800 ريال عشان عملوا تصليحات كمان

المهم..
هذه راح اطلب من زوجي اذا استلم راتبه.. يرجعها لي

و صاحب الفيلا قال لزوجي لازم تفضي البيت بعد شهرين
طفش من زوجي و انا اتحمل النتايج كالعادة

المهم..
باقدم عالتمويل العقاري الفترة هذه و احتمأل يجيني قبول دكتوراة بإذن الله
بس الموضوع بياخد 9 اشههر تقريبا

.
.

و لو سافرنا.. هذا هم جديد
لاني ماراح اخد شغالة معاي

و زوجي وقتها يا يصبر و يتحمل معايا
يا يرجع غير مأسوف عليه

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

والله وجعلي قلبي .. وبعدين يا روح ؟؟؟ ايش تنتظري ؟؟ تنتظري يجي اليوم اللي تخسري فيه حبه لك وتقديره لفضلك عليه ؟؟

ما تشوفي الرجال اللي واحدهم زوجته تصرف عليه وتدلع فيه وهو يضرب ويتمسخر لأنه عارف انه مالها مخلص وما تقدر تترك أطفالها ...
انتي عارفه انك لو خسرتي حبه لك ما راح يرجع .. هو صبور لكن لو نفذ صبره بينفذ نهائي لأنه شخص عاطفي وما راح يقعد يحسبها مثلك
بتقولي انه لو كان يحبك ما كان خان .. أقولك لأ يا روح .. ممكن يغلط وهو يحبك ..الفرق بين اللي يغلط وهو يحب زوجته وبين اللي يغلط وهو ما يحبها أنه اللي يحب يرجع يندم ويطلب السماح ويصبر على زوجته ينتظرها تنسى ( وزوجك صبر فلا تخليه يفقد الأمل من أنك ممكن تنسي)) بينما اللي زوجها ما يحبها لما يغلط يجاوبها ويقولها عاجبك كان بها مو عاجبك روحي انتي وعيالك .. انا رجل وحر .. مثل ما بيوم قالها لي زوجي .. اذا تقولي كلمة بزيادة بروح الحين أعزمها عالعشا ؟؟ شنو بيدك تسوي ؟؟
تظني انه تمسك فيك لأنك تصرفي عليه ؟؟؟ بالك لهالدرجة صعب انه يحصل عمل يصرف منه على نفسه وبس ؟؟ بالك لو يحطها بباله عشان يستغني عنك ما راح يقدر ؟؟؟

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

نفس شعور بيتا
حسيت جوابه يوجع القلب

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

اخوي ابو حكيم

تاخرت بالرد حتى اختبر نفسي و اعرف حالي ؟
لقيت اني فعليا ما سامحت.. مو علشان الموقف الاخير.. بس لاني تاكدت اني عايشة مع شخص
( ميت فعليا ) و اللي حصل نتيجة فعلية لدماغ فارغ من اهداف دنيوية و اخروية

عقلي يقول .. مضطرة تستمري معاه عالاقل حتى يكبر ولدك و تعتمدي عليه بمجتمع ذكوري
و حتى تضمني سفرك و تستغلي وجوده مثل ما استغل تصديقي له و ثقتي به

و قلبي يقول.. لو ما كان يحبك و يبغاك ماكان قدمك على نفسه
و حتى اخر موقف حصل.. بالعشر الاواخر كان يقربني جنبه ماعرف ليه ؟
مثلا اغسل الصحون..يجي يسحبني و يقول اجلسي جنبي و يلصق فيا بزيادة..
و مع انه كان ممكن يستغفلني و يروح يتكلم او اي شي

و بعد عزيمة المطعم يوم 20 رمضان .. فيه ايام لحد ما فضحته تاني يوم العيد
ليه ما كرر العزيمة كمان ؟
انا ما سالته.. بس هو قالي استحقرت حالي و كم مرة نويت اتوقف و استحقرتها
و عرفت قيمتك اكثر وىالفرق بين وحدة مثلك و وحدة مثلها رخيصة

.
.

المهم انا ما اصدق كلامه
بس مع نفسي فكرت و افتكرت كيف كنت استغرب بالايام هذيك اواخر رمضان
يناديني اجلس جنبه .. حتى ما يخليني اقوم اطبخ و يقول بس خليكي جنبي
و مرات بعد الفطور ينيم ولدي الصغير عشان يبغاني اجلس معاه
هذه بالعشر الاواخر

.
.

بس دحين اسال حالي .. لمتى طيب يستمر عقابك له ؟
عدت شهرين دحين و هو يوميا يحاول ينسيني و يراضيني و ترك السهر

.
.

بس ما اقدر اتاكد انه بيعمل هذه الاشياء عشاني او عشان بيخطط اني اوقف معاه
بايجار البيت و السيارة ؟
ماصرت اضمن شي

.
.

كلامك اخوي ابو حكيم.. خلاني اخف بنسبة ثلث بالمية
كم مرة امسك حالي بس احس اني انكتم ..

يمكنانا مكتومة اصلا من فقدان الوالدة و تغير كل الاحداث..
فاحط حرتي بزوجي بالطريقة هذه

لانه اخواتي قبل رمضان كم وحدة قالت لي بتجيها نفس الحالة
يفتكروا امي و فجاة تحط حرتها على زوجها بعدين تندم و يجلسوا يبكوا

.
.

المهم ..
اوعدك ما عاد افتح السيرة
بس كيف اعرف انه ندمان بالفعل
و انه مو معتبر سكوتي خلاص هبل و اني نسيت بسهولة ؟

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

يوجد أمر اخر انت كتبته بردك و هو السبب الي خلاني ارجع لزوجي .. و فتح صفحة جديدة معاه
و سبب كتابتي للموضوع هنا..

ثواني

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

الجملة هذه

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

بيتا موجودة

استشارة سريعة

قبل لا اكمل كلامي.. حصل موقف دحين و باعرف ايش اقول لزوجي اذا رجع بعد ساعة
اخترتك لانك متعاطفة معاه .. و هو مثلك عاطفي و كلامك زي البلسم

وماسكة لساني

مابي اخرج عن الموضوع بس الموقف يستدعي العاطفة الان

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

عفوا عصاميه .. الظاهر طلعت وانتي تتطلبيني . .تو أنتبه لردك

اذا ما تأخرت عليكي فأنا موجودة الان

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

سؤال لك روح
لو كان زوجك قايم بواجباته وأموركم مستقرة مثل غالبية الزواجات بأن الرجل هو يقوم بشؤون البيت , هل كانت راح تكون لك نفس ردة الفعل تجاه المكالمة ؟

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

فاكهة مافهمت !؟

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

ايش هي ردة الفعل المقصودة ؟

.
.

بيتا

كان موقف بسيط ..
تسلميييييييي ..

.
.

ماكملت ردي على اخوي ابو حكيم و ردك
لاني افكر في كلامكم من زمان و كل يوم

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

اخوي ابو حكيم ..

بعد الي حصل ببريطانيا .. و بعد مانقلنا و قررت التركيز بدراستي ..
كنت باسترد قوتي مع نفسي و كنت بداخلي مقررة مع نفسي اني اعتبر
زوجي خلاص كأنه ( انتهى من حياتي ) عشان اقدر اعيش ..

مثل الي صاير دحين بين توفي و زوجها .. لما يقولها اعتبريني جزء من حياتك
بس كان صعب اخد اي قرار .. لاني ماكنت فاضية عشان احقق بالمواضيع الي حصلت ببريطانيا و كتبتها هنا لاول مرة
و كنت افكر بمرض امي وماعرف راح تعيش و تتعافى و لا كيف وضعها بيكون ؟ و ماقدر اشغلها معاي .. و كان لازم انجح هذيك السنة عشان ارجع

بس كنت ناوية في الحقيقة بيني و بين نفسي .. اني ما راح استمر معاه ..

في الوقت الي بديت فيه استرد ثقتي بنفسي و انشغل بحالي ..
زوجي كان يثبت لي انه تغير بالفعل .. كان يحاول و يفعل .. و كنت اشوف .. بس ماكنت اثق فيه .. بسبب الي انقال عنه من صحباتي
و كنت كل ماشفت صحباتي بعد كم شهر .. يرجعوا يفكروني و خاصة الي تحب الهرج الكثير ..
مع انه زوجها الصراحة اسوا من زوجي بكثيييييير ..

اقصد زوجي افضل من زوجها بكثيييييير .. بس هي كل مرة كنت الاحظ عليها تقلل من مقدار زوجي ..
وصارحتها من زمان .. بس هي تخلي الموضوع هذا حجة لها .. انه زوجي شخص سيئ

طيب انا افتكرها زمان قبل لا اتزوج و اول ماتعرفت عليها و هي بيني و بينها 15 سنة و زوجها
اكبر منها.. يعني هما اكبر من زوجي كمان

قبل زواجي .. افتكرها كانت تحكي عن زوجها وتشتكي من افعاله و هو وقتها كان عمره تقريبا 40 و عنده منها 5 اطفال
و انا زوجي كان بالعشرينيات و لسى تونا عرسان .. يعني لو اقارن بين زوجي بعد سنوات لما يصير بعمر 40 مع زوجها
اكيد بيكون زوجي الافضل بملايين المرات

المهم ..
انا الحياة علمتني كيف افكر .. و لا وقتها كنت اعتبرها قدوة و اخت كبيرة لي .. و كنت اصدقها ..
بس تعلمت بعدين و بعد ما ابتعدت عن صحباتي بسبب الحكايات هذه .. تعلمت دروس كثيرة بالحياة ..
اولها .. اني ما اثق باقرب صديقة لي ..
تاني شي .. ما احكي لصحباتي عن زوجي اي شي ..
ثالث شي .. اني اثق برايي ... و اني انا الي اقرر مصيري بيدي ..
رابع شي .. زوجي مو كل شي بالنسبة لي ..

.
.

تكملة

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

بالفترة هذيك .. زوجي مثل ماقلت كان يحاول يثبت لي انه غير ..
مو لانه الي انقال صحيح ..

لانه افعاله سابقا .. كانت تسمح لاي احد انه يتكلم و يتدخل بحياتنا و حياتنا تنهدم..
مثلا .. زوجي مايقول لاهله فين بيروح .. و لا يقولهم اي شي .. و يخرج و يدخل بالوقت
الي يبغاه .. و لما يسالوه .. يكذب عليهم ..

فكان يعاملني بالطريقة هذه ببداية الغربة .. و كان مقتنع بطريقته ..
بعد الي صار .. جلسنا و تكلمنا و قالي ماكنت اعرف الفرق بين اهلي و زوجتي ..
انا كنت كذا في بيت اهلي .. وماعرفت انه التعامل هذا غلط اني اتعامله معاك ..
الا بعد ماشفت انه بيتي كان بينهدم لاني ماكنت اقةل لك شي ..
فصار اي شخص يجي يقولك اي شي عني تصدقيه .. لانك ماصرتي تصدقيني
( طبعا انا رتبت لكم الكلام هنا .. و لا هو كان يقول نص كلمة و انا افهم الباقي ..
زوجي ماكان يعرف يقول كلمتين ورا بعض .. كان بداخله خوووووف مو طبيعي )

يمكن عشان كذا انا صدقت الكلام الي وصل لي عنه .. لانه كان يخاف حتى لو الحق معاه ..
بس الحمد لله .. اني تربيت تحت يد ام و اب قلوبهم رحيمة ..

بداخلي تعاطفت معاه .. و كنت ابحث و اقرا بالنت .. قريت وقتها عن بوصلة الشخصية ..
و شفت انه فيه ناس مثل زوجي .. يكون الحق معاهم لكن وقت المواجهة .. تحس انهم غلطانين و مذنبين
لانه ردات فعلهم توحي بالشي هذا ..

و تاكدت من الشي هذا .. لما مرة كنت انا الغلطانة و اشتكيته لامي .. و امي خاصمته ..
كان يحب يتكلم مع امي و انا كمان .. امي كانت تعامله كانه ولدها ( غير عن بقية ازواج اخواتي )
و قامت امي صدقت انه هو الغلطان .. بس بعدين اعترفت لامي و هزأتني .. ^^
و هو صدق انه غلطان و ما دافع عن نفسه .. بعدين علمته و قلت له .. اتكلم و دافع عن نفسك ..

من يومها صارت امي تحبه و توقف معاه ضدي
عشان كذا زوجي يقول انت غيرتيني و علمتيني كيف اعيش مع الناس ..

.
.

المهم ..

كنت وقتها رسخت بعقلي الباطن اني مجرد ما ارجع للسعودية ..
و امي تتعافى .. باتركه .. و رتبت وضعي من غير ما يدري ..
قلت لأمي .. لو بيوم تركت زوجي انا راح اعيش ببيت لوحدي مع ولدي
و اجيب شغالة و سواق ..

اعطوني من دحين قراركم .. عشان اخوي لا يتحكم فيا .. و التاني بالذات
مابغاه يتدخل فيا .. امي قالت لي ماحد بيتدخل بقرارك عشان لاتقولي بيوم
اجبرناك تعيشي مع زوجك .. و قلت لاخوانك ما يتحكموا فيك .. و قالوا طيب ..

.
.

اعطوني حرية القرار .. و انا لسى برة ..
كنت صح باكمل دراستي .. بس كنت برضو باشوف زوجي و اختبره ..
عشان لا اندم .. و ماكنت اعطيه هذاك الحب .. كنت احبه عشان نفسي ..
خلاص تعلمت وقتها ..

بس برضو و. ماكنت اقصر معاه .. و كنت اهتم بلبسه و اكله و بنفسي ..
بسسس .. نيتي كاتمتها بداخلي .. تظهر مرات وقت الغضب او الزعل ..
و بعدين لما نتصالح كنت اقوله بس كلام وقت الزعل ..

و انا فعليا .. كنت متأثرة بالاحداث الي حصلت .. و بكلام صحباتي و الي كتبته هنا ..
عشان كذا فتحت الموضوع .. عشاني تعبت و مابغى اجلس اسيرة للافكار الي بتهدمني و تهدم حياتنا ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

السنة الاخيرة .. زوجي كان يجيني الجامعة و يجيب لي عشا معاه ..
مرات و الله بعز البرد و الشتا .. يمشي برجوله 40 دقيقة عشان مامعاه قيمة الباص
او الوقت يكون تأخر و الباصات توقفت خلاص ..
كان يجيني للمكتبة المركزية و شايل عشا ليا ..

و مرات يخلي الشغالة تجهز لي الاكل و يمشي برجوله من البيت للجامعة
عشان اكل .. اكون مواصلة بمكتبة الجامعة و يجي يجلس معاي بالليل ..
و ياما نام
فوق الكنبة
ة بالمكتبة المركزية

و رجعنا البيت بعد الفجر !؟

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

وطبعا انا ما قصدت انه تعامله مع اهله صحيح .. بس الى الان اسلوبهم نفسه
و هو حر بتعامله معاهم .. بس مو ذنبي اتحمل نتايج افعالهم ..

اهله لما يسالوه انت فين .. مو عشان مصلحته .. عشان مصلحتهم
فكان زوجي يفهمني غلط و يحسبني ابغى اتحكم فيه .. كان يقولي بداية الزواج
اعرف تبغي تعرفي الجواب عشان تتحكمي فيا .. كنت استغرب كلامه و ماصرت اساله

بعدين هو لما قرر يتغير .. صار يقولي من حاله ..
انا اليوم رايح اسهر او راح اتاخر او زي كذا ..
بدات الحياة تتعدل .. مع وجود بعض المنغصات العادية ..

بس رجع يكذب كبات بيضا على قولتهم ..
مثلا رايح اصلي بالمسجد و رايح تحفيظ .. يعرف اني افرح ..
بس كذاب يروح يلعب بلياردوا ..

اقتنعت انها هوايته .. بس اشترطت عليه ..
بعد 9 ما يجلس بالبلياردوا .. برة طبعا..
لانه السهر برة عندهم يبدا بعد 9

.
.

المهم انه تحسن كثير عالاقل كان بيحاول

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

بدات حكاية الاحتيال معاه .. و يعلمني ..
كنت اقول له .. ربي مايبارك لك بالمال ..

يمكن الوضع اللي نحن فيه حاليا .. اثبت له صحة كلامي ..
الفترة هذيك .. كان قرش واحد مايجلس معاي و ماكنت اخد قرش حرام

زوجي اخذ قرض من شركة ربوية و زوجي من النوع الي يقنع نفسه باي
طريقة انه الي بيعمله حلال .. كنت بداية الزواج اصدقه لاني احسبه شيخ
و هو كان يضحك علي و يعطيني فتاوي و كنت هبلة اصدقه هو و اهله ..

المهم .. كلمته انه الشركة هذه ربوية و اصلا زوجي ضحك عليهم و مارجع لهم فلوسهم
قلت له ربنا ماراح يبارك لك بالفلوس و قلتله الاية ..
رجع اشترى جوال و يضحك عالشركات .. مايسدد لهم ..


للاسف .. اهله كذا يحللوا لنفسهم الامور ..

دحين فيه فلوس لحضانة ولدي باقية لهم عندي .. تقريبا 1500 ريال وعدتهم اعطيها لهم

لحد دحين جالسة بذمتي و راح ارجعها لهم بإذن الله لما اروح اقفل ملفي بالملحقية
طبعا زوجي لو عليه يقول طنشي .. بس بالقصد راح اخليه يشوف كيف فلوسهم بترجع لهم ..

القصد من الحكاية هذه ..
انه هو بحاجة لاعادة بناء من جديد .. و المصلحة بالاخير لاولادي ..

.
.

مثلا قبل اسبوع زوجي لقي كاميرة غالية قيمتها بالالوفات ضايعة لواحد من الحجاج
زوجي لقي بيانات الحاج و طلع واحد مايتكلم عربي
كلمه زوجي بالجوال بالانجليزي و راح له زوجي بنفسه و قابله و اعطاه اغراضه

يقولي زوجي .. شوي و يبوس رجولي من كثر ماهو طاير من الفرحة و مو مصدق انه اغراضه جاته و مانسرقت

قلتله .. شوف كيف دحين بيرجع بلده و يجلس يحكي لهم عن الامانة بأهل البلد هنا ..
قالي بجد .. زي مانحن نرجع من برة و نحكي عن برة و الغرب كيف عندهم امانة و نقول المواقف الي صارت لنا معاهم

.
.

اخوي ابو حكيم

زوجي اكتشفت انه بجد برئ و طفل ..
يفكرني بأبوي الله يرحمه ..

بس ماعرف كيف ممكن اقوي ايمانه بالله ..
كيف اخلي بداخله مراقبة لله ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

المهم ..
رجعنا من برة .. و كنا متفقين من برة قبل لا نرجع .. اننا اذا رجعنا ..
اني ماراح اكون مثل بداية زواجي اتحمل اي شي ..

يجيب لي شقة.. يأثثها .. يجيب سيارة . و وظيفة .. و يصرف علي و على ولده ..
و كان هذا الشي هو اللي بيثبت لي انه بالفعل متحمل مسئوليتنا ..
و كان هذا الشي الي بيخليني اتمسك فيه او لا ..

لانه برة الصراحة .. انا ما احتاج لزوجي ..
و سبب من اسباب تاجيلي للدكتوراة غير مرض امي ..

كنت ابغى اعرف قيمة زوجي بحياتي قبل لا اوصل لمرحلة اخد فيها شهادة الدكتوراة
و ما اشعر بقيمته ..

كمان زوجي لو باستمر معاه .. كان لازم يرجع السعودية و يدقدق على راسه عشان يعرف
فايدة الشهادة و يعرف قيمة السنوات الي ضيعها عالفاضي برة ..
كانت هذه النقاط براسي وقتها ..

.
.

المهم رجعنا ..

بس اللي خرب اموري .. مرض امي و حملي ..
امي الله يرحمها كانت تقسى كل مالها .. و انا كنت جنبها اغلب الاوقات ..
كنت اشوفها تموت قدامي .. حملت و كانت امي كل يوم توصيني ..
انا راح اموت و كنت اعطيها جرعات ايمانية

كنت يوميا افكر كيف افرحها .. كنت اجمع قرش فوق قرش على امل اني اسفر امي برة
لو اضطر الوضع و اعالجها باي طريقة .. زوجي عاش معايا هذه الايام ..

لو كان مثلا يفكر يخونني وقتها .. كان ممكن بسهولة ..
جواله كان جوال عادي .. ومن غير كلمة سر ..
كان يجي ينام عند بيت اهلي لو مافي اخواني .. و كان يقول عشانك ..
لانه فترة مرض امي كنت محتاجة لزوجي نفسيا ..

بديت أشم ريحة نقل الكلام بين اخواني و اخواتي و كلامهم عني من خلف ظهري
كانوا يحسبوا جلوسي الكثير مع امي اني اتكلم عنهم ؟
و انا جلوسي معاها عشان اعوض فترة الحرمان الي عشته بالغربة بعيد عنها
و لانه امي لو احتاجت لشي .. ماكانت تطلب من احد .. فكنت ادور و اشوف ايش نفسها فيه ؟
كنت احاول اقوي صلتها بربنا و تحمد ربنا عالمرض و انه ربي يحبها ..
عكس اختي كانت تقولها فلانة حاسدتك عشان كذا مرضتي و فيكي عين و لا سحر ووو الخ

طاقتي كلها اعطيها لأمي .. كنت اجمع قرش قرش عشان ماني عارفة متى الكيماوي تبان نتايجه ؟
هل فيه امل و لا كيف ؟
و مع كذا كنت ما ابخل على امي .. اي شي تشتهيه امي صارت تطلب مني و من غير ما تنحرج

.
.

كثر الهمز و اللمز من اهلي بس كنت اطنش
لاني ماتركت الغربة و دراستي و اهملت بيتي عشان اتفرغ لتفاهاتهم و قيل و قال و مشاكل
بالمقابل امي كان محبتها لي تزيد و محبتها لزوجي ..

طبعا نفسيا .. انا تأثرت ..
قلبي مات بموت أمي ..

.
.

امي من هنا ماتت .. و تونا راجعين من غسل امي ..
و اهلي يلاقوا فرصة عشان يقلبوا علي و راس الفتنة تطلع اشاعة و تنشر بين الكل
اني عاقة لأمي و اني و اني

ماعجبهم الكلام و المدح الي سمعوه من الناس .. لما يقولوا عصامية تركت دراستها عشان امها
و انا ماهمني اي احد .. كان همي امي و بس ..

الفترة هذيك .. كنت معتبرة اهلي كل شي بالنسبة لي ..

.
.

جيت حكيت للصائمة لله ..

صححت لي المفاهيم و قالت لي ..
اخوانك و اخواتك انت ما اخترتيهم ..

زوجك و اولادك دحين هما أهم شي بحياتك ..

.
.

ياربي ؟؟؟

امي ربتني انه اخواني و اخواتي هما اهم شي بحياتي ..
و انا كنت مهيأة نفسي اني اترك زوجي ..
اهلي تخلوا عني ..
زوجي وقف معاي..

.
.

كل شي تلخبط بمخي ..

ماصرت اعرف العدو من الصديق ..

.
.

مصدر الامان لي كانت امي ..

.
.

اللي عملوه اخواني و اخواتي .. فتح المجال للغرباء انهم يستغلوا الاوضاع للتفرقة بيننا ..
صاروا حريم الاخوان يستغلوا الاوضاع ..

حاولت اجمعهم .. انشغلت بهم ..

.
.

الفترة هذه اعترف اني قسيييييييت على نفسي و على زوجي ..
تقريبا 6 اشهر من يوم امي ماتت ..

.
.

نسيت اقول انه وقت ماكنت حامل بالشهر الخامس .. سافرنا برة انا و زوجي و ولدي
و شفته مرة سهران و كنت تعبانة من المشي ..
. استغربت سهره .. و تاني يوم شفته حمل برنامج شات و كان توه
بدأ يبحث عن احد يدردش معاه ..


لما شافني اكتشفت حركته .. حذف البرنامج ..
و زعلت منه لاني من قبل قلت له ماني مستعدة يخرب بيتنا بسبب الاجهزة هذه و البرامج الي فيها
وقتها قلت له .. ابغى الجوال .. انا ماعندي ايفون .. و حامل ماقدر اجلس قدام اللاب توب ..
يعني عقاب بطريقة غير مباشرة .. انه يعطيني الايفون

طبعا الايفون هذا هو مادفع فيه قرش واحد ..
ضحك على شركة برة و طلع الجوال ببلاش و سافرنا بعدها للسعودية
و مع كذا اعطيته الفين عالايفون ..

.
.

المهم بسبب الحركة هذه و تحميله لبرنامج الشات ..
كاتب الحالة الاجتماعية ( صعبة )
و كاتب بالانجليزي
Life without love is not life
Love without trust is not love

سالته ايش تقصد بها ..
جلس يكذب و يالف كلام ..

.
.

و كان تعود عالسهر في السعودية مع اصحابه ..
و مرة يقول معزوم على شبكة و مرة زواج ..
بس ما عمره نام بعيد عننا ..

.
.

الحمد لله من بداية الزواج فيه اسس عودته عليها و تعودت عليها
ما ينام زعلان مني او العكس ..
حتى لو اضحكه بالليل .. بس ارجع ازعله بالصبح عادي :p
المهم الملايكة ما تلعنني

حتى كان يقول مرة من المرات .. مو امس نمنا مبسوطين ؟
اقول له .. لا بس لسى ما تكلمنا عن المشكلة ..

.
.

طبعا نوم برة الغرفة وقت الزعل .. مرفوض ..
و لاعمري رحت بيت اهلي لو زعلت .. اول شي لانه صحبتي من يوم تزوجت نصحتني بكذا
و تاني شي ماعمري شفت وحدة من اخواتي جات بيت اهلي زعلانة من زوجها
و اخر شي لاني اصلا بالغربة كنت هههه يعني غصب عني :D

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

أختي الكريمة/ عصامية
1) أنتِ ماذا تريدين بالضبط؟
2) هل طبقت شيئاً أو فعلت أية خطوة للأمام؟
:::
إلى الآن نحن ندور في بعض الحلقات المفرغة..
أرجوك اخرجي منها وتقدمي بشيء للأمام على الأقل افعلي أي شيء وإن كان بسيطاً

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

اخوي البليغ ..

امس ماقدرت انام لمدة ساعتين و انا افكر بسؤالك !!!!؟
نمت الساعة 4 بالقوة امس .. و قمت الساعة 7 و نص و جلست لحد 11
و كل مانمت و صحيت .. افتكر سؤالك .. !؟

.
.

انا ايش أبغى بالضبط ؟
و بأدور حوالين حلقة مفرغة

.
.

بصراحة .. ماعرف ايش ابغى ؟
من يوم كتبت الموضوع هذا .. خرجت بنتايج و الحمد لله ايجابية مع نفسي ..

1. تخلصت من الذكريات السيئة الي اسرت نفسي بها ..
لاني كنت دايم افتح سيرتها لزوجي و كان يحلف انهم كذابين و انه
كثرة فتحي للموضوع هذا بيخليه بالفعل بعدين يغلط عشان اصدقه ..

و هذا هو كلام الاخ ابو حكيم ..

كنت مجرد ما اعطي لزوجي اي عاطفة بلا حساب .. يجيني الشيطان و يقول لي
يا هبلة .. مو كنت كذا قبل و ما عجبه و راح يدور على غيرك و يقولها لو تقبلي فيا راح اطلق زوجتي ؟
اقوم اسال زوجي .. بجد انت كنت كذا و كذا ؟

يقولي بعقلك انت انا اعمل كذا ؟ و ينقهر بعدين اقول له .. طيب انا قفلت السيرة وقتها بشرط تجيب
اسم اخوها اذا صح هي تتبلى عليك الي ببريطانيا ..

.
.

المهم .. كنت استحرم السعادة لنفسي عشان لا اتعلق بزوجي ..لاني كنت اشك فيه
و ردود الرجال بالمنتدى عن انه مافي رجال يخلص لزوجته الحب وووو الخ
كانت تمنعني من اني اعطي العاطفة بلاحدود .. كنت اشوف انه مايستاهل ..
لانه الرجال انانيين و خونة و كذابين ..


بس هو كان و مازال و حتى لو زعلته بيوم .. كان يقدم لي عاطفته بدون شروط ..
لو اقول له ( تعال ابغاك ) .. يترك كل شي و يجي

.
.

بس فيه عيب كنت اعاني منه و صححته دحين ..

بداية الزواج ماعمري كنت اطلب منه شي .. بحجة عزة النفس و ماتعودت و اخجل و ما اكلف عليه
بعد المواقف الي صارت .. بديت اطلب منه يجيب اي شي .. بس عناد ..
و كان يجيب الي ابغاه .. و شفت انه ما يقول لا .. و انا لاني ماتعودت اطلب شي من احد ..
فكنت اجبر نفسي اني اطلب منه .. بس ماكنت اراعي الطريقة ..
كنت اطلب منه مثلا برسالة جوال .. او لما ازعل منه اقول له ابغى كذا و كذا و كذا ..
فصار زوجي يعرف اني متضايقة من شي لما ارسل له رسالة ابغى اي شي ..

(( دحين تعلمت اطلب اي شي منه .. بالطريقة اللي يحبها ))

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

اللي جالي من اهلي كان خير علي ..

بس الامور هذه انتبهت لها من قبل رمضان .. و كنت باصلحها مع نفسي ..
يعني مو عشان الموقف الاخير الي حصل من زوجي ..

انا كنت محتاجة لوقت عشان نفسيتي تتعدل بعد موت امي ..
كان من المفترض انه زوجي يصبر و يوقف معاي .. خاصة اني كنت اقول له كل مرة
سامحني .. تعبانة ..

الدليل اني كتبت موضوع هنا بعنوان هل من فجر قريب .. لاني عارفة اني ثقلت على زوجي ..

الفترة هذيك هو كان مضغوط ماديا و اهله كانوا يتريقوا عليه لانه كان عاطل ..
قالوله اخواته مرة انت الحرمة و زوجتك الرجال .. هي قايمة بكل شي بالبيت و انت عالة عليها

و انا مليت من سهره .. و كنت اقوله خلاص امي ماتت و اهلي انقلبوا علي ..
و انت رامي كل شي علي .. و البيت معتبره فندق لك ..
خلاص مابقي شي عندي اخسره ..
اتركني انت كمان .. انا ماني بحاجة لاي احد .. و لا بحاجة لك ..

ماكنت ابغى احسس حالي او احسس اي احد اني انكسرت بموت امي ..
ماكنت ابغى زوجي يجلس معايا تعاطفا لي ..لانه هو كمان بدأ يتغير لما شاف الوضع كذا
كان على باله مالي اهل .. عشان كذا لما دخلت عمي بالموضوع اخر مرة ( خاف ) و صار يحسب حساب ..

الحمد لله .. دحين رجعت تدريجيا لطبيعتي و رجعت لعلاقاتي الاجتماعية ..
و الفترة الي مريت بها بعد موت امي و بعد الولادة .. كانت فترة طبيعية ..

بس انا بالغت بردة فعلي و كنت اقوله كل مرة ( سيبني )

.
.

لما قريت مشكلة توفي و فيصل ..

اكتشفت اني كنت اعاني من عقدة بسبب امي و ابوي الله يرحمهم ..
افتكرت ابوي مرة من المرات و مع انه كان يحب امي مرة .. بس مرة تخاصموا و انا كنت بالمتوسطة ..
و قال لنا ابوي و اول مرة في حياته كذا يدخلنا بمشاكلهم ..
قال امكم اطلقها .. و جلس يستشيرنا عشان يقهر امي ..

امي كانت ساكتة و ماعمرها بحياتها قللت من احترام ابوي او رفعت صوتها ..
تمنيت وقتها امي تقول له ( طلق )

ابوي يموت بامي الله يرحمهم .. بس الموقف هذا كتمته بداخلي ..
تمنيت وقتها اني اخد حق كل النساء الي يذلوهم ازواجهم ..

كان يقول دحين انادي اخوي و اختي و هما الي يحكموا و يقرروا مابيننا ..
قلت وقتها ببراءة لامي .. ماما ليش ماتخلي عمتي تتدخل و تصلح بينكم ؟
امي كانت كتومة و قالت ماحد يتدخل و يتشمت فينا ..

تخيلت وقتها اذا امي تطلقت .. فين بنروح و عشت الاحداث و تاثرت ..
و تمنيت امي تقول لأبوي ( يالله طلق )

عشان كذا لما تزوجت امي قالت لي .. لو بيوم ماكنت مرتاحة مع زوجك .. لاتحسبي انه بيت امك مافي
انا كنت اسكت عشان امي كانت قاسية و ماعندها بنت تتطلق .. بس انت بيت اهلك فيه و ماحد يكسرك ..

بعد موت امي ..
يمكن صرت انتقم لها من الرجال بزوجي ؟ و صرت اقول له كل مرة .. طلقني مابغى اعيش معاك ..
خاصة انه هو كمان كان خلاص مفقود الامل منه .. لا يبغى يتحمل المسئولية و يبغى يعيش على هواه ..
و يكذب و من وظيفة لوظيفة .. و مادري عن راتبه و لا يصرف مثل بقية الرجال ..

يعني خلاص مابقي عندي شي اخسره ..

.
.

انا برمضان جلست مع نفسي و قلت يابنتي استهدي بالله ..
و رحت كلمته و اعتذرت ننه لو غلطت او زعلته و نويت وقتها مع نفسي اني اعمل الي علي خلاص
و كنت بالعشر الاواخر ادعي له و صارحته من قبل .. انه هو متغير .. صاير جاف و عشان كذا انا كمان
خلاص وصلت لمرحلة يأست فيها منه خلاص .. و ماعاد عندي طاقة اتحمل اي شي ..

.
.

نرجع للسؤالين ؟

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

1. ماذا اريد !؟

ابغى ضمانات ..
مابغى اعيش مغفلة ..
ابغى اشعر بالامان ..
مابغى اكلف نفسي فوق طاقتها ..

كتبت الموضوع عشان ابحث عن اي خطأ اخطأته في حق زوجي ..
لقيت انه النسبة الكبرى من اسباب المشاكل تقع عليه هو ..

الدليل ..
انه زوجي الان من غير ما اتكلم .. بيعمل لي كل شي كنت اتمناه منه
اساله ايش المطلوب مني !؟ يقول ولاشي .. انا اللي لازم اعوضك عن كل شي

.
.

كنت ابغى ارتاح و اريح قلبي .. و نفسيتي ..
الحمد لله .. بكتابتي للموضوع .. احس اني رميت اللي صار بالخارج ..
و فيه امور تكشفت يوم كتبتها هنا .. ومن خلال ردوحكم ..

.
.

كنت ابغى شي يمنعني اني كل مرة افتح الموضوع لزوجي .. لاني ماكنت قادرة امنع حالي ..
مازلت محتاجة نصايح منكم في اني ما افتح السيرة ابدا لزوجي .. لاني مازلت اقاوم نفسي ..
ابغى كلمة منكم و نصيحة منكم تخاطب عقلي .. حتى لا يجيني الشيطان بوقت و يخليني افتح السيرة لزوجي

لانه قالها لي مرة ..
انا ما اتحمل تفتحي السيرة هذيك .. احس اني حقير و تفكريني به ..

قالها لي قبل كلام الاخ ابو حكيم ..

.
.

هذه باحاول اتحكم بنفسي فيها ..

.
.

ابغى زوجي يستمر زي كذا معانا ..
اخاف بس يفرحني شهر و شهرين .. و ترجع حليمة لعادتها القديمة ..

.
.

بجد اتكلم ..

اي شي او اي تقصير ..
ما عندي اي فرصة ممكن اعطيها له ..

.
.

يا يصير رجال ..
يا يروح في حال سبيله ..

.
.

السؤال التاني ..!
الي عملته انا حتى الان ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

1) حينما تداهمك فكرة فتح الموضوع معه بقومي بعمل واحدة من هذه الأشياء:
أ) إما أن تبدئي في عملية الاستغفار.
ب) أو تبدئي بالصلاة والسلام على رسول الله.
ج) أو تبدئي بالتسبيح.
2) دعي للرجل فرصة التعديل وإصلاح الخطأ بدون إثارته، أو إهانته، أو نبش بعض الأمور معه.
3) أكملي الآن حديثك.

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

انا قلت ابغى اعيش بأمان :
ماراح انتظرها منه .. عشان كذا .. وظيفتي و شهادتي هي الامان لي بعد الله ..
قررت امشي خلاص باجراءات الدكتوراة و الحمد لله بديت فعليا ..
و مثل ماقالوا الاخوات هنا نورة و كريستالة .. سافري و خذي شهادتك و زوجك يروح معاك
ان درس و تعدل .. رجعت برجال و شهادة .. ان اهمل و طنش .. رجعت بشهادة

و باحاول بإذن الله اضمن بيت ملك هنا عشان اولادي و مستقبلهم ..

---------------

ابغى ضمانات :

قلت لزوجي معليه .. تبغاني اتحمل معاك المسئوليات ..
اعرف بعد كذا .. راتبك متى ينزل بالضبط .. و فين بينصرف ..

قالي كيف يعني .. اخد منك مثلا عشرة و اقول رايح الحلاق ؟
قلتله لا .. بس بشكل عام ..

و هو اصلا حاليا بياخد مني كل مرة اذا احتاج بس مبالغ صغيرة
مثلا 20 عشان البنزين و زي كذا ..
فإيش الي يمنع انه اذا استلم راتبه يخليه معاي ..

انا كنت ضد الفكرة هذه ..
بس دحين راح اشد عليه بالموضوع هذا ..

في رمضان و قبل .. ماكنت ادري متى ينزل راتبه و لا يقول لي ..
و ينصرف راتبه و انا على بالي لسى ما استلم راتبه .. و انا اجلس اصرف
و لما اساله على خجل و بعد ما اشوف عدى شهر و نص و اساله
يقوم يعصب و يسوي فيها انه متحمل مسئوليات

بس دحين .. راح اجلس له .. يا يقبل بالشرط هذا ..
يا بجد .. انا المرة هذه غيييييير ..

.
.

كمان طلبت بعد اجازة الحج .. يكتب لي ورقة بالمحكمة عند القاضي
و تتوثق الورقة .. انه اخد مني مبلغ ...... اللي يكتبه هو ..
راح اخلي الورقة معاي .. بس كضمان .. في حالة انه يطعنني بظهري
قلت له راح استخدمها

قلت له معلييييه .. انا بلحظة بيتي كان بينهد و بسببك ..
و ما عندي اي ضمانات .. و ما راح اعيش معاك مغفلة ..

لو شفت برنامج شات .. او اي شي بسيط او اسم وحدة بجوالك
او المهم ريحة خيانة .. قلتله ماراح اتعبك و لا اتعب حالي ..
و لا راح اسالك .. تخرج من حياتي و لا عاد تشوفني بحياتك ..

قالي اكتب لك بالمحكمة 5 مليون .. لاني مستحيل اخون .. او اطالع بوحدة غيرك
شفت الطريق هذا ما منه فايدة و كلام فاضي طلع .. و عفته و ما وراه غير خراب البيوت

طبعا انا باطلب الورقة هذه .. عشان مستقبلا لو صار شي لاسمح الله يخص اولادي
مثلا يعمل حركات نذالة و يمسكني من اليد اللي توجعني و هما الاولاد .. و نحن عندنا
القانون مثل ماسمعت ينصفوا الرجل و صاحب زوجي محامي ..

فأنا من حقي اطالب بالورقة هذه و اعتبرها مؤخر صداق او اي شي ..

وقتها لو ضمنتت الورقة هذه .. راح انام و انا مرتاحة ..

.
.

حكاية اني مابغى اعيش مغفلة ..
فالحمد لله .. اوراقه صارت مكشوفة امامي .. و الدليل اني من وقتها
فهمته و حسيت و كلمته و قلت له حركاتك حركات المغازلجية ..
و صرت دحين تلميذته .. اضحك عليه و على اهله و قبيلته ..
والحمد لله فيا ميزة اني اتعلم بسرعة ..
و ميزة تانية .. اني اخاف ربي و محترمة حالي و مبادئي ما اتنازل عنها ..

بس انتقامي شديد .. لو حطيت شي براسي ..

.
.

اخر شي مابغى اكلف نفسي اي شي فوق طاقتي ..

يعني مثلا .. البيت مستحيل انظفه .. لاني برمضان انشغلت بتنظيف البيت
و تنظيف الاولاد و الاهتمام باكلهم و شربهم .. و سي السيد يبغاني اترك كل شي
و اجلس معاه فاضية ..

الشغالة موجودة و بادفع لها ..
و اجازتها اليومين هذه ..

ما بأمسك اي شي بالبيت .. يا يساعدني و يتحمل معايا مسئولية البيت
مثل ما انا حاليا شايلة مصاريف مقاضي البيت .. او براحته ..

الكلام دا قلته له يوم رجعت له ..

اما الاولاد .. فمن امس و انا ماسكة ولدي الصغير و من قبل امس ..
شغالتي عندها اجازة ..

اليوم قلت له ..
مالي دخل فيه .. هو ولدك انت كمان ..
تركته مع ابوه بالغرفة و صكيت الباب عشان لايجي ورايا ولدي ..
طبعا شبعان و نظيف .. بس ماراح اشيله ..

من يومين و انا شايلته ..

اخده ابوه دحين و نيمه معاه ..

اهم شي احافظ على صحة اعصابي .. و جسمي ..
عشان اكون مروقة و على سنقة عشرة ..

.
.

هذا هو اللي يبغاه زوجي ..

ولو سافرنا برة بإذن الله .. بيتحمل معاي مسئولية البيت ..
ماراح اكون مثل امي ( مضحية ) ..

و لاراح اخد شغالة معاي لبرة ..
يا يصبر زي ما انا بأصبر و صبرت ..

يا يعمل اللي يريحه ..

.
.

هذه الضمانات

.
.

و اخر شي ..
قلت له يقدم لي اعتذار قدام اهله .. على الشي الي عمله اخر مرة ..

قال ببستلم راتبه و يحجز استراحة و يعزمهم و يقولهم بمناسبة اني غلطت على زوجتي
على اخر موقف حصل بيننا ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

ممكن كلامي هنا حاد و قاسي نوعا ما .. بس لانها تنبع من اعماقي ..
فانا قسوتي على نفسي ..

لكن تعاملي مع زوجي .. هادي .. و معيشته بدلع ..

و دايما اساله .. تحتاج شي ؟
اهتم بأدق تفاصيله ..

قوتي داخلية ..

.
.

المهم بالنسبة لتعاملي معه حاليا ..

هي كالتالي :

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

هل طبقت شيئ او مشيت اي خطوة للامام !؟

اخوي البليغ ..
تعرف المخطوبة كيف تعامل خطيبها ؟

هو هذا طريقة تعاملي معاه ..

.
.

- الاحترام يكون موجود ..
هذا الشي من زمان و من بداية زواجنا كنت احرص على وجوده بيننا و ألح عليه ..
بس زوجي وصل قبل لمرحلة يمزح معاي كانه يمزح مع اي واحد من الشباب او اخوانه
يعني يمون علي لدرجة الاستهانة بي .. فما كنت قبل أجاريه لما يزودها

دحين لو مثلا كنا نتناقش عن شي و يرتفع صوته او يتكلم بطريقة اهله ..
اتوقف عن الكلام ثواني .. و اقول له كلمني باحترام ..

اهم شي نبرة صوتي و صوته ما تعلى ابدا ..

انا بداية الزواج كنت متعودة لما اوضح وجهة نظري .. صوتي يرتفع لاشعوريا
بس بعدين تعلمت و عودت حالي اني احرص على نبرة صوتي .. للدرجة الي اتعكسنا فيه انا و زوجي

المهم ..
الاحترام من الاساسيات اللي ثبتتها ..
و الحرص على نبرة الصوت ..

.
.

و لو حسيت اني متضايقة و معصبة .. ابعد شوي و ما اكمل الكلام ..
لو حسيت اننا بنتصادم بوجهات النظر ..
اتوقف عن الكلام و اقوم شوي .. وىبعد دقيقتين ارجع و امسك يده
و امسح على راسه و اقول له لاتزعل مني ..

ترى كان قصدي كذا و كذا و اتفهم كلامي كذا ..
و انت لما قلت كذا .. تضايقت شوي ..
بس خلاص اهم شي انك ما تزعل و تكون راضي عني ..

مثال على طريقة كلامي معاه حاليا ..

لكن قبل و بعد المواقف الي حصلت منه ..
يكون قلبي مجروح منه و افتكر الي حصل منه بالغربة
و اتقصد ارمي كلمة تستفزه او تجرحه و كأني قلتها بدون قصد ..
و لما يزعل كنت اقول له .. وي ما قصدت ماتعرف الحريم وقت الزعل يقولوا اي شي ؟؟؟

بس خلاص .. دحين همي اني اعامله باخلاقي انا .. بتربيتي انا ..
بالانسانة اللي بداخلي ..

و لو الشيطان دخل بيننا و بدأ العناد يدخل بيننا عن طريقي .. اقوم اسكت و اتنفس و اتعوذ من الشيطان
و اقهر الشيطان .. و اروح اسلم على راس زوجي .. يقوم زوجي يخجل و ينسى كل شي و يتأسف مني ..

.
.

كنت احسب اني عشان اعالج جروحي .. لازم انفصل عنه ..
لانه طبعي مع الناس .. اللي انقرص منه .. انسحب من حياته بهداوة و احترام .. و ما التفت للخلف ..

بس اكتشفت انه العلاقة الزوجية علاقة مختلفة .. خاصة لو فيه عشرة طيبة و لو فيه اطفال ..
و اكتشفت انه زوجي بالنسبة لي لو شلنا العواطف على جنب .. انه اقرب صديق لي ..
كيف ممكن الواحد يتخلى عن اعز و اقرب صديق لروحه و لنفسه !؟


فعلشان استمر معاه .. لازم اتخلص من الجروح اللي هدمت حياتنا .. و خلاص ارميه خلف ظهري و انساه
خاصة انه مافي اثباتات الى الان ..

و الحمد لله .. بكتابتي للموضوع هنا .. شلت النظارة السودا .. و نسيت اللي فات ..

.
.

زوجي صار يتكلم معاي عن همومه .. بعد ماكان كتوم و حتى امه ماتعرف اللي بقلبه ..
صار يحكي لي عن عمله و اصحابه .. و عن مباراة البلياردوا ..

توقف عن الكذب نهائي معاي .. و هو اللي وعدني و طلب نتعاهد انه ما اكذب عليه و لا هو يكذب
انا طبعا ماعمري كذبت عليه ..

بس ما احكي له كل شي زي زمان .. بس لو سالني جاوبته ..

.
.

بس احس اني صايرة الصق فيه بزيادة و استمتع بكل لحظة وجودي معاه ..
اخاف من الموت يخطفه نني لاسمح الله مثل ماخطف الحبايب ..

كنت قبل ما اظهر له كل عواطفي عشان اعرف قلبي ضعيف ..
دحين احس اني صايرة الصق فيه مرة .. و هو احسه مبسوط كذا ..

بس نفس الوقت ماني ضعيفة زي زمان ..

.
.

مستعدة اتخلى عنه بسهولة لو لاسمح الله بيوم استغلني

انا دحين بأقدم له كل شي ممكن اقدم له من احاسيس
لانه مافي اي فرص تانية بعد كذا

.
.

لكن مو معناها اني اثق فيه
بس مصدقته لحد دحين ..

لانه من هذاك اليوم و هو بيحاول يثبت لي انه غير ..

.
.

بس قدام اهله اشعر بالامان بوجود زوجي ..
يعززني قدامهم و الحمد لله .. و انا احترمهم و اساعده على انه يبر بأمه و ابوه ..
بس زوجي شخصيته بشكل عام جدا تغيرت عن قبل ..

لدرجة اننا كأننا انعكسنا ..

صار يتكلم و انا صرت هادية ..
صار نايسكت عن الغلط .. و انا صرت امشي كثييييير و اطنش ..
صار يدافع عني و يحسسني انه مسئول عني و عن راحتي و يغار ..

.
.

بس ماعرف ..
هل بيستمر كذا و لا فترة مؤقتة ؟

احساسي يقول انه صادق المرة هذه ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

على فكرة ..

امي الله يرحمها كانت دايما تقول .. الزوجة لازم تحرص انها ما تضيع قيمتها امام زوجها ..
عشان زوجها يقدرها ..

عشان كذا .. كنت دايما و مازلت احرص انه يكون فيه حد ..
حتى ولدي الي هو ولدي .. لازم فيه حد بيني و بينه .. هو حد الاحترام .
حتى لو احب ولدي و ادلله و اخاف عليه ..

بس نصيحة امي ما انساها ..

خلي كلامك
له طعم مع زوجك ..
لاتضيعي قيمتك قدام زوجك

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

حاليا صرت اقول .. فكري بيومك و بس ..
و احمد ربي يوميا على كل شي عشان يديم ربي علينا نعمته

احرص اني احافظ على اعمدة بيتي ..
لانها قايمة علي بعد الله ..

و ادعي انه ربي يطول بعمري لحد مايوقفوا اولادي على رجولهم
لاني ادري انه الحياة صعبة ..

.
.

بس ماعرف ايش واجبي تجاه زوجي ؟
ايش الفرص الي اعطيها لزوجي ؟
هل المقصود اني اثق به مثلا ؟

مو شرط اني اعامله بحب .. يعني اثق فيه
انا ما انتظر منه السعادة .. انا اصنعها بنفسي ..
بس مطلوب منه يكون رجال .. فقط

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

عصاميه

احس بأنكم رجعتم لمواقعكم السابقة .. انتِ المسؤوله يكل ما في الكلمة من ميزات وتبعات وهو التابع المطيع

هل هذا ما يناسب شخصية زوجك ؟؟ هل وجدتِ بأن شخصيته شخصية زوج طفل الذي يحتاج زوجة أم ؟؟

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

اخوي ابو حكيم

يعتذر لي امام اهله .. مو اهلي ..

.
.

و لو كان الموضوع بيني و بينه .. ماكان زوجي تندم و لا كان خاف انه المرة هذه انا جادة
زوجي عاش ايام الانفصال فعليا .. و ذاق طعم الانفصال .. عشان كذا يقول صحيت ..

لو اني ما اتصلت على عمي و دخلته .. ماكان زوجي وقف عند حده ..
يحسبني هبلة .. كل مرة اسكت عن اغلاطه ..

بس المرة هذه تقصدت اهله يعرفوا .. عشان هما كمان يقفلوا حلقهم ..
من يوم تزوجت و هما ينكدوا علي و يحاولوا يرموا عيوب ولدهم و عيوب تربيتهم علي

اهله عرفوا و هزأوه ..
بس هما بالاخير اهله .. ماراح يقولوا طايش و عديم المسئولية و مراهق ..
حتى لو هما عارفين عيوب ولدهم

راح يقولوا .. ماهو مرتاح اكيد مع زوجته .. ماتعطيه راتبها .. الخ

عشان كذا ..
يعتذر قدام اهله .. عشان يخرس افواههم .. لانه هما كمان محتاجين
تأديب ..

اليوم بس ابكي .. اخوه تاني مرة يدقني بالكلام و حاط عينه على راتبي
و رجعت و تخاصمت مع زوجي .. لانهم قليلين ادب و وجيههم مغسولة بمرق
لا يعرفوا معنى حيا و لا كرامة .. مثل الطفيليات

.
.

و دحين انا مصرة عالاعتذار ..
يا يثبت انه يبغاني قدام اهله .. او اعرف انه يستغلني ..
و هما يقفلوا حلقها بعدها ..

........................

المهم اهله حكاية تانية ..
يكفي اختصره بكلام سلفتي ..

انا اغبطك يا عصامية .. عرفتي تمشي زوجك و اهله ..
مو مثلي اكل زوجي فلوسي و يبهدلني عشان اخواته و اهله .. و يذلني يوميا
و بالاخير تزوج علي .. و دحين حاط عينه على ورثتي و نصيبي من فلوس ابوي

.
.

سلفتي انسانة رائعة و تخاف الله ..
و حاولوا يفرقوا بيني و بينها .. بس الحمد لله .. ماعطيتهم مجال

.
.

اما اهلي ..

فأخواني اصلا ما يبغوا زوجي .. من زمان و هما كارهينه ..

اخواني عندهم مقاييس للرجولة .. مايشوفوها في زوجي

و انا بكل صراحة ..
لو امي كانت عايشة .. كنت دحين تركت زوجي


لانه لا هو من ثوبي و لا انا من ثوبه ..
و ما عاد فيا طاقة تحمل ..

.
.

زي اليوم اساله لو سافرنا برة .. كيف بيكون وضعنا ؟
قال عادي زيي ببريطانيا .. راتبي و راتبك نقسمه بالنص و نخرج الايجار بالنص و الفواتير

قلت له و الباقي ؟
يقول اصرفه و مالك دخل فيه ..

قلت له معليييييه الوضع الي كان ببريطانيا قبل .. انا ماراح اتحمله من جديد
تخلي باقي الراتب معاي و نجمعه و نشتري فيه سيارة و ينصرف كله عالبيت

قال لي مو لازم سيارة ..
و مالي دخل بالمصاريف ..
و ماراح ادرس لو رحنا برة ..
و لو جاتني وظيفة هنا .. ماني رايح معاك

و صار يستفزني ..

قمت بكيت و قلت له ما اتحمل خلاص ..

.
.

بعد ما بكيت و انقهرت و افتكرت كيف بهدل فيا بالغربة

جا وقف و يضحك .. يقول لي هبلة انت ؟
تتكلمي عن شي لسى ما صار ؟

قلتله عشان اتطمن من دحين ..

قال لي صدقتي يعني اخليكم تسافروا لوحدكم و اسيبكم ؟
انا جالس اسايرك بالكلام و اضحك عليك و انت هبلة تصدقي..

.
.

زي كذا يستفزني
و طبيعي اصدق .. لاني انقرصت منه ..

و اعرفه .. يسويها ..
ماله أمان ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

بيتا ..

انا كارهة الشي هذا ..
و هو يبغى كذا ..

.
.

و هو عقله كذا .. هو و اهله ..
هذا مستوى تفكيرهم ..

.
.

و الله .. احمد ربي اني شايفة ولدي الكبير ماخد طبايعي و طبايع اهلي ..
من ناحية الكرامة و عزة النفس ..

هذاك اليوم في جيب ولدي ريالين و رحت معاه البقالة ..
جالس ولدي يختار حلاوة .. سالته لمين ؟
قال لاخوي الصغير .

فكر في اخوه قبل لا يفكر بنفسه ..
و بعد ما اختار شي لنفسه و رحت احاسب ..

ولدي طلع الريالين و يحاسب عن اغراضه ..
ما يخليني احاسب عنه و يفكر في اخوه ..
و تصرفاته تصرفات رجال و هو عمره 5 سنوات .. ربي يخليه لي

.
.

بيتا ...

زوجي يبغاني احسسه برجولته و انه ( واااااو )
و نفس الوقت انا اتحمل كل شي ..

هو دحين يقول انه تغير ..
و باشوف ؟؟؟؟؟؟؟؟

لحد دحين .. موضوع السهر تحسن ..
بس مشكلة الفلوس ؟ مامعاه و لا قرش بجيبه .. و انا باصبر لحد
ماينتهي من شغلاه النؤقتة ..
شغلته المؤقتة بعد شهر بالضبط .

و بعدين بيستبم راتبه في شهر ربيع اول ..

بس بعد شهر انا قلت له ..
ريال واحد ماراح اصرف ..

حاليا بادفع لمقاضي البيت .. لانه بيشتغل ..

لكن مجرد ما يجلس عاطل ..
انا ماراح اجلس معاه و لا راح اسكت .. و احتمال ادخل عمي او واحد من اخواني

تحملت جلوسه عاطل الفترة الي فاتت و تحملت مصاريف السكن و السيارة و كل شي

و بعد ماتوظف .. شفتي بإيش عوضني ؟؟؟؟؟؟
المرة هذه .. ماراح اجلس معاه لو بيجلس من غير عمل

انا ماني فاتحة فندق له ..
و لو جلست معاه وقتها .. بس عشان اخلص مصالحي ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

زوجي طول ماهو مستمر بتعامله كذا معاي ..
راح استمر بتعاملي معاه بذوق و احترام ..

لكن اعرفه مرات ماينعطى وجه ..و ماتنفع معاه الطيبة الزايدة ..
امس تزاعلت معاه .. و لاني صايرة طيبة معاه قام يرفع صوته ..

لما قمت رفعت صوتي و عصبت ..
رجع بالليل .. و جهز لي عشا و كبس لي راسي .. عشان امس عصبت من اهله

يعني انا اعرف حقوق الزوج .. و اعرف كيف الوحدة لازم تعامل زوجها
بس شخصية زوجي .. ماهي مثل بقية الرجال ..

لما اصير مرة ذوق معاه .. يبدأ يشوف حاله .. طالع على امه ..
لازم اعصابي تنفلت بعدين يحبني بزيادة ..

هذولا ناس مايعرفوا ايش معنى < كرامة >
يعرفوا معنى < الاهانة و المذلة >

و انا انسانة عايشة بمجتمع محترم و تربيت وسط عيلة محترمة ..
لولا المواقف الي حصلت من اهلي بعد موت امي
بس باحط لهم اعذار و اقول يمكن مصدومين من موت امي و فراقها

صحباتي كلهم بنات عوايل محترمة و معروفين بالمجتمع و طبيبات و دكتورات
و حتى ستات البيوت الي اعرفهم .. محترمات و بنات ناس ..


بس اهل زوجي و زوجي ناس ما يعرفوا معنى الحيا ..
انا جالسة اربي من جديد .. وتعبت خلاص ..

.
.

زوجي طفشان من اهله ..
امس يقولي لاتبيني لهم انك متضايقة .. عشان لا يفرحوا .. هما هذا الشي اللي يبغوه ..

.
.

رجعت متضايقة من اخوه و نكدت على زوجي .. قالي ارد على اخوه
قلتله لاتزعل .. المرة الجاية راح ارد عليه و اسكته
حتى سلفتي زوجة اخوه .. قالت زوجي ماحد يقدر يسكته و يوقفه عند حده غيرك انت
ردي عليه باحترام و ذوق و خليه يخجل على عمره و يسكت و لاعاد يتجرأ بعدها

.
.

زوجي يحلف انه لو اهله طفشوه بزيادة و انا ضيقت عليه ..
بيروح يجاهد و ينتحر عشان الكل يرتاح منه ..

الفكرة جات براسه و اعرفه بيسويها ممكن .. عشان قبل شهرين
واحد من اصحابه انكتب اسمه بالجريدة .. راح افغانستان و انقتل هناك
و صار زوجي يحكي لي كيف الولد كان مرة ممتاز بالثانوية و اخلاق و متربي
و حكى لي زوجي عن واحد كان بالثانوية معاهم بالفصل .. انقتل مع الارهابيين ..

و من بعدها بشهر .. قال شكلي باروح افغانستان بيوم و ماتدروا عني غير بالاخبار انقتلت ..

.
.

بس انا راح اوقف المهزلة هذه ..
و جالسة افكر برد مسكت .. يوقف اخوه عند حده .. اذا بيوم غلط
علي و على زوجي و جلس يرمي كلام ..

راح ارد عليه بطريقة تخرسه .. و تخلي زوجي يفتخر بنفسه قدامه ..

.
.

بيتا ..

ايش الحل ؟
استنى زوجي يطيح بشلة خربانة و لا يروح يضر حاله و لا ايش الحل ؟

زوجي احسه عايش عشان انا و اولاده .. الأمل الوحيد له ..
انسان لا شهادة .. لامستقبل .. لا وظيفة .. لا فلوس .. لا اهل .. و لاشي ؟

اهله بدل مايساعدوه .. كل ماشافوه قالوله انت ما تدفع و لا تعطينا فلوس و لا ولا ولا
يقصدوني انا بالكلام .. يعني خذ منها و اعطينا ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

والله ماني عارفه شو أقولك يا عصاميه

وضعكم غريب وأول مرة أشوف مثل هالتركيبة الاجتماعية فما عندي خبرة أو تجارب أقدر أفيدك فيها للأسف

كل ما املكه هو الدعاء لك والتنبيه لأي نقطة اشوفك تحتاجي ألفت نظرك لها في حال تكون فاتتك وممكن يفيدك التفكير فيها ..

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

ممكن اشارك

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

تفضلي متفائلة

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
 

عصاميه الخطوة الي انتي مقدمه عليها ثنتين الدراسه و شراء بيت ملك
خلي منك الملهيات الثانيه سواء اهله وتحرشاتهم او الماضي
البيت بينكتب باسمك اكيد فهو اكبر ضمان الحمدلله اما الشي الثاني الدراسه والغربه
في غربتك ببريطانيا وبصراحه وش كان دور زوجك الفعلي
باختصار لو سافرتي بدونه كنتي بتكوني اريح ولا
شلون اثر عليك سواء سلبا ام ايجابا ياليت تكلمينا باستفاضه بهالموضوع علشان الاعضاء يعرفون يردون عليك بهالجانب

رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو