رد : ممكن أكتب شيء
 

عزيزتي لجين ..

شفتي إنك وقت تتكلمي ، الأمور تتوضح أكثر ؟
لكن كأنك من خلال ردودك ( تخفي شي ) ..

.
.

من خلال مقارنتي بين ردودها هنا ، و ردودها في مواضيعها الأولى ( قبل لا زوجها يدخل المنتدى ) ..

ترى لجين طبيعية جداً .. ( بس الخوف من - زوجها - يمنعها من الرد و التفاعل ) ..
أتوقع إنه يجلس يعايرها و يمسك عليها أي شي ؟؟؟

ليش ردودها هنا تختلف عن بداية دخولها للمنتدى ؟

كانت تعبر عن مشاعرها ، كانت تاخد و تعطي ..
بس واضح إنها خايفة من خالد ..


**************************


الكلام هذا موجه لزوجها أبو خليفة ..

أخوي خالد .. إنت للأسف ما بتساعد زوجتك إنها تتقدم للأمام .. فيك شي من الأنانية و طبايع الرجل الشرقي ..

- يعني إنت شفت لجين تتقدم و تتحسن مع الأخ رجل الرجال ( بالخاص ) ..
و قمت منعتها .. و مع إنه الإشراف موجودين .. يعني ( الغيرة مالها داعي هنا ) ..

إنتم الإثنين قلتوا إنها تحسنت بالفترة اللي كان يتابع معها الأخ رجل الرجال ..
ليش تمنعها ؟

كلنا عارفين الأخ رجل الرجال و حكمته ماشاء الله و كيف قدر يتفهم نفسيات الكثير من العضوات و الأعضاء ..
فليت تفتح لها الباب هذا .. هي ما حتجلس تغازله ؟ هي بتحاول تعالج نفسها ( مو أمام الملأ و أمامك ) ..
فلا تكون أناني و تمنعها ..

.
.

تاني شي ..

إنت صحيح زوجها و من حقك إنها تسمع كلامك ..

لكن المؤمنون على شروطهم ..

و إنت تزوجتها و إنت تدري إنها ( ما تتغطى ) و إنت تزوجتها و قبلت بالشرط ( إنها تكمل دراستها الجامعية ) ..

كان ممكن تقول لأبوها ( موافق على شرط دراستها بشرط إنها تتغطى )
صح و لا غلط ؟؟؟؟؟؟؟؟

فرجاءً ..
اللي ما ترضاها على نفسك، لا ترضاه على غيرك ..

مو من العدل إنك تجي دحين و تأمرها بالغطى ..

فيه أسلوب أفضل من أسلوب العقاب و المنع ، عشان تخلي زوجتك تتغطى ..
لكن إنت تفتقد للأسلوب و الحلم ..

.
.

الدكتور البروفيسور / طارق حبيب .. قال مرة إنه الأزواج 3 و الزوجات 3 ..

لجين ( هي الزوجة الطفلة ) و بحاجة ( لزوج = أب )
خالد ( هو الزوج البالغ ) و بحاجة ( لزوجة بالغة ) ..

.
.

و اخر شي ..

هي وقت صحتك من النوم بالموبايل .. ( تعال فهمها بالهداوة و علمها كيف تصحيك ) ..

توقف عن الصراخ و الزعيق ..

شوف الأخ البليغ وقت كلمها بأسلوب حكيم ، كيف استجابت الأخت لجين معاه ..
ليت الأخ البليغ ( ربيعك ) يعلمك شوي من حكمته .. :D

رد : ممكن أكتب شيء
 

إذا تبغى الأخت لجين تاخد راحتها بالكلام معانا ..
لا تعاقبها على ردودها ..

ردة فعلها طبيعية ، خليها تاخد راحتها ..

.
.

يعني مستشار الحب ياخد راحته بالرد عليها ..
و زوجتك تمنعها ؟؟؟ مو عدل أبدا ..

.
.

و كمان شي افتكرته ..

إنت قلت إنك بالحرم في مكة ، بتمنعها إنها تتكلم مع الحريم .. لإنه ضد قوانينكم و مادري إيش ..
و دحين لجين اللي فهمته منها ، إنك تمنعها تتكلم مع أحد أو تختلط مع أحد ؟؟؟؟؟؟؟

.
.

حاسة كأنك إنت و أبوها و أخوانها ( حاطينها داخل قفص ذهبي ) ..
كل واحد فيكم يفكر بنفسه و بس .. و هي ( بالطقاق ) ..

.
.

و حكاية حرمانها من أمها ، ( فمافيش أم تكره بنتها و مستحيل جداً ) ..
لكن واضح جداً ، إنه أحد مهدد أمها و مخوفها إن ما قالت للجين ( بعدي عني )
بيخربوا حياة أمها و أسرتها ..

فأم لجين فضلت إنها تقسى على قلبها ، و تبعد بنتها عنها .. عشان لا تخرب بيت عيالها ..
و عشان تتقي شر اللي هي خايفة منه ..

.
.

لإنه لو أبو لجين متأكد من نفسه ، ما كان خاف إنه لجين بتروح لأمها إذا شافتها و ما ترجع له ..

رد : ممكن أكتب شيء
 

الله يسعدك ياروح الطير فعلا كلامك عين العقل

اللي يقول انه لجين كأنها طفلة او عندها تخلف الله يسامحهم ويهديهم

يابو خليفة الذكاء انوااااااااااع متعددة في الذكاء الاجتماعي والذكاء العاطفي والذكاء العقلي

وكلها مكتسبة وانت تبغى زوجتك تتغير معاك لازم تشتغل على تكوين شخصيتها

وتنمي مهارة الذكاء الاجتماعي والعاطفي لديها لازم تحتك بالناس وتشوفهم وتتعلم منهم

رصيدها بالخبرات للاسف متدني جداااااااااااااا ولهذا السبب كل ماقلنالها شئ قالت الوالد وخالتي لانه هما كل اللي شافتهم بحياتها
كيف تبغاها تتغير وهي ماشافت دنيا؟؟ المسكينة متمسكة بالبشكارة لانه هي الانسانة الوحيدة اللي تقدر تكلمها وتكون صديقتها مو عشان تخدمها مثل ماالاعضاء فاهمين

الانسان ابن بيئته وهي بيئتها ماساعدتها تشكل خبراتها في الحياة ولا ساعدتها تكتسب تجارب جديدة

وبالنسبة لطريقة كلامنا معاها واسلوبنا في تدليلها يعلم الله اني اكلم كل اللي اعرفهم بهالطريقة والناس اللي يعرفوني كمان يكلموني بهالطريقة حتى رئيستي بالعمل الحمدلله وكل انسان منا يحتاج للتدليل وبداخله طفل صغير

لجين ذكية وطيبة وفيها مميزات رائعة لكن للاسف يابو خليفة انت كسرتها باول ليلة بزواجكم وخذلتها لما حرمتها من ممارسة حياتها الاجتماعية وكل يومها عبارة عن عصبية منك وعقاب !!! ليش تعاقبها لما دافعت عن نفسها امام بعض الاعضاء اللي اتهجمو عليها !! حرام عليك البنت الخوف متملكها ماتقدر ترد ولا تكتب تخاف منك المفترض انها تحبك وتحترمك مو تخاف منك


لجين الان كلامي موجه لك ياغالية مايعني كلامي السابق اني اعفيك من الغلط لازم تتغيري اكثر ياغالية الغشوة والكلام مع زوجك والاكل معاه مو كافي ياغالية وفهمك كفاية ياعسل

رد : ممكن أكتب شيء
 

لجين ، نحن هنا أخواتك ..

لو ما تحبي خالد .. و تعتبريه ( ولد عم ) فقط ,,
قولي لأبوك ..

ماحد بيمنعك ، لازم يكون لك ( رأي ) ..
لازم تعرفي تقرري .. لا تغصبي حالك على شي ما تبغيه ..

و لو بتشوفي أمك ، ماحد بيمنعك ..
بيضربوك مثلاً ؟ بيذبحوك ؟

كلمي أمك و من غير ما تخلي خالد في النص بينكم ..
خذي رقمها و كلميها إذا رحتي بيت أبوك ..

و الأخ خالد ماحد بيحاسبه ..

.
.

أخ أبو خليفة إنت قلت ما لك علاقة بموضوع أمها ..
خلاص لا تتدخل بالطريقة اللي هي بتوصل فيها لأمها ..

ليش تطرد السواق و تسفره ؟
ليش ما تعمل حالك ما تدري إنها راحت لأمها ؟

تبغى ترضي أقاربك و تظهر أمامهم إنك ( رجال ) على حساب إنه ( لجين ) تنحرم من أمها ؟

رد : ممكن أكتب شيء
 

ابو خليفة
سبق لك وان قلت انك لاتمانع بان تستعمل لجلين حبوب منع الحمل..والحين تقول زوجتك انك لاتسمح لها )(يوجد هنا تضارب بالكلام)
كما اوضحت سابقا
قبل ان تعترف لجبن انها لاترغب ان تصبح ام
نتيجة نشاتها محرومة من امها
وهذا احد الاسباب التي تجعل لجين ترفض العلاقة الخاصة
السبب الثاني تجربة لجين باول علاقتها الخاصة والتي سببت لها نفور من زوجها ومن العلاقة الخاصة !!
هذه من الاسباب التي استوضحتها من خلال كلام خالد ولجين والله اعلم
لجين تعاني رهاب نفسي يمنعها ان تعطي ابو خليفة حقه الشرعي وتحتاج مساعدة لتتخطى هذا الخوف

رد : ممكن أكتب شيء
 

هذه جمل اقتبستها من ردود لجين .. ياليت التركيز عاللون الأحمر :

.
.

ليت أبو خليفة يسمح لزوجته بالتواصل مع الأخ رجل الرجال بالخاص ..
و المشرفين موجودين و ما يمرروا شي من غير ما يتابعوه ..

رد : ممكن أكتب شيء
 

رد : ممكن أكتب شيء
 

رد : ممكن أكتب شيء
 

رد : ممكن أكتب شيء
 

لجين الله يحفظك لازم تحددي الخطوات اللي بتمشي عليها حتى توصلي لمرادك

كم بقي من الشهرين ؟ اذا خلصت الشهرين ايش بتسوي ؟؟؟ لازم تتهيأي من الان وتعرفي الصح والغلط
اسأل الله لك السعادة في الدارين
اخيرا الصلاااااااااااااة هي مفتاح السعادة فاستعيني بها