|
رد: كيف اتعامل مع نوم زوجي خارج غرفتنا بذكاء
شقرديه يمكن هوا فاكر اني خايفه من الطلاق
وانا مو كذا أغلب قهري بيكون عليه لانه أبو عيالي وشتات الأطفال مو سهل لكن ممكن تصرفاتي وضحت له هالشي الله أعلم وماأنكر اني أخاف جدآ من شي اسمه طلاااق لأنه دمار نفسي وحياة جديده تماما حياة صعبه بالنسبه لي الله ييسر الخير مابيدي شي |
رد: كيف اتعامل مع نوم زوجي خارج غرفتنا بذكاء
اقتباس:
ببداية العلاقة لازم يكون في أسس ثابته . . حدود لا يتعداها . لما تعوديه على شيء ، خلاص يتعود عليه ويصير صعب تغيرينه . يعني كان من المفترض من أول مره _تكلم عن الحريم_ تتصرفين وتبينين أن هالشيء يزعجك ويؤذي مشاعرك" مثل المرض من البداية لازم تعالجية بس لما تخلية وتطنشي يكبر أكثر وصعب تسيطري عليه فبيحتاج وقتها صبر وطولة بال الين يزول المرض . (كان لازم توضحين له أنك صبرتي على الكلام الجارح وطلعت منك هالكلمة بعد طول صبر _لحتى يعرف خطأه_ .) مثل الطفل الي لما يخطأ وتطنشيه وأكثر من مره يخطأ وتطنشيه بعد كذا يخطأ وتضربيه !!! فهو يستغرب أيش عمل *عشان تضربيه* ؟؟؟ اقتباس:
بس ايش رأيك تقولين له أنو ضميرك يأنبك مره وأنك تعلمتي من خطأك ومرح ترجعين للخطأ مره ثانيه نهائياً.. ايش ماكان وايش مايحصل . اقتباس:
الآن عليك أن تثبي صدق مشاعرك بالأفعال . اشغلي نفسك الآن بالدعاء والإستغفار وصلاة الليل والصدقة . ومو عارفة إذا ينفع أو لا ! دام الزعل طول إلى الآن .. انك تصارحيه وتقولين له انك عارفه انو زعلان منك إلى الآن .. وانو ماكان كذا من قبل .. وانك زعلانه على نفسك وزعلانه انو ماسامحك وتتمنين انك تسوين اي شي عشان ترضينه . الله يفرج همك ويسعدك . |
رد: كيف اتعامل مع نوم زوجي خارج غرفتنا بذكاء
اقتباس:
لما يجيب سيرة الحريم انا ازعل وعارف هالشي لكنه يرد علي يقول مايسوونك! ! يعرف يطلع نفسه من أي خطأ أو زله من لسانه . ويرجع ثاني لنفس الموال ثاني يوم اذا مو نفس اليوم! !! بالنسبه لضميري انو مأنبني هوا عارف الشي هذا واستغل الموقف لصالحه اول ماحصلت المشكله اعتذرت شفهيا وحلفت له أنه ماراح أعيدها وعدته قلتله وعد مني ماعاد أعيد نفس الأسلوب أبد أبد بس ماابيك تزعل كان وقتها يعيد ويزيد في اني كثير جرحته وبيشوف نفسيته أن قدر يتحمل أكثر على كلامه .. كل الخطوات اللي ذكرتيها سويتها من البدايه بنفس اليوم وعدت اعتذاري بعدها بيومين قال خلاص خلاص هوا مايحب الاعادات بالكلام. بقت نقطه انو أقوله انا ضميري مأنبني وإني زعلانه على نفسي انو ماسامحني أن شاء الله يجي لها الوقت المناسب على حسب تجاوبه لأنه جالس يصدني بالكلام خاصه انه مو موجود امامي للأسف اشكرك عزيزتي على نصائحك. .افدتيني والله الله يسعدك |
رد: كيف اتعامل مع نوم زوجي خارج غرفتنا بذكاء
اقتباس:
إذا هو يصد .. يكون أفضل لو تكتبين رسالة وتعبرين فيها عن كل مشاعرك له . يقولون " الي يطلع من القلب يدخل القلب" مثلاً إذا اشتقتي له ، الأطفال مشتاقين له ، له وحشه .. أكتبي كل الي بداخلك . لعله يلين ويسامحك ويرجع أفضل من قبل . إذا هو مل من تكرار الإعتذار .. مو شرط ترسلين رسالة إعتذار رسالة شوق ، ودك تطلعون تتمشون .. *أي شي ببالك . بس خايفه يقولك مو فاضي وانا مشغول .. ممكن تقولين له ودي اطلع اطفالي يغيرون جو ، بعد ماتطلعون رح يلاحظ تغيرك . إذا طلعتو لاتجيبي طاري الزعل *انسي .. لان أشعر انو مضغوط من الحياة ويبغى يرتاح ويهنى . دائماً اهتمي فيه عشان يوضح أنك فعلاً مهتمه وفاقدته .. عشان لو مافي إهتمام بيحس انو مو فارقه معك . لان الي أعرفه الرجال لما يكون بعمر كبير ، يرجع طفل يحتاج للإهتمام والحب والحنان .. أكثر من أي شي . بصراحه أنتِ أظن سويتي كل شيء ، بس للأسف زوجك عنيد ، بس خلك على ما أنتِ عليه من الإهتمام .. إهتمامك رح يأكد له انك تحبينه . للأمانه مالي خبره بهذا المجال بس هذا تحليلي .. أنتِ شوفي ايش الي يناسبك :"( ربي يعينك . |
رد: كيف اتعامل مع نوم زوجي خارج غرفتنا بذكاء
الحي على الله في سجودك ان يهديه ويحنن قلبه عليكم
مدري ليش مسيطره فكرة الطلاق براسك يا باءعه لو ما عندك عيال بقول يمكن لكن بينكم عيال مستحيل يطلق بهذا العمر وعنده عيال يخاف عليهم على الاقل لا ترددين فكرة الطلاق بعقلك الباطن وتجذبينها لحياتك من كثير ما تفكرين فيها.. خليك طبيعيييييه لا يحس منك خوف من الطلاق.. ان كنتي تعرفين زوجك من النوع اللي ما يبغاك تتركينه وقت الزعل لا تتركينه رسايل واتصالات وبطلي بتجي عشاني ولا مو عشاني هذا نوع من الضعف ورساله منك انك خايفه من شي هذا الكلام ممكن بعد ما تتصافوووون ويطيح الحطب تفضفضين له اما الحين هو مضغوط وانتي لسا ما رسيتي على بر تقولين له عشاني ولا مو عشاني انتي خليه يجي الحين بعدين نعرف عشان مين جا وان كان من النوع اللي ما يحبك تلزقين فيه وقت الزعل خلاص لا تلزقين ورساله وحده باليوم تكفي وانتي ادرى بزوجك.. |
رد: كيف اتعامل مع نوم زوجي خارج غرفتنا بذكاء
اقتباس:
اكلمه عادي وهوا أسلوبه ياليتكم تسمعونه احسه يبيني اتعود على هالنظام الجديد رضيت كان بها أو يبي يطفشني أو فعلا كرهني وماعاد يطيقني حرام علييييه هوا مسافر حالياً انتظر جيته وكله بيبان أن جا أو ماجاء لو كتبت اللي بخاطري يطنشني واخاف ارسل بالواتس سؤال لين متى بيظل أسلوبك كذا معاي أخاف مايرد واحترق أكثر استغفر الله العظيم |
رد: كيف اتعامل مع نوم زوجي خارج غرفتنا بذكاء
اقتباس:
رسيتي والا مارسيتي قصدك غلط أقوله هالكلام ممكن يكون يبي الإنفصال واحط نفسي بموقف محرج؟ ؟ قصدي تلطيف جو أو اشوف ايش بيرد عالاقل |
رد: كيف اتعامل مع نوم زوجي خارج غرفتنا بذكاء
بائعه ياقلبي كفايه لوم لنفسك احسك اعطيتي الموضوع اكبر من حجمه والله لو طنشتي من يوم ماخرج من عندك واكتفيتي بالاطمئنان عليه فقط بلا حب بلا صور عشق كان ممكن حس فيك وتعدل
ذكرتي انه خمسيني يعني تفكيره مختلف وبعيد عن تفكيرك حاولي الفتره هذي الاطفال الي يكلموه وانتي اخر وحده تكلميه كيفك الحمدلله الله يرجعك بالسلامه ومع السلامه فقط يابنت اشغلي نفسك الان باي شي وقفلي التفكير فيه مارح تطلعي بنتيجه وهو مسافر بس تحرقي اعصابك والله لو استغليتي فتره سفره بختم القران كان خير لك من التفكير فيه والله لو ذكرتي شي كبير سويتيه له كان قلت معليش تقربي منه وجددي العلاقه بينكم لكن قلتي كلمتين وله ايام مو راضي ينسى والله دلع شياب الله يغفر له انقهرت عليك كل شوي داخله الموضوع ومحترقه منه ...وهو عايش حياته... |
رد: كيف اتعامل مع نوم زوجي خارج غرفتنا بذكاء
متفائله
حاسه بعصبيييييه بشكل فضيييع افرغها احيان بضرب اطفالي آخر شي تذكرت اني لي شهرين أخذ حبوب منع الحمل سببت لي عصبيه وتصرفات فوضويه واللي قاهرني بهالشهرين اللي صرت عصبيه فيهم وخرج مني كلام على قوله جارح احسه من الحبوب كيف الزوج مايقدر تقلبات النفسيه عند الحرمه الرسول عليه الصلاة والسلام اوصاهم علينا وهم لاحياة لمن تنادي صادقه عطيت الموضوع أكبر وأكبر كمان لكني من القلق اللي جايني استغفر الله العظيم |
رد: كيف اتعامل مع نوم زوجي خارج غرفتنا بذكاء
احلى كلمتين ختمتي ردك فيهم ( استغفر الله العظيم)
بعدين حبوب الحمل لازم توقفيها ركبي لولب او تصرفي ايش تنتظري يجيك ضغط او سكر او جلطه بعيد الشر وارجوك اطفالك هم وناستك تعوذي من الشيطان اذا فكرتي تمدي يدك عليهم والله مالهم ذنب كنت زيك قبل اضربهم والان غيرت لما أكون معصبه او حزينه والله احضنهم من قلب وتنزل دموعي غصب عني وارتاح حسيت حضنهم دواء لنفسيتي خاصه لما يضحكو وانا احضنهم جربي وزوجك صدقيني من كثر تفكيرك فيه رح تتخربطي لما تقابليه وتجيبي العيد اشغلي نفسك الان بأمور تحبيها ومنها قراءة القران رح تهدأ نفسك وتكوني طبيعيه لما تقابليه صدقيني بتندمي انك ضيعتي وقتك بالهم لشيئ مجهول .... |
رد: كيف اتعامل مع نوم زوجي خارج غرفتنا بذكاء
اقتباس:
الحمدلله اقرأ البقره يومياً اكيد اني مع الأيام بهدأ ومافي شي يبقى على حاله الحمدلله الله ييسر كل خير ويعطيني القوه والصبر |
رد: كيف اتعامل مع نوم زوجي خارج غرفتنا بذكاء
بائعه ان كان زعله بس علشان الكلمتين الي قلتيهم صدقيني هذا ابد مو مبرر له يزعل كل هالمده ويتركك
الا ان كان منتظر الزله منك علشان يتحجج هذا شي ثاني لكن حطي ببالك ويقينك ان الارزاق بيد الله وحده لاشريك الله يعني اذا ربي كاتب لك معه نصيب يكمل معك لو عيوب الدنيا فيك بيتحملك ولو ربي ماكتب لو انك ملاك بتنفصلون ليش اقولك كذا ؟ علشان تعلقين قلبك بالله وحده وترتاااحين طبعا اذا آمنتي بيقين تام بان الرزق بيده الله وحده بتصيرين بس تدعين ومفوضه امورك لله وحده وربي بيحقق مرادك اكيد من توكل على الله فهو حسبه اي كافيه مااهمه ممكن تبحثي بمقاطع عن كيف احقق التوكل واليقين اسأل الله ان يحنن قلبه ويرده لك ردا حميلا |
رد: كيف اتعامل مع نوم زوجي خارج غرفتنا بذكاء
اخت عذاري
اكيد ماراح يكون من عالكلمتين اكيد فيه تراكمات في نفسه الله أعلم ماصرحها قبل كذا وانا ماوضعت موضوعي إلا لأنه قسم لمشاكل المتزوجين يعني كنت ابي نصيحه فايده شي غلط ماانتبهت عليه وله الأجر اللي ينبهني ماكتبت اللي حصل لي إلا لأني محتاجه وقفه من أشخاص افادو غيري وقلت يمكن يفيدوني بشي أستفيد منه بتعاملي مع زوجي طوول عمري اشكرك اختي الله لايحطك في موقفي اللهم آمين. شعوري لايوصف بسبة تعامل زوجي الله يهديه من حب أن ينصح أو يذكر فالذكرى تنفع المؤمنين ومن حب يساعدني أو يوجهني فله الأجر استفدت كثير من نصائحكم افدتوني الله يسعدكم شكراً لكم |
رد: كيف اتعامل مع نوم زوجي خارج غرفتنا بذكاء
لاتستهينون بمشكلة غيركم والله نفسيتي تعبت
تعامل الزوج مو بسيط على نفسيةالحرمه لما يتغير فجأه واشوفكم ماشاء الله تساعدون في بعض المواضيع إلى مالا نهايه مع أن فيه موضوع مشابه لموضوعي مااشوف وحده قالت خلاص طنشي وأشغلي نفسك بشي مفيد رحمتك كثر ماتدخلين الموضوع مااعرف ايش اقول بس ماحد وده يوقف معاي وان كتبت خطواتي اللي جالسه اتبعها صحيحه أو خطأ أكمل أو اكتفيتوا وأكتفي؟؟ |
رد: كيف اتعامل مع نوم زوجي خارج غرفتنا بذكاء
بائعة انا متابعة لموضوعك
قلت لك وقفي اتصالات وارسال انا ماني متفقة مع اللي يقولون لك ارسلي له ولاتكفي على المبادرة!! ايش سويتي له عشان ينصحوك هيك؟ انت سمعتيه كلمتين وهو السبب فيهم اعتذرتي له واظهرتي ندمك له ومن يوم سافر انت ترسلين له وتسئلين فيه طيب ايش يبي اكتر من هيك! اذا عندو تراكمات مايحق له يفجرها بسبب كلمتين تافهين وانت للاسف قاعدة تعززين عندو خطأك وتكبرينه بعيونو خلاص وقفي اتصالات وخلليه يحس انو مزودها |
رد: كيف اتعامل مع نوم زوجي خارج غرفتنا بذكاء
قلوب حائره
بيننا تواصل ولكن أسلوبه رسمي وانا الحين صرت مثله كلمه ورد غطاها والرسائل رسايل عاديه عامه أن رسل أرسل ولو مارسل ماأرسل إلا أحيان ارسل صوره لعياله أو فيديو لهم وبس كبر الخطأ يمكن لشيء جهلته وهوا اعتبر نفسه الفاهم الكبير اللي مايغلط أبد الواحد يسامح عشان لما يغلط الناس يسامحونه استغفر الله العظيم |
رد: كيف اتعامل مع نوم زوجي خارج غرفتنا بذكاء
هم قصدهم
اللي علي اسويه حتى بكرا مايقول انتي ماسألتي أو مو فارقه معك تعرفين الواحد ماوده يعطي للشيطان طريق |
رد: كيف اتعامل مع نوم زوجي خارج غرفتنا بذكاء
بائعة..
انا ما احسك ندمانة على كلمتك "مع انها ردة فعل عادية" قد ماحسيتك خفتي انها سبب لتهديدك بالطلاق.. صححيني اذا غلطانة هو عارف كويس وفاهم انك تخافين منه.. ما اقول لا تخلينها توصل لمرحلة انها ماتفرق معاك وحاولي تحافظين بس ترا اللي يفرعن انك تحسسينه انك ما انخلقتي بدونه الحين يقدر يلعب باعصابك لين وين؟ بعد مو معقول تصبحين وتمسين وتشتغلين وترضين وتدارين عشان بس في احتمال يطلقك وماتبين هالشي يصير انتي تشوفينه معقول؟ |
رد: كيف اتعامل مع نوم زوجي خارج غرفتنا بذكاء
اقتباس:
على أسلوبي معاه كثير ألقح بالكلام انا لو تضايقت من تصرف معين ألمح بشي قوي أحيان تفكيري عشان أعبر عن غضبي لأنه مايقتنع ولا يحب المصارحه قلت يمكن لساني هوا السبب لاني لما اعصب مااتحكم بأعصابي خلاااص |
رد: كيف اتعامل مع نوم زوجي خارج غرفتنا بذكاء
اقتباس:
وقلة مشاركتي في موضوعك ترا أبدا مو من باب عدم الاهتمام لكن أحس مافي شي أنصحك فيه.. في رأيي سويتي اللي عليكي والكرة الآن في ملعب زوجك يمكن بس باقي أنصحك انك تدعي ان ربك يفرجها وتكثري من الاستغفار مع اني عارفه انك بتسوي هالشي الله يهدي بالك ويفرج همك |
رد: كيف اتعامل مع نوم زوجي خارج غرفتنا بذكاء
اقتباس:
ساعة استجابة الله يقبل دعائك الله يصلح الاحوال يارب آمين |
رد: كيف اتعامل مع نوم زوجي خارج غرفتنا بذكاء
على فكره تفاجأت لما عرفت ان زوجك في الخمسينات ماشاء الله
مو بيقولوا ان الواحد كل ماكبر سنه ضاقت أخلاقه ويصير ماعاد يحتمل المشاكل والزعل؟ المقصد من كلامي انه حطي عامل السن في الحسبان وان زوجك ممكن يكون محتاج يرتاح ويختلي مع نفسه |
رد: كيف اتعامل مع نوم زوجي خارج غرفتنا بذكاء
أنا صح قلت بالبداية تعتذر ، بس بعدين تراجعت ، لأن هي خلاص أساساً أعتذرت . ولما قلت "إهتمام وحب وحنان ، تعبر عن مشاعرها إذا اشتاقت ، محتاج لدفء المشاعر" مو عشان يسامحها .. عشان هي زوجته وهو محتاااج يبي يحس بالراحه ، مضغوط من الحياة مايبغى كل شوي وبكل مكان مشاكل . (مو يعني زوجته تقوم بواجباتها يعني خلاص أنتهى دورها ! إذا على كذا هو خلاص بيعاملها بالمثل لو هي مرتاحه . كل واحد يقوم بواجباته كزوج وكزوجه وانتهينا !!! ) بائعة ورد إذا كنتي تبحثين عن حل .. فأنصحك تعملين إختبار تحليل الشخصية ثم تعرضين مشكلتك على أبو حكيم . إذا عرفتي شخصية زوجك رح يسهل عليك تعرفين ايش التصرف المناسب لو واجهتك أي مشكلة . لأن أنتِ اعلم بشخصيتك وبشخصية زوجك . |
رد: كيف اتعامل مع نوم زوجي خارج غرفتنا بذكاء
ايوا فااهمة وحااسة عليك
لما يجي الوقت المناسب فهميه سبب عصبيتك واندفاعك في الكلام وخبريه بان نومه بعيد عنك سبب عندك توتر ولو شايفة حالك سويتي اللي عليك خلاص ارتاحي ومصيره يرضا واذا العكس جربي اخر اعتذار وخبريه اللي كتبتو فوق وخلليه يتاثر من كلامك ويحن عليك انت عارفة زوجك وكيف ترجعيه ربنا يعينك |
رد: كيف اتعامل مع نوم زوجي خارج غرفتنا بذكاء
اقتباس:
اقصد لا تسالينه الحين بتجي عشان مين؟ ..وهو لسا مضغوط والشيطان مسيطر ودامك تعترفين انك عصبيه وداءما تلقحين بالكلام عليه خلاص يا اختي عدلي من نفسك عشان يتعدل معك يمكن مو هاينه عليه نفسه انك اصغر منه وتلقحين عليه بالكلام وهو بهذا العمر ..يشوفها كبيره بحقه يعني وصراحه يا باءعه حسيت من كلامك عن حياتكم انك جديييييه مره وناشفه معه شويتين ف ليش ما تسوين جلسات استرخاء كل يوم ساعه او نصف ساعه وتخصصين لك يوم بالاسبوع تدلعين نفسك تسترخي اعصابك وتهدءين تبداينه بصلاة الفجر وقراءة اذكارك وتعويذ نفسك وزوجك وحياتكم كلها فحياة بدون ذكر الله جافه بلا طعم ثم بحمام دافي وزيوت عطريه منعشه لاعصابك ثم مكياج ولبس ودلع لنفسك مو شرط زوجك فيه ان صادف وجوده كان بها.. وان ما صادف يجيك اليوم الثاني وانتي اخر روقان وهوني الامور تهون وكبريها تكبر.. خلي ابتسامتك ما تفارقك ..ابتسامتك لك ولنفسيتك قبل تكون له وبتنعكس على زوجك وترتبط الجيه عندك بالابتسامه والاسترخاء والهدوء فتهدا حياتكم باذن الله.. |
رد: كيف اتعامل مع نوم زوجي خارج غرفتنا بذكاء
اقتباس:
ايش هذي الحياة الغريبه الواحد يتزوج عشان يختلي بنفسه! !! اوكي يختلي يوم يومين مو أسبوعين! !! |
رد: كيف اتعامل مع نوم زوجي خارج غرفتنا بذكاء
اقتباس:
يعطيك العافيه ياقلبي |
رد: كيف اتعامل مع نوم زوجي خارج غرفتنا بذكاء
اقتباس:
بإذن الله هذا اللي بقوله لما تزين الأحوال لاازم يعرف |
رد: كيف اتعامل مع نوم زوجي خارج غرفتنا بذكاء
اقتباس:
عشان تستنتجين اني جديه معاه موضوعي ومشكلتي معاه مو بسبب اسلوبي والا دلعي بسببه وسبب مزاجه المتقلب كتمانه غريب صعبه يقول صعبه يصارح استغفر الله العظيم بس |
رد: كيف اتعامل مع نوم زوجي خارج غرفتنا بذكاء
حبيبتي بائعه الله يصلح حالك ويبرد قلبك
والله مريت بتغير زوجي وصدوده لمده قريب الشهر لاسباب تافهه ومانفع معه تودد ولاشيلانه صاد عني بقوه وموطايقني ومع الالحااح بالدعاء والاستغفار رجع لي بفضل الله هذي الحياة متقلبه ماتدوم على حال الله يرد لك زوجك ويالف بين قلوبكم |
رد: كيف اتعامل مع نوم زوجي خارج غرفتنا بذكاء
انا زوجي ينام بغرفة ثانية لحاله ..
يقول عشان المكيف هو يحبه باارد وانا ما اتحمل ما احس الموضوع قضية كبيرة يمكن لاني من النوع اللي احب الانفراد وقت النوم بس طبعا مو عاجبني الوضع كذا |
رد: كيف اتعامل مع نوم زوجي خارج غرفتنا بذكاء
حاسه فيج .. الأمر متعب
بس انتي قدها وقدود جربت الصدود .. وانه من النوع اللي ما اتحمله ولا اتقبله ولا اصبر عليه .. بائعة .. جم فرق العمر بينج وبين زوجج ؟ فرق العمر أحياناً يوضح لج بعض الامور اذا بينكم فرق بالعمر يحسها كبيرة عليه بعض الكلمات وبالهم يكون ضيق وما يتحملون شيء.. شلون نفسيتج ؟ |
رد: كيف اتعامل مع نوم زوجي خارج غرفتنا بذكاء
اقتباس:
واحسه يكرهني لو سواها مشاعري وثقتي كلها تهتز سبحان الله الناس اطباع |
رد: كيف اتعامل مع نوم زوجي خارج غرفتنا بذكاء
اقتباس:
نفسيتي اليوم أفضل من أمس الحمدلله كلمني ولكن كمان بأسلوب رسمي انا خمنت انه زعله هالمره أكثر بكثييير من كل مرا يبيه درس ماأنساه وحاسه يبيني ماعاد اناقشه بشي يعني اللي يقوله اقول تم بدون جدال! !! وأشكرك على سؤالك حبيبتي الله يوفقك دنيا وآخره |
رد: كيف اتعامل مع نوم زوجي خارج غرفتنا بذكاء
اقتباس:
نعم استمري على هذا الأسلوب الذي يتحدث به معكِ ،وأوقفي الإعتذار لأنك لو ظللتِ تعتذري سيزيد عليك .. لا تفتحي شيء مما حصل إلا إذا فتح هو الموضوع ،وسخره الله لكِ .[/COLOR] |
رد: كيف اتعامل مع نوم زوجي خارج غرفتنا بذكاء
زوجي يقول لي لما تصير مشكلة كبيرة
وتقعدين تفتحين الموضوع كل مرة وتطلبين مني انسى وتعتذرين ووو اللي يصير انج تثبتين الشيء في مخي وتذكريني به مما يصعب علي النسيان اظل كل مرة اتذكر الموقف وتقفل نفسيتي أكثر هالمرة ما فتحت وياه الموضوع وقاعد يرجع لطبيعته بشكل اسرع الحمدلله انتي اللي مصعب عليج الموضوع انه بعيد ومسافر فتحسين بتوتر أكبر .. اللي ساعدني هو الرسائل الايجابية اللي اقولها حق نفسي قدام المنظرة.. اقول لج هالكلام حبيت انج تستفيدين من تجربتي.. إذا فيه إمكانية للإستفادة منها 😊 زين تسوين لا تواصلين اعتذار .. وتعاملي طبيعي ❤️ لا تتضايقين حبيبتي .. ترى فرق العمر بيننا وبينهم له دور الله يوفقج حبيبتي ويفرح قلبج |
رد: كيف اتعامل مع نوم زوجي خارج غرفتنا بذكاء
بائعة كيفك اليوم؟اذا تكلمتو مع بعض قوليلو بدي صارحك بشي نومتك بعيد عني
وايش ماكان السبب كتيير وترتني وتعبت نفسيتي وخلاتني القح في الكلام واتمنى تتفهمني حقك عليا حبيبي واختمي معه الكلام بتكونين سويتي كل اللي عليك وريحتي مخك خلليه اخر كلام واعتذار وبتصور رح يرجع مثل اول |
رد: كيف اتعامل مع نوم زوجي خارج غرفتنا بذكاء
زين أبيها
اشكرك ياعمري الله يصلح أحوالنا جميع قلوب حائرة. . اليوم أرسل رساله طوييله رفقا برفيق العمر قبل أن يرحل وتندمين ومااعرف ايش هي طويله مضمونها لازم المرأه تصبر وتقدر ضروف زوجها وووو ماعاد عرفت ايش ارد شيء مضحك وين راح حديث الرسول عليه الصلاة والسلام وهو الأصل رفقا بالقوارير! !!!! |
رد: كيف اتعامل مع نوم زوجي خارج غرفتنا بذكاء
رديتي عليه ؟
إذا رديتي شقلتي ؟ |
رد: كيف اتعامل مع نوم زوجي خارج غرفتنا بذكاء
اقتباس:
لاتردي برد سلبي انتبهي لأنه ليس من صالحك فهو مشحون منك، عندما تريدي التغيير فلتكون نيتك خالصة لله ثم أجلك أنت ثم زوجك.. من الصعب الإنسان يغير من حوله وأصل الخلل به.. "إن الله لايغير مابقوم حتى يغيروا ما بأنفسهم " تأملي هذه الآية وقفي وقفة جادة مع نفسك. موفقة أختي الكريمة. |
| الساعة الآن 05:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©