|
الحقيقة زوجك متاثر في الافلام الغرامية .. او هو ما يعرف الزواج ولا يستحق انه يزوج .. الزواج مو لعبه الله يجزاه خير .. انا اقول عزي نفسك وارفعي راسك وادعي ربك .. واذا ما طلقك اليوم راح يطلقك بكرة على ادنى كلمة
|
ألف شكر لكل من رد وأقترح علي وإن شاءالله أرد عليكم بوقت لاحق مستجدآت جديده / طليقي قبل قليل كلم أمي وقآل : بعـد العيد مبآشره سيتحدد كل شي ياأما الرجـوع والذهآب مباشرة لمنطقة عملي ياأما الفرآق وعسى ربي يكتب لنا الخير سواء برجوعنا أو بفراقنــا وأحتمال يزورهـا بعد التراويح بكرآ ... وللمعلوميه طليقي ابد مو رسمي بكلامه مـع أمي يعني يأخذ ويعطي معهآ معتبرهآ كـ أمـه قبل زواجي وبعد زواجي وبعد طـلاقي يحترمهآ كثير لاتنسونــي مـن دعواتكــم بوقت الفطور بعد كلامه هذآ .. رأيكم هل أرسله رسـايل كل يومين مثلآ أو أصبر وأنتظر لـ بعـد العيد ... ؟ |
لا لاترسلي له .. خليه براحته يمكن يتغلى عليك ومايجي يراضيك عناد ..
بس منقهره انا عليك .. يلعب فيك على كيفه وانتو كنكم ميتين على رجعته .. وهو مايحترم يقول يمكن ارجعها ويمكن لا خلي امك تقول له .. اذا ماتبي البنت علمني من الحين عشان تشوف حياتها.. وفي امور انا ماقدر اقولها لك .. بس هذي بنتي ولازم اختار لها الخير واشوف اللي يسعدها مابيها تجلس معلقه على امل انك ترجع لها .. وانت الله يهديك بايعها وماهمك رجعتها ولالا.. وفي ناس شاريينها ويبونها وانا ماحبيت اقول لك وازعلك .. بس لازم نعرف وش انت مقرر عليه عشان نعطي الناس كلمه خليها تحسسه ان فيه رجال خاطبك .. فكري بالموضوع وتناقشي فيه مع امك وشوفي وش تقول لك .. وياااارب يرده لك ويهديه لك ..بس لازم يعرف ان كلن يتمناك وانك ممكن تضيعين من ايدينه وان اهلك ماهم ميتين عليه .. |
اختي اصبري الين العيد اصلا مابقى على العيد شي واثقلوا علييييه
لاترسلين ولاشي ادعي ربك ان الله يكتب لك الخير واذا جاء العيد ولاتكلم وصار يماطل بالموضوع قولوا له اللي في قلوبكم هذا رائيي وان شاء الله الاخوات والاخوان يفيدونك |
السلام عليكم ورحمة الله وبركاته اختي الكريمة صاحبة المشكلة تابعت قصتك من اول مشاركة الى كتابة ردي زوجك اتعب اعصابي وانا اتابع ردودك فما بالك انت الله يكون في عونك اولا اقول لاك انك لم ترتكبي خطاء او ذنب تستحقي عليه العقاب لذالك كوني قوية بثقتك بنفسك ولاتتركي الامور تختلط عليك وتفقدك ثقتك بنفسك. ثانيا اعلمي ان الزواج رزق من الله تعالى سبحانه من وجهة نظري ان زوجك يلعب باعصابك وانه مرغوب منك مثل ماهو راغب بك لو كان يحبك حقا لن يتركك وسيرجع لك بعد ان يلوعك ويتعب اعصابك لو كان لايريد رجوع.. ماالسبب الذي يجعله يتواصل معك ومع اهلك؟ لو كان بائع ولايريد الرجوع لابعث لك ورقة الطلاق ونسي الامرواغلق الباب وذهب الى سبيل نفسه وليس معنى كلامي ان تتعاطفي معه لانه ارتكب خطاء في حقك عندما لقك وانتي مازلت عروس لذالك انت وضحتي له موقفك اكثر واعتذرتي الى هنااا اقولو لك يكفي لاتذلي نفسك اكثر وتصبي الخطاء عليك بل حسسيه انه ارتكب في حقك خطاء وكسرك حين طلقك وهذا لايقوم به رجل محب وذكريه ان الرسول صلى الله عليه وسلم اوصى الرجال بالنساء اذ يقول( رفقا بالقوارير) لاتتوسلي رجوعه اختي الكريمة مهما كان حبك له وسلمي امرك لله وقوي صلتك بخالقك وادعيه ان ييسر لك الخير اين ماكان معه او مع غيره اكتبي له وحسسيه بذنبه كيف طلقك وكسر قلبك وقولي له اذ كنت تحبني كما تقول ماهنت عليك وتخليت عني واذكري له مشاعرك انك مع كل ما فعل مازلتي تحبينه واذكري له انك لن تكلميه ولن تكتبي له واذا كان مازل يحبك ويريد ان يصلح غلطته في حقك فهو يعلم اين يجدك ولاداعي لمكالمات او رسائل وكما قلت لك سلمي امرك لله واساليه الخير اين ما كان وطمنيني عنك |
آآآآآآه
ياندمانه مت من القهر وانا ماعرفك الله ينولك مرادك |
ما اقول الا الله يهديه بس
الى متى يلعب باعصابك كذا |
لبى قلوبكم على حرصكم عـلـي وأهتمامكم وحآبه أرد على كل وحده بس إن شاءالله قريب مستجدآت جديده / قبل قليل حصل مكالمه بيني وبين طليقي لمـده سـاعه ونصف تحاورنـا كثيييير ... كنت أنـا بالبدايه معصبه عليه ليه مدري ؟! << حتى هو يقولي كأنك بتعطيني كف هههه أما هو كان هادي .. فديته عسى ربي مايحرمني منه هو الآن جآلس مع استشاري يناقشه أذا شخصيتي تقدر تعيش مع شخصيته طول العمر راح نرجع لبعض فهمت من المكالمه انه كان دايم ينتظرني أدق وغريبـه كل رمضان مـادقيتي عـلـي ! نهاية المكـالمـه ( قبل 10 / 10 فيه أمل للرجعه .. بعد 10 / 10 أنسيني وأنسـاك وتراك غاليه على قلبي ) ولو رجعنآ مبآشره سنتجه الى استشاري دعـوآتكـم دعـواتكـم دعــواتكـم لاتنسوني بكل لحظه أدعوى لي وعسى ربي يكتب لنا رجوع عآجلآ غير آجـلا صدقوني محتاجه لدعواتكم كثيييييييير أكثر من اي وقت مضى ربما دعوه منكم فيه خيره لي .. عسى ربي مايحرمكم دعواتي ملاحظه / أعرف يمكن البعض هنآ .. ضدي أو يقولون مصلحتك تعيشي بدونه أو أتركيه يلعب بـ أعصابك .. أو أو أو أحترم كل أراءكم وعلى راسي كل كلامكم ومستحيل ازعل منكم .. بلعكس اقرأءهآ بس لأني شـاريـه طليقي لأخر لحظه وأعرف أنا ليـه متمسكه فيه بعيدآ عن قلبي مفكره بعقلي كثير وعرفت ليه انا متمسكه فيـه .. وكتبت بيني وبين نفسي سلبياته وأيجابياته وكيف انا بعيش مستقبلا مع هالشخصيه وعرفت كثير عن شخصيته ومو متمسكه فيه عشان مابي أكون مطلقه لا واللـه .. بلعكس الطلاق مو نهاية الدنيا |
يارب ياسميع انك ترجعين قبل شهر عشره عاجلا غيررررر اجل
ويهديه ويسخره لك العمر كله وان شاء الله تكونين الوحيده في حياته ومايعرف غيرك |
عسى الله يكتب لك اللي فيه خير
ويالله ننتظر معاك 10/ 10 المهم عيشي العيد عيد صدق مو تفكير وخيالات |
| الساعة الآن 04:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©