|
مرحبا يا حلوين
اهلين باليمامه نورتي الموضوع ترا انا مثلك تماما في موضوع العصبية و ممكن و انا ابكي و الدموع تنهمر و الاكل في فمي من القهر و وقت الهرمونات ما تضرب قبل الدورة نفس الشي يصير معايا انا كمان طبيعي جدا لا تنفجعي يا بنات ما باشوف اوزان ليش ما نحدد يوم و كلنا نوزن فيه اسبوعيا لنفرض انه زي ما قلنا اول يوم الاثنين او يوم السبت صباحا يلا نبا تشجييييييييييييع ما اشوف في يوميات ولا اخبار عن الرياضة او المشي على الاقل كلها ان شاء الله تساعد اللهم ارزقنا الهمة و قوة الارادة و الصبر و العزيمة القوية و متعنا بالرشاقة و نحن بصحة و عافية يا رب نورا بوسيلي الامامير الحلوين انا اليوم فطرت بيض و ستيك يعني فطور امريكي مع قهوه بالكريمة و الغدا ان شاء الله اسياخ دجاج من اللي عملتها زمان و في الفريزر مع سلطة مرة مافيا اطبخ و العشا نفسه ان شاء الله لان بكرة عندنا مناسبة مهمة في العيلة و مافي وقت للطبيخ والنفيخ الحمد لله |
يا بنات انا بامشي بعد الفجر في الممشى و جارتي معايا
مشيت اليوم ثالث يوم و لكن اليوم مرة تعبت رجلي حاسة بالم في الساق و تحت اصابعي تكومت فقاعات مائية من احتكاك الجزمة اكرمكم الله الوقت جدا ضيق و انا باقيلي اسبوع على مناسبة مرة مهمة ان شاء الله فيها اكون اقل من 100 كيلو دعواتكم |
حبيبتي نورة .... دودي .... هالة ... مرحبا كيف حالكم ؟ اعتذر لم أدون يومياتي لان أولادي عندهم امتحنات فمرة مشغولة معهم. وأهملت نفسي لم أتمرن فلما وزنت نفسي وجدت اين زدت كيلو فاصابني إحباط واكتاب ماذا أعمل؟ .... أشيروا علي ....علما بأني كنت مشاركة في مركز السمنة والنحافة بالعليا مدة 9 أشهر انخفض وزني من ?85 الى 77 وبعد ما انقطت رجع زاد وزني 81 شفت المأساة لي أنا فيها . أختي دودي ياحظك عندك جارة تتونسين معها أنا جنبي الممشا ولااجد أحدا أتونس معه. دمتم في رعاية الله .
|
اهلين اختي ذوق
الله يعينك فعلا احساس يحبط بس يا حبيبتي لا تستسلمي هذا هو اللي ناكبنا الاستسلام و التهاون بيضيع تعبنا خلينا نشجع بعضنا و ان شاء الله ما يجي العيد الا و الكل صايرين فراشات ان متفائلة ان شاء الله اني اكون على العيد بقوة الله في السبعينات و على فكرة انا و جارتي فقط للمرافقة لكن انا في طريق و هي في طريق بعيدين عن بعض لان الكلام يتعب وقت الرياضة و نقعد نسبح بالسبحة انتي فرصة لك الممشى قريب والله لو منك اخرج كل يوم انا الممشى على بعد دقايق من البيت و لكن زوجي ما يرضى لي اخرج لحالي |
دووودي..ان شاء الله ما تيجي المناسبة الا وإنتي اقل من مية ياااارب.
ذوق ذبحني..فعلا الوحدة بتكتئب..بس لا لازم قوة عزيييييمة وارادة وصدقيني مع بعض بنتشجع. انا ماشية لي 3 ايام على نظام السعرات..عم بحاول آكل في اليوم بمعدّل 1600 سعر حراري لاني برضع بنتي..وبحاول أخفف كربوهيدرات وحلويات وبحاول أخلي الاكل صحي قدر الامكان..بكرة ان شاء الله حطبخ مقلوبة فدخّلت الزهرة وشويتها شوي بالفرن هيك أخف. طبعا يوم الاثنين لما بدأت وزّنت نفسي فكان 185باوند=84كيلو... وبإذن الله بتوزّن كل اسبوع. عندي سؤال ..مالفرق بين الارز الابيض والارز البني? |
هالة لا تشدي على حالك كثيير ...... امسكي العصا من النص
بالنسبة للرز الاسمر .. الحين دورت لك مكتوب انه مافي فرق في السعرات و نسبة الكاربوهيدرات بينه و بين الابيض .. الفرق في القيمة الغذائية و مدة الهضم .. يعني الاسمر قيمته اعلى و ياخذ وقت اطول في الهضم فاتحسي بالشبع لفترة اطول يعني زي الخبز الاسمر و الابيض .. يماامة ... لاتشكي لي ابكي لك هذه الدور عاملة عمايلها معنا كللللللللنا اليوم نزلت الحمدلله .. و امس و قلبه و قبله زي ماقلتي انقلبت مفجوووووووووووووووووووووووووووووعة .. حاولت اسيطر على نفسي الثلاثاء.. كان عندي عزيمة الصبح.. و سويت خبز بالسمن و فطاير وووو ومسكت نفسي ما اكلت الا ربع خبزة بس خبصت بالفطاااير نقظة ضعففي اكككككككككلت وبعدها تغديت رغيف مع ايدام كباب ... و ما اتعشيت الا كوب حليب و امس فطرت .. خبز مع فوول و جبنة بيضا وبيضة :) دلعت نفسي والغدا كان 3 ملاعق رز مع مسقعة و العشا ساندويتش جبنة و اليوم فطرت كورنفليكس مع حليب الساعة 10 الساعة 2 جوعت اكلت شوووية مسقعة الي باقي من ابني اكلها و بنفس الوقت ندمانة اني اكلها :) والله ما استطعمتها و سويت نص رغيف عربي مع شريحة جبنة و نص كوب فانتا خربتها :) بس كلله من الدوووورة والعشاء بسوي مكرونه بالروبيات بس ان شاء الله امسك نفسي و اكل شوي ... رياااضة .. احم احم تععالي اعطيني كفين مسموووحة . ماسوت غير مشي اليوم يمكن ساعة امس نص ساعة والله يعين دبدووبة . ماشاءالله عليك استمري ياععسل و حاصة الممشى حلوو والله ذوووق ربي يوفقهم يااااااااااارب ... حبيبتي لا تضعفي . اهتمي اهتمممي ويااااااارب ياارب تنحفي بصحة و عافية |
مشكووووووورة حبيبتي مداااام نورا:d:26:.
|
إخواتي نورة .... دودي .... هالة .... كيفكم أتمنى ان تكونوا بخير وصحة وسلامة.
اليوم فطرت فول بالخضار وكأس حليب صغير بالجنزبيل. بعد ذلك أخذت كأس قهوة. والغذاء عبارة مكرونة باللحم وسلطة مشكلة. العشاء سندوتش بيض مسلوق مع جبن. ولكن مافي رياضة بس شوية مشي في المول. أختي دودي شكرا على الاهتمأم والنصيحة أختي صحيح ان الممشى قريب مني لكن مافي وقت لأن ماعندي شغالة فيجني كسل. الله يعطينا الإرادة القوية والعزيمة الأقوى ذمتم سالمين. |
نحدد السبت للوزن اتفقنا ؟؟؟
انا اليوم وزنت :) .. اعتبروها سبت :) كان 65.1 الحمدلله ... دروت بالنت على فيديو بيلاتس كامل والحمدلله حصلت واحد مدته 60 دقيقة و اتحمست ابدا معاهم .. اليوم باذن الله ببدا اول حصة ... بعد هذا الرد بقوم اكل بنتي و اسويه :) سلاااام |
وأنا كمان وزنت اليوم وكان 47.20 يعني نقصت 500 جم في اربعه ايام على فكره أنا ماني مسويه ريجيم ولا رياضه من مده لكن صار لي ايام كذا نفسي مسدوده عن الأكل مدري ليه يمكن بسبب ضغط الامتحانات والهموم على العموم اي نزول للوزن أيا كان سببه فهو بالنسبة لي شئ حلو :22: وعقبال الباقيات |
| الساعة الآن 06:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©