|
لا يخلو اسبوعي و الحمد لله من المطاعم و الحمد لله في حميتي اجد اكلي في كل مكان اروحه
اعشق البرغر الراقي زي فدركرز او شيليز طبعا اكل اللحم و الجبن و اللحم المقدد و الفطر و اترك العيش او مثلا الركن الامريكي اكلي المفضل فطور ستيك و لحم مقدد و قهوة و حليب بدون سكر و الحمد لله انا مرة مرتاحة من هذي النقطة |
دبدووبة لا توصي حرييييص
الخضار اكلها ,, بس ما اذكرها لاني ما اعتبرها اكل :) يمكن امس ما اكلتها لانو ابو الشباب مو موجود فا ما اطبخ بس بالعادة صرت اقلل كمية الطبخ ما يبقى لي الا شوي و اضطر اكل سلطة و ازوووود و طبعا فاكهة بين الوجبات بس زي ماقلت ما اعتبرها وجبة :) الله يكملها معانا و ننحف بصحة و عافية |
سلام عليكم
و كما عودتكم ادخل كل يوم و اسرد لكم اكلي الصبح بيض و خضار مشوحة عجة خضار يعني باقي اليوم و انا من امس كان معايا مغص في راس المعدة ما ادري من ايش و اول ما فطرت رجع لي المغص تاني و اخذت مسكن و كنت خايفة اتغدا و ما اتغديت و بس اخذت علبة لبن زبادي العشاء دجاج محشي رز اسمر و خضار و طبق سلطة طبعا بالعافية زوجي اكل الحشوة و انا اكتفيت بالدجاج دجاج دجاج كل يوم شكلي ح اصير دجاجة اعذروني مو قادرة اطول انا ممغوصة حاليا دعواتكم |
السلام عليكم و رحمة الله و بركاته
باركولي يا بنات و اخيرا اكلت شي غير الدجاج اليوم بالرغم انه من مشتقات الدجاج فطرت بيض كالعادة بالجبن الفيتا و كان مليان زيت قرفني و جاب لي غثيااااااااان و احساس مو حلو ابدا و فاتتني وجبة الغدا و انا اهضم في العجة الثقيلة و اخذت سناك كوب نسكافيه مع قليل مكسرات و العشا كان برجر من المثلج الجاهز امريكانا و شرايح جبنة و شريحتين طماطم فقط و مسحة خردل و كاتشاب و خيارة الحمد لله كان لذيذ جدا و اعطاني احساس البرجر الحقيقي لاني مرة مرة كنت جيعااااااااانة و انا حاليا جيعانة و شكلي قايمة اكل علبة لبن زبادي و الحمد لله و الشكر كله لله |
السلام عليكم. كيفكم أخواتي الغاليات ان شاء الله ربي يحقق لكم امنياتكم. بصراحه أنا عدلت النظر عن إنقاص وزني بتقليل الاكل لانه الضحيه ابني الله يحفظه بس الي خلاني اكتب أني شفت نوره معاكم وتعجبت من النظام الي تتبعه وقلت خليني اشوف كيف تقاوم شعور الجوع بما انها عندها بنت أكيد ترضعها طبيعي ؟؟؟؟؟؟؟ بالنسبه لي جربت اقلق اكلي المعتاد بس للأسف حليبي قل كثير وقلت خلاص يابنت خليك على المشي والرياضة والماي الكثير وربي يعوضك
|
اقتباس:
دودي ليش تاكلي بس دجاج؟ رجيم اتكنز مسموح لك كل أنواع اللحوم على ما أعتقد؟ و كمان السمك بكل أنواعه،، نوعي في الأكل عشان تكوني مستمتعه فيه نورا ترى إنتي ما ذكرتي أي تغيرات في وزنك! كم صار الحين بعد ما خففتي أكلك؟ ندى،، كم وزنك و طولك؟ لا تسوي رجيم ولكن خففي أكلك يعني قللي كمية الوجبه و كثري سلطه و فواكه قللي مره من المشويات و الحلويات و زي ما قلت لنورا اقتباس:
الله يوفقكم :) |
دودي . انا كمان مستغربة ليش عايشة عالدجاج بس؟؟؟؟
ندووشة اهلا فيك حبيبتي .. مادري باركت لك بالمولود ولا لا؟؟؟ تعرفي الزهايمر شغااال :) عالعموم الف الف الف مبرووكك حبيبتي ربي يبارك لك فيه و يحميه من كل شر يارب شوفي زي ماقلت ... انا مو ماشية على رجييم بحد ذاته .. بس هو تخفيف الاكل .. الفطور بفطر عادي ,.. عادة ساندويتش خبز اسمر و جبنة و حليب او بيض زي اليوم اكلت عجة.. (الجبنة تزيد الحليب هذه معلومة اخذتها من كتاب قديم للطب البديل ) الغدا عادة بتغذا عادي بس قللت كثير.. اول كنت اسوي كوبين رز .. الحين اسوي كوب و ربع احط لزوجي اللي يكفيه و لابني و الباقي (عادة تبقى 3 او 4 ملاعق ) اخليها لي .. مع ايدام خضروات ودجاج او لحم او سمك و طبق سلطة كبيرة .. فا خلاص اشبع . ما اشبع للنهاية زي اول لدرجة اكون مو قادرة اتنفس :) .. لا اشبع بالمعقول :) .. وحتى لو هفتني نفسي و حابة ازود ما اقدر لاني اصلا طابخة شوي .. فا غصب عني اكتفي باللي عندي .. عادة الفطور بدري الصبح ( 9 ) و الغدا متاخر شوي 4 . فا اكيد بين الوجبتين اجوع ساعتها اما اسوي طبق صغير كورن فليكس او فاكهه او ساندويتش خبز اسمر و جبنة او حليب و العشاء اتعشي الساعة 7 و نص او 8 كاحد اققصى و برضو شي خفيف .. ساندويتش بيضة مسلوقة .. او كورن فليكس مع فاكهه و 11 انام .. اذا جعت قبل النوم اكلت تفااحة ... و الحمدلله اشوف حليبي تمام .. كمان بنتي صارت 7 اشهر ماشاء الله و اككلها مش معتمدا كليييا على الحليب طول الوقت ... ان شاء الله اكون افدتك حبيبتي لووفي ياعسل .. صار لي فعلا ملتزمة ملتزمة حوالي الاسبوع نظام الاكل اللي ذكرته فوق .. مع مشي .. الوزن وزنت قبل اسبوع .. يعني قبل ما التزم تممممام وكنت نازلة كيلو :) رغم اني كنت الخبط كثييير و اكل من برى و ازود رز :) و كدا بس اخر اسبوع اشوف نفسي اكثر التزاما و حاليا مع الانفونزا اصلا نفسي مسدودة :) ولسه ان شاء الله بوزن حالي بكرة او بعده و باشوف (لانو ماعندي ميزان :) ) باروح عند جارتي اوزن |
صراحة لساتني مككسسسلة بالرياضة البيتية
بس مكتفية بالمشي نص ساعة باليوم و مرات ساعة بس بالبيت كل يوم اقول بكرة ببدا اسوي ابروبيكس او بيلاتس و اكسل,,, و الحين مع المرض ماافيني اقوم .. دوووخة و صداااااع ... ان شاء الله اتنشط و ابدا قريبا |
السلام عليكم و رحمة الله و بركاته
نورا و لوف انا مستسهلة الدجاج لاني عملت كمية اسياخ مشوية و خزنتها في الفريزر بس اطلعها و احميها في الميكروويف و السلطة جاهزة في الثلاجة لكن الحمد لله اليوم نوعت شوية الفطور شكشوكة و لذيذة و الحمد لله و لكن انا جاني منها غثيان كالعادة من الدهن او البيض الله اعلم مدري و الوجبة الخفيفة كربعات جبن كيري و جاتني صديقتي و شربنا قهوة و اكلت شوكولاته بدون سكر العشاء بيف ستروغنوف و هو لحم بالفطر و الكريما مع الخردل حلى بعد العشاء جيلي بدون سكر و الحمد لله و الشكر :) |
السلام عليكم و رحمة الله و بركاته
الحمد لله الذي انعم علينا بنعمة الصحة و العافية و قوة الارادة الله يديمها الحمد لله يومي امس فيه شوية تغيير امس فطرت تونة بالخيار و الليمون و زيت الزيتون الوجبة الخفيفة كيس صغير فول سوداني الغدا دجاج بروست بدون الجلد اللي فيه كاربوهدرات من الدقيق اللي فيه السناك جيلي و شوكولاتة بدون سكر <<<<<<<ما اقدر استغنى عنها في يومي الشوكولاته اساسية العشا برجر بروتيني شريحتين برجر بينهم شريحة طماطم و جبنة و قليل ماسترد و كاتشاب و الحمد لله على النعمة انا ملاحظة ان مافي غيري لكن قلت اكتب برضة و سبحان الله يمكن غيري يحب يعرف ايش اكلي اليومي خصوصا ان الريجيم عريب نوعا ما اراكم على خير حبايبي |
| الساعة الآن 06:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©