كريستال انا موجودة،،، اعتقد ام عبدالله عندها شغل..

قوليلي كيف عبودي والبنوته،فرحانين ان في بيبي جاي والا غيرانين؟؟

نورة انا تنكدت كتير هالاسبوع زوجي منكد ومخلي جو نكد بالبيت ومابعرف شو ماله

مشكلته كتيييير كتوم وشو مابصير معه مابحكي غير عبدالله كان تعبان ومنكد علينا كمان تخيلي طلعنا على مجمع وطول الوقت يبكي ومش عاجبه شي في الاخر حكيت لزوجي مابدي اطلع مع هالولد ابدا

تخيلي يوم رحت بيت اختي ماخلى حدا بحاله ضرب كل الصغار مابعرف شو ماله بيحكولي غيره بس اتوقع مع المرض مخليه معصب ومش طايق حدا ياحرام اعطا مبارح الدكتور دوا كتير هدا ومخليه نايم بقول ياريت وديته على المستشفى من يوم الخميس كان مانكد علينا كل هدا

هدا ملخص هالاسبوع النكدي

بس احلى شي اني خلصت تجهيز ولله الحمد كل شي ماضل على شي حتى مكياج بعد الولاده اخدته

زوجي بيحكيلي كأنك والله مهاجره مش رح تولدي وكمان رح ترجعي البيت بس هو مو عارف اني مخططه اروح 3يام على بيت اهلي وبعدين اروح على البيت لاني بدي حدا يحمملي البيبي وبعدين مامتي رح تسافر وبدي اقعد معها كم يوم قبل ماتسافر

يالله اسبوع وعدى،،، يعني زوجك يمكن عنده ضغط بالشغل او متضايق من حدا وحط حرته فيكم،، انا مابحب هيك مرات زوجي بكون مضغوط من الشغل واذا حكيت كلمه يعصب انا بسكت لاني عارفة انه متضايق من شغله بس بعدين بحكيله بليز ماتحط حرتك فيني مرة ثانية....

سلامته عبودي المسكين،، الحمدلله وديتيه المستشفى...هو فعلا عشانه تعبان ومتضايق ضرب كل الصغار.


كريستال مابدك تودي عبدالله عالروضة؟؟؟ ماشالله كمل 3 سنين،، انا اختي سجلت اولادها في روضة من شهر حتخليهم شهرين يتعودوا انهم يروحوا مدرسة وبعدين حتدخلهم كي جي 1 بالكامبرج

والله انا يانورة حكيت لزوجي بس هو شفقان عليه بقول حرام يادوبه صغير حرام نعذبه من الحين بالصحيان من بدري

انا شايفه عبدالله خاطره بالروضه بفكر اخلي مع الاتفاق مع مدرسة اخته 3 ايام يروح واشوفه كيف رح يعمل

هديك اليوم جاني بالليل قلي ماما متى حيجي دوري واروح الروضه قلتله على السنه الجايه قلي الله يخليك بدي اروح عشان احكي للابله (( والفجر وليال عشر والشفع والوتر)) <<< حفظها من كتر مابحفظ اخته

يوميها انجنيت عليه ماكنت عارفه انه حفظها انا محفظاه الحمد و الفلق والاخلاص عشان هيك صار خاطري اوديه

مرحبا بنات
انا هون بس حاسة حالي طفشانة وزهقانة
احكو اشي بيبعث على الامل ... غير التعب من البيت والولاد والحمل

ام عبدالله المشكله انه الحمل والتعب ماخد كل تفكيرنا

كيفك انت وكيف حلا ؟

كيف شغلك ان شاء الله مراعين حملك ومخففين عليك

كريستال بنتك بمدرسة خاصة والا مستقلة؟؟ ماشالله عليه ابنك ذكي...عبودي بيحكي جمل كامله والا مكسر؟؟

ام عبدالله كلنا زهقانين،، افتحي موضوع حلو مثلك..

انا منيحة كريستال الحمد لله
وكمان حلا
بس الحمل متعبني زهقت

نورة
والله مش عارفة شو احكي

نورة بنتي بتمهيدي بخاصه لسه مادخلتها مدرسه وبدي احاول السنه الجايه على مستقله عنا بالوكره مدرسه مستقله بتشتغل فيها اختي وكتير ممتازة بس الله يستر والقا الها مكان ولا بحاول ادخلها خاص في مدرسه بيمدحوا فيها على المنهج البرطاني بس انا مش حابه كتير لاني بدي اياها تتقوى بالشريعه وانتي عارفه المدارس الاجنبيه المنهج الاسلامي مش قوي وهي ماشاء الله عليها شاطره كتير وحابها تتقوى بحفظ القران

وعبدالله ماشاء الله عليه تأخر في الكلام للسنتين ونص بس الحين كلامه وكلام اخته واحد ماشاء الله عليه فصيح حتى لما يرد على الواحد بيعرف كيف يرد كلامه ابدا مش مكسر وقوليله احكيلي حكايه مابتخلصي منه

ام عبدالله هانت تصدقي انا بعد مادخلت التاسع بدعي اني مااولد الا لمااكمله طبعا حتى ترتيباتي ماتخرب

لا وحاسه مالي نفس اولد ولا اتوجع <<<<بنات اخر زمن

بس احلى خبر سمعته هدا لااسبوع انه اختي هي اصغر مني وهي بالشهر السادس عندها ولدين وعرفت انها حامل ببنت والله اني انبسطت الها كتير كانت بدها تفقع على بند سبحان الله حملت وماكانت مخططه للحمل والله اعطاها اللي كان نفسها في والله حسيتها بدها تطير من الفرح الله يهنيها فيها ويتمملها حملها على خير