|
رد: أنا أنتهيت أعمل أيه أبو حكيم و soqya
اقتباس:
العفو حبيبة، طيب قولي له لا يدخل هذا الدواء في البيت ابدا... وادخلي على موقع مجانين للإستشارات قسم الإدمان واستشيري ضروري، الرد سيطول لكن المهم استشرت متخصص في ذلك.. اريني المرة هذه انتصارك فأنت أقوى وأجمل واطهر.. ارجوك وتكتبي كل خمسة او أربع ايام انتصارك هنا. ولازم تتريضي و اشربي ماء وكلي فواكه وخضار وعرضي حالك للشمس حفظك الله. |
رد: أنا أنتهيت أعمل أيه أبو حكيم و soqya
وعليكم السلام ورحمة الله وبركاته
هو وعدني انه مش هيجيب تاني ومنفذ وعده الي الان وان شاء الله ادخل الموقع واستشير وهعمل بنصائحك وكل فترة هكتب انا عملت ايه جديد وانتصرت في ايه وان شاء الله يبقي خير شكرا ياقمر علي اهتمامك وكلامك الجميل ربنا يسعدك دنيا واخرة |
رد: أنا أنتهيت أعمل أيه أبو حكيم و soqya
السلام عليكم ورحمة الله وبركاته.
أختي الكريمة لاتؤجلي في كتابة الاستشارة و اقرئي الحالات المشابهة لا تستغربي من اسمه فهو موقع رااائع جدا.. ورمضان مقبل واجعله فرصة للتغيير من نفسك و ابدئي خططي ودربي نفسك وصومي اثنين وخميس وضعي جدول للوصول للهدف الذي تريدي أن تحقيقه في هذا الشهر الفضيل. |
رد: أنا أنتهيت أعمل أيه أبو حكيم و soqya
السلام عليكم ورحمة الله وبركاته .. أعتذر لك عن إكمال المشوره لرغبتي الشديدة بترك المنتدى بشكل نهائي واسأل الله أن ييسر لك من يساعدك أكثر مما ساعدتك . |
رد: أنا أنتهيت أعمل أيه أبو حكيم و soqya
يسر الله امرك استاذ ابو حكيم
طبعا ابو مريم لايقل حكمة عن استاذ ابو حكيم وانا مكنتش اتمني حد يكمل معايا بعد الاستاذ ابو حكيم غير الاستاذ ابو مريم ده شيئ يسعدني جدا بارك الله فيهم واسعدهم دنيا واخره |
رد: أنا أنتهيت أعمل أيه أبو حكيم وsoqya(ابو م
الاخت والابنة الكريمة السلام عليكم ورحمة الله وبركاته جزاك الله خيراً على كلامك الطيب واسألى الله العلى القدير ان اكون عند حسن ظنك واسأله التوفيق والسداد وان اكون جزء من الاسباب التى تجعلك تنصرفى عن هذه الاشياء انتى وزوجك وتعودا آسرة مسلمة نفخر بها وقدوة صالحة ان شاء الله ولا يفوتنى ان اشكر الاخ العزيز ابو حكيم عن كل ما قدم لك ولهذا المنتدى واسأل الله ان يجعل ما قام به فى موزاين اعماله وان يقدر له الخير حيث كان وطبعاً لا انسى ان اشكر الاخت والابنة الطيبة سقيا حفظها الله ويسر آمرها ورزقها بكل ما تتمنى اللهم آمين طبعاً فى الحقيقة انتظر منك اى استفسار يمكن ان اجيب عليه لكى يساعدك فى تخطى هذه المرحلة الحساسة وسيكون لى تعليق بعد ذلك ولكنى اتمنى ان توضحى بماذا تحبى ان نبدأ بإذن الله |
رد: أنا أنتهيت أعمل أيه أبو حكيم وsoqya(ابو م
وعليكم السلام ورحمة الله وبركاته
جزاك الله كل خير علي دعائك الطيب وبإذن الله انا متاكدة ان حضرتك هتبقي اكتر من حسن ظني بكتير ربنا يكرمك ويسعدك دنيا واخرة ويرزقك الفردوس الاعلي اميييين ياااارب بصراحة انا تايهة ومش عارفة ابدأ منين ومش عارفة افكر بس حياتي مازالت زي ماهي اه بقالي فترة مش باخد اي حاجة بس حياتي لسة زي ماهي حاسة اني مش قادرة اعمل اي حاجة عاملة زي اللي عنده 100 سنة وعشان حتي يقدر يتحرك محتاج حد يسنده ويشد ايده بعمل اكل اليوم بالعافية حتي الشقة مش بنظفها كل اللي بعمله اصلي واذكر ربنا وزوجي وهو رايح الجيم اروح لاهلي اقعد ساعتين مكاني مش بعمل اي حاجة. تعبت بجد من الوضع ده بس مش عارفة اعمل حاجة |
رد: أنا أنتهيت أعمل أيه أبو حكيم وsoqya(ابو م
الله يحفظك آختى الكريمة جزاك الله خيراً على الدعاء الطيب ولك المثل ان شاء الله فى الحقيقة المشكلة تبدأ من زوجك هداه الله مع الآسف لم يكن آمين عليك ولم يتقى الله فيك من آجل ان يفعل ما يريد ولا يجد منك صد قام وجر رجلك معه حتى تقبلى بوضعه ولا تعترضى كأى زوجك تعلم ان زوجها مدمن ويتعاطى اشياء مثل هذه ابنتى ممكن بعض التفاصيل عنك منذوا الصغر وعن بيتك واسرتك ودراسك وتدينك وكذلك عن زوجك واخلاقه واسرته وما الذى جر رجله لهذه الاشياء ولا حول ولا قوة الا بالله وان لله وان اليه راجعون نسأل الله العافية والثبات .. اللهم آمين اعذرينى ابنتى ولكنى حزين على شباب كما يقال مثل الورد ويضيع عمرى فى مثل هذه الاشياء حسبنا الله ونعم الوكيل فى كل مروج وفى كل من يتسبب فى جر الشباب الى هذا الطريق وحتى يآتى ردك اقول ليس آمامك ابنتى الا الصحبة الصالحة ثم الصحبة الصالحة الله الله عليها .. والله لن تتخيلى كيف ستتغيرى بإذن الله معها تعلمى ابنتى انه فى وسط الصحبة الصالحة تنسى تماماً كل ما تذكرى وتشعرى انك تحلقى فى السماء واذا عدتى الى الوحدة و وساوس ابليس لعنه الله عليه ... تخيلى اذا فعلتى ما يغضب الله وتتذكرى هذه الصحبة الصالحة وكيف ينظروا لك وكيف يحبوك وماذا يفعلوا اذا نظر لك وانتى تفعلى هذه الاشياء وبعدها تقولى اذا كنت آخجل من بشر مثلى مثلهم طيب ماذا افعل من رب البشر الله الحى القيوم الذى لا تآخذه سِنَةٌ وَلاَ نَوْمٌ لماذا جعلت الله آهون الناظرين الى ... لا يمكن ان افعل هذا امام ابى او امى ولكنى لا اخجل ان افعل هذا وانا اعلم ان الله عز وجل يرآنى ولا حول ولا قوة الا بالله كيف سأصبح آم ومربية آجيال وانا على هذه الحالة اسأل الله ان يرزقك بالذرية الصالحة .. اللهم آمين عندك مسجد الحصرى اعتقد انتى فى السادس من اكتوبر اذهبى يا اختى الى حلقات التحفيظ وهناك دور ايتام وانشطة متعددة يمكن ان تشغلى فراغك فيها ومع صحبة طيبة بإذن الله شىء آخر .. لماذا لا تذهبى الى الجيم مع زوجك بعض التمارين البسيطة .. ثم سونة .. اعتقد تغير مزاجك جدا بإذن الله اين صديقاتك اين اخواتك اين نشاطك الاجتماعى يا آختى ما تفعليه يجلب المرض بدون سبب .. فما بالنا وانت الان فى مرحلة خطيرة للتخلص مما انتى فيه بإذن الله تعالى اليس لك اى هوايات وكذلك زوجك اعتقد انك ذكرتى انه لا يعمل طيب من اين يآتى بنفقات البيت والنقود التى يجلب بها هذه الاشياء اعانك الله .. اعانك الله وثبتك ويسر لك الخير فى النهاية اعلمى يا ابنتى ان الله عز وجل يقول ان عند حسن ظن عبدى بى فظنى بالله كل خير وثقى ان الله عز وجل يحبك والا لم يكن ليبتلك ثم يسوقك اذا هذا المنتدى لكى تجدى من تشكى له ويعاونك بفضل الله لكى تتخلصى مما انتى فيه انتظرك ابنتى اذا اراد الله عز وجل |
رد: أنا أنتهيت أعمل أيه أبو حكيم وsoqya(ابو م
كلام حضرتك جميل وبصراحة حضرتك تستحق اكتر بكتير من اي حاجة ممكن اقولها ربنا يكرمك
مبدئيا هتكلم عن زوجي لان حكايتي طويلة زوجي حاليا عمره33 الشهر ده هنكمل ثالث سنة زواج واتخطبنا سنتين بقاله بالظبط 15 سنة بيشرب مخدرات في سنين قطع فيها والتزم وربي لحيته بس لما لقي نفسه رجع حلق لحيته عشان مايبقاش منافق ده قبل ما اعرفه وسنين بطل لانه كان رياضي له اخ واخت اكبر منه ووالده كان ظابط في القوات المسلحة ووالدته مديرة مدرسة واخواته مش بيشربو وكويسين وبيشتغلوا هو بس اللي كده واهله عارفين من زمان مشاكله مع المخدرات والده رجل كبير في السبعينات اعطي ليه ولاخواته كل واحد مبلغ هو باالمبلغ جهزنا شقتنا بالنص واشتري سيارة وتبقي مبلغ اخوه مشغله ليه من بداية زواجنا وبندفع منه ايجارنا ونصرف واهله بيكملو لينا الباقي لانهم مبسوطين ماديا واخواته مش محتاجين هو خريج جامعي كلية تجارة اشتغل بس في اول ما اتقدملي شهر عشان كان شرط والدي انه يشتغل وبعدها ساب الشغل وضيع جزء من فلوسه انا تزوجته من غير شبكة واتنازلنا عن حاجات كتير لان اهله كانو مستخسرين فيا لانهم كانو شايفين اننا مش هنكمل اسبوع ونتطلق بسبب مشاكلي معاه بسبب شربه المخدرات كنا تقريبا كل يومين نتخانق واحنا مخطوبين لانه كان تايه علي طول بس كان عندي اسبابي اني استحمل واكمل معاه وخاصة اني كنت بشوفه بيحاول يبطل ويلتزم حياته في بيت اهله اخوه كان دايما بيفتن عليه ودماغهم مختلفة مكانش صاحبه وطبععا بسبب المخدرات كان دايما في مشاكل مع اهله وكل اصحابه كانو وحشين وبتوع مخدرات وسجون ده بالنسبة لزوجي واي اسئلة او حاجة مش واضحة انا تحت امر حضرتك |
رد: أنا أنتهيت أعمل أيه أبو حكيم وsoqya(ابو م
بالنسبة لتدين اهل زوجي مش بيفوتو فرررض والده بيئم الناس في الصلاة وناس في حالهم وكويسين بس طبعا مش خاليين من الزنوب زي التليفزيون وكده
|
رد: أنا أنتهيت أعمل أيه أبو حكيم وsoqya(ابو م
ﻻ اله اﻻ الله
واضح انك حبتيه سبحان الله ربما بنيته رزق بك طيب كيف جعلك مثله بدﻻ من ان تصليحه ضرك هداه الله معلش بدون زعل .. هل كان لديك رغبه أو استعداد ان تدخلى هذا الطريق انتظرك اﻵن تتحدثى عن نفسك واهلك .. وهل هم على علم بحالك وحال زوجك .. مع موقفهم من هذا وهل هناك عﻻقه بين زوجك واخوك الذى ادمن |
رد: أنا أنتهيت أعمل أيه أبو حكيم وsoqya(ابو م
بالنسبالي انا 25 سنه ونص خريجة جامعية قسم خدمة اجتماعية
طفولتي اتربيت عند جدتي اخواتي كانوو بيجولي في الاجازات كنت بروح احفظ قرآن واتعلم الصلاة لحد مادخلت المدرسة كنت بروح لجدتي طول فترة الاجازة طول عمري انطوائية. وخجولة جدا اختي الصغيرة اللي عاشت معايا طفولتي عند جدتي ماكانش ليا اصحاب لنا وصلت لاولي اعدادي يعني تقريبا كان عمري 11 سنة او اكتر اصبت بمرض نفسي كهرباء زيادة في المخ كانت بتجيلي حالة اصرخ وعين تبربش بسرعة وعين تفضل ثابتة ودوني لشيوخ ودكاترة والحالة كانت بتزيد لحد ما ربنا كرمني بدكتور كويس وخفيت في شهور قليلة بس اما خفيت مكملتش العلاج كنت جبانة جدا وبخاف حتي من ريش الطيور والطيور والسمك قبل مايستوي كنت اخاف المسه واخويا كان بيستغل ده ويخوفني كتييير اسفة لو كلامي مش مرتب |
رد: أنا أنتهيت أعمل أيه أبو حكيم وsoqya(ابو م
بالعكس انا مكنتش بحبه نهائي وكنت مش بطيقه بس كنت بهرب بيه من كل حاجة بس للاسف حبيته بعدين
|
رد: أنا أنتهيت أعمل أيه أبو حكيم وsoqya(ابو م
اهلي والدي طبيب بشري ووالدتي كانت سيدة اعمال عندها مشاريع ومتدينين جدا ووالدتي واختي الكبيرة منتقبين برغم مجتمعنا اللي بينتقد ده
طبعا دلعوني جدا بسبب مرضي لانه كان بسبب الزعل والخوف لاني من النوع اللي بشيل جوايا جدا ومش بنسي دلعوني لدرجة اني في سن المراهقة كنت عاقة ليهمم خاصة والدتي بسبب مشاكل حصلت بينها وبين والدي وكانت هتتزوج واحد تاني كنت بكرهها وبشوف صورها اقطعها وفي الفترة دي كانت قلعت النقاب وشربت سجائر فقط وكده في منظر شوفته زمان عمري مابنساه مرة كان فرح بنت عمتي عملناه في شقتنا لانها كانت كبيرة بابا شاف اخويا طالع مع بتوع الفرقة السطح اتخانقو في جمب فجاءة دخلت المطبخ لقتها رافعة السكين علي بابا وبابا بيضربها مفيش حد منهم شافني اخت العروسة شافتني مبرئة ووجهي متغير شاورلتها علي المطبخ صرخت ولمت العيلة عليهم بس ده كان قبل طلاقهم وهما اتخانقو لان ماما ماكنتش عايزة بابا يعمل حاجة لاخويا وبلاش فضايح وكده كنت انا لسة في ثالثة اعدادي طبعا دلعهم ليا خلانيي فاشلة سقطت سنتين مرة في ثانية ثانوي ومرة في ثالثة حياتهم كانت كلها مشاكل بسبب عماتي لان اخوات بابا البنات مطلقات جابهم يعيشوا مع ماما وكانو بيبهدلوها بنينا دور تاني لينا برده مشاكل سبنا البيت وروحنا اجرنا شقة بعيد لان بابا مهانش عليه يطرد اخواته برغم انه بيت بابا وهما ليهم شقق بعد ما سبنا البيت سابوه بس احنا فضلنا بعيد ومرة ماما ضربتني بالكف علي وجهي امام عامل كان عندنا في البيت بدافع الانتقام كنت انا بعد ماخفيت ماخدتش الادوية وكان عندي منها كتير وقتها جبت من كل نوع شريط وخدتهم اختي راحت قاالت لماما وودوني المستشفي فاكرة وقتها وامي جمبي بتبكي بتقولي ينفع كده قلتلها مش مهم اللي انا فيه المهم اني تعبتك وخليتك تبكي ده وانا في ثالثة اعدادي كنت وحشة اوي |
رد: أنا أنتهيت أعمل أيه أبو حكيم وsoqya(ابو م
كنت دايما اروح اقعد عند جدتي وخالتي واغلط في امي ليهم برغم كل ده كنت بحبها اوي والله لدرجة انها لما تخرج او تتاخر اول ما افتح الباب كان بيبقي نفسي اقولها وحشتيني بس كنت بقولها ايه اللي جابك بس هي كانت عارفة اني بحبها
بعد كده دخلت الجامعة واتغيرت خالص بقيت واحدة تانية بهزر مع امي واخواتي اختي الكبيرة كانت بالنسبالي بنتي كنت اوصلها الجامعة والدروس واجيب ليها جداولها واعمل كل حاجة بداالها ربنا يرجعها لينا يارب هي اكتر واحدة متدينة فينا جدا من صغرها متدينة لحد التزمت طول عمر باابا وماما بيفضلو اخويا الكبير عننا وده كان بيضايقنا احنا البنات جدا وعمل كره بييننا وبينه كانو يبيعونا دهبنا عشانه ربنا يهديه وماكنش ليه علاقة بزوجي وبيتهيالي الاتنين مش بيحبو بعض وعمرهم ماخرجو مع بعض عمري ماكان ليا اصحاب بسبب خجلي ولاني كان نفسي ابقي زي امي اشتغلت شوية صغننين وانا بدرس في الجامعة وكنت بشتغل معاها ساعات وكنت دايما اسافر لوحدي وكانو بيعتمدو عليا في المشاوير الخارجية لاني بعشق الخروج |
رد: أنا أنتهيت أعمل أيه أبو حكيم وsoqya(ابو م
ﻻ اله اﻻ الله
واضح انك حبتيه سبحان الله ربما بنيته رزق بك طيب كيف جعلك مثله بدﻻ من ان تصليحه ضرك هداه الله معلش بدون زعل .. هل كان لديك رغبه أو استعداد ان تدخلى هذا الطريق انتظرك اﻵن تتحدثى عن نفسك واهلك .. وهل هم على علم بحالك وحال زوجك .. مع موقفهم من هذا وهل هناك عﻻقه بين زوجك واخوك الذى ادمن |
رد: أنا أنتهيت أعمل أيه أبو حكيم وsoqya(ابو م
اكملى ابنتى .. فضفضى
واخرجى كل اللى باخلك أنا معك والله عز وجل معنا قبل الجميع اه سبب وجودك عند جدك فى أول سنين حياتك ذكرتى انك لم تحبى زوجك أثناء الخطبة .. لماذا وما الذى دعاك ﻻتمام الزواج ومن ماذا كنتى تهربى اليه وماذا فعل حتى حول هذا الكرهه الى حب وبالنسبة الى باﻻطفال هل هناك سبب فى تأخر الحمل .. وهل العﻻقة الزوجيه بينكم قائمة وطبيعه وكﻻكم راضى اعتذر منك انتى ربما اسئلتى كثيرة ولكنى استغل فترة الصباح لطرح أكبر عدد من اﻻسئلة حتى أتمكن من التعليق فى المساء ان شاء الله |
رد: أنا أنتهيت أعمل أيه أبو حكيم وsoqya(ابو م
بالعكس اسئلة حضرتك بتشجعني اكتر وبتخليني اعرف احدد اكتب ايه وده احسن بالنسبة ليا
|
رد: أنا أنتهيت أعمل أيه أبو حكيم وsoqya(ابو م
مش كنت بحبه من غير سبب وكنت عايزة اهرب من الوحدة لاني برغم قرب سن اخواتي البنات مني الفرق بيني وبين كل واحدة سنتين وماما كانت صحبتنا بس دايما كنت لوحدي وكنت كل ما اجي انام ابقي نفسي الاقي حد جمبي بيحبني وبيطبطب عليا ويفهمني وكنت عايزة اخرج واتاخر برة براحتي لان اهلي كانو مش بيخلوني اخرج واتأخر براحتي
هو خلاني احبه كان طيب معايا وبيعمل كل حاجة عشان يرضيني حتي كنت اقوله انا مش بحبك يقولي هخليكي تحبيني من حبي ليكي وكنت فعلا بحس بحبه ليا وكان بيحاول يبطل ويبقي كويس عشاني وكان مخلص وكان بيعمل اي حاجة عشان يثبتلي حبه ايام خطوبتنا انا كان عندي روماتيزم واحنا بنجهز نفسنا للخطوبة كانت رجلي واجعاني اوي قالي خدي نص الحباية دي مسكن قوي وهتريحك وتخليكي نشيطة خدتها طبعا الالم راح نهائي وبقيت نشيطة وكله تمام تاني يوم كنت تعبانة اوووي وخدت نص كمان والجرعة بقت يوم ويوم وبقت كل يوم وحباية كاملة كان بيقولي هتاخدي عليه وومش هتعرفي تبطلي اقوله لا هعرف حصلت بيننا مشاكل كتير اوي بسبب ادمانه للحشيش ودواء تاني كان بياخده منه شريط ونص مرة واحدة وكان بيخليه لسانه. تقيل ومسطول وكنت بحاول اخليه يبطل يبطل كام يوم ويرجع طبعا مكنت بقدر اتكلم عن الترامادول لاني كنت اهلي لما عرفو ادمانه حاولو يبعدوني عنه طبعا رفضت لاني كنت مذلولة للترامادول وهو اللي بيجيبلي لانه عندنا مخدر مش بيتباع عادي وهما فكرو اني من حبي ليه مش عايزة ابعد وللاسف كنت بوافق ارجعله في مشاكلنا لاني حربت يوم من غير ترامادول كنت بموت ومعرفتش انام حتي بالمنومات بس حبيته |
رد: أنا أنتهيت أعمل أيه أبو حكيم وsoqya(ابو م
اهلي حاربوني كتير لدرجة ان وقت عقد القران كنت ببكي من مشاكلهم معايا حتي هو قالي الناس هتقول مغصوبة علي الزواج
وتزوجنا طبعا كان مسطول وحسيت اني عايشة وحيدة وهو مش فاهم اي حاجة يصحي من النوم ناخد المسكن ونقعد شوية ننزل نجيب المخدرات بتاعته ياخدها ويبقي باقي اليوم مسطول طبعا عملنا مشاكل كتير كنت زي المجنونة اكسر كل حاجة في الشقة واصرخ واضربه وهو كان بيمد ايده عليا لما اروح اضربه بس مش جامد واشتم ووهو بارد كنت باخد مهدئات طبيب كاتبهاله لعلاج الادمان وطبعا جرعة المسكن زادت وجه في يوم عشان صعبت عليه انه مش بيخرجني ولا سفرني ولا مرة واهلي كانو مسافرين وكنا في عيد قالي هخليكي تجربي الدواء التاني اللي بياخده انا بصراحة من الاكتئاب اللي كنت فيه والفضول خلاني عايزة اجرب جربت وانا كنت خلاص بقيت بشرب سجاير وبعدها بقيت بشرب معاه كل حاجة المسكن بقيت باخد اكتر من شريط ونص علي مدار اليوم والدواء التاني مرة واحدة غير السجاير من الاخر ضعت كنت حاسة بضياع ررهيب بس كنت بصلي وبدعي ربنا اني اخلص من حياتي دي حاولنا نبطل كتير كنا نبطل ايام ونرجع تاني لحد ما ربنا كرمنا وبطلنا كل حاجة الا المسكن بس قللنا ووصلنا لواحدة ولسة مبطلينه قريب اهلي بعد زواجنا عرفو بعض مشاكلي معاه وطبعا شكو فيا اني باخد المسكن ده لانه انتشر عندنا في مصر اووووووي والناس بتاخده لتسكين الالم والنشاط بس طبعا انكرت وابتدو يحبو زوجي لما بطل مشاكل معايا وشافو منه محاولات جدية لتبطيل. المخدرات وكده اخواتي طبعا اخويا في حدود السلام لانه بقي تايه واخد ابنه يقعد معايا شوية وبس والبنات الكبيرة سابتنا وراحت سوريا تجاهد والصغيرة مع بابا وماما بس ما اقدرش احكيلها حاجة لانها هتقول لاهلي واهلي طبعا لو عرفو اني كده هيحصل ليهم حاجة كفاية عليهم اخويا واختي سبب ان مفيش حمل الترامادول تقريبا بس مش متاكده لان زوجي رافض نكشف كانت حجته الترامادول واما نبطل ودلوقتي احنا لسة مش مبطلين بقالنا كتير والعلاقة كل شهر مرة مفيش انشطة بعملها لان زوجي مش بينزلني لوحدي ومش بياخدني الجيم معاه بيقولي اما اتنشط شوية هاخدك معايا النادي واخرجك ولسةةة مش بيعمل اي حاجة وماليش اصحاب اخرج معاهم وانا مش 6 اكتوبر انا من مدينة المنصورة |
رد: أنا أنتهيت أعمل أيه أبو حكيم وsoqya(ابو م
بالنسبة لتديني انا وزوجي الحمد لله مش بنفوت فرض وهو بيصلي في المسجد الا الظهر لو نمنا لاننا بننام الساعة 7 صباحا نصحي قبل الظهر وبنقرا قرآن وانا بصلي القيام وهو دايما يقرأ في الدين وعن الله وناويين نبقي احسن بكتير في الاتجاه لله بس لينا ذنوب زي التليفزيون وهو المصارعة الحريمي والكليبات بس ناويين ان شاء الله نبعد عن كل ده وبنحاول اكتر وقتنا يبقي في حاجات مفيدة
|
رد: أنا أنتهيت أعمل أيه أبو حكيم وsoqya(ابو م
السﻻم عليكم ورحمة
الله ابنتى الكريمة اسأل ان تكونى فى أفضل وأحسن حال اتعلمى يا ابنتى أكبر مشكلة لديكم .. انها الفراغ لذا يجب مليء هذا الفراغ بالعمل مهما كان هذا العمل المهم ان تخرجوا وتروا الناس وتتعاملوا معهم من ثم تبعدى عن زوجك فترة من النهار وهو كذلك ولكن جلسة البيت هذه تدمر وتهدم كل شىء جميل فى الحياه ساذكر لك بعض اﻻذكار تعودى على ذكرهم صباحا ومساءا أو عندما تشعرى باى ضيق أو هم اللهم انى اعوذ بك من الهم والحزن اعوذ بك من العجز والكسل واعوذ من الجبن اعوذ اعوذ بك غلبة الدين وقهر الرجال الله الله على هذا الذكر والذى نستعيذ فيه بالله من اشياء كلها تدمر اﻻنسان وخصوصا فى آخر الذكر عندما تستعيذى بالله من قهر الرجال اى كان هذا الرجل |
رد: أنا أنتهيت أعمل أيه أبو حكيم وsoqya(ابو م
نآتى يا ابنتى الى ذكر
من اجمل ما تعلمنى من اذكار الرسول الكريم صلوات الله وتسليماته عليه االهم انى عبدك ابن عبدك ابن آمتك ماضى فى حكمك عدل فى قضاءك اسألك بكل اسم هو لك سميت به نفسك أو انزلته فى كتابك أو علمة أحد من خلقك أو استأثرت به فى علم الغيب عندك ان تجعل القرآن ربيع قلبى ونور صدرى وجﻻء حزنى وذهاب همى والله يا ابنتى عندما تشعرى باى ضيق أو هم وتذكرى هذا الذكر لن تشعرى بنفسك اﻻ وانتى منشرحه وسعيده وبعد فتره تتذكرى ان هذا اﻻنشراح بسبب هذا الذكر الحمد لله طبعا وﻻ تنسى صباحا ومساءا المعوذات وقل هو الله أحد ثﻻث مرات مع آية الكرسي هذا أقل شىء من اذكار الصباح والمساء والتى يجب ان تداومى عليها ان شاء الله |
رد: أنا أنتهيت أعمل أيه أبو حكيم وsoqya(ابو م
طبعا لى رد وتعليق
على كل ما ذكرتى ابنتى الطيبة ان شاء الله ولكنى ارد اﻵن الردود العاجلة والتى ستفيد فى تغير حالك ان شاء الله وبإذن الله تعالى نقطة هامه جدا ذكرتيه انتى عن تاخر اﻻنجاب وذكرتى انتى انه يجب ان تكشفى ﻻنه ربما لديك مشكله تستدعى العﻻج أوﻻ لماذا المشكلة لديك انتى ولماذا ﻻ تكون لدى زوجك يا ابنتى ﻻ تتحملى كل مشكلة بمفردك أنتم زوجين وشريكين فى كل شىء المهم يجب ان تعلمى ان الخيرة فيما اختاره الله عز وجل ومن أهم اﻻشياء لزيادة الرزق واﻷطفال من أفضل اﻻرزاق بفضل الله كثرة اﻻستغفار استغفرى يا ابنتى 500 مرة فى اليوم 1000 مرة باليوم مع العلم انه لفت نظرى فى كﻻمك ان اللقاء الزوجى مرة بالشهر وهذا شىء غريب جدا ومعدل قليل جدا وخصوصا لشباب فى سنكم وفى أول سنوات الزواج ﻻن المعدل الطبيعي والشائع من مرتين الى ثﻻثة فى اﻻسبوع اما من يطلب اﻻنجاب فيجب ان يحدث لقاء يومى أثناء فترة التبويض أو على اﻻقل يوم ويوم وهذه الفترة تختلف من فتاه الى أخرى المهم هى من اليوم الثامن من بداية الدورة الى اليوم السادس عشر أو الثامن عشر فى الحقيقة أنا ذكرت هذا الكﻻم لك لتعلمى انه فى الغالب ان شاء الله ليس هناك مشكلة والسبب قلة اللقاء الزوجى والتى يصعب معها اﻻنجاب بنسبة كبيرة جدا واذا أصبح اللقاء الزوجى بالمعدل الطبيعي وخصوصا فى أيام التبويض فيمكن ان يرزقكم الله عز وجل الذرية الصالحة دون الحاجة الى الكشف والبحث عن سبب لتأخر الحمل |
رد: أنا أنتهيت أعمل أيه أبو حكيم وsoqya(ابو م
وعليكم السلام ورحمة الله وبركاته
بالنسبة للخروج والله طلبت منه كتير اوي وهو عارف اني بتخنق من البيت وطلبت اني اعمل وكل اللي عليه يرد ويقول اما ابقي نشيط واستمر علي جدولي هتشوفي هخرجك ازاي واعيشك اسعد واحدة 3 سنين علي نفس الحال حتي امس وهو رايح الجيم سابني عند اهلي وهو جاي ياخدني نزلت ومعايا ابن اخويا طفل عنده 4 سنين يجي يقعد معايا ساعة وابوه هيجي ياخده بهدلني وعلا صوته عليا ولما نزلت دموعي من كلامه يقولي انتي نكد وقرف برغم اني منطقتش بحرف مفيش اي حاجة بحبها بيخليني اعملها يقولي شوفيلك حاجات تانية اقوله خدني معاك اقعد في النادي علي ما تخلص التمرين يقولي مش وقته طيب وانت بتمشي مشي سريع رده. مش وقته ويقولي انا بوديكي لاهلك وهو عارف اني بروح لاهلي برجع مخنوقة من عندهم بسبب المشاكل اللي عندهم مفكرني جماد ماعنديش احساس بإذن الله هداوم علي الاستغفار والاذكار وبالنسبة للحمل رافض يوديني اكشف وبصراحة كلمته من زمان في موضوع قلة العلاقة واني عايزة احمل بس هو زي ماهو وانا ماليش اي نفس اعمل اي حاجة لاني غالبا بحاول ابعد عنه كل ما اشوف الفلاشة والتاب بتاعه بالصدفة واحنا مع بعض والاقي عليه الحاجات اللي بيتفرج عليها اتقفل من ناحيته واشغل نفسي باي حاجة بعيدة عنه وما افكرش فيه جزاك الله كل خير علي اهتمام ونصائح حضرتك الجميلة ربنا يكرمك ويسعدك دنيا واخرة ويرزقك الفردوس الاعلي امييييين يااارب |
رد: أنا أنتهيت أعمل أيه أبو حكيم وsoqya(ابو م
اهلا ابنتى حمدا لله على سلامتك اشغلنى تآخرك ربينا يحفظك يا رب مش عارف اقول لك ايه فى هذا الشىء الذى يسمى زوج مع الآسف زوج بالاسم والحمد لله ان الله تاب عليك من الوحل الذى ادخلك فيه الحمد لله .. الف حمد يا رب العالمين ابنتى اصمدى واياك ثم اياك ان ترجع الى هذه السموم حسبنا الله ونعم الوكيل فى كل من ظلمك ابنتى .. كنت اتخيل انى لن اقول لك هذا الكلام اللى بعد شهور ولكن سبحان الله ربما هى ارادة الله عز وجل فى الحقيقة حرام تضيعى عمرك مع انسان مثل هذا نسأل الله العفوا والعافية لا حب ولا احترام ولا معاملة ولا مستقبل ولا اعفاف ولا انفاق ماذا بقى من اركان الزواج لكى تبقى معه الطعام والماء لا تقولى لقد انفق على الآف مآلفه واضاع كل ما كان يملك على السموم التى كان يجلبها لى والعواذ بالله اقول لك اصحى يا ابنتى اى الآف هذه التى انفقاها من الذى ادخلك الى هذا الطريق اليس هو اليس هو من ادخلك لكى يذلك ولا تستطيعى الابتعاد عنه لانك لا تقدرى على شراء هذه الاشياء ولا تعلمى من اين يمكن الحصول عليها اذن هو دفع ثمن آجرامه معك وفيك فى الحقيقة حرام يا ابنتى تضيعى زهرة شبابك معه وانا اشعر انه لن ينصلح حاله ولكن لن اقول لك انفصلى الان ولكن اقول يجب من وقفه معه .. ووقفه حازمه وبعدها بإذن الله لنا موقف آخر فقط قبل ان اتركك لتفكرى فى كلامى واسمع ردك اذكر قصة فتاة من اسرتى بدأت قصة زواج مثلك تماما ولكن على العكس الولد وسيم وذكى ويعرف كيف يوقع بنات الناس فيه جرى واء البنت شهور ولكن لم يفلح فى الايقاع بها فقال اذن ليس لها طريق الا الزواج وتقدم لها وخدع اهلها ووثقوا فيه حتى تم العقد واصبحت البنت زوجة ولكن بدون بناء ولكن لم يمر شهرين حتى ظهر على حقيقة لم يكمل الدراسة ولا يريد الاكمال يريد ان يخرج ويتعاطى ولا يريد تحمل مسئولية فقط يريد ان يصل الى البنت وبعدها يقول لها هذا انا رضيت او اخبطى رأسك فى اكبر جدار ولكن بسم الله ما شاء الله لا قوة الا بالله وقفت البنت ورفضت الاستمرار وكلنا قلنا كيف ستصبحى مطلقة .. نعم بدون دخول ولكن سيكون اسمك مطلقة من زيجة لم تستمر الا شهرين ولكنها ما شاء الله كانت ذكية وقالت اخسر شهرين من عمرى واخرج من هذه التجربة الفاشلة والتى كنت انا سبب فيها بلقب مطلقة ولا يضيع عمرى كله مع انسان لا يخاف الله وسيدمرنى لا محالة انا اريد منك هذه الوقفه يا ابنتى مع من تعيشى معه والله اشعر انى مش قادر اذكر كلمة زوجك ولكن لن اقول لك تطلقى الان ولكن لك عندى خطة بإذن الله وسأخبرك بها فى حينها ومن ثم تستخيرى الله ثم نبدأ على بركة الله ماذا فعلتى حتى يفعل معك كل هذا .. احضرتى طفل برىء ليقضى معك بعض الوقت بدلا من ان يذهب ويآتى له بالحلوا والعصير يصرخ عليك ويتطاول وانتم فى الشارع وامام الناس لا حول ولا قوة الا بالله انسان انانى لا يعرف معنى الزواج ولا يتحمل مسئولية ولا يقدر وجودك معه ولكن عندما يستيقظ وقد خسرك ويجد نفسه وحيد وقتها اما يستيقظ من غفلة واما النهاية وان لله وان اليه راجعون الا يكفى انه لا يعفك لا بالكلام ولا بالفعل ولا يحتويك ويشعرك انك زوجة .. واى زوجة .. قبلتى به وهو لا تقبل به اى فتاه نسأل الله العافية ونحمد الله ان عفانا مما ابتلى به وكل يومه اما نوم او مشاهدة ما يغضب الله ولم يكتفى بهذا بل يشبع نفسه ولا يقربك بالشهر وكأنك ليس لك رغبه مثله وهى فطرة وضعها الله عز وجل فينا ولا نقدر ان نعيش بدون الحصول عليها اكيد يا ابنتى يمارس العادية السرية مع ما يشاهده يعنى انانى بدرجة غريبة نسأل الله له الهداية مثلا لو يشاهد هذه الاشياء ثم يآتى لك ليفرغ شهوته ويشبعك لقلنا ضرر اخف من ضرر وهو اصلا حرام ان يشاهد هذه الاشياء ولكن على الاقل يقوم بدوره فى اعفافك ولكنه من البجاحة التى تجعله يشاهد ويفرغ الشهوة وكأنه عازب وليس على ذمة زوجه وتعيش معه تحت سقف واحد وتنام بجواره وفى سرير واحد والله يا ابنتى لا اقدر ان اوصف لك شعورى بعدما قرأت ردك انا كلما اقرأ مشاركة لك وانا ازداد غيط من زوجك واكتم واقول معلش ان شاء الله سيتغير وسينصلح حاله ولكن فى الحقيقة انسان غريب اعانك الله يا اختى وارجع واكرر .. ان نصر الله لك ان توقفتى عن هذه الاشياء وذلك حتى لا تحتاجى له بإذن الله عندما نبدأ فيما ذكرت لك لانك لو عدتى لا قدر الله واعتقد انه سيحاول ان يجعلك تعودى حتى يتمكن منك لان هذه النقطة هى نقطة الضعف الوحيده فيك والتى لن تستطيعى ان تنقذى نفسك من وحله وهى فيك اكثرى من الاستغفار وقول حسبنا الله ونعم الوكيل وقول لا حول ولا قوة الا بالله وثقى ان الله عز وجل سيعوضك خيراً بإذن الله ولكن اذا علم سبحانه بصدق توبتك وقوة عزيمتك |
رد: أنا أنتهيت أعمل أيه أبو حكيم وsoqya(ابو م
بجد مش عارفة اشكر حضرتك ازاي علي اهتمامك وقلقك عليا ربنا يجازيك كل خير. يارب
بعد ما قريت كلام حضرتك مش عارفة اقول ايه بقالي فترة فاتحة الصفحة ومش عارفة اكتب كلام حضرتك خلاني.احزن علي نفسي اكتر وكلام صح هو فعلا اناني جدا وانا خلاص فاض بيا انا هعمل كل اللي حضرتك تقول عليه بس الغلطة غلطتي قبل ماتبقي غلطته انا اللي سبت نفسي اضيع وبرغم انانيته ساعات احس انه طيب وكويس وحنين وساعات اكره اليوم اللي شوفته فيه انا بجد تايهة ومش عارفة اي حاجة مش عارفة حتي افكر ربنا يسعد حضرتك دنيا واخرة امييين |
رد: أنا أنتهيت أعمل أيه أبو حكيم وsoqya(ابو م
سوسو ابنتى ﻻ تنظرى
الى الخلف وتذكرى ان النفس آمارة بالسوء وكل ابن آدم خطأ وخير الخطائين التوابون واعلمى ان الصحبة الصالحة كنز .. والصاحب ساحب والمرء على دين خليله وفى الدعاء نقول اللهم ﻻ تكلنى الى أنفسنا طرفة عين المهم نتعلم من الماضى وﻻ نعود له ابدا ان شاء الله ونعلم من الصديق ومن العدوا ومن نسعى لنكون بجواره ومن نفر منه فرك من اﻻسد نعم تامر به بعض الخير ولذلك تاب عما كان يفعل ونسأل الله ان يتقبل توبة ويبدل سيئاته حسنات ونستطيع ان نقول انه رجع اﻻن واﻻن فقط رجل طبيعى ولكنا نبحث اﻵن عن الزوج والرجل الحق الذى يتحمل مسؤولية زوجة مثلك وبيت واطفال ان شاء الله الزواج مسئولية ومن ﻻ يقدر عليها يجب ان يتنحى ويتقى الله فى بنات الناس نعم ربما زوجك حنين فى بعض اﻻحيان وطيب ولكن هذه جزء من المقومات التى تجعل الفتاه تقبل به زوج ولكن نحن نريد أﻻن باقى مقومات الرجل والزوج والتى تجعلك تقبلى ان تستمرى معه ﻻنه مع اﻵسف هو اﻵن ﻻ هو رجل وﻻ هو زوج اقصى شىء يمكن ان يصل له فى حياتك صديق وصديق سىء يجب ان تنهى صداقه التى لن تجنى منها اﻻ الدمار والضياع أقل مقومات الزوج هو تحمل مسئولية بيت من انفاق وخﻻفه يجب ان يكون يعمل وهذا العمل له مستقبل ان شاء الله يجعله يقدر على تحمل أعباء أسرة كبيرة قوامها اليوم اﻻثنين هم انتى وهو ولكن غدا ان شاء الله سيكون هناك أطفال ومع كل سنه يزيد الحمل من نفقات لكبر اﻻطفال وزيادة احتياجاتهم من طعام ومدارس ودروس وووو أعباء البيت ﻻ تنتهى سبحان الله وكما يقال الصغير حتى يكبر يفنى الكبير مثلما تذوب الشمعه لﻻضاءه للغير هذه نقطه .. ثم تحمل مسئولية زوجة من كافة الجوانب من اشباع عاطفى وحسى من قضاء حوائجها من خروج وترفيهه يتبع ان شاء الله |
رد: أنا أنتهيت أعمل أيه أبو حكيم وsoqya(ابو م
بجد كل ما بقرأ رد لحضرتك بفرح جدا كلام حضرتك جميل وبتعلم منه كتير برغم ان حضرتك متعرفش الاعضاء بس لما. اقرأ ردود حضرتك عليهم وعليا بحس بجد ان حضرتك خايف علينا وبتنصحنا من قلبك وحنين علينا ربنا يجعله في ميزان حسناتك وربنا يكرمك ياااارب ويحققلك كل اللي بتتمناه ويسعدك دنيا واخرة ويرزقك الفردوس الاعلي امييييين ياااااااااارب
وانا مستنية باقي ردود حضرتك واجاوب علي حضرتك علي اي اسئلة |
رد: أنا أنتهيت أعمل أيه أبو حكيم وsoqya(ابو م
اضحكنى كلامك ابنتى الكريمة الطيبة الحمد لله والشكر لله قد ايه فرحنى قلت سبحان الله على الرغم من انكى لا تعريفينى ولكن سبحان الله شعرتى بما فى داخلى وبما اتمنى من الله لكم نعم يا ابنتى انا لا اعرفكم ولكن سبحان الله الاروح جنود مجنده واكيد الانسان يظهر من كلامه ومواقفه فربما لم نلتقى فى الواقع ولكن تعارفنا عبر النت وكثير من الشخصية يظهر من بين السطور ولا تنسى ان المستشار مؤتمن وانا عندما اتحدث مع اى اخ او اخت هنا اعتبره بالفعل اخ لى او بنت لى واتعامل من هذا المنطق اسأل الله ان يجعل ما نقوم به خالص لوجهه وليس وراءه الا رضاء الله عز وجل والله يا ابنتى لو تعلمى فرحى وسعادتى عندما اجد ان اى مشكلة حلت واننا رفعنا عن اخ لنا او اخت هم من هموم الدنيا اكون من اسعد الناس الحمد لله اولا اريد ان اطمئن عليك كيف حالك اليوم وكيف حال زوجك معك الان استكمل الرد السابق المهم نحن نريد من زوجك رجل بمعنى الكلمة اول شىء لكى يثبت ان تغير واصبح رجل يتحمل مسئولية بيت وزوجة واسرة ان يعمل مثله مثل اى رجل اعلمى يا ابنتى ان اكبر مشكلة انتم بها هى الفراغ تخيل لو تعملوا وخصوصاً زوجك يستيقظ الساعة السادسة والنصف صباحا ويتجهز وينزل الى عمله وطول اليوم منهك فى العمل واكيد اى عمل به تحمل مسئولية ومسئوليات وهو سيحتاج مساعدد الآخرين لكى يندمج مع العميل ثم يخرج من العمل ويآتى الى البيت فيآخذك لقضاء بعض الاحتياجات البيت وما يلبث يعود لكى يتناول العشاء ويحل به تعب اليوم كله .. فيذهب الى فراشة لكى ينام ولكى يتمكن من الاستيقاظ فى موعده العمل مبكراً ونشيط اتظنى شخص جدوله فى اليوم بهذا الشكل سيجد وقت للفرجة على ما حرم الله سيجد وقت للحرام لا ان شاء الله وانتى كذلك اتمنى ان تعملى الى ان يرزقك الله بطفل او طفله تستدعى جلوسك ان شاء الله والاهم هو موقفك من هذا الآمر واصرارك عليه مهما كان الثمن وهذا لن يآتى بين ليلة وضحاها ولكن يحتاج تخطيط وعزيمة ونسأل الله ان التوفيق والسداد انتظر رأيك وتعليقك على كلامى حفظك الله تعالى |
رد: أنا أنتهيت أعمل أيه أبو حكيم وsoqya(ابو م
ربنا يباركلك يارب وتفرح علي طول زي ما بتهون علينا وتفرحنا
بالنسبة للعمل تامر مستحيل دلوقتي يشتغل او يعمل اي حاجة اهله واهلي وانا اترجوه كتييييير وهو رافض ومفيش حد يعرف هدفه غيري لان اي حد هيعرفه من اهله هيرفض ويقول ده هبل كل اللي في دماغه يبيع العربية ويجيب عربية بسعر اقل وبفرق الفلوس يشغلهم يجيبوله 4 الاف مع ال 3 الاف اللي اخوه بيجيبهمله عشان يعرف يحقق حلمه اللي بيقول لو كل الناس وقفت امامه هيعمله وهو حاليا لسة بيحاول يبدأ يرجع جسمه زي زمان رياضي لان ده اساس حلمه بالنسبة لعملي انا بعشق العمل لدرجة اني كنت بشتغل وانا بدرس مع امي وبشتغل بره عند ناس وحلمي ابقي سيدة اعمال واهلي حاولو كتير عشان تامر يوافق علي شغلي وهو رافض حتي شهادة تخرجي مش راضي يجيبهالي من الجامعة واهلي طبعا رافضين البعد في مرة كنت متخانقة معاه وقلتلهم اسيبه قالولي لا ورفضو قالولي بعد ما بطل وبقي كويس عايزة تسيبيه فات الكتير واستحملتي كتير ورافضين تمام برغم انهم في اول زواجي كانو بيحاربو عشان اسيبه اعمل ايه بقي كل ما افكر في حاجة يبقوا ضدي وهما مع تامر خاصة ان خطيب اختي رياضي زيه وعايزينهم يبقوا مع بعض والحمد لله اخويا داخل مستشفي النهاردة للادمان كان المفروض امبارح بس الدكتور اجلها ليه للنهاردة وده هيخفف عن اهلي كتير وهيرتاحو اخيرا شوية وده مخليني نفسيا شوية مبسوطة الحمد لله وبالنسبة لليومين اللي فاتو مفيش جديد حتي امبارح كان عيد زواجي وكنا متفقين نخرج ويخليني اقضي يوم مختلف ويجيبلي حاجة محتاجاها ولا اي حاجة حصلت قضناها نوم عشان ماكانش نام بسبب انه كان رايح السوق مع والده ويصلح العربية ووكنا متفقين مش هننام واحناا متعودين غالب وقتنا نصحي يومين من غير نوم ضحك عليا وقالي. عايز انام وقالي طبعا لو عايزة اصحي هصحي بس هبقي تعبان وانا عمري ما هرضي بكده وهو. عارف بس بصراحة هو مش بيخلي البيت محتاج حاجة وانا عارفة ظروفه كويس اوي وكل حاجة في حياتنا حتي اقل حاجة بنقسمها بالنص ومايجيبش لنفسه حاجة وانا لا الا لو اهله اللي هيدفعوله فلوسها وحاجات بسيطة من يوم جوازنا حاجات معدودوة اللي جابهها لنفسه مطلبش من اهله غير التاب والفلاشة اللي بيتفرج عليهم علي الحاجات الحرام والملابس هما اللي بيدوه يقولوله هاتلك مثلا بنطلونين لكن غير كده كل حاجة باالنص بيننا وساعات قليلة جدا. يعني في الشهر مرة بيخرجني عشر دقايق هما لفتين بالعربية ونروح غير كده مفيش انا بجد مش عارفة اعمل ايه مبقتش بفكر خلاص ربنا يكرمك يارب ويسعدك دنيا واخرة ويحققلك كل اللي بتتمناه ويرزقك الفردوس الاعلي |
رد: أنا أنتهيت أعمل أيه أبو حكيم وsoqya(ابو م
شكله ضحك عليك بكلمتين واللى شيكولاته يا سوسو ههههههههههه لانك رضيتى عنه ما شاء الله ربينا يسعدكم يا ابنتى ويآلف ما بين قلوبكم ويرزقكم الذرية الصالحة اللهم آمين ولكن رياضة ايه وجسمه ايه اللى بيدور عليهم دلوقتى مش يدور على عمل يقدر معه يصرف عليك ويقوم بحقوقك سواء الزوجية او الاسرية وبعدين خلينا معاه الى باب الدار مفيش مشكلة اولاً موضوع الشغل لا يتعارض مع الرياضة ممكن يروح النادى الصبح بدرى قبل الشغل او لما يرجع طيب مش هيقدر خلاص ماشى هيخلص موضوع الرياضية ده امتى انتى انتظرت ثلاث سنوات لحد ما ربينا كرمه وبطل واستنى كام سنه كمان لحد ما يخلص موضوع الرياضة والعمر يجرى يا ابنتى انتى اليوم 25 سنه والمفروض تنتظرى كمان كام سنه يا ابنتى هذه الآمور تحتاج الحزم وانا لا اعتقد ان والدك يجب ان يكون له دور فى هذه المرحلة حتى لا يضيع من عمرك خمس سنوات آخرى يتبع ان شاء الله |
رد: أنا أنتهيت أعمل أيه أبو حكيم وsoqya(ابو م
انا ما رضيتش ولا حاجة وعرفته اني زعلانة بس مش هقبل يقعد وهو تعبان وانا بصراحة تعبت من كتر الخناقات بقالي فترة بكبر دماغي واسكت وخلاص واعيش مع نفسي
وبالنسبة لعمله مش هيقبل انا عارفة هيقول ان دخلنا كويس وانه اما يعمل مشروعه هيكسب ملايين فعلا ده لوووووووو نجح هيبقي كده وعشان يعمله محتاج مش اقل من6 ساعات تمرين وفي خلال سنة هيكون بدأ لو انتظم انا بقيت بريح دماغي برغم ان كل وقتي غالبا بيبقي حارق دمي بس بسكت لانه مش بيقتنع. غير باللي هو شايفه صح ووالدي صعب يتدخل اولا تامر مش هيقبل كلام منه هيسمع من ودن ويطلع من التانية زي ما بيعمل مع اهله ووالدي طيب وغلبان مقدرش علي ابنه هيقدر علي تامر تامر برده في طباع صعبة وانا مستنية باقي كلام حضرتك اللي بيسعدني جدا ربنا يكرمك ياااااااااااارب ويسعدك دنيا واخرة |
رد: أنا أنتهيت أعمل أيه أبو حكيم وsoqya(ابو م
في حاجة عايزة اخد رأي حضرتك فيها
زمان لما كنت بتخانق معاه عشان مصارعات معينة ومغنيات بيشوفهم ويتغزل فيهم كنت بقوله ان في كام واحد هو عارف انهم عاجبينني من قبل جوازنا مغنيين برده ومصارع واما كنت بتفق معاه مايشوفش حاجة كان بيقولي انتي كمان وطبعا كان بيشوف من ورايا وحاليا من فترة سبته يعمل اللي هو عايزه ويشوف اللي عايزه انا بقي بفكر عشان احرق دمه اني اوصل ليه اني بشوف وبسمع زيه بس طبعا مش هبقي بعمل كده وانزل الحاجات علي تليفوني بس مش هشوف حاجة لمجرد بس اني اخليه يحس باللي بحس بيه رأي حضرتك ايه في ده. ولا حرام وجود الحاجات دي عندي واعمله ولا لا مع العلم اني مرة زمان عملت نغمة لمغني منهم علق علي الموضوع قالي انه مش بيشوف حاجة وانا موجودة ولو شاف اول مابيلمحني جاية بيقفلها عشان ما ازعلش وبيخاف علي شعوري وقالي ان الموضوع مش مضايقه وانها تفاهات هو بس بيعرفني انه بيخاف علي شعوري واني مش زيه غيرت النغمة بعدها بساعات قالي طبعا بتقولي هو لو ما اتضايقش مش هيعلق علي الموضوع بس مش فارق معايا عشان ما تفكريش حاجة وحاول يوصل ليا انه مش زعل ياتري هو زعل ولا لا انا مش عارفة وعايزة اعرف رأي حضرتك واسفة لو بسأل حضرتك في تفاهات بس الموضوع فارق معايا اوي لانه بيجرحني بجد |
رد: أنا أنتهيت أعمل أيه أبو حكيم وsoqya(ابو م
لى رجعه للرد على آخر مشاركة لك بإذن الله تعالى يا ابنتى سيبك من ان بابا طيب وغلبان وان تامر صعب وهيسمع من هنا ويطلع من هنا ... كل ده كلام سلبى ومسكنات علشان تسكتى نفسك وترضى باللى انتى فيه يا اختى دينا آمرنا بالآمر بالمعروف والنهى عن المنكر بغض النظر عن الطرف الآخر قوى او ضعيف والطرف الآمر ضعيف او قوى اتذكر موقف حدث مع الرسول الكريم صلوات الله وتسليماته عليه عندما كان هناك انسان له دين عند ابو لهب وجاء يسأل كيف يسترد ماله وكان يسأل وهو فى الكعبة المكرمة فأشاروا له الى سيدنا محمد صلى الله عليه وسلم وقالوا ليس لك الا هذا يحضر لك مالك وحقك وكان غرضهم الاستهزاء بالرسول ... لكَم العداء ما بين الرسول صلى الله عليه وسلم وابو لهب لعنة الله عليه فذهب الرجل الى الرسول صلى الله عليه وسلم وآخبرة بآمره فما كان من الرسول الكريم الا ان قام معه وذهب الى ابو لهب وتبعهم بعض من اهل قريش يريدوا ان يضحكوا ويروا ماذا سيفعل ابو لهب فى الرسول صلى الله عليه وسلم وما ان فتح ابو لهب باب داره حتى قال له الرسول صلى الله عليه الصلاة والسلام هل لهذا الرجل مال عندك فرد ابو لهب نعم فقال له صلى الله عليه وسلم اذن فأعطى له ماله فمالبث ان دخل ابو لهب لبيته واحضر المال واعطاه لصاحبه وبعدما انصرف الرسول صلى الله عليه وسلم حتى جاءوا من كان يتتبعوا الرسول وطرقوا باب ابو لهب وقالوا له لماذا اعطيت السائل ماله كنا نريد ان نستهزأ بمحمد لعنه الله على الكافرين فقال لهم والله عندما سألنا محمد رأيت خلفه ناقة وكأنها تريد ان تفتك بى ولو لم احضر المال لقتلتنى سبحان الله انه التأيد من الله لمن يآمر بالمعروف وينهى عن المنكر وهذا حال كل من يآمر بالمعروف وينهى عن المنكر نرجع الى موضوعنا كما ذكرت لك نحن لن نقول اطلبى الطلاق ولن نقول اتركى البيت ولكن يجب من وضع خطة عمل ومحددة ويعلم تامر انك مش سوسو بتاعة زمان والتى تسكت عن حقها .. سوسو التى ترضى بالقليل .. سوسو التى تحمد الله انها وجدت من يتزوجها يا ابنتى انتى فتاه من اصل وعلى خلق والف من يتمناك .. اذن لماذا هذا الضعف والاستكانه ابنتى انا اريد منك ان تكونى قوية ويجب ان يصل هذا الى تامر .. ومش عاوز موضوع الاقراص هذا يؤثر عليك ابداً بإذن الله اولا لانك لم تعرفى هذه الاشياء الا عن طريق تامر غفر الله له وان كان هناك وز فهو يتحمل الجزء الاكبر منه وفى النهاية انتصر معدنك الطيب ورفضتى الاستمرار فى هذا المستنقع بفضل الله عز وجل وانتصرت على الباطل ورجعتى سوسو الاولى قبل ان يدخل حياتك هداه الله بمعنى حتى لو كان هناك نقطة ضعف فالحمد لله انتهت والان ان تريدى حقوقك كاملة وتريدى ان يفى بوعوده التى وعدكم ايها قبل الزوج ويجب ان يصل له انك لن تستمرى معه اذا لم ينصلح حاله وهو يجب ان يعلم ان هذا موقفك وانتى من سيتآخذ موقف وليس والدك ولكن نحن نريد التآيد والمآزرة من اهلك وان يقفوا بجوارك لا ان يقفوا ضدك وفى صفه ويجب ان يصل الى والدك كل التقصير والذى تجديه منه واذا احرجتى من ذكر آمر العلاقه الى والدك آخبرى والدك وهى تبلغه ليعلم ان موقفك لم يآتى من فراغ وقتها اما يشعر انه فعلاً انه يجب ان يتحرك والا انه سيفقدك او يستمر فى اهماله وعدم تحمل المسئولية ولكن يجب ان يشعر انه سيفقدك والله اذا كان متمسك بك فلن يضحى وام اذا كان بائع ففى ستين سلامه وانتى امامك الحياة والمستقبل بإذن الله وثقى ان الله لن يضيعك واعلمى انه لا يضيع حق ورائة مطالب وهذا اقل حق لك مع العلم ان هذا التحرك سيآخذ شهور ولكنى اريد ان نبدأ من الان ولا نضيع الوقت كفى يا ابنتى ما ضاع من عمرك خمس سنوات ليس بالقليل والعمر فيه كم خمس سنوات اسأل الله لك الثبات والتسديد والتوفيق .. اللهم آمين |
رد: أنا أنتهيت أعمل أيه أبو حكيم وsoqya(ابو م
الابنة الكريمة نريد ان نطمئن عليك لعل المانع خيراً بإذن الله اسأل الله لك الثبات والتوفيق وان يعينك على طاعة والقرب منه سبحانه وتعالى |
رد: أنا أنتهيت أعمل أيه أبو حكيم وsoqya(ابو م
ربنا يكرمك يارب ويسعدك دنيا واخرة ويرزقك الفردوس الاعلي اميييين يارب علي اهتمام حضرتك والله من اكثر الحاجات اللي بتسعدني
الحمد لله بخير مفيش مانع ولا حاجة انا موجودة طول الوقت في المنتدي بس شايفة ضغط علي حضرتك وكنت قلتلي هترد علي المشاركة الاخيرة وكنت مستنية رد حضرتك |
رد: أنا أنتهيت أعمل أيه أبو حكيم وsoqya(ابو م
طيب الحمد لله بسم الله ما شاء الله لا قوة الا بالله اسأل الله لك الثبات التوفيق وان يهدى زوجك ويرزقكم الذرية الصالحة .. اللهم آمين معقول موجودة فى المنتدى طيب لماذا لا ارى لك تفاعل والله يا ابنتى هذا المنتدى ما شاء الله من النعم التى ينعم بها الله على الانسان به صحبه طيبة ولا نذكى على الله آحد اريد منك تفاعل وتجاذب الآراء والمشاركة لا تتقوقعى على نفسك لان الفراغ اكبر عدوا انظرى الى دعاء الرسول الكريم صلوات الله وتسليمه عليه اللهم لا تكلنى الى نفسى طرفة عين تخيلى الرسول يخاف ان يكله الله عز وجل الى نفسه طرفة عين فما بالك بمن يقضى الساعات والايام وليس ورائة شىء اكيد سيجد الشيطان له بدل المدخل الف مدخل والعواذ بالله كنت انتظر تعليقك على آخر مشاركة ثم ارد على مشاركتك ان شاء الله |
رد: أنا أنتهيت أعمل أيه أبو حكيم وsoqya(ابو م
جزاك الله كل خير علي دعائك الطيب بالنسبة لمشاركاتي في المنتدي مش بعرف اقول ايه ولا اعمل ايه وانا ما اعرفش حد هنا ومرة عملت موضوع في قسم السعادة الزوجية لقيت هجوم رهيب عليا بقضي وقتي قراءة في المواضيع وكل المجالات وخلاص لاني فعلا بستفيد جدا من المنتدي الجميل ده
بالنسبة لردي علي كلام حضرتك انا مقتنعة بيه تماما بس انا عارفة والدي مش بتاع تفاهم عصبي وغير كده ان موضوع دخول اخويا المستشفي فشل لان المستشفي رفضت يعني حاليا ما اقدرش احملهم اكتر من الهم اللي هما فيه ووالدي مش هيعرف يتفاهم وخاصة انه كان رافض الزواج ده هيبهدلني وانا بصراحة مش بعرف اتكلم معاه حتي بتكسف اطلبه في التليفون اتطمن عليه لو مامتي سافرت وماما عارفة كل حاجة وعارفة حوار العلاقة وبرغم انها نففسها احمل بس كل اللي عليها اصبري وكلمت تامر كتير بس مفيش فايدة كلمته في الشغل وانه يعيشني حياتي ويخرجني والحمل وانه يشغلني اهلي ما اقدرش اوجعهم بمشاكلي اكتر صدقني والله هما مهمومين لدرجة رهيبة كفاية عليهم مشاكل اخواتي الثلاثة بالنسبالي انا اقدر اواجه تامر واكلمه وابقي حازمة معاه بس عملت ده كتير ومحصلش جديد انا مستنية الخطة اللي حضرتك قلتلي هتقولي عليها وهنفذها وتامر عارف اني اقدر اخد القرار لوحدي من غير ما احتاج لاهلي ولا اي حد وانا واثقة في خطة حضرتك هتخليني اقدر عليه ربنا يسعدك دنيا واخرم ويرزقك الفردوس الاعلي مع من تحب |
رد: أنا أنتهيت أعمل أيه أبو حكيم وsoqya(ابو م
السلام عليكم ورحمة الله وبركاته
انا محتاجة لحضرتك اوي يا ابو مريم النهاردة من شوية اتاكدت من كلام حضرتك انه بيشوف اباحيات خدت التاب منه قلتله ايه ده بكل استهتار واستهزاء يقولي قلة ادب وقالي انتي واخدة التاب تدوري ورايا قلتله لا عشان اوريك اد ايه انت حقير رد وقالي مش احقر منك مش يراعي مشاعري تخيل رده ده عمل فيا ايه سكتت ومن ساعتها ما اتكلمناش ربع حرف انا كرهته اووووووووي ارجوك كن معي وقولي ايه الخطة عايزة اعلمه الادب واخلص منه اعرفه اني خلاص مابقاش فارق معايا انا محتاجالك اوي ربنا يسعدك دنيا واخرة ويرزقك الفردوس الاعلي |
| الساعة الآن 07:59 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©