|
رد: همسات شعرية [مميز]
لا تقاوم الريح لا صرت خاير القوة ياتحني الراس أو تخاوي مماشيها واكسب لك خويٍّ طبعه عدال ومروَّة يخلص العشرة ويعطي زينة مباديها |
رد: همسات شعرية [مميز]
[align=center]جبر الكسر جمع شمل قلوب الأشتات
والسعادة ناتج رضى بالمكتوب والقسمة وان بغيت المسرة بدنيتك اطرح كل مافات ورا ظهرك وابدا حياتك بثغرٍ دايم البسمة[/align] |
رد: همسات شعرية [مميز]
[align=center]القدر قطرة مطر كلٍّ شربها
والبشر بذوق هالقطرة مذاهب فيهم اللي شكر ربٍّ سكبها ومنهم اللي زادته أحزان وغياهب[/align] |
رد: همسات شعرية [مميز]
[align=center]الوفا طبع أهل الأصول الكريمة
والغدر خنجر بيد رديين الطبايع بهالزمن صار الوفا أكبر جريمة والغدر له مطبِّل وشاري وبايع[/align] |
رد: همسات شعرية [مميز]
[align=center]ماكل عذرٍعند البشر مقبول
ولا كل زلة ندمح خطاها كم عذرٍ من الحكي معسول وكم زلة مايسترها غطاها[/align] |
رد: همسات شعرية [مميز]
[align=center]صروح المودة بالقلوب الوفية منابر
تحكي بياض النوايا على مر الأزمان ورموز المكاره لصدق الأخوة مقابر تدفن مكانة ناس كانوا غالين الأثمان[/align] |
رد: همسات شعرية [مميز]
[align=center]رفعة النفس بحسن الأخلاق
وجمال الروح في زين النوايا كم عشرةٍ بالود زينها فاق وكم صحبةٍ بالخبث نفاق وخطايا[/align] |
رد: همسات شعرية [مميز]
[align=center]اكتب حروف المودة وبالطيب زيِّنها
ترى العشرة تبي خلٍّ يدمح الزلة وظروف خلك لا قست بالود ليِّنها ترى وقفة الخلان بلسم يبري العلة[/align] |
رد: همسات شعرية [مميز]
[align=center]كم رجلٍ سخي بفعول المكارم تعلَّى
وكم رجل غني ماارتقى بكثر ماله فعل الطيب يرفع القدر لامنه تجلى وقدر الرجل فعله ماهو بعمه و خاله[/align] |
رد: همسات شعرية [مميز]
[align=center]كل مكسور بالعمر بالامكان جبره
ماعدا كسرٍ تعلق بشموخ الكرامة هي مقام العز اللي ماينجبر كسره هي هامة الفخر لاصار للفخر هامة[/align] |
رد: همسات شعرية [مميز]
[align=center]لا ترتجي خير من كثير الأقوال
ولا تاثق بخلٍّ طباعه دنية الأول بين الناس للسر نقال والثاني يبيعك ولو انك خويه[/align] |
رد: همسات شعرية [مميز]
مابينك وبين رب المخاليق قرض يعطيك الوسايل وأنت فيها مخيَّر احفظ صلاتك من سنة وفرض كم حال بسببها للعليا تغيَّر |
رد: همسات شعرية [مميز]
[align=center]الصاحب اللي رفقته ترفع الراس
وعشرته تسعد النفس بكل الاوقات هو الرفيق اللي عشرته على ساس قوي ماتهزه الغيبه ولا بعد المسافات[/align] |
رد: همسات شعرية [مميز]
[align=center]الخوي اللي بالشدات تلقاه
احتزم به وادمح كل زلاته يكفيك منه الفزعة يوم تنخاه يكفيك بالشدايد صدق وقفاته[/align] |
رد: همسات شعرية [مميز]
[align=center]بعض البشر لو غاب له تشتاق
لو تقضي معه كل العمر مايكفي وبعض البشر طيفه ابد ماينطاق ماتفرق غيبته لو انه مقبلٍ او مقفي[/align] |
رد: همسات شعرية [مميز]
[align=center]لا تنكر العشرة ساعة الضيق
و لا تمن الجميل اللي فعلته كم فعلٍ رديٍّ للخلان تفريق وكم جميلٍ رفعك لمكانٍ وصلته[/align] |
رد: همسات شعرية [مميز]
[align=center]لاتشتكي ضعفك لعموم المخاليق
ولا تنشر همومك بهروج المجالس ترى الضعف شين لا قارنه ضيق والاردى منه لاحكيته للي تجالس انخى وليٍّ عطاه للهم تفريق وبابه مفتوحٍ للعطايا بدون حارس[/align] |
رد: همسات شعرية [مميز]
[align=center]حياتك مثل صفحات بكتاب
أنت المؤلف ومدير الإخراج تكتب فصوله بابٍ ورا باب فاحرص تكون نهايتك إحراج[/align] |
رد: همسات شعرية [مميز]
[align=center]لا ترتجي فزعة من ناس قليلين لعزوم
ولا تنتخي رجلٍ يجهل سلوم المراجل الأول عذره قريب ولو طلبته بحزة لزوم والثاني لو فزع لك باعك بوقت عاجل[/align] |
رد: همسات شعرية [مميز]
[align=center]يامحلا خضوعي للي تاجب له الطاعه
ويازين لبيه للي تحت أقدامه الجنة لا من دعاني قلت ابركها من ساعة أقدم الخدمة لا لي بها فضل ولا منة[/align] |
رد: همسات شعرية [مميز]
[align=center]تجارب الدنيا أقوى من دروس المدارس
كم حكيمٍ بدنياه من تجاربها تعلَّم وعلوم المراجل هدية من طيب المجالس كم حليم بحياته من مواقفها تحلَّم[/align] |
رد: همسات شعرية [مميز]
[align=center]ياشين الوقت لا صرت به مفلس
كتابك الخالي يشكي الحاجة وقبرك القادم يعرض لك المجلس اللي تبدل صفيحٍ ساخنٍ صاجه[/align] |
رد: همسات شعرية [مميز]
كريم الخصايل صرحٍ شامخٍ عزه
رافعٍ راسه مهما جارت عليه النوايب كل البشر تغليه فعول صدق ومعزة وتذكر سيرته بالطيب حاضر وغايب |
رد: همسات شعرية [مميز]
سرك قيدٍ لاتصبح به مكبَّل
إن عطيته جهول المكارم خله بصدرك ولاتعطي مهبَّل بطيشه تصبح مديون غارم |
رد: همسات شعرية [مميز]
عفت الصاحب اللي مايجمِّل وبعت الخوي اللي ما ينتخى به وخاويت خلٍّ بالشدة يكمِّل وشريت عشرة اللي بيدي زهابه |
رد: همسات شعرية [مميز]
دينك سلاحك اللي ينصفك بالشدة فلا ترتجي عزٍّ بدنياك بدون طاعة صلاتك وصومك يا زينها من عدة تخاويك بوحشة القبر وقومة الساعه |
رد: همسات شعرية [مميز]
يالله ياللي تسمع حس النمل ودبيبه ومخرج نبيك يونس من ظلمة الحوت افرج هم قلوب صارت من الدنيا كئيبة واخرج حلمها حيٍّ من بطن تابوت |
رد: همسات شعرية [مميز]
[align=center]
يكفيك من فعول النذل قرصة لجل تنجى بدروب السلامة ويكفيك من شماتة العذل فرصة لجل تتجنب دروب الملامة [/align] |
رد: همسات شعرية [مميز]
[align=center]
ياصاحبي لاترسم على المقفين آمال ولا ترتجي من رديٍّ عزوم وفوايد ترى الدنيا رحلة ثمنها كفاح وآجال ينجح بها اللي بالخير فعله عوايد [/align] |
رد: همسات شعرية [مميز]
[align=center]
الرفيق اللي عن الرفقة ماتخلى يجبر العثرة لو الزمن شان خير من رفيق بالشدات ولى وباع عشرة خويه برخيص الاثمان [/align] |
رد: همسات شعرية [مميز]
[align=center]
يالله ياحافظ خليلك من اذى النار ومنجِّي كليمك من كيد فرعون أنت الصاحب الحافظ بدروب الاسفار ياخير مطلوب في حزة العون [/align] |
رد: همسات شعرية [مميز]
[align=center]
دينك السمح يمنعك من الخطايا وايمانك الجاد يهوِّن عليك النوايب ضميرك الحي يهديك لحسن السوايا وعقلك الحاضر يجعل الراي صايب [/align] |
رد: همسات شعرية [مميز]
[align=center]
الاصل السوي يثمر الطيب والاصل الردي ردي حصاده الرجل زينه بفعول المواجيب ماهو بفعول الردى والنكادة [/align] |
رد: همسات شعرية [مميز]
[align=center]
اللي مايعدك كسب لا تعده راس مال واللي يبيعك برخص لا تشري مخاواته اللي يرخص نفسه لرفعتك حطه عقال واللي مايبي قربك لا تامن عداواته [/align] |
رد: همسات شعرية [مميز]
[align=center]
الا يالله يارب كل المخاليق على عطاياك لك الحمد والمنة بك الملتجى في ساعة الضيق ياعزوة الملهوف وحسن ظنه [/align] |
| الساعة الآن 04:30 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©