![]() |
قلبي معاك اصبر ان مع العسر يسرا
السلام عليكم ورحمة الله وبركاتة يأخي الحبيب ان من سمع مصيبة غيرة هانت علية مصيبتة اسمع قصتي عل الله يجعل فيها تسلية لروحك الطاهرة الوحيدة انا تخرجت من الثانوية واتوضفت على طول ولله الحمد والمنة لكن المصيبة (مضيف بالخطوط) !!!!!! تخيل نفسك مكاني بعد تقريبا سنة وبعد بلوغي19 وتحسن اموري المادية طلبت من والدتي ان تبحث لي عن عروس وتفاجأت بالرد اني مازلت صغير . طبعا بعد المحاولات المستميتة وبعد سنتين لانت لي واعطتني ثلاث خيارت (بالحرف الواحد قالت عندك ثلاث واختر والا غيرهم مافية؟؟؟؟ طبعا بحكم اني يتيم مالي الا الوالدة الله يطيل بعمرها تاج على راسي:d والا ترى عندي اخوات واخوان بس المواضيع هذي لازم فيها الوالدين قلت لها عطيني فكرة وانصحيني وش اختار ومن الاصلح لي ,قالت لك فلانة بنت خالك وانها بدوية على الطبع الاول وبنت حلال (ياذا البداوة الي وراي وراي:19: ) سالتها وش تعرف عنها وصفها طبعها دينها اي شيء تعرفه عنها قالت ببصاطة انها بنت مثل البنات تروح الجامعة وبس ضحكت وقلت كويس انها بنت مو ولد زعلت مني تاسفت لها وقلت اني ودي اعرف اكثر عنها قالت مالك الا هذا تبي والا بكيفك قلت اروح لاخواتي يمكن نعرف شيء عن المجهول وها البدوية قالت اختي الصغيرة انا ماعرفها زين بحكم انهم في مدينة ثانية واختي الي اكبر قالت مايصير اقعد اوصفلك بنات الناس والاخوات الكبار الثلاث وحدة تقول مايصلحون وحدة تقول ماعرفها زين بحكم فارق السن والاخت الكبيرة مرة في مدينة ثانية بعيدة عنا وعنهم ولا فية مجال انها تعرفها(للمعلومية احنا مو قاطعين رحم بس اخوالي كثير ماشاء الله الرجال بس 15 من غير الخالات الي متفرقين في ها الدنياء مانقدر نجتمع الا في مناسبات قليلة وسريعة المهم رجعت للوالدة وقلت لها اني لازم اشوفها اذا وافقوا على خطبتي قالت مافية هالكلام تبي تصير زي ابوك وجدك والا بكيفك رح دور من بيزوجك؟؟؟؟؟؟؟؟ صبر جميل والله المستعان بعد المعناة بعد تسع سنوات لقيت وحدة وكانت بنت اختي تتكلم عنها بالصدفة وذكرت شيء من طبعها انا احبه كثير انتهزت الفرصة وكلمتها وبعد الجهد اقتنعت وقالت اشاور البنت واقولك والحمد لله النت استخارت ووافقت وهنا بدت المشكلة , الوالدة تقول من الي دلك عليها وكيف هم من اطراف الجماعة وترفض البنات الحلوين علشان وحدة شينة ومن هالكلام الي يرفع الضغط:19: المهم تقدمت للبنت لوحدي ووافق ابوها وبدينا في الترتيبات للزواج وكانو كل مرة يسألوني عنها اقول انها كبيرة بالسن واتحجج لها باعذار الحمد لله طلعوا اجاويد ولا دققوا معاي المهم المهم الترتيبات للزواج وللمعلومية الزواج حيكون بعد تقريا ثلاث شهور والحمد لله لكن هناك بعض الترتيبات البصيطة لكن مهمة الله يكون بعوني اكمل المشوار لوحدي وبعد الزواج كيف بيكون علاقتها بامي وامي اصلا رافضة لموضوع الزواج من الاصل وتقولي لوصبرت انا ادورك وحدة احسن يعني بعد حوالي 11سنة وتقولي اصبر:eek: بالاخير اقولك ماعليك اعقل وتوكل الي يرزق الله والي يعطي الله وخلي ايمانك قوي ياشيخ ولاتفكر في اشياء انت اكرم واعز منها وليكن هدفك من الزواج اسمى من النزوة العابرة ولاتجعلها تتمكلك باي حال من الاحوال وحاول انك انت تروح وتسعى بموضوع زواجك والله بيوفقك ويسر لك امورك اتكل على الي ماتنام عينة اما بخصوص الوالدين عاشرهما بالدنياء معروفا ولاتحاول انك تتجادل او تناقش الموضوع معهم المهم انك انت تبيها لانه فية والدين كثير مايعجبهم العجب ولايحسون فيك بحكم فرق السن واشياء كثيرة من تعليم وثقافة ينضرون لك بانك مازلت ولد صغير مهما كبرت ولو تصير جد انت بالنسبة لهم ذاك الطفل الصغير لكن حاول بالحسنى معهم واسأل الله الكريم رب العرش العظيم ان يرزقك ببنت الحلال وان يهدي والدينا ويغفر لهم اخوك عزوبي سابقا:23: |
كلما حدثتك نفسك بالحرام فتذكر أن لك أم واخت وزوجه -إن شاء الله-
فالموضوع سلف ودين أنصحك بالاتصال بالشيخ/مازن الفريح فستجد عنده الحل لمتل هده المشاكل بإذن الله (إدا لم تستطع الحصول على رقمه قلي عشان اعطيلك هوه) |
لقد نكأ الجرح من رفع هذا الموضوع
أسأل الله وأنا في هذ1ه الساعة الآخرة من الليل أن ييسر أمري وأن يرزقني الزوجة الصالحة التي تعينني على الخير وتدلني عليه إنه ولي ذلك والقادر عليه. يغلق / البتول |
الساعة الآن 09:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©