رد: انتكس الوضع بيننا !
 

لا حبيبتي أقل شيء عشان صحة أبوك وياليت زوجك راعى هالشيء بس الظاهر إن زوجك مستغل إن مافي أحد يوقف معك .. عموما لاتتدخلين أهلك في الموضوع إلا إذا خلاص اتفقتو على الطلاق ،، وإن شاءالله تتعدل الامور لاتستعجلين بالكلام مع أهلك..

رد: انتكس الوضع بيننا !
 

كيف تبيني افيدك

وانتي مستمرة في اتباع هوى نفسك

مادام حتحسمي امور في داخلك ومخلصة مواضيعك

شاغلة امة محمد معك ليه!!!!!!

بزران احنا قدامك؟!

ولا اطفال!

قال ايش

راح احسم اموري الليله!

حسمت امور بداخلي!

-----

ردك هذا هو جواب سؤالك السابق لي: كيف اكذبكم واصدق نفسي؟

السالفه كلها فضفضة دراميه حريميه لااكثر ولا اقل

وردك المقتبس اعلاه

تشويقه للحلقه رقم مدري كم من الموسم مدري كم من حياة زين (سواء عرضتيها لنا في المنتدى او بينك وبين نفسك)

ارجعي لموضوعك في ساعدني ولاحظي ردودي انا والاستاذة انليمتد وقولي لي هل تنطبق عليكي الان ام لا؟

وقتها تعرفي اني كنت متنبأ هذه النهايات وهأنتي تؤكديها لنا.

رد: انتكس الوضع بيننا !
 

تمام ، اعتبرني ما فكرت بشيء
بشيل كل اللي افكر فيه بمخي

اسهب في ردك وفيدني
انه ما اشم على ظهر ايدي
ولا في نفسية تخلي كامل عقلي معاي بحيث استوعب ما وراء السطور

ما اعتبرتكم اطفال
انت تقط كلمة وتهرب
وبعدها تجي تكتب رد بهالطريقة

رد: انتكس الوضع بيننا !
 

وعلى فكرة سبق وطلبت مساعدتك وانت رفضت
مع انك موجود باغلب مواضيع المنتدى

هالشيء راجع لك طبعاً وفي نطاق حريتك الشخصية ومنت مجبور
لكن تجي تقط كلمة مرة افهمها ومرة لا وبعد تجي تقول ان اعتبركم اطفال ووو الخ!

طلبت منك تفيدني

رد: انتكس الوضع بيننا !
 

ما طلبت من احد ينشغل بي
ولا طقيت احد على ايده ويجي ويساعدني
كلهم ردوا بمحض ارادتهم..
وكنت انفذ كلامهم بما يتناسب مع حياتي
اللي ما يبي يساعد لا يساعد
لا شغلة امة محمد ولا هم يحزنون

رد: انتكس الوضع بيننا !
 

عن نفسي لو كنت مكان زوجك راح اتصرف نفس التصرف ..
اهدئي وبلاش اندفاع وتخبط وتبرير لكل تصرف تتصرفينه
الحكمة مطلوبه . لاتكوني دبور وزن على خراب عشه ..

رد: انتكس الوضع بيننا !
 

تغضبين من الردود الي تجيب الماضي
طيب الماضي يعيد نفسه وماتغيرتي عشان ننساه
لازلتي زين التي تبحث اي سبب للالتصاق
تفرحين للردود التي تبين قسوه زوجك وانك متهمه بالعاطفه وضحيه الحب
هذا ليس حب
هذي محاوله سحب البساط من الاخرى
عندما فشلتي اتهمتيه بانه بايعك ولا يستحق الحب
هو اخطا بالتهديد بالطلاق
ولكن لا نعلم قد يكون يفكر معك بصوت عالي
قد يفكر بالطلاق وشاركك الفكره
زين بامانه جاوبي
قبل التهديد بالطلاق
كم مره حذرك زوجك من الالتصاق به
قد مره نهرك من الاتصال به
كم مره بين لك تضايقه
قد يكون الرجل استنفذ كافه صبره ومخاولاته وتهديد الطلاق لم ياتي من سراب
عموما ادخال اهلك بهذه المرحله ستكسر ظهر البعير
وستقدم وتسهل امور مستصعبها زوجك

رد: انتكس الوضع بيننا !
 

عساني الموت اذا دورت عن سبب للالتصاق
تدرين قبل يومين يقول لي شرايج اخلي شغلج واجي لج
واتصور انه يختبرني
قلت له لا حبيبي خلك في شغلك

احلف لكم بشنو ؟!!!

رد: انتكس الوضع بيننا !
 

لاتتخذي قرارات وانتي غاضبه
انتظري حتى نهاية الشهر وبعد العيد قرري
الفتره هذي خليك صامته واكثري من الذكر والاستغفار واللجوء الى الله
العجله ندامه

رد: انتكس الوضع بيننا !
 

ماقريت كل مواضيع زين بس
منتو شايفين انكم مكبرين تعلقها فيه !
انتم وهو كمان
ترى عادي التعلق بداية الزواج
هي لها سنة متزوجة
مجحفين في ردودكم