منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المقبلين على الزواج (http://www.66n.com/forums/forumdisplay.php?f=7)
-   -   تجاهل خطيبي لي رغم اعتذاري (http://www.66n.com/forums/showthread.php?t=273605)

سـلـطـان 05-09-2017 12:50 PM

رد: تجاهل خطيبي لي رغم اعتذاري
 
اقتباس:

المشاركة الأصلية كتبت بواسطة فليكا (المشاركة 3517794)
مصيبة ان كان تفكيره مثل تفكيرك .

الصور دخلت غرفتك وجوالك غصب عنك ولا بإرادتك ؟
بإرادتك طبعا ولذلك قلت فعلك مقصود, ولا يمكن لعاقل أن يظن أنه عفوي .

فليكا 05-09-2017 01:37 PM

رد: تجاهل خطيبي لي رغم اعتذاري
 
اقتباس:

المشاركة الأصلية كتبت بواسطة سـلـطـان (المشاركة 3517842)
الصور دخلت غرفتك وجوالك غصب عنك ولا بإرادتك ؟
بإرادتك طبعا ولذلك قلت فعلك مقصود, ولا يمكن لعاقل أن يظن أنه عفوي .

تقصد انى انا قاصده احطها بجوالي وغرفتى ايوا انا حطيتها .
فهمت انا ان قصدك انى انا تعمدت احطها عشان هو يشوفها ! هذا مستحيل طبعا ..

فليكا 05-09-2017 01:40 PM

رد: تجاهل خطيبي لي رغم اعتذاري
 
اقتباس:

المشاركة الأصلية كتبت بواسطة لماذا نتزوج ؟ (المشاركة 3517830)
الله عليك ياأم سهيل 👍🏻

كلام يسطّر بماء الذهب

لو تم اقفال المنتدى ووضع السطرين هذه اعلاه لكفت وحلّت اغلب ان لم يكن كل المشاكل الزوجية

جزاكِ الله خير وبارك فيك

وهل هذا الكلام موجه للطرفين او للزوجة فقط ؟!!

خيال الهوى 05-09-2017 05:17 PM

رد: تجاهل خطيبي لي رغم اعتذاري
 
اقتباس:

المشاركة الأصلية كتبت بواسطة لماذا نتزوج ؟ (المشاركة 3517830)
الله عليك ياأم سهيل 👍🏻

كلام يسطّر بماء الذهب

لو تم اقفال المنتدى ووضع السطرين هذه اعلاه لكفت وحلّت اغلب ان لم يكن كل المشاكل الزوجية

جزاكِ الله خير وبارك فيك

عذرا على التدخل

لكن السطرين هذه اللي أشرت لها متحيزة جدا وفيها عبء كبير على الزوجة
لأنها تعطينا انطباع إنه حل المشاكل الزوجية كلها بيد الزوجة
والزوج ماله دور غير إنه يثير ويسبب مشاكل ويكبر المواضيع والزوجة وراه تطبطب وتليس

Um Suhail 05-09-2017 06:22 PM

رد: تجاهل خطيبي لي رغم اعتذاري
 
اقتباس:

المشاركة الأصلية كتبت بواسطة خيال الهوى (المشاركة 3517849)
عذرا على التدخل

لكن السطرين هذه اللي أشرت لها متحيزة جدا وفيها عبء كبير على الزوجة
لأنها تعطينا انطباع إنه حل المشاكل الزوجية كلها بيد الزوجة
والزوج ماله دور غير إنه يثير ويسبب مشاكل ويكبر المواضيع والزوجة وراه تطبطب وتليس

عزيزتي ،، لا ادري من اين قرأت التحيز ،، كلامي ينطبق على الزوج والزوجة وليس موجها للزوجة فقط ،، الشريك او الزوج يعني بها رجلا كان ام امراة

فليكا 05-09-2017 08:55 PM

رد: تجاهل خطيبي لي رغم اعتذاري
 
الحمدلله ضبطت الامور ربي يجزاكم خير
و خاصه اخونا الرسمي اقتبست شي من قصتك ☺
برجع اكتب التفاصيل ..

فليكا 05-09-2017 10:06 PM

رد: تجاهل خطيبي لي رغم اعتذاري
 
هاوشنى و طلع اللى بقلبه كله علي و مايعطينى فرصه ادافع عن نفسي
او اوضح له و قال كلام جديد اول مره اسمعه منه ماقاله قبل الملكة .
معناه انه هو القيم و المسؤل و انى انا لازم لي اعادة تاهيل < تذكرت كلام الاخ ليه متزوج

Um Suhail 05-09-2017 10:31 PM

رد: تجاهل خطيبي لي رغم اعتذاري
 
كيف بدا الحوار بينكم ؟؟ هل بدات بخطوة مختلفة عن قبل ؟؟ وماذا حدث بعدها ؟

عالعموم مبروك عليك عرفتي جانب من شخصية زوجك وقت الزعل ،،

فليكا 05-09-2017 11:34 PM

رد: تجاهل خطيبي لي رغم اعتذاري
 
هلا اختى ام سهيل وانتِ بعد لك كل الشكر حاولت اتمالك اعصابي بناء على كلمتك
ان اركز عليه هو و ليس على مايزعجنى منه و قدرت الحمدلله اتمالكها 😊 وهذى اعتبرها
خطوة جبااره بالنسبة لي وباذن الله تستمر ماظمن نفسي ..

بصراحة < وبعيد عن الانتقادات لي
انا اقتبست شيئاً من قصة اخونا الرسمي وموقف زوجته و نفذتها بالشكل
اللى يناسبنى بدون كثرت تفكير .
قلت بروح له بيتهم < خطوة جرئية مرره و ماتصير عندنا وعيب ادرى
بس ماتحملت كل هذا التطنيش منه حتى بعد ماقطعت التواصل مانفع وطنش بعد
صحيح جاء ببالي افكار وانه كيف و عيب وايش موقفه بس ماهتميت ..
وكل تفكيرى كان بموقف الرسمى ونتائجه ، صحيح البئية عندنا تختلف يمكن
المهم ارسلت لاخته اعايدها و كذا و قلت بزوركم
تكشخت 😊 و رحت و كانت عندهم جمعة بنات صحباتهم الحمدلله جت من الله يعننى رايحه لهم
احترت عندهم مدرى كيف اشوفه للعلم بيتهم جدا كبير و اجنحه و له جناح هو خاص فيه
و احنا كنا بصالة استقبال بعيده اضطريت اسال اخته عنه مع انى ماكنت حابه هذا الشيء ابدا
قالت اظنه موجود مدرى < 😡 ماعطتنى جواب واضح قالت دقي عليه دقيت عليهومارد
بروح بنفسي بس مستحيه و الحمدلله قالت اخته الكبيرة روحى انتى شوفيه مافيه احد
وللامانه كنت متوووتره خفت من رد فعله على جيتى عنده و فعلا تفااجا مرره ^_^
والله العظيم قلت لاخته توصلينى قالت البيت بيتك مايحتاج .
عشان ارفع عن نفسي الملامه انه كيف جيت وكذا ولوحدي غرفته
قابلته بالصاله يشوف مباراه < وانا اللى طوول الايام هذى افكر فيه وسااحب
وعنده اولاد اخته مدرى اخوه صغار ..
تكلمنا و لكن كان جد زعلااااان و مايطينى فرصه ارد
اول شي كيف بدانا الحوار ؟ انه قال تعالى حياك و جلسنا قال كيف جيتى
قلت جيت لان ماتحملت زعلك و لا عدم ردك علي و حتى العيد خرب عشانك
قال عمي درى انك بتجين عندي ؟ لمعلوميه هو يحسب حساب ابوي كثيير بكل شي الا يسال
عمي ايش قال و عمي ايش رايه .
المهم قال قولي الصدق انتى قابلتيه !!!! يقصد الممثل !!! قلت من قال راعي الصوره
قلت كيف اقابله و ين القاه ! بشكل عفوي ردي وعصصصب قال وبوجهي تقولينها وين القاه
و انفجر يقول اعرف اللى يطاردون ورى الفنانين وتصوير معهم و مواعيد
و هم مايدورون الا الفلوس يجونك من اخر الدنيا ، قلت بس انا ماعندي فلوس تجيبهم
هنا سسكت وهدأ ، قال من وين جبتى الصوره قلت من النت < كلامه مو مركز من الغضب
و شد و جذب على هالصورة ..
قال بعدين اسمعى انا اعرف ابوك و اصلكم و شاريك و لكن يافليكا
الفلته حقتك بتتغير ، اي فلته و ايش تقصد << جد تمااالكت اعصابي
قال الشقه و السكن لحالك و السواقين و العناد
سكت مارديت لان لو رديت بنفعل جداا
قال الحين انا ولي امرك < طبعا كلمة مستفزززه بس سكت
وانا المسول و اللى اقوله مابغى فيه جدال واخذ ورد
بعدين قالت انت بتمنعنى من كل شي حتى السفر عشانك ماسافرت
قال انا مامنعتك من السفر انا قلت ساافري بس مع فلان " يقصد اخوي " مو لحالك ولا مع اختك وزوجها
قطعت انا الحوار بطلع من هذا الموضوع و قلت طيب الحين جيتك بنفسي و تعنيت
رضيت علي ولا للحين زعلان 😊 ابتسم قال خلاص برضى غصب وقال شفتى هذا الجناح قسمى
و اوريك غرفتى ؟ مزح طبعا و بس وكلام مشفر ^_^
لكن اخواتى الان يلومونى وانى بطيح من عينه وكيف سويت كذا و دوشه راس

wa1121 05-09-2017 11:56 PM

رد: تجاهل خطيبي لي رغم اعتذاري
 
مبروك الصلح
هي من ناحية خطوة جريئة فهي جريئة شويتين وان شاء الله يطلع مثل الاخ الرسمي ويقدر

لكن فيه شي لازم تتفاهمو عليه الآن او على اقل تبينين له انزعاجك منه عشان يعمل حسابه ويكون على بينة وهو عندما يقولك انه المسؤول عنك والقيم وغيره مما يزعجك


الساعة الآن 05:09 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©