|
رد: انتكس الوضع بيننا !
اقتباس:
لذلك ابحث عن الحلول وعندي إرادة لإصلاح حياتي معاه بتوفيق من الله ان شاء الله صح تهديده بالطلاق مؤذي جداً مع ذلك فيه اشياء وايد حلوة تخليني اتمسك به الآن بسعى لإصلاح الأمر ومثل ما قلتي حبيبتي بفضي بالي الايام الجاية فرصة ما تتفوت والواحد ما يدري تنعاد عليه او لا اقتباس:
وصعب انه يتغير وهذا اللي صرح به لي مع ذلك قال انه بيحاول وانه ببذل جهد اكبر ان شاء الله ❤️ الجميلة انتي والله اقتباس:
😊 ما تلاحظين ان الصدفة جمعتني معاج بكذا شغلة ؟ ساعدني كلامج في تفهم وجهة نظره وطريقة تعامله اكثر وعجبتني طريقة التلميح وما استخدمتها معاه من قبل اما حاليا في هالوقت ما بستخدم شيء لا تصريح ولا تلميح خل تهدأ الاوضاع بيننا |
رد: انتكس الوضع بيننا !
الليلة ليلتي .. وما بيقدر يجي الا الساعة 2 بالليل
الليلة بيقضيها في قيام الليل مع مجموعة من الشباب لذلك جاني الحين كتعويض لي في البداية ما تكلم وآنه سكتت .. قال لي تكلمي وفتحت معاه مواضيع عامة وهو فتح موضوعنا .. قال الحياة صعبة مع بعض قلت له بالتفاهم والعشرة الطيبة تتسهل الامور قال كوني لي مثل ما احب ، وشوفي شلون بخليج سعيدة ، وما امن عليج بس ابي اذكرج ماني متعود اداري احد ولحد هاللحظة ومع اني زعلان بس قاعد اداريج حسب طاقتي قلت له ما تقصر يا ابو فلان طلب مني انتظر عليه عشان يقدر يكون طبيعي وان حالياً يشعر بعدم تقبل نوعاً ما.... بعد هالكلام سكتت عنه وما قلت له حاول او شيء من هالقبيل قلت خذ راحتك بس بعدها خلاني اقوم معاه .. قال لي انتي قبل قلتي لي لا تروح الحلاق وخاطرج تحلقين شعري وانا رفضت .. بس الحين ابيج تحلقينه... وكان تعامله معاي طبيعي ، ظل يمزح ووو ما بفتح معاه الموضوع بتاتاً مهما كانت معاملته بفضي بالي في هالايام الفضيلة اللي ممكن ما تنعاد علي أما الايام الجاية فبشتري راحة راسي وتقديراً له أيضاً عشان ما اكون ناكرة للمعروف ببذل جهد اكبر وما بفتح المواضيع اللي تنكد علينا واذاا احتجت اي شيء فبستخدم التلميح مثل ما قالت حبيبتي ميمو وان شاء الله هذا اخر موضوع افتحه واقول ان عندي مشكلة والحمدلله رب العالمين ❤️ اشكركم كلكم شخص شخص على مساعدتكم وعلى دعائكم... ولا تنسوني من دعائكم وآنه يشهد الله دعيت لكم واسأل الله القبول |
رد: انتكس الوضع بيننا !
ماشاءالله عليك ..
كلامك هادئ جدا .. الله يسخركم لبعض .. وان شاءالله مانشوف منك الا التباشير .. |
رد: انتكس الوضع بيننا !
الله يفرج همك ي زين ويجعل ايامك سعادة وراحة بال
لاتنسيني من دعائك ي زين لعلك الى الله اقرب مني ❤️ وان شاء الله اني مابنساج |
رد: انتكس الوضع بيننا !
الحمد لله يا اختي
اكثري من الحمد واسالي الله المزيد من فضله زوجك عادل ويحبك ماذا تريدين يا اختي؟؟؟ عصبي ؟ كل الرجال كذا ما عنده عواطف؟ ايضا كل الرجال او اغلبهم ما يتناقش؟ ايضا كل الرجال المهم انه عاااااادل ويحبك وصرح لك بها كثيييييرا اختي خطوتي خطوات حلوه فقط اكملي ولا تنهاري وفقك الله |
رد: انتكس الوضع بيننا !
شنو قصده
عطيتج الي ماعطيته غيرج ابد |
رد: انتكس الوضع بيننا !
اقتباس:
وكلامي كله بنفس النبرة الا اذا متحمسة او امزح الله يسمع منج حبيبي ويقضي حاجتج ❤️ اقتباس:
والليالي الياية بعد ان شاء الله الله يقضي حاجتج ❤️ اقتباس:
وان شاء الله باواصل وبتحمل الله يهديني ويهديه ويهدي الجميع بشتري راحتي و راحته .. |
رد: انتكس الوضع بيننا !
اقتباس:
واذا عنده اجتماع أو موعد أو حتى عزيمة ما يكنسله عشان أحد أبداً - هذا مثال ولا يخبر أحد عن مشاويره ولا يكنسل مشاويره عشان احد - لان اغلبها مهمة ولا يراضي أحد اذا زعلان اذا غلط غلط واضح وصريح يقول آسف ويكتفي بها .. ما يراضي ولا يتصل لأحد اذا متضايق اخواته دايماً يقولون لي وحتى بناته يقولون لي شلون جذي نشوفه معاج ؟ هذي أمور بسيطة بس في عيوني كبيرة .. ما يسويها مع أحد ويسويها معاي واشياء وايد غير |
رد: انتكس الوضع بيننا !
الله يهدي سركم ويسخركم لبعض ويسعدكم ويتم عليكم نعمه
اللهم امين الله يرزقك بالنونو الي يملي عليك حياتك يازين |
رد: انتكس الوضع بيننا !
الله يسمع منج يا ندوي
يرزقني و يرزق حوراء الحسين وكل من يبي الذرية يا رب ❤️ ويرزقج كل شيء تتمنينه 😘 |
| الساعة الآن 12:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©