|
|
رد : دردشات نسائية ...
ايه حبيبتي
لازم تحتاطي كلها كم شهر وتقومي بالسلامه روحي لامك ارتاحي او اسكني بيتكم تحت بلاه الدرج والصعده وابنزله اهتمي بالاكل والحديد والتزمي بكلام الطبيب |
رد : دردشات نسائية ...
غادة
سبق وصار عندي نزيف في الشهر الثالث وقالوا لي نزول في المشيمة ووصوني ارتاح وقتها سبحان الله كنت في بيت اهلي زعلانة .. استغليت الفرصة وارتحت هناك واغلب الوقت منسدحة،، والحمد لله في الشهر الخامس ارتفعت وزال الخطر .. فلا تقلقي |
رد : دردشات نسائية ...
روح .. اجازه سعيدةة 😍
غادة ... الله يشفيك ويحمي حملك ... املي في الله ... سلامه ابنك ربي يحميه ... فاكهه الشتاء ... ربي يوفقك ويسعدك 😘 نفسيتي اليووم سيئه 😰😰... |
رد : دردشات نسائية ...
ابغى انحححف ... والله التخن مو حلو ...
كارهه نفسي وجسمي ... لاززم انحف ... مين تبدأ معاي ونتشجع ونسوي رجيم لمدة شهر .. عندي زواج بشهر 5 ولازم انحف 6 كيلووو لازم ... احس ننفسي ثقيله ويادوب امشي 🐘🐘🐘 |
رد : دردشات نسائية ...
كوين انا ابغى أزيد 6 كيلو
قوليلي ايش تآكلي و اقول لك ايش اكل هههههه وزنك كويس لا تنحفي و نتبادل انا مع الدوام و الاولاد اهملت حالي و عشان كذا راح اخد اجازة اهتم بحالي باْذن الله |
رد : دردشات نسائية ...
تويي اشوف كلامك غادة
سلامتك ما تشوفي شر .. الدم عندك مررررررة نازل حرام عليك ارحمي حالك خذي إبر حديد .. لازم تهتمي عشان النونو ما يطلعوا احجامهم صغيرة .. الشهر هذا ارقدي و لا تتحركي كثير |
رد : دردشات نسائية ...
اقتباس:
اهم شي عندي الفطور ... مستحيل افطر نواشف ولا شي اي كلام.. لازم طبخ يعني إدامات خفيفه او شكشوكة او فول لازم طبخ ... كورن فليكس او ساندوتش جبن هدي ماتمشي عندي 👊 اممممم والغداء كمان مهم والعشا كمان ههههههههه كل شي احبو ... بسم الله عليا 🙊🙊 بس مااحب الحلى كتير ... ولا الشيبسات .. احب المكسرات ... والعصيرات الطبيعيه ... انا طول عمري اكلي زي ماهواا وجسمي مستحيل يتخن .... لان اصلا حركتي كتيرا واشتغل بيبتي ... لكن مصدومة ايش تخني 😭 ... اليوم لبست فستان بالقوووه دخل ... المشكله تخني باماكن معينه... يعني مو حلوو😔😔 يلا قولي انتي ايش تاكلي ؟؟ انا قررت اسيب المكسرات ... وماراح اتعشى خلاص ... وممنوع الكابتشينو ... |
رد : ملف متناقص عالصراصير ادخلو كملوه معي .
بسم الله طلعت أشجع منكن يابنات..مااخاف من الصراصير..بس اكره الوزغ😞
|
رد : دردشات نسائية ...
فاكهة الشتاء هانت يا قلبي
. . و شكرًا من اعماق قلبي لكل الي باركوا لي عالاجازة السعيدة (^^,) . . قبل شوية اقرا موضوع مذكرات طبيب مبتعث تخيلت حالي اروح بعثة و اكتب مثله .. بجد ندمانة اني ما كتبت مذكرات لي و انا في الخارج انا من يوم كنت بالمتوسطة و لحد الجامعة و قبل اتزوج كنت اكتب مذكرات لنفسي و السنة هذه رجعت كمان اكتب في دفتر لنفسي ^_^ . . كوين انا اهم وجبة برضو الافطار .. ممكن اروح كودو .. عشان أفطر .. و ما احب اتعشى و لا ادور عالاكل بعد المغرب في الغالب أفطر .. كورن فليكس مع حليب سعودية .. هذا او مستعجلة بيضتين مع شريحة جبنة شيدر و عيش صاموني محمص و كاسة شاي ليبتون .. هذا غالبا فطوري او لو ماعندي وقت اعمل بيض .. امشي حالي بالنواشف .. ^_^ احب كيري / مربى توت / لبنة / زيتون اخضر حامض / قشطة مراعي .. اي واحد منهم اي شي منهم يكون موجود بالثلاجة وقتها .. اشيله و أفطر به مع نص عيش صاموني و برضو شاي ليبتون .. و يا سلااااااااام لو فيه نعناع ( حبق ) شي يجننننننننننن و الفترة الأخيرة من شهر و نص تقريبا كنت مع الضغط بالعمل .. اروح بسرعة الشغل و اشتري من هناك كرواسون بالجبنة مع نسكافيه 3 في 1 يمكن عشان كذا صرت دحين 45 كيلو و مبسوطة زدت شوي .. ابغى كمان أزيد 5 كيلو : ) من الكرواسون شكله هههه . . مكسرات عندي و مليان و ماحد ياكله ما احب أكله لوحدي و لا ادور عليه شيبسات اشتري لأولادي و انا ما ادور عليه الغداء اي شي .. المهم اعمل الي يحبوه اولادي .. و مرات اعمل لي إندومي لو مستعجلة و بعد ما اطبخ تنسد نفسي و اهم شي هما يشبعوا ما افتكر الصراحة اني اتعشى ههههه حاولت افتكر ايش العشاء حقتي ؟ اكتشفت اني ما اتعشى و انام كذا :D |
رد : دردشات نسائية ...
انا مثلك أتحرك كثير .. انام قليل ..
احب اكل لو احد معاي يشاركني الاكل .. انبسط لما اشوف اولادي ياكلوا .. كاني انا اكلت :) صرت حاليا لازم اعمل شوربة لهم .. شي أساسي .. اعمل قدر شوربة اي نوع من الأنواع و احاول اخترع لهم مرات و اغرف لنفسي ( زبدية و اشرب بعد ماهم يشربوا و اتطمن عليهم ) . . و انقنق على اي شي |
| الساعة الآن 07:21 AM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©