|
نصيحة ، لا تدخلي أهلك في الموضوع
الموضوع ما يستاهل أنك تدخلينهم فيه، الحل الأفضل أنك تسوين قوانين و تلزمين بناتك فيها يعني ما بين الوجبات ، يكونوا عندك في قسمك و انت مسؤولة عنهم حاولي وقت غدا بنتك ما يكون نفس غدا أهل البيت علشان تتفرغي لها و تلزميها فيها غيري طريقة الوجبات ، لا تتوقعي ان بنتك لو قدمتي لها من الغدا راح تاكل منه قدمي لها وجبات بكميات صغيرة و متنوعة و كافأيها بقطعة شوكولاته لو أكلت نص غداها ويوم بعد يوم كثري الكمية و إن شاء الله يفيد |
الغالية بحرينية ولكن .....
يعلم الله اد ايه انا اتألمت لمجرد انى عرفت ان عندك مشكلة. :( لأنك فعلا من الاعضاء الغاليين عندى جدا واللى اهتم بآرائهم وانتظرها :28: بالنسبة لموضوعك انا ما عندى إضافة لأن كل رأى ساقه الاعضاء بمبرراته وانا ايدت كل واحد فيهم وانا اقرأه واقول ايوه هوده الكلام الصح بس الاقى وجهة النظر المقابلة تماما ايضا تحتمل الصواب. عشان كده اعفينى عن ان اقدم اقتراح او حل. انا حبيت بس اشاركك فى مشاعرك واقول لك اد ايه انا بحبك فى الله. ولو عندى اى اقتراح مش هتأخر كل اللى اقدر عليه دلوقت انى ادعيلك بظهر الغيب ان يفرج الله همك ويصلح لك ابنتك زوجك وآله وان يديم عليكم الأفة والمحبة. على العموم انا اثق فيك واعلم انك فى النهاية ستفعلين الصواب. تحياتى ودعواتى |
اقتباس:
الظاهر إن هذا اللي باسويه .. باقفل الباب على بناتي في الغرفة وما أخليهم يطلعون .. وإذا أهل زوجي طقوا الباب وأطلبوهم .. باقول لهم باطلع بناتي بس بشرط ماتعطونهم هالخرابيط .. بس المشكلة إذا اشتغلت بإذن الله ما أقدر احبسهم .. أنا ماعندي ملحق خاص .. أو قسم منفصل .. كلها غرفتين وصالة .. وزوجي شغله زامات .. يعني أحيانا في النهار ممكن يكون في البيت أو نايم .. ولازم الشغالة تقعد برع في الصالة مع بناتي .. باحاول أشوف لي حل .. وأقنعتوني ما أدخل أمي في الموضوع .. بس راح يشوفون مني تصرف ثاني .. ماراح اسكت عنهم أبدا إذا عطوها الحلويات .. |
اقتباس:
العضوات ماقصروا بالنصائح .. بس أغلب نصائحهم أنا طبقتها ومافادت .. لازم أقطع جذور المشكلة عشان مشكلتي تنحل .. والاقتراح الوحيد من بعض العضوات اللي يقطع أصل المشكلة هو إني أقفل الباب على بناتي وما أطلعهم حتى ينهون وجباتهم .. أشكرك جزيل الشكر على مشاعرك الصادقة وعلى دعواتك .. ومافي بيت يخلو من المشاكل .. |
صراحه وبدون زعل يمكن كلامي قاسي شوي بس اني حطيت نفسي بمكانك مره وبمكان اهل البيت مره ثانيه يعني تخيلت لو بنتك هي بنت اخوي او لو كنت انا وبنتي ساكنين عند اهل زوجي..( عورت راسك سامحيني).
المهم هذا بيتهم وانتي اللي داخله فيه ويحطون حلوياتهم بالمكان اللي يعجبهم مارح يغيروا نظامهم عشان خاطر انتي ما تبغي تقولي لبنتك كلمة (لا) وتكرهيها فيكي.. البيت مارح ينحرم من الحلويات والشيبسات ختى لو كانت اعمارهم كبيره عشان خاطر بنتك مهما كان.. انتي المفروض من بداية ما سكنتو عندهم تربي بنتك انه الاكل ما بين الوجبات الرئيسيه مرفوض ومره على مره رح تتعود.. وهما اشوفهم ما شاء الله كثير مقدرينك بدليل انهم قبل ما يعطوا بنتك اي شيء يستأذنوك احمدي ربك على هذي النعمه وهذي نقطه تسجل لصالحهم احترمهم كثير عليها.. عموما يا ستي مافي طفل يكره امه لانه قالتله (لا) على شكولاته او شيبس انتي بس متحسسه من اهل زوجك وشفتيها كبيره.. ابدئي برنامج غذائي جديد وكوني صارمه مع بنتك ولا تدلعيها ولا تخافي مارح تكرهك واذا ستاذنوك انه يعطوها شوكولاته او حلاو قولي لا وخلي بنتك تبكي شوي ورح تنسى واسلوب الحرمان ممتاز اخت زوجي جربته معاهم صاروا هم يطلبو الاكل ويخلصوا الصحن كله:) فتوكلي على الله وابدئي بالخطه الجديده وكوني حازمه.. |
كريستالة ..
ضاق صدري بكلامك .. يعني بس لأني قاعدة معاهم في البيت مالي راي ولا لي كلمة ..؟؟ وأنا بس من كم يوم قلت لهم لا تشترونها .. وللا أنا دايما أقول لهم خشوها عن بنتي .. هم مو بس يحطونها بمكان وبنتي تشوفها .. هم يطلعونها لها ويعطونها أحيانا من غير ماتطلب .. اقتباس:
يعني أنا خمس سنين أدري إني ماعندي بيت وإن المكان مكانهم وأنا مجرد ضيفة ثقيلة على قلوبهم .. بس كلمتك زعلتني كثير .. |
يا قلبي نصيحه لوجه الله لاتسكتين عشان ترضين غيرك والمتضرر الوحيد بنتك ويوم تمرض لاقدر الله محد راح يحس فيها ولا يتعب غيرك
ولا تغلطين غلطتي بنتي نفس الشي والحين هي اولى ابتدائي تدرين وش سلبيات الحلاوه والشيبيس الي كانت تلتهمها اولا جاءها نقص كالسيوم والحين ما عندها سنون ولثتها سوده واسنانها مكسره وانتظر الجديده تطلع كلي امل انها طيب ثانيا معاها فقر دم ثالثا ما تاكل لا خضار ولا فاكهه الا ناجر وبالغصب واحيانا تزوعهم والسبب انها افرطت في الحلويات يوم كانت في سن بنتك والسبب ابوها وعمامها يجيبون لها وتعبت اداريها وامنع نصيحتي لكي كلمي اهل زوحك الوجه للوجه ابيض وقوليلهم البنت مريضه والدكتور منعها منعا باتا من هالاشياء وان ما نفع لا تطلعين بناتك لحد ما يحسو هم اختي والله محد بيدفع الثمن غير ك وبنتك فلا تتساهلين ونسيت اقولك شغله بنتي صارت فيها طاقه وحركه مو طبيعيه والسبب الحلاوه والمواد الحافظه في الشيبس وغيرها وحتى مدرستها تشتكي فنصيحه تداركي بنتك من الحين والي يزعل يزعل بكيفه |
بحرينية ولكن
انصحك أختي تروحين وتحبين على راس ام زوجك وتقولين لها سامحيني لو غلطت عليك ما عليه اختي اسمعي كلامي والله وانتي اللي كسبانة هي مرة كبيرة واحترامها وتقديرها والصبر عليها واجب صدقيني ان فعلتي مثل ما اقول لك انتي الربحانة لو مو بالحين بعدين .............اسمعي نصيحة أختك اللي أكبر منك ( اللي هي أنا )>>>>>> لقافة ورزة وجه ههههههه اختي راضيها وتوددي لها تكسبين قلبها لو على الأمد البعيد بعدين بنتك امنعي عنها هالخرابيط ............ولا تتراجعين اذا لقيتي شي في يدها اخذيه وقولي وانتي مبتسمة العفو منكم وعلى طول ارميه في الزباله وانتوا بكرامة ولا كأنك سويتي شي ............ وانصحك لا تدخلين اهلك ولا تقعدين عندهم اذا رحتي لا رجعي مع زوجك ترى الرجال اللي يدور ( الفكة من المرة ) . وطمنينا . |
السلام عليكم ورحمة الله وبركاته
الأخت بحرينية ولكن وفقها الله أولا : أوصيك بإعادة النظر في رد الأخت ليتني أسلى أسعدها الله، اوافقها في أغلب ما ذكرت. ثانيا : عليك باللين والأسلوب الحسن مع أهل زوجك والحزم بعض اشيء مع ابنتك . ثالثا : لا يمكن أن تقضي على عادة ابنتك في أيام قصيرة وقد اعتادت على المشكلة سنين. رابعا : اسلوب المنع والشدة من غير اقتناع الطفل لن يفيد. رابعا : عليك بتوعيتها باسلوب يناسب عمرها حول الأضرار التي فيما تأكل. خامسا : تأكدي أن ابنتك لن تعود وتقبل تلك الحلويات مع الوقت ولو اهديت من جدتها وخالاتها. فأوصيك بالتدرج كالآتي إن أردت : 1-الأسبوع الأول : لا تمنعيها من أكل ما تريدينها أن تتوقف عنه + أدخلي في أكلها شيئا من المفيدات. 2- الأسبوع الثاني : قللي أكلها شيئا ما لتلك الأشياء + زيدي في الأشياء المفيدة في أكلها . 3- الأسبوع الثالث : قللي ما تأكله من الحلويات إلى النصف + والنصف الآخر يكن فيما يفيد. وهكذا وهكذا بالتدرج حتى تترك تلك العادات السيئة في الأكل وباقتناع. وأعتقد أنك إذا وصلت إلى أن تجعليها شيئا مفيدا في اليوم ولو بمقدار النصف مما تأكل فأنت ناجحة لأني أعتقد أنه ربما لا يوجد طفل لا ياكل من تلك الأشياء ولكن يختلفون في كميتها ونسبها . أسعدك الله ووفقك . عليك بزوجك والحفاظ على أسرتك قدر ما تستطيعين وتفاني في ذلك.. فقليل من المشاكل مع اجتماع الأسرة خير من تبعثرها وفراق الأحبة. وأنصحك ألا تلتفتي إلى نصائح البعض في التشدد تجاه أهل زوجك هداهم الله. حل المشاكل له طريقة وله حكمة . وفقك الله |
اقتباس:
كل الأعضاء لم يقصروا أبدا في النصح .. وأغلبهم تعاطفوا مع مشكلتي وشعروا بالضيق .. ولكن .. أنت الوحيدة التي أحسست بمدى معاناتي .. والسبب ان ابنتك حصل لها ما أخشى منه .. (( الله يشفيها )).. بإذن الله هالمرة ما راح اسكت .. وسأتعامل مع أبنتي ومعهم ايضا بما يجب .. |
| الساعة الآن 09:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©