|
إخواتي صباحكم فل وياسمين. حبيباتي مين فيكن عندها ريجيم كويس ومجرب ولها ألف شكر أتمنى للجميع الصحة والعافية.
|
نورا نظامك رهيييييب بس اذا من جد تبغي وزنك ينزل بسرعه ادعميه بالرياضة لازم ضرووووووري الرياضه. :18: أنا يوم بديت وخففت اكلي كنت متكاسله اسوي رياضه والنتيجة تعب على الفاضي حليبي قل ونزني مانقص جرام:( بس بعد ماشفت موضوعكم وكلام الغالين لوف أوف لايف قررت أبدء من جديد ومن ذاك الوقت للحين يمكن قرابة ثلاث اسابيع نزل وزني2 كيلو:23: صراحه انبسطت صرت61 وكله من الرياضه حملت على جوالي برنامج لرياضه مع مدربه رياضه البطن والفخوذ ومشي كل يوم واحيانا يوم ويوم لا ربع ساعه والنتيجة مره حلوه حتى بطني صغرت وأنشدة يلا ابدي رياضه بتنبسطتي من النتيجه. :22:
|
دودي الله يوفقك بمسعاك ويرزقك الذرية الي تسعد قلبك اللهم اميييييييين
|
ذوق حبيبتي ..
اانا مو ماشية على رجيم .. بس اخفف من اكلي و الحمدلله في نتيجة ... وعادة ادخل و اكتب ايش اكلت ... دودي متبعة حمية اتكنز ... ممكن تتبعيها بس اول شي راجعي طبيبتك لانها ماتصلح للكل .. لو حابة نصيحتي .. خليك في السليم و خففي اكل والعبي ريااضة مع شرب المااااء بدل الحليب الكامل الدسم بخفيف الدسم . و الخبز الابيض بالاسمر وخففي من السكريات و الحلوياات و استبدليها بالفاكهه بهذه الطريقة ان شاء الله بتحفي بصحة و عافية و بدون مايتعب وجهك ... ندوووشة ... لا تغيبي يا عسل خليك متابعة معانا كلاامك صح و شجعني خااصة موضوع شد البطن لانها عاملة لي ازززززززززززززمة بس ارجع و اقولك كسسسل كسسسسل كسسل مستكفية بالنص ساعة اللي امشيها لما اودي و اجيب ابني.. الحين الحمدلله الحمدلله اهم شي عندي اني فعلا صرت قادرة امسك نفسي من الاكل و اكل كميات مناسبة لي اول والله كنت زي المفجوووعة اي شي القاه اقول حرام ينرمي و على طول لبطني :) ... صرت زبالة متنقلة و انتو بكرامة ... هذه كانت اهم مرحلة عندي و تخطيتها و الحمدلله بدون مايتاثر حليبي و هذا ثاني اهم شي الشي المهم الثالث .. زمان كنت كل مرة اسوي رجيم .. اول شي ينححف هو وجهي و يتعب و يصفر و يسود تحت عيوني و حاالتي تصير حالة .. المرة هذه اعتقد نظااامي جيد جدا ... لانو ولا شي من هذا صار الحمدلله وجهي ماتغير و لا تعب و لا سواد تحت العيون .. وان شاء الله استمر طب طلب ندووشة الله يخليك .. كيف نزلتي الرياضة على الموبايل؟؟ من اي موقع .. لاتعطيني الرابط لانه ممنوع بس اعطيني اسمه و انا بدور عليه او حتى اسم المدرب .. ومشكوورة ياعسل دبدووبة وويينك ياااحلوة |
اقتباس:
الله يسعدك و يوفقك إن شاء الله و تتمتعي بالرشاقه و الصحه و العافيه مافي شي أحسن من الأكل الصحي و الرياضه و إلى الإمام إن شاء الله حبيبتي |
ياااااااااااااااي بنات حلو التجمع شجعتوووني :22: بس ساعدوني ترى مافيني أقرأ كل المشاركات يلا نبدأ بالهوية الشخصية الاسم : فاكهة الشتاء العمر : 24 سنة الوزن الحالي : 63 الطول : 163 الوزن المراد الوصول اليه : 54 المشاكل الصحية : لايوجد والحمدلله على نعمة الصحة والعافية اسم الفريق : ماعرف اي فريق عندي بنت منفصلة طبعا , عادة وزني كانت بين 54 - 56 , ووزني في الحمل وصل تقريبا لـ 58 وما ارتفع كثير لاني نحفت بس زاد علي وزن البنت , ومع الرضاعة رجعت لـ 54 وبعد ما وقفت رضاعة وتحسنت نفسيتي ارتفع وزني ووصل لـ 63 لاني صرت اكل زين .. نصائحكم يالغالين كيف ابدا وبصراحة حابة الرياضة اكثر شي وعندنا جهاز مشي |
أختي نورة.... .
شكرا على نصايحك الثمينة والغالية سوف أطبقها إن شاء الله بس مشكلتي هي الالتزام بالرياضة أرجو من الله القوة والعزيمة والدعاء لي بالثبات والصبر. وذمتم سالمين. |
فاكهه .. والله فرحت لما شفت اسمك معانا
ربي العالم بمعزتك عندي ... منووورة ياقمر .. يالله تشجعي معاانا ... مافي نصاييح معينة ... زي ماقلنا الاكل خليه صحي و من كله بس بكميات قليلة مع شرب لترين ماء و الرياااضة وطالما انك تحبي الرياااضة فا باذن الله راح تنحفي بصحة و عافية الدور و الباقي عليا الكسلاانة كسلاانة كسلااانة .. عندي احرم نفسي من الاكل شهر و لا اتمرن نص ساعة مادرري ايش فيني :) انتي شجعيني عالرياضة ... ماعاد في فرق و جروبات لانه البنات قلللوا ... بس التنافس بين الموجودين لازال على اشده ... اول شي حددي هل بتمشي على نظام معين (نظام تخفيف اكل زيي و لا نظام اتكنز زي دودي ولا نظام السعرات الحرارية و لا نظام نوع الجسم .) والتزمي .. بعدين حددي يوم للوزن و ادخلي قولي كم نزلتي ... واذا حابة و عندك وقت ممكن تدخلي وتكتبي يوماااتك بالنسبة للاكل و الرجيم ... بالتوووفيق ياعسل و بوسة لبنووتك .. ذووق حبيبتي العفو ياغالية ... والله كلنا بالهوا سوا :) حتى انا اكره الرياضة .. تعالي نتشجع انا و انتي و نغصب انفسسسنا نرجع لليوميات :) امس فطرت سانتدويتش خبز اسمر و بيض و خس و طماطم و شرية جبنة لايت مع كوب عصير عالساعة 10 تقريبا اعتقد الظهر اكلت تفاحة :) ماعاد اذكر الساعة 2 الظهر اكلت 2 كباب صغيييير بحجم الاصبع مع ابني و انا اغديه الغدا كان الساعة 5 اكلت رغيف اسمر مسوياه بالبيت مع ابدام لحم و خس وبس ماعاد اكلت شي .. الساعة 9 جوعت و اكلت تفاحة و قمت اناااام وطبعا شربت مااء بس ماكملت اللترين .. اليوم .. فطرت .. ساندويتش جبنة و خس و طماطم ... مع كوباية شااي عدني يمممممي تعدل الراس :) و تغديت شكشوكة مع خبز اسمر (ابو الشباب مناوب فامافي طبييخ :) ) وخلاااااااااااااااااص .... |
سلام يارشيقات أنا دخلت اسلم عليك واطمئن على احوالكم والحمدلله شايفتكم بنشاط وهمه عاليه مبروووووووووووك لكل اللي نزلت اوزانهم مؤخرا نورا وندى ودودي وكل الباقيات ومراااااااااااااحب مليون بالمشتركات الجدد أنا موقفه الريجيم والرياضه من ثلاثه اسابيع لأن عندي امتحانات ومشغوله بالمذاكرة وطبعا صرت الخبط في الأكل كثير واتجنب الميزان تماما لأني خايفه اتفاجئ بزيادة وزن كبيرة واكتئب بعدها واليوم لأني قررت اكتب لكم أخباري وزنت نفسي قبل لأكتب ولقيت إن وزني 47.70 كجم يعني زدت 200 جم عن اخر مره قلت لكم فيها عن وزني لكنها الحمدلله زيادة مقبوله وسهل إني انزلها بدون تعب يالله همتكم يابنات |
معلش بنات كان عندنا عطلة رأس السنة وبعد العطلة شغغغغغغغل كتيييير في البيت.
نورا..انا عم بحاول أخفف من اكلي شوي شوي..وقبل ماآكل الوجبة بشرب كوب ماء عشان اشبع بسرعة...وبحاول اشرب ماء خلال اليوم..وان شاء الله أنحف. |
| الساعة الآن 04:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©