رد: طلبت مهلة أسبوعين وبعدها أذهب لاهلي بلا ع
 

مشكلتك يا أحبه هي مشكلة كثير منا يا الحريم
إذا زعلنا من أزواجنا نشوفهم بعين السخط وننسف إيجابياتهم ونركز على سلبياتهم وإذا رضينا عنهم شفناهم بعين الرضا وتذكرنا إيجابياتهم وتغاضينا عن سلبياتهم

زوجك لو ما طيب خاطرك كان ما فكرتي تساعدينه وانتي بنفسك قلتيها في هالموضوع "يدبر عمره ولا عمره ما دبر"

من كلامك عن زوجك انه قايم بمصاريفك والإيجار وراتب السواق يعني ما شاء الله ما أصنفه فقير

بس يمكن انتي تشوفين ان ما عنده شي مقارنة براتبك تبارك الله

ويمكن انتي بعد تشوفين ان زوجك ماراح يعرف يدبر عمره لأنك تعودي تساعدينه وتكونين على قول زين منفذة الأزمات

بإمكانه يدبر المبلغ بحيث انه يتسلف من كذا شخص جزء من مبلغ الدين وهو 18000 يعني مو شرط يتسلف من شخص واحد المبلغ كله دفعة واحدة

بس أنا أشوف كحل وسط انك تعطينه المبلغ كامل بس يسدده لك أقساط

منها يكون ساعدتيه ومنها وصلتي له مسج أن معاملتك معاه راح تتغير وماراح تكون مثل أول

مثل ماهو مايحس بالأمان في وظيفته انتي بعد ماعاد تحسين بالأمان معاه

الله يهدي بالكم

رد: طلبت مهلة أسبوعين وبعدها أذهب لاهلي بلا ع
 

وهذا اللي بسويه .. راح اعطيه نصف المبلغ وهذي زكاة مالي .. والنصف الباقي بعطيه كدين عليه وراح يسدده لي .. وبكذا يكون ساعدته وبنفس الوقت وصلت له مسج إن معاملتي راح تتغير ومو مثل أول .. وعشان كذا أنا قلت له اللي قلته واللي فهمته أختي روح إنه ذليته وأنا كل اللي قصدته إنه يفهمني إني تغيرت وماني مثل قبل ..

رد: طلبت مهلة أسبوعين وبعدها أذهب لاهلي بلا ع
 

مدري لما قلتي اكثر من الثلث زكاه
اتوقع عادي تعطينه لانك بكل الاحوال بتطلعين هالمبلغ لزوجك او غيره وزوجك اولى
ومافيه خساره وماراح تندبين حظك لو شفتي منه مستقبلا تصرف ما اعجبك لان هالمبلغ طالع طالع
وبرضو ممكن تعطينه بس مبلغ الزكاه وقولي هذا اللي عندي
وطبعا مو لازم يعرف انك عطيتيه من الزكاه اصلا

رد: طلبت مهلة أسبوعين وبعدها أذهب لاهلي بلا ع
 

لا أختي لازم يعرف إنها زكاة .. وهالشيء سمعته من شيخ ثقه الله يجزاه خير..

رد: طلبت مهلة أسبوعين وبعدها أذهب لاهلي بلا ع
 

الله يصلح ما بينكم

رد: طلبت مهلة أسبوعين وبعدها أذهب لاهلي بلا ع
 

نصيحة لك ابتعدي عن اخذ النصائح من النت فهي تشتتك
خذي النصيحة من شخص واحد من الواقع يعرفك جيدا

رد: طلبت مهلة أسبوعين وبعدها أذهب لاهلي بلا ع
 

يا اختي الله يهديك ما سمعت فتوى تقول هالشيء
اهم شيء نيتك اما اخبار الشخص فالعلماء اعتبروه نوع من المنة
لقوله تعالى (يا أيها الذين امنوا لا تبطلوا صدقاتكم بالمن والاذى)
فما بالك ووضعك الحالي بينك وين زوجك لا يحتمل تخيريه
دوري في النت وان شاء الله بتلاقي الإجابة الاكيدة

رد: طلبت مهلة أسبوعين وبعدها أذهب لاهلي بلا ع
 

سئل أيضاً رحمه الله:*
إذا أعطى الإنسان زكاته لمستحقها فهل يخبره أنها زكاة ؟ .
فأجاب :
" إذا أعطى الإنسان زكاته إلى مستحقها : فإن كان هذا المستحق يرفض الزكاة ولا يقبلها : فإنه يجب على صاحب الزكاة أن يخبره أنها زكاة ؛ ليكون على بصيرة من أمره إن شاء رفض وإن شاء قبل ، وإذا كان من عادته أن يأخذ الزكاة : فإن الذي ينبغي أن لا يخبره ؛ لأن إخباره بأنها زكاة فيه نوع من المنَّة ، وقد قال الله تعالى : ( يٰأَيُّهَا الَّذِينَ ءَامَنُواْ لاَ تُبْطِلُواْ صَدَقَـٰتِكُم بِالْمَنِّ وَالأَْذَىٰ ) البقرة/264 .
" مجموع فتاوى الشيخ العثيمين " ( 18 / السؤال رقم 230 ) .*
والله أعلم

رد: طلبت مهلة أسبوعين وبعدها أذهب لاهلي بلا ع
 

زوجك بيرفض يأخذ منك فلوس؟

رد: طلبت مهلة أسبوعين وبعدها أذهب لاهلي بلا ع
 

أنا مع ميمو ميا

تعتبر 6 الاف اقل شي و من الي تدفعها لزوجها .. هو فلوس السواق الي يوصلها
و الثلثين زكاة

عشان لا يبدأ الشيطان يخليها تتحسر بيوم من الأيام

الموظفة هي غالبا تدفع للسواق الي يوصلها لعملها