|
رد : هل اترك طليقتي ( حبيبتي ) ؟
اقتباس:
|
رد : هل اترك طليقتي ( حبيبتي ) ؟
توكل على وشوف النتيجة أخوي عبدالله
بس واصل الانقطاع إلى نهاية الشهر وبداية السنة الجديدة وشوف ردة فعلها بعد توصلها الهدية من الأولاد يارب يسعدك وترجعلك زوجتك عاجلا غير آجل |
رد : هل اترك طليقتي ( حبيبتي ) ؟
اتصلت عليي طليقتي من تلفون ولدي وبلغتني كذا شغله بخصوص الخدم. قلتلها اوك ليش مو الخدامه اتبلغني اذا شفتها في وقت زيارة الأولاد. قالتلي " الخدامه قالتلي اقولك". اسلوبها كان هادي ولبق وانا كنت ناشف شوي خصوصا لما قلتلها ليش الخدامه ما اتقولي انا.
للتذكير. في اي مكالمه سابقا كانت دايما ان تقولي ان لازم مكالماتنا نقتصر عن الأولاد فقط والحين متصله علشان الخدامه. انا عن نفسي مستمر بس حسّيت احساس انها بجس نبض بعد موضوع تكرار الاسئله لولدي الكبير الي قلتلكم عنه شرايكم؟ |
رد : هل اترك طليقتي ( حبيبتي ) ؟
استمر على نفس الأسلوب
طريقتك جابت نتيجه ايجابيه واكيد حاسه بالقلق وتبغى تجس النبض اكيد مالقت نتيجه من ولدك واضطرت هي بنفسها تتصل وتتطمن عليك الله يهديها ويسخركم لبعض |
رد : هل اترك طليقتي ( حبيبتي ) ؟
مره مره استمر لا تضعف
|
رد : هل اترك طليقتي ( حبيبتي ) ؟
مستمرون
الحمدلله على كل حال |
رد : هل اترك طليقتي ( حبيبتي ) ؟
اقتباس:
فالنهاية انت اللي مختار الهدية و بتعرف انك مهتم فيها حتى لو ما اتصلت عليها زوجتك ما بتصحى الا اذا حست فعلا انك بتروح منها |
رد : هل اترك طليقتي ( حبيبتي ) ؟
اقتباس:
|
رد : هل اترك طليقتي ( حبيبتي ) ؟
الله يوفقك اخوي ويجمعك شملكم قريب
|
رد : هل اترك طليقتي ( حبيبتي ) ؟
الأولاد هم الضحايا للأسف
حاليا الأولاد قالوا ان ما يبون يسافرون مع امهم واهلها بالصيف وأمهم متحبطه واتركت لهم الاختيار. كلمت الأولاد وقلتلهم هذي أمكم الي ربتكم واتعبت عليكم وسهرت. لا تتركونها وخليكم معاها والحمدالله اقتنعوا بس حسب فهمي موافقتهم كانت علشان انا نصحتهم يكونون معاها. ميول اولادي لي اكثر بالفتره الأخيره شي ممتاز من ناحيتي بس مو امريحني ناحية امهم. |
رد : هل اترك طليقتي ( حبيبتي ) ؟
اقتباس:
وشوف كيف راح تتصل فيك دايما لانها الان بدت تخاف انك جفيتها وخايفه انك بديت تروح منها الله يختار لك الافضل يارب |
رد : هل اترك طليقتي ( حبيبتي ) ؟
اخواتي
بعد إلحاحكم بالاستمرار في قطع الاتصال والمسجات الحين تأكدت 100٪ ان الي يطوف او يسامح دايما يكون الطرف الأضعف للأسف. في اول 5 سنوات من حياتنا الزوجيه كنت شديد وحازم نسبيا والقرارات دايما انا اتخذها. ما كنت معطيها فرصه اتنفس. اخر 5 سنوات مع الأولاد وزيادة المسؤوليات وكبر السن قررت اعطيها مساحه اكبر بالمسؤوليات ( اول الزواج كانت قطه مغمضه عل قولتهم ) وفرحت كثير لما شفتها اكتسبت الثقه اب نفسها وتحملت مسؤولياتها ونجحت اب دوامها لكن للأسف والحين شوفوا النتيجه. خروج لبيت اَهلها بناءا عل امر ابوها وطلب الطلاق مباشره وبعد كم يوم مخافر بعدها محاكم واخذت الأولاد. اعترف اني اخطأت ودفعت الثمن غالي وهذا بسبب حبي وتقديري الزايد لها وعقب كل هذا بدال ما تعتذر وأتأسف لا زالت مكابره بسبب ان نفس ما قلتوا يا اخواتي. السؤال....هل هالثقافه موجوده عند الحريم الأجانب ؟ انا أشك لان بعد الزواج خلاص تنفصل عن اَهلها واتحمل مسؤولياتها كامله مع زوجها |
رد : هل اترك طليقتي ( حبيبتي ) ؟
اخي عشان نكون منصفين
مافي امراه تترك بيتها بعد عشره هالسنوات كذا ممكن تعاني المسكينه وشالت عليك الحريم الاجانب تكره التحكم وهي زوجها شركاء وحد يفرض رايه على احد |
رد : هل اترك طليقتي ( حبيبتي ) ؟
اقتباس:
الظاهر كلام الاجداد صحيح عن الحريم دوس من اول يوم علشان لا تقلب عليك شرايج؟ |
رد : هل اترك طليقتي ( حبيبتي ) ؟
إذا أنت أكرمت الكريم ملكته وإن أنت أكرمت اللئيم تمردا
الموضوع راجع لشخصية الزوج والزوجة , وليس هناك قواعد تنطبق على الجميع |
رد : هل اترك طليقتي ( حبيبتي ) ؟
اقتباس:
اتوقع مجتمعاتنا محتاجه دورات تثقيف قبل الزواج نسبة الطلاق عالميه عندنا 500 طلاق بالشهر |
رد : هل اترك طليقتي ( حبيبتي ) ؟
لا وش دوس لا تدوس
ماخرب البيوت الا هالسوالف ترضى ينداس على امك واختك وبنتك الي كنت بقوله احنا ماندري وش يدور ببال الشخص الاخر ولا احساسه محد يتحمل احد مثل ماتتحمل الام ولدها او بنتها وتسامح دايم ممكن تطوف وتسامح والطرف الثاني مايطوف لك علشان كذا الحوار الناجح يمحي المشاكل اول باول اذا شخصيتك حاره وعنيده فصدقني المواقف تتراكم الله يهدي زوجتك عموما انا ضد الزعل للمده هذي كلها او تشتيت الاسره خاصه انك حاولت كثير |
رد : هل اترك طليقتي ( حبيبتي ) ؟
اقتباس:
طليقتي بدت اتنرفز بسبب صدي عنها بالفتره الاخيره اتحاول استفزازي في شغلات اتخص الأولاد. تبيني اتصل واكلمها ليش هالاستفزاز. حاليا أفكر في خطة للسفر مع الأولاد بالصيف وبترك الولد الصغير عندها الحمدلله كل حال |
رد : هل اترك طليقتي ( حبيبتي ) ؟
تأكد إنه المرأه مسسسستحيل تتخلى عن عشها بعد عشره طويله ...
زوجتك اهلها متحكمين فيها ... واستفزازها لك تبغى تتاكد بتتخلى عنها ولا لا واتوقع عشان تتخذ إجراء قوي مع اهلها لو حست انك بتضيع منها ... هي تحت رحمتهم ماتبغى تخرج عن طوعهم وماتبغى تتركك... انا وزوجي زيكم لنا عشر سنوات وزوجي اول ماتزوجته زيك عصبي ويفكر بالدوس ع قولك وصدقني لو استمر كذا مااقدر اكون قطه ع قولك ع طول لازم يجي يوم أطلع مخالبي من دوسه لي الدعوه كلها إنه فهمنا بعض مو زي ماتفضلت انك كبرت واعطيتها جزء من المسؤليه بالعكس حصل نتاغم بينكم زي ماحصل بيني وبين زوجي ... ورغم العواصف في حياتي الا اني ماافكر باذن الله اروح لاهلي ( الي لو أأشر لهم بس ياخذو حقي وزياده ) الإ في حاله خيانه او أمر كبيييييير جداً لاانه ربي ميزني بعقلي ومااعاني من مشاكل نفسيه ولله الحمد فليش اعرض فلذات كبدي للشتات بيني وبين أبوهم وانا فاهمه زوجي واقدر احل مشاكلي بعيد عن اهلي...؟؟؟ بعد ما تسفر اولادك ... روح انت سافر لوحدك بدون ماتذكر لها او لاولادك وين بتروح فقط قول بتمشى ... |
رد : هل اترك طليقتي ( حبيبتي ) ؟
الله يصلح اللي بينكم
الامر راجع لطبع الشخص يا اخي اعرف ان التغلي يكون في النساء على الزوج بس هو مره مرتين الثالثة خلاص لان كل نفس لها طاقتها وتفسير خاص باللي يصير استغرب انها لم تخف من ابتعادها عنك وعدم تجاوبها ان تبتعد عنها ، لو كنت في مكانها لفكرت في ذلك !! الله يهديها ويصلح قلبها ويجمع ما بينكم عاجلا غير آجل |
رد : هل اترك طليقتي ( حبيبتي ) ؟
اقتباس:
طنشيه خليه يتأدب خل اهو يركض واركي الخ الاستفزاز منها في ازدياد واليوم خلت الولد الكبير يتصل عليي يبلغني عن شغله سخيفه وتافه اتخص الأولاد. واااااضح تبيني أرد عليها مباشره بس ما همني. حتى ولدي مستغرب تصرفاتها. قلتلها قولها انك اتصلت فيني وكنت مشغول وما قدرت أكلمك |
رد : هل اترك طليقتي ( حبيبتي ) ؟
اخوي من اعراض السحر والعين. (34-الإكتئاب النفسي بدون أي أسباب (47-النفور من جماع الأهل – مع التشوق لذلك في حالة البعد عنهم (24-كراهية المنزل والراحة عند الخروج منه بدون سبب نفسي (16-سلب الإرادة تجاه شخص معين بالحب أو بالكراهة مااستبعد أن يكون للسحر او الحسد أثر فيما وقع بينك وبين زوجتك من نفور فرج الله همك وأصلح أمرك |
رد : هل اترك طليقتي ( حبيبتي ) ؟
اقتباس:
انجيب شيخ يقرا ويسوي رقيه شرعيه الذهاب للعمره وغيره رفض تام واتقولي انا اعالج نفسي و انا عل طول اشغل القرآن في البيت امقفله عل الآخر. هذا واحد من الأسباب الي ما خلاني أشد معاها او يكون رد فعلي قوي عليها لانها انقلابها مفاجيء والجميع مستغرب. كل شي جايز يا اختي |
رد : هل اترك طليقتي ( حبيبتي ) ؟
اخي عندي احساس قريب تنحل مشكلتكم باذن الله
انت بس اصبر |
رد : هل اترك طليقتي ( حبيبتي ) ؟
اقتباس:
انا بعد احس محتاج اهدا وارتاح بالابتعاد الاعصاب شاده قريب السنه تقريبا |
رد : هل اترك طليقتي ( حبيبتي ) ؟
اقتباس:
الله يجمع شملكم يارب قريب ويعوضكم على صبرك طوال هالمدة |
رد : هل اترك طليقتي ( حبيبتي ) ؟
اقتباس:
انا شايف ان الموضوع امطول وانا ما عندي مشكله ساعات احس افضل اني أكون بعيد لنفسي وراحتي خوفي الزايد عليها ومتابعتي لها خفت حييييل بعد قرار الصد الأخير قدر الله وما شاء فعل |
رد : هل اترك طليقتي ( حبيبتي ) ؟
كلمني ولدي الكبير اليوم
تخيلوا امه تسأله عن ( الاستفزاز ) او الموضوع الي يخص الأولاد .... تقوله " ابوك ما عصب؟ قال لا عادي وترك لنا الاختيار ردت عليه: اكيد ما عصب؟ " اعتقد واضح وما من شك ان الاستفزازات او محاولة لفت النظر وصلت مداها والله ما ادري اضحك ولا اغضب ههههههه الله يصلح الحال |
رد : هل اترك طليقتي ( حبيبتي ) ؟
اصبر اخي وبين لولدك انك غير مهتم فعلا
|
رد : هل اترك طليقتي ( حبيبتي ) ؟
وراعو نفسيه الولد لا تستخدمونه بينكم مرسال
|
رد : هل اترك طليقتي ( حبيبتي ) ؟
اقتباس:
|
رد : هل اترك طليقتي ( حبيبتي ) ؟
اقتباس:
العكس صحيح |
رد : هل اترك طليقتي ( حبيبتي ) ؟
انا يوميا اكلم ولدي الكبير بالتلفون
امس بعد ما سكرت الخط من ولدي الكبير. قامت طليقتي سألت الولد " بابا قال شي عني ؟ " للتذكير هالسؤال كان مقتصر بعد رجوعهم من عندي بعد كل ويك ايند فقط |
رد : هل اترك طليقتي ( حبيبتي ) ؟
اخوي تتوقع إنك استفذت كل الطرق عشان ترجعها ومافي نتيجه؟؟
ايش رايك توهمها بانك خطبت يعني تتكلم مع ناس يوصلو لها الخبر غير اولادك لانها ممكن ماتصدق... ممكن اعرف كم عمر ولدك والكبير ...لانه واضح بيميل لك اكثر ... والله يرجعكم لبعض يارب ... |
رد : هل اترك طليقتي ( حبيبتي ) ؟
اقتباس:
لا والله يا اختي اذا ما كانت مقتنعه وحابه ترجع ولا ماكو فايده الولد قرب 11 سنه. من اول ما انولد واهو يميل لامه ولكن سبحان الله هالأزمة خلته يميليي اكثر والمواقف كثيره اذا حابه اذكرلج ما قلتيلي يا اختي شنو سبب إلحاحها المتكرر بالسؤال في غير الويك ايند بالفتره الحاليّه في وجهة نظرك ؟ بكل صراحه |
رد : هل اترك طليقتي ( حبيبتي ) ؟
والله يااخوي صعب أحكم عليها لكن جاء في بالي لو أنا مكانها إنها تجس النبض لسى متمسك فيها ولالا ...
لكن هل تتوقع تكون هي ملقنه الولد يقولك كذا بما أنه كان أقرب لها... الله يفرج همك أخوي ... ممكن أعرف اتت تفكر في ايش حالياً ؟ يعني خلاص فقدت الامل وتفكر في نفسك ولا كيف.؟ |
رد : هل اترك طليقتي ( حبيبتي ) ؟
فضفض أخوي في ناس تسمعك وممكن تستفيد من تجربتك بصراحه جذبني حلمك ماشاء الله تبارك الله ...
واتوقع طليقتك كانت نعم الزوجه لذلك أنت ماتبغى تتركها بسهوله،،،، |
رد : هل اترك طليقتي ( حبيبتي ) ؟
اقتباس:
اجزم 100٪ ان الولد مو متلقن عل افتراض انه متلقن مو من مصلحتها الولد يقول انه امه تسأل وايد خصوصا ان دايما ترفض اي نوع من الكلام ما عدا مواضيع اتخص الأولاد. لو رجعتي جم صفحه من الموضوع راح أتكون الرؤيه اوضحلك. حاليا ما أفكر اب شي معين ابي ابتعد وارتاح خصوصا انها اتكابر اذا كلمتها ومن وراي تسأل الأولاد واتحقق مع الخدم ( تسألهم عني ) كل اسبوع بعد رجعوهم عندها. الحين ما اقول الا قدر الله وما شاء فعل |
رد : هل اترك طليقتي ( حبيبتي ) ؟
الحمدلله انه مو ملقن.....
اذاً زوجتك بدت تحس بإنذار إنك بديت تتخلى عنها.... إستمر معاها كذا ويارب تلاقي نتيجه ... ولا تيأس أخي ع الاقل لو شفت حياتك مع انسانه ثانيه يكون ضميرك مرتاح انك إستفذت كل طاقتك في إرجاعها وماقدر الله ... الله يكتب لك ولاولادك مافيه الخير يارب.... |
رد : هل اترك طليقتي ( حبيبتي ) ؟
اقتباس:
|
| الساعة الآن 09:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©