|
رد : بوح الخواطر .. رجع لي بعد الغيبه ..
اللي يبا يرمس عقب الزواج خل يرمس لين مايشبع حلالي والله حلله اشبلاج مهره ترمسين جي الله يهداج وامه عنيده وماخذه الموضوع عناد بيت ملك ماعندها شقه لاغير واخوانها عندهم بيوت موب شقه ... مستكثره الخير لولدها بررايهااا المهم ماقصرتي بالنصيحه ربي يحفظج
|
رد : بوح الخواطر .. رجع لي بعد الغيبه ..
والله انا بعد ماايد الزواج التقليدي ..
يجى واحد يسمع عنى من امه او اخته و يخطبني او امه تختارنى ان عجبتها اوكيه وان ماعحبتها حكمت علي انى غير صالحه للزواج و ابدا حياة و تزاوج مع شخص ماعرفه و مهو مقتنعه فيه الا بس عشان قلة الخيارات و اوهم نفسي بحبه مع ان العاطفة موجوده قبل يجى هو """" |
رد : بوح الخواطر .. رجع لي بعد الغيبه ..
والله يا اخت فيلكا الناس ان سمعت تفكيرنا طلعتنا بصوره مذنبين ويفكرون من زاويه وحده والله لو تموتين بين اربع يدران محد بيطبطب عليج وبيسالج ان كنتي سعيده او لا كل اللي بتسمعينه ها نصيبج وارضي فيه اصبري غيره من هالكلام ليش منوا يصنع النصيب الحظ والا نحن.. انا حتى موب قادره افكر صح او كيف واحسبها الله المستعان
|
رد : بوح الخواطر .. رجع لي بعد الغيبه ..
اختي الغالية انا مااهنته ولاشي بس شكلك مافهمتي علية من اختلاف اللهجة
ومابعرف من وين فهمت انو الو ولد ! ماتواخزيني عاد ... المهم ربنا يوفقك وانا حتابع اشوف شو حيصير معك للاخر انا فاهمة موقفك تماما تمامااااااااااااااا والقلب ومايهوى وصراحة اكتر حاسة انو خلص حاطة شي في راسك وبدك تعمليه لو تقدملك ووافق عشروطك بتاخديه بس شرطك ماياخدك ضرة صح؟كانك بتقولي له طلق زوجتك وخدني صح؟ اكيد مابترضي بهيك ... الي مابترضيه عحالك مابترضيه عاختك المسلمة صح؟؟؟ لكن انت موقفك انك رافضاه لانك ماتتزوجي على ضرة وبنفس الوقت ماتطلبي يطلق ولا شي؟؟؟ لانو لو قلتي له مابتزوج عضرة راح يفهم انو طلق مرتك مممم مابعرف كيف افهمك قصدي تفكيري تخربط بس اقصد انتبهي من هالنقطة ماتكوني سبب طلاق ولو كان نصيبك بيلف بيلف وبتزوجك سواء ضرة ولا لا ربنا يوفقك |
رد : بوح الخواطر .. رجع لي بعد الغيبه ..
اخت ملك انتي اللي اعذريني انا موب عوفه يعني موب قاسه ومااعرف كيف افكر الهي نفسي بمشاكل الاعضاء عشان انسى شوي فضول يجتلني خاطري اسمع صوته بس لازم اكون قد وعدي كل اللي يتردد في خاطري الحين اشرطي عليه يستقر عندج &اشرطي يكون لج بروحج&فكري كيف تكونين مرتاحه والغيره مااتلعبج ولاتلاحقج&شو هدفه بالضبط وشو ييا عشان يرد فجاه &&& صرت موب متحمله شي اتفه الامور تضايقني خلني اقولج سالفتي مع خليفه امس في الليل السموحه منج عزيزتي بنفرد بصحفه مستقله
|
رد : بوح الخواطر .. رجع لي بعد الغيبه ..
امس تاريخ 13.7.2013
في الليل يابتلي البشكاره الفواتير قالت ماما احرقهم والا تبينهم قلت خليني اتاكد وعقب بقولج جان احصل فاتوره البنك مالت خليغه قلت اطالع شو المحلات اللي دخلهن هالشهر لقيت محل فرش في دلما مول مالت الشباري والتلبيسه والمطره ماادري شو يسمونه اخواني العرب والسعوديين المهم استغربت قلت موب من عادته يشتري انا متعوده اخذله عقب سرت اادور في البيت ماريته سالت خليفه ها خليفه بابا انت ماخذ فرش ماراويتني اياه جان يقول ها حق ربيعي حليله مجمع فلوس مع اخوانه صغار يريدون يشترون هديه لامهم وابوهم ودخل خاطره لحاف طقم كامل بس فلوسه من مصروفه مجمع ماكفى جان اقوله انا بدفع مارضى قال خلني بدور شي غيره عاد سرت انا شريت وخليته يوصلونه للبيتهم وخبرته عقب انها هديه مني واستانس عاد هو حلف يعطيني الفلوس اللي مجمعنه وانا ماقبلتهن بس خليته يعزمني في السينما على حسابه انا فقد اعصابي وقلتله خليفه متى بتترك هالطبع ها مبلغ 2700 والسينما مع الاكل ماتكلف ميه قالي روضه انتي عمرج ماحاسبتيني ع الفلوس قلتله اليوم ربيعك هني باجر بتصرف ع ربعك في لندن ..تضايق خليفه فديته قالي اخليها في خاطره يعني لا طبعن بس شاورني ع الاقل كل مره تروح مع ربعك ماتشريلك شي الا تشتريلهم معاك لين متى ياخليفه قالي ليش تصارخين فر الكروت البنك وطلع تخيلي ساعه عشر عقب التراويح مارد الا ثنتين في الليل وعقبها بست راسه واعتذرتله قلت اخاف عليك باجر الناس تستغل طيبتك ياقلبي وانت تتحرى الناس كلها طيبه شراتك قالي روضه انا مخاوي اثنين بس وموب خساره فيهم اليوم انا اعطي باجر الله بيوفقني ... افتشلت منه بدل لااعلمه هو يعلمني |
رد : بوح الخواطر .. رجع لي بعد الغيبه ..
الله يحفظ لكم خليفة .. ما شاء الله عليه.
أنا فاهمة أنج متوترة ونفسيتج مب مستقرة .. وتحسين انج تبين تطلعين حرتج على أي شي .. بس يعني لو كنتي طلعتي حرتج على سالفة ثانية غير الفلوس كان أحسن. زعلانة على 2700 وناسية انج حطيتي مبلغ ـ لا بأس به حسب وصفج ـ في حساب سالم بدون أي مناسبة؟!!! يعني عيب خليفة يصرف على ربعه .. لكن مب عيب انتي تصرفين على سالم؟!!!! |
رد : بوح الخواطر .. رجع لي بعد الغيبه ..
لا يامهره لاتفسرين اللي صار بهالطريقه خليفه الفلوس كلها يفدنه وتحت امره ومازعلت ع اللي سواه موب من حقي ازعل اخاف عليه من باجر يصرف ع هللاجانب ا ويستغلون طيبته وجان يات ع فلوس عنبوها من فلوس تخليني ازعل نظر عيني عشانها . يامهره عمرج ماراح تفهميني من جي لو بقعد اترجم واافسر موقفي راح اتم غلطانه بنظركم
|
رد : بوح الخواطر .. رجع لي بعد الغيبه ..
مهره غلاه خليفه غير كل الناس واخر شي اخلي هالامور تكسر بخاطره ... وسالم الله يسامحه بس رجع وتخربطت اموري
|
رد : بوح الخواطر .. رجع لي بعد الغيبه ..
عندك فلوس و كل شي
ليه مترددة بالارتباط بسالم ؟ خلك بعيد عن حرمته و استانسي انتى بقسمك منه |
رد : بوح الخواطر .. رجع لي بعد الغيبه ..
اقتباس:
|
رد : بوح الخواطر .. رجع لي بعد الغيبه ..
ماقلت انتى بهيمه
قلت من حقك تستانسين و زوجته ايه تقدرين عادى اذا كنت تحبينه صدق |
رد : بوح الخواطر .. رجع لي بعد الغيبه ..
اقتباس:
|
رد : بوح الخواطر .. رجع لي بعد الغيبه ..
اقتباس:
أنا عارفة غلاة خليفة عندج يا روضة .. وفاهمة ان تصرفج هو (فشة خلق) مثل ما يقولون مب انج فعلاً زعلانة على الفلوس. وبصراحة انا كنت انغزج بالكلام لأن سالفة الفلوس اللي حطيتيها في حساب سالم قاهرتني .. ولين الحين مب فاهمة انتي ليش سويتي جذي؟!! وبصراحة أكثر في تفسير ياي على بالي بس ما باقوله عشان ما تقولين اني أسيء الظن فيج. عموماً .. المسألة بسيطة فديتج ومب مستاهلة كل هالتعقيد. انتي اتفقتي مع سالم اتفاق .. الخطوة الثانية انج تستخيرين .. وفكري بعقلج .. عقلج وبس. ونصيحة من الخاطر .. طلعي قلبج برا الموضوع تماماً .. حتى لو كنتي تحبين سالم فعلاً. مع اني أساساً لي تحفظ على تسمية المشاعر اللي بينج وبين سالم .. لكني بافترض أنه حب حقيقي (والله يسلمج أنا ما اباج تناقشين هالنقطة معاي ولا مع أي حد لأن الأيام والمواقف الياية هي اللي بتثبت إن كان هالحب حقيقي فعلاً أم لا) على كل حال اللي ابا اقوله ان زواج الحب حلو يا روضة .. لكن الحب بروحه ما يكفي أبداً لنجاح الحياة الزوجية. لا تفكرين في اللحظة الآنية بس .. ولا تحصرين تفكيرج في الهدف اللي تبين توصلين له (اجتماعج مع سالم تحت سقف واحد) .. لأن هذه ما بتكون النهاية .. لكنها بداية لحياة ثانية طويلة بتعيشينها .. فكري في تفاصيلها .. وتخيلي أبعادها واللي ممكن يحصل فيها. مثلاً .. تقولين باشرط عليه يستقر في الإمارات ... طيب وافق في البداية .. وبعدين؟ تخيلي غيّر رايه لأي سبب من الأسباب .. تخيلي حصل في بلده أي ظرف ألزمه انه يرجع .... شو بتسوين؟ فكري في تفاصيل حياتج الحالية ..ـ فكري انه ممكن يكون له راي ثاني في هالتفصيل أو ذاك .. شو بتسوين؟ .. بتطيعينه وتسوين اللي يباه والا بيكون لج راي ثاني؟ الحياة الزوجية تتطلب شوية تنازلات .. ومع الحب التنازلات تكون متوقعة أكثر .. مستعدة تتنازلين؟ |
رد : بوح الخواطر .. رجع لي بعد الغيبه ..
اختيه مهره الفلوس اللي حطيتها كنت اقدر اخش عنكم واجنب الحديث بالتفاصيل بس طالما فتحت موضوع حبيت اخط تفاصيلي فلا تخلين موضوع تافه وهي الفلوس تبعدنا عن المهم في الموضوع شخص تحبينه ومن خلال كلامه حسيت انه مخنوق وعليه التزامات توقفين متفرجه ؟؟ والجزئيه الثانيه اللي ذكرتيها باخذها في عين الاعتبار بتظلين اخت وعزيزه حتى لو رمستج ساعات تكون عوفه. .
|
رد : بوح الخواطر .. رجع لي بعد الغيبه ..
اقتباس:
وموضوع الفلوس اللي انتي شايفه انه تافه .. فاسمحي لي اخالفج الراي .. ومثل ما سالفة الحب والمشاعر مهمة .. فبعد الفلوس وباقي التفاصيل مهمة. المهم .. ارجعي اقري كلامج اللي لونته باللون الأحمر .. واسألي نفسج: ريال مخنوق وعليه التزامات وراتبه ضعيف .. ليش يبا يتزوج مرة ثانية؟ ترا الزواج الثاني بعد فيه التزامات .. كيف بيأدي هالالتزامات الإضافية؟ .. كيف بيدفع مهر؟ .. كيف بيوفر لج سكن؟ .. كيف بيصرف عليج؟ |
رد : بوح الخواطر .. رجع لي بعد الغيبه ..
الله يسامحج يامهره تساؤلاتج ماطرت ع بالي يالله خاطري ارمسه واعرف الاجوبه منه
روضه دنيا ضاقت فيني احبج معاج احلى ايام عمري انتي احلى شي صار خلينا نتزوج ياروضه ونعيش حياتنا حالنا حال الناس ها كل اللي ركزت فيه يامهره خليني اعرف باجر شو مخبي لنا بس بعيش في بيت ابويه مستحيل اطلع من بيتنا ماراح يتغير شي اللهم سالم ييكون معانا هاللي اتخيله واباه قوم تعاونوا ماذلوا |
رد : بوح الخواطر .. رجع لي بعد الغيبه ..
اقتباس:
تعيشون حياتكم حالكم حال الناس؟ بس الوضع اللي تتخيلينه مب نفس حال الناس حبيبتي. تخيلي اخوج خليفة ياج في يوم من الأيام وقال لج: انا احب بنت وابا اتزوجها وباعيش وياها في بيت ابوها. بترضينها على خليفة يا روضة؟ |
رد : بوح الخواطر .. رجع لي بعد الغيبه ..
اختي احبك انبهك ع نقطه يمكن انت مو منتبه لها
ان اهله يكون عندهم علم بزواجكم حتي لو قبلتي تكوني الثانيه لان اتوقع والله اعلم حيتزوج بدون معرفه اهله وزوجته ويمكن يكون توقعي خطا بس عشان تفكري بالموضوع بجميع الاحتمالات وليش مستحيل تطلعي من بيت ابوك يعني كذا بيحط بباله كانه متزوج مسيار محيتكلف في شي |
رد : بوح الخواطر .. رجع لي بعد الغيبه ..
مهره والامل بس ارجع البيت بترك مداخلتي ... ان شالله
|
رد : بوح الخواطر .. رجع لي بعد الغيبه ..
فكري زين في كلام مهره
والله كلامها في الصميم مانعرفك شخصيا لكن نتمنى لك الخير الله يختار لك الخير بدعيلك من كل قلبي |
رد : بوح الخواطر .. رجع لي بعد الغيبه ..
كيف ترضين لزوحك يكون ضيف عند أبوك؟
والله ماراح يحسن إنه ببيته وبالتالي مارح ياخذ راحته تدريجيا حتبدأ المشاكل ثم سيتقاعس زوجك أكثر وأكثر عن واجباته نحوك ولن تكوني أكثر من نزوة وتنتهي وإن استمر معك لن تكوني بأفضل حالا من زوجة مسبار ليس لها حقوق. وستكون الحقوق كلها للزوجة اﻷولى. هنا ستبدأ لديك حالات القهر النفسي والندم والمطالبة بأقل القليل من حقوقك ولن تنالي شيئا. فيكون أمامك خياران إما أن تستمري بنفس الوضع أو تصبحي مطلقة.. هذا رأيي،،،استقيته من واقع الحياة. |
رد : بوح الخواطر .. رجع لي بعد الغيبه ..
والله انه كﻻم مهرة موزون وفي الصميم
حبيبتي سامحيني عالي حقوله بس عمرك27سنة لكن حاساك لسةتفكيرك مراهق عن افكارك عن الزواج التقليدي وانو الزوج يقلك سوي وماتسوي وكل كﻻمك فكرني بأيام كنا مراهقين افكارك فيها كتير اخطاء عن الحياة الزوجية والزواج التقليدي نسب نجاحه تتساوى مع نسب نجاح زواج الحب ان لم تكن أعﻻ كون انو الانسان بس يحب بيفقد التفكير العقﻻني غالبا وبالتالي قد يخطئ في الاختيار اما النقليدي العقل شغال ولو في فترة خطوبة وتعارف يكون تمام للعلم فقط انا ياقلبي اكبر منك ب3سنين بس وتزوجت عن حب وكنت اتمنى زواج بهالطريقة وربي وفقني يعني ﻻتفهمي كﻻمي عن التقليدي انه نابع عن تجربتي فيه حكمي عقلك وانا لم اقرا قصة المبلغولكنه تصرف ختطئ كما قالت مهرة حاولي كوني عقﻻنية ونصايح مهرة تجنن والله بتمنى اتعرف عليها خارج المنتدى واستشيرها بأمور خاصة ﻷنها فعﻻ شخصية تسوى دهب وسامحيني لو في اخطاء في كتابتي بكتب نن الجوال ونعسانة ودخلت اشوف موضوعك شفتي أديش انت مهمة عنا موفقة |
رد : بوح الخواطر .. رجع لي بعد الغيبه ..
يزاج الله خير يا مهره
والله يكثر من امثالج |
رد : بوح الخواطر .. رجع لي بعد الغيبه ..
اقتباس:
|
رد : بوح الخواطر .. رجع لي بعد الغيبه ..
اقتباس:
عمري 28 هالشهر ان شالله يعني المراهقه تخطينها من عشر سنين وماتقدملي سالم اول مرة الا هو عارف شروطي سالم راضي فيني بطبعي وفي حركاتي بدون لااغير شي او اتصنع او اصير مجرد جهاز يلعب فيه الزوج برموت لا عزيزتي انا مثل ماانا سالم حاسب حسابه زين .. من شب على شي شاب عليه انتي وغيرج يمكن تتقبلون التغير حتى لو تفكيري غلط مثل ماتقولين راح اظل انا جي رافضه اي مبدا فوق مبدأي محد مغصوب على الزواج يباني جي عارف شي ومتاكد منه فيه امور تخصني وتخص خواني كان بودي اتطرق لها لكن بعد اللي صار اليوم ماارأح اتعمق فيها تجنبا لشماته الشامتين اللي صادفوني اليوم في مواضيع اعضاء ثانيين وتحليلهم غير واقعي والله يجزيج الخير |
رد : بوح الخواطر .. رجع لي بعد الغيبه ..
اقتباس:
اشكرج عزيزتي اصبح مطلقه على يد شخص عشت معاه الحب العذري ولااحمل لقب مطلقه على يد شخص أجهلة ماعندي اي مشكله الحياه تجارب واي تجربه نحب نخوضها خل نخوضها وتالي نحكم اذا كنا نقدر الاستمرار او لا وليش هالنظره السلبيه بحق الزوج اذا سكن في بيت الزوجه اصبح هالشي غير مرغوب في نظره المجتمع ليش ؟؟ ابوي قادر ومقتدر عسى الله يحفظه شو المانع من تحدي الواقع لاسباب تافه.. وكماليات غير مرغوب فيها في قاموسي وقاموس الزوج .. على الاقل تبقى كلمتي مرفوعه في بيت ابوي ولي كل حريه التصرف والزوج زوج حبيب وسند الزواج قدسيه في كل شي ومابين الزوجين حسابات ماديه وكماليات مقدور عليها ... مبروك عليج شهر وعسى الله يتقبل صيامنا وصيامكم اشكرج عزيزتي |
رد : بوح الخواطر .. رجع لي بعد الغيبه ..
اقتباس:
اشكرج على النصيحه والتنويه في ميزان حسناتج عزيزتي هالدعوة الطيبه بظهر الغيب مهرة بعد ماقصرت |
رد : بوح الخواطر .. رجع لي بعد الغيبه ..
اقتباس:
ادري مايبا يخبر امه الا عقب الزواج وقالها امي ماارح ادخلها دخلتها اول مرة ومارضت توافق بالرغم انه عمله في دبي موب في جده يعني الاولى انه يتزوج ويستقر هني خاله اللي يدري بس .. رجع يعني متمسك فيني كيف اقدر افرط فيه سالم بالنسبه لي جوهرة جفتها وعيبتني موب صعب املكها طالما انا قادره اني املكها وادفع ثمنها اشكرج الغاليه واحسنتي على المداخلة الطيبه |
رد : بوح الخواطر .. رجع لي بعد الغيبه ..
اقتباس:
مهرة انتي اخت وعزيزة ونصيحتج اتقبلها بصدر رحب .. بس بضطر هالمره اتجاهل النقطه اللي انذكرت عن نور عيني خليفه لانها اتخذت منحنى اخر بعيد عن موضوعي .. مهرة كيف موب حال الناس؟؟ مافي شي قاصر علينا بفضل الله والزوج اذا ماعنده الزوجه تسد مكانه وبعدين انا موب خسرانه شي على الاقل اطلع بياهل من تجربتي بشخص يباني واباه بشرع الله واذا مااتفقنا كلن في حال سبيله اختيه محد ايده قاصره الحمدلله وتالي يروم يعيش حياته بكيفه الله يوفقه لو ماقدرنا نستمر والياهل في حضانتي بعيش وانا مستانسه مع النونو وواهليا ربي يحفظهم وشهادتيا في مخباي بتوظف ساعتها اذا اباه واذا ماباه ابويه ربي يحفظه موب عيزان عن عياله ولا عن عيال عياله . همسه .. مهره عندي اخت مطلقه من ولد عمي زواج تقليدي طبعن واليوم متزوجه بمتزوج عقب ماعرفته هو كويتي والحين في الكويت وصار تحتها اربع بيبيهات ربي يحفظهم ابويه لليوم ينزل مصرفها في حسابها لانه عالم بظروفها و ظروف زوجها كان معارض في البدايه بس ماقدرت تتحمل الوضع والعيشه ساعتها ابويه تدخل واقنع زوجها انه الاب ملزوم من عياله لانه محاسب عند الله وعيال عيالها اذا الزوج رافض ماارح يصرف على عيال الزوج تخيلي البيت اللي استأجره ابوي لاختي يدفع مقدم سنه جدام . وكل شهر مصرفها في حسابها ينزل .. ومرات ابوي يقولي روضه دقي على خواتج جوفي محتاجات شي اقوله ان شالله يعني وين الاهانه للزوج اهني.. بالعكس سعيدين ومستمرين .. |
رد : بوح الخواطر .. رجع لي بعد الغيبه ..
اليوم
16/7/2013 الافكار اصبحت متضاربه في داخلي مره اقول سهلة ومره اقول لاه .. احساس غريب فيني اقول في خاطري لاترتكبين خطيه تندمين عليها &.. مرة اقول ان شالله مافي شر& راح تكون مغامره الله يعلم بنتايجها &&&&& ..سالم مابا اظلمه بشكوكي بس اللي ادري انه عمره ماتمنالي الشين .. اللهم ان كان لي خير سهل اموري وخيرله لي وان كان لي شر اغنيني عنه .. اشكر كل خواتي اللي تجاوبن معاي من باب الخوف والحرص وقدمن النصيحه بنتظر المكتوب لين عقب العيد ان شالله وساعتها راح احسم قراري معاه وراح يسمع الرد من ابويه انا على الوعد وماراح استهين فيه .. اللي في الجدر يطلعه الملاس .. صيام مقبول لي ولكم ان شالله |
رد : بوح الخواطر .. رجع لي بعد الغيبه ..
اقتباس:
اقتباس:
متأكدة مب خسرانة؟ مب خسرانة اذا اكتشفتي انه يبا يستغلج مثلاً؟ مب خسرانة اذا اكتشفتي انه يدور متعة نفسه بدون خساير وبدون ما يكلف على عمره؟ .. وانتي الوسيلة والبنت الجاهزة لهالدور؟ لا تقولين انتو ما تعرفون سالم .. صح احنا ما نعرفه .. وانتي بعد ما تعرفينه زين .... عشان جذي مثل ما تتوقعين منا نحط احتمال انه صادق معاج فلازم بعد نحط الاحتمال الثاني. وإذا صدق الاحتمال الثاني واعتقدتي انج بعد ما بتكونين خسرانة .. وعادي كل واحد يروح في حال سبيله .. فهذا معناه انج ما تحبينه يا روضة .. وانج بس تبين (تشترين) زوج لمهمة معينة وخلاص. |
رد : بوح الخواطر .. رجع لي بعد الغيبه ..
اقتباس:
استخيري يا روضة. |
رد : بوح الخواطر .. رجع لي بعد الغيبه ..
مع ان الموظوع مو داخل دماغي نهائيا
ما اقدر اقولك اكثر من الدعوتين هذه اللهم اذا كان خيرا لها فقربه لها وقربها اليه واما اذا كان شرا لها فابعده عنها وابعدها عنه |
رد : بوح الخواطر .. رجع لي بعد الغيبه ..
اقتباس:
شكرا ع دعوة |
رد : بوح الخواطر .. رجع لي بعد الغيبه ..
مرحبا اختيه مهره ...
شو تقولين عن الزوج ؟ كمليها عادي ها ونحن في بلد خير ونعمة وتوعيه في الاعلام وامور الدين اللي تتلعق بحياتنا وتفكيرج بعلاقه زوج والماده جي !!! لايكلف الله نفسا الا وسعها يعني اذا الزوج ماعنده وموب قادر يعيش زوجته بنفس مستواها الاجتماعي انروغه؟؟؟ والا مفروض عليها تسكت وتعيش ع قد مصرف زوجها وتحرم نفسها من كماليات تعودت عليها ؟؟؟؟ اذا مصاريفي الشخصيه نص راتب سالم اقل شي اصرف بين خمس وست ع نفسي شهريا يعني تتحروني اتريا زوج المستقبل يعطيني لاطبعن مابين الازواج ماديات ...ع العموم الاستخاره لابد منها والله يجزيج الخير . . والله يستر من باجر كنت انظر للموضوع بشكل حلو وفرصه ومداخلتكم خلتني انظر للجانب ماكنت حاسبتله حساب والماده الواحد مايتطرق فيها الكرامه محفوظه .. |
رد : بوح الخواطر .. رجع لي بعد الغيبه ..
اقتباس:
نعم الحمدلله نحن في بلد الخير والنعمة .. والحمدلله علمونا الكبار نعطي من خاطرنا للي يستحق .. وعلمونا بعد ما نسمح لحد يستغل عواطفنا ويقص علينا بكلمتين عشان ياخذ اللي يباه منا. وما احيدني شفت في الإعلام أي نصيحة لأي بنت انها تدفع من جيبها وتصرف على ريال وهو حاط ريل على ريل! وانتي بنفسج قلتيها: (لا يكلف الله نفساً إلا وسعها) .... ووسع سالم فديتج زوجة وحدة بس .. ومقدرته المادية ما تسمح له بأكثر من جذي .. فليش يمد عينه على شي هو ما بيقدر يتحمل مسؤوليته؟ انتي ما عندج مانع تصرفين على زوجج .. وهذه نقطة أنا أتحفظ عليها وايد لكن في النهاية هذه مسألة تخصج وتخص قناعاتج .. لكن صدقيني الريال اللي يقبل على نفسه هالشي بكل بساطة أكيد ريال فيه شي غلط. ولو فعلاً ما كان بين الأزواج ماديات ما كان رب العالمين كلّف الزوج بالمهر والنفقة والسكن .. وما كان جعله من واجباته اللي يستحق عنها القوامة. وأساساً لو كنتي شايفة ان هالوضع كله على بعضه طبيعي جان قبلتيه على خليفة يوم سألتج .. رغم اني سألت عن نقطة السكن في بيت أهل زوجته بس .. وما سألت عن انهم يصرفون عليه .. لكن سكوتج عن هالنقطة معناها انج ما ترضين على خليفة .. وهذا معناه انج تحسين انه وضع مب طبيعي ومنقود. على كل حال .. ما ابا اطول النقاش أكثر من جذي .. واحس انج اكتفيتي وتبيني افكج :d والأيام بتبين لج معدن سالم فعلاً .. وهل هو إنسان يستحق والا لا. ومثل ما أتمنى انه ما يخذلج .. اتمنى صدق انه ما يخذل رجولته ومروءته. الله يكتب لج الخير. |
رد : بوح الخواطر .. رجع لي بعد الغيبه ..
محشومه ماطريت فكه وسكوتي عن خليفه موب حسب ماحللتي خليفه يالس في داره موب في دوله ثانيه وخليفه ااهله عندهم استعداد يعزونه ويرزونه العمر كله حتى لو سار بعيد شو اللي حادني اتخيل تخيلات مالها اي علاقه والاوضاع تختلف من شخص لاخر سالم يملك قلب لو ايده قصيره وموب ذنبه انه امه انسانه ع قد حالها وساكنه في شقه ومابيتم يمد ايده لخواله كمل دراسته واشتغل والله قدرله وظيفه بدخل معتدل القلب اللي يملكه سالم .. يشفعله لاستمرار ع العموم في ميزان حسناتج ان شالله نصيحتج وخوفج ع الراس
والاستخاره بتسهل الامور ان كانت خير لي ...الله المستعان ... |
رد : بوح الخواطر .. رجع لي بعد الغيبه ..
اختي العزيزة
لقد واسيتيني في وافاة ابني منذ قليل ولفتت نظري حكايتك قلت ارد جزء من جميلك ومعروفك على يمكن وجهة نظري مختلفة بعض الشئ عن من سبقني - لابأس ان يساعد الاب اولاده او بناته وخاصة اذا لم يكن الزوج متكاسل بل هو يعمل كل ما يستطيع - نبعد الاهانة والايذاء والتجريح بعد ذلك لاتوجد كرامة بين الزوج والزوجة فكل خادم للاخر وهم الاثنين خدم للاولاد وكل يضحي من اجل الاخر - ليس هناك في التعدد مشكلة على الاطلاق ولكن كل ما نشعر به هو نتاج عن برمجة الاعلام لنا لعشرات السنوات بهذا الاحساس الخاطئ الذي حلل الحرام وحرم الحلال - لا انكر الغيرة فذلك شعور طبيعي فذلك يحدث حتى لو ابتسمت لاي فتاة وراتني زوجتى اعرف ما ينتظرني في المنزل - ارشدك الطريق لتجاوز العقبات التي امامك - اول شئ في تجاوز العقبات يعتمد على قوة حبك لسالم واجده حب قوي جدا -الزوجة الاولى لن تاخذ منك شئ حتى في القوة الجنسية سوف يرزقه الله ما يكفيكم انتم الاثنين وزيادة - اعرف زوجة اولى عندما تزوج عليها زوجها اقامت الدنيا ولكن الان بعد مرور الوقت عنما تغضب هذه الزوجة من زوجها لا تجد راحتها الا عند الزوجة الثانية فقد اصبحوا اكثر من الاخوات وتتعجبين عندما يختلف مع الثانية تعاتبه الاولى وتدافع عنها حتى اهل الزوجة الثانية الذين كانوا يعارضون الزواج اصبحوا يحبونه واصبح كابن لهم ويقفون معه كاهله تماما - عليك خوض معركة لاكتساب امه وزجته ان كان حبك يحتمل ذلك لتصبحوا عائلة واحدة - لانك انت الداخلة عليهم - لو احببت ان اشرح لك كيف تكتسبينهم الى جانبك لكتبت لك بالتفصيل - اما عن الفائدة من الزواج من اماراتية بالعكس سوف تحدث له مشاكل قد يبدأ ذلك في عمله وكل مكان يعلمون عنه ذلك وكل انسان يعتز بجنسية وطنه ولا يريد تبديلها فسيجعلونه يكتب اقرار انه لا يريد جنسية الامارت طبعا لا مشكلة في ذلك - اما عن الفقر والغتى فلا نعلم فقد تتبدل الامور باكر ولو سمعت عن نكبة البرامكة ايام هارون الرشيد فكانت ام جعفر البرمكي تذبح في عيد الاضحية اكثر من 400 شاة وفي العيد التالي له بعد نكبتهم تتسول فروة الشاة فكما تعلمين ان الموت والحياة ليست بيد احد كذلك الرزق - اختى توكلي على الله نريد ان نفرح بك هذا العيد ادخلي الفرحة على قلب الوالد الذي هده الحزن - ادخلي بنية طيبة على زوجته وامه - ادخلي وانت مستعدة لتحمل صدمتهم - فتردي الاساءة بالاحسان - عندما يدريكون ان معدنك اصيل وان قلبك مملوء بالخير - سوف يحبونك رغما عنهم - والف مبروك مقدما - ها انا اول من بارك لك يارب بالتوفيق وببيت مملوء باولاد وبنات - اختى توكلي على الله ونريد ان نفرح |
رد : بوح الخواطر .. رجع لي بعد الغيبه ..
مرحبا اخويه
استانست بمداخلتك وطرح وجهة نظرك واطلاعك ع موضوعي بتفاصيله .. بالرغم ماتمر به من الم وحنين... اخي الكريم اعجبتتي النقاط اللي طرحتها الا اني اخالفك واعترض ولم اتقبل فكره كسب رضا والدته وزوجته وانا يياخوي اللي دخلت عليهم هم الداخلين عليا وسالم من دق الباب احبه صحيح بس موب معناته انسى كياني واتبع خطا امه وزوجته واخر شي افكر فيه نصير خوات انا حتى عيالي ماافكر اسير بهم هناك العمره وبس زياره اهله وافتح ع عمري باب شو اللي حادني عمره ماطرى ابوه بالخير بعد افر عمري وعيالي عليهم حشى عليا الافضل كل واحد يحفظ حدوده ويعرف اللي له واللي عليه انا ابا سالم بس زواجي منه اذا تحقق لازم يتحقق بشروط مثل ماانا تنازلت هو بعد لازم يتنازل والا كيف راح نعيش حياه مستانسه... انا مااتريا من اهله شي ولا يهمني اذا رضوا او زعلوا انا قربت من الهدف... ان شاالله بالتساهيل .... يارب ..... وبخصوص النعمة انا مابعمري كابرت على نعمة الله والله يديمها من نعمة وصحه .. همسه اخووي ماراح تصيرله مشاكل ان شالله بخصوص زواجه من اماراتيه بس اروم اطلب الجنسيه للبيبي اشكرك من قلبي يااخوي وتقبل الله منا ومنك صيامنا وطاعتنا |
| الساعة الآن 09:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©