|
مدري ليه عندي احساس انه خاطب وينتظر الشوفه والرد واذا ماصار نصيب مفكر يرجعلك
لا تزعلين مني هذا احساسي هذا مو متلهف لك أبداً وفرحة أول عيد بزواجك كسرها بقلبك ياحبيتي من عافنا عفناه ولو كان غالي الرجل صادق في قراره الأول·· التقطي بذكاء ما يقوله الرجل لحظة قرار· ولا تستهلكي طاقتك الفكرية كثيراً لفهم تغيّراته· قراره الأول وهو الطلاق ماجا بلحظة غضب بل قرار سابق التفكير .. أصدره بلحظة تفكير وعن قناعه ومصر على قناعته لما قال ارجعها بس يمكن اطلقها وتأجيله للرجعه لبعد العيد عن تفكير أيضا .. وجايه تشاورينا ترسليله أو لا ؟ معليش اعذريني هذي المرة بالذات اكتشفت ليه يسوي فيك كذا ورح اتحفظ عن ذكر السبب واكتفي بهذه السطور: الرجل يحبُّ الألم، يحبّ مَن تؤذيه، فبالألم يختبر رجولته وقدرته على الصبر· لذا، لا يتعلّق بامرأة تبكي أمامه، بل بامرأة تُبكيه· حرام تدفني شبابك بتجربة زوج مازال يبحث عن مستقبله واستقراره ومحطات الزواج أمامه كثيرة !! |
رواء الإيمان - تصدقين ردك قريته أكثر من مره ومنطقي وواقعي جدآ .. ولازلت أقراءه ! بسم الله عليك وعلى احساسك كأنك قريبه من طليقي أنا حسيت بهـ الشي بس أحاول أقول لا لا احساس غلط اقتباس:
فيكي تجاوبيني .. ماهو السبب ؟ |
معليش ندمانه
استغفر الله واتوب عن احساسي لأني كتبته قبل ما اقرأ ردك الأخير اللي فيه المكالمه ما حاولتي تفهمي منه ليه قبل 10/10 وممكن اقتنع بأي سبب والأهم من هذا واللي ما أقدر بصراحه استوعبه ليه بعد 10/10 مستحيل حتى لو فرضنا انتهت العدة فيه عقد جديد والحمدلله .. انتبهي ياندمانه ولا تخلي حبك وعاطفتك يجعلك ضحية زيي والله أقولها بعد مافات الفوت ولا استوعبت إلا متأخر .. |
شوفي زوجك بيرجعك بس بعد رمضان خبرك رمضان مو مناسب للعودة لو ما راح يردك كان ما كلمك وكلم امك بس يبي يفرك اذنك شوي علشان مصلحتك |
السلام عليكم
أختي هذا زوجك ولازلتي بذمته حتى تنتهي العده ولذلك اذا كنتي تريدينه لابد ان تتصلي عليه تطمني على حاله اذا كنتي تحبينه ولو برسالة ولكن لا تتكلمي عن رجوعه كرامة لنفسك اقول ان هذا الكلام لأني رجل واعرف شعوره عندما تتركيه بدون اتصال او رسائل يفكر انك ماهميتيه ( علما أنا متابع مشكلتك من البداية وكنت سأكتب هذا الرد بالذات قبل ردك رقم 470 ولكنني تأخرت في الرد لأني كنت غير مسجل ومشغول) ووفقك الله واعانك وكتب لك الخير والسعادة نصيحة مادامك في العدة وانتي تريدين الرجعة له فلا تسحبي.عليه بدون تسألين عن حاله وتجنبي حديث الرجعة |
اقتباس:
بلعكس قلبي احساسك الاول ذكي وأنـا حاسه فيه لأني فهمت طليقي وعرفت شخصيته ليه بعد 10 / 10 مستحيل لأني دوامه يبدأ بنفس هـ التاريخ فأنا تو جالسه أفكر وتذكرت هالمعلومه وهو بعد هـ التاريخ ينتقل لمنطقة عمـلـه فيمكن على اساسه قال كذا .. يعني بعد هالتاريخ بيبدأ بعمله وينسـانـي أنا فهمتهآ وأعتقد أنتم فهمتوهـا ! |
أجاوبك آخر شي بعد ماتقوليلي
قربي وافهمي اللي بقوله انتي قلتي ان هذا احساسك وغلطتي نفسك تدرين أن المرأة صائبة في أول حدس لها ؟! انتي كلمتيه ويمكن المكالمة ريحتك شويه وفكيتي شي بنفسك وبكرة يمكن تكلميه وبعده ماعلينا شغلي مخك معايا حاولي تختبريه باسلوب ذكي مثلا قوليه وحده من زميلاتي لما عرفت اني تطلقت وخطبتني لاخوها ماتدري اني بعدة شوفي ردة فعله خليه يوسوس ويربط هالكلام بسبب عدم اتصالك من اول رمضان وانك مو ميته عليه ( مع اني حاسه ان هذا مو اسلوبك ولا تقدري تنفذيه ) اختبريه بأي طريقة تناسبك لازم لازم تغيري نظرته بأنك مو متلهفة عليه بس طبعاً مو حلوه نقولها باسلوب مباشر زوجك مطمن تماماً انك متلهفه عليه بس الله يهديه استغلها نقطة ضعف وتطمن والشي اللي نفخه صح انه قال ارجعها ويمكن اطلقها وبرضه تمسكتو فيه قال هذول يبوني ارجعها وبس مايدري ان فيه اللي احسن منه بس انت شاريينه . فهمتي ليه لازم تغيرين فكرته؟ |
حبيبتـي كلامك حلو بس مـاراح أقوله لـه تدريـن ليـه : لأن قبل قليل بـ المكالمه قآلي / لو يجيني وآحد رجآل ويبيـك ويناسبك بسأل عنه وبرسله لكم ؟! وبقوله : أنتي نعم الزوجـه تخيلي قالي هـ الكلام أنا عآرفه انه بآيع .. ومـايبيني وفآهمته جدآ بس أحآول آحاول آحاول عسى ربي يهديه.. والا انا متأكده انه مايبيني |
حبيبتي زوجك مو ما يحبك بس مايحب تصرفاتك
صدقت رواء الايمان الرجال يبحث عن المراة التي ترفضه زوجك يحتاج زوجه قوية وصاحبه قرار وليست انهزاميه وصدقيني يجب ان تغيري هذه الصفه ليس من اجل انقاذ هذا الزواج بل لحياتك كلها |
طيب
إذا 10/10 دوامه ليه مايكسب الوقت ويرجعك من آخر رمضان ويشتريلك أغراض العيد وايش أحلى من صباح العيد بين الزوجين ؟ ايش اللي يخلي عريس بأول شهور زواجه يتصرف كذا ؟ وايش اللي يخلي شاب بأول شبابه يفكر بطريقة غريبه كذا ؟ ايش اللي يصرفه عنه زوجته ويخليه يتمسك بأعذار تافهه ؟ سؤال مهم عفواً كان راضي عنك في العلاقة الخاصة وما كان فيه ملاحظات منه ؟ |
| الساعة الآن 04:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©