والله يا اختي اذا كنتي صادقه انك حلوه واسلوبك حلو وخفيفة دم فلا تخافي لانه راح يحبك ويموت فيك وينسى اللي قبلك ولابد تعرفي ان الحب ا لحقيقي هو اللي ياتي بعد الزواج وليس قبله واتمنى لك حياه زوجيه سعيده

في البداية الف مبرووووووووك.وانا في الحقيقة اعرض الاخ علي قاسم في رايه .لان اذا كنت ملتصقه به سوف يشعر بل ملل منك.واحسن طريقه في نظري هي انك تحاولين باسلوبك معه تجعلينه يشتاق اليك يعني تهتمين فيه بشكل كبير. وبكذا تستطيعين تنسينه اللي كان يحبها.(وهذا مجرد راي)

لماذا لا ةفسخي الخطوبة ....... لا يحبك و يفكر بغيرك .... قولي لاهلك الحقيقة و خلاص

مشاااااااااء الله عليك يا جمرررررة عبقرررررية :d

بس بجددد مشكوووووووره على هالنصايح الجناااان.. لاني حتى انا استفدت منها وسرقت كم خطة من خططك :d

وربي انتي (( رهيبه))

الله يوفقققققك انشششالله ياااارب وينجحك يا جمرة .. ويوفق اختي معااالي ويحبب زوجهاااا فيها انشاالله يااارب .. ويوفقني انا بعد معكم :d وجميع المسلمااات والمسلمين أجمعييين

قولوووو آمين

السلام عليكم ورحمته الله وبركاته
اختي معالي انتي تقدري تخليه يحبك اكثر منها اول شي بيني له حنانك وعطفك ورقمة مشاعرك
انتي باسلوبك تقدري تعرفي ايش الشي اللي يعجبه و ايش الي ما يعجبه في الانثى
دائما قولي له انك تتمني من الله العلي القدير انك الشخصيه اللي كان يتمناها
تكلمي في الاوقات اللي تشوفيها مناسبه عن عيوب النساء وانتبهي انها ما تكون فيكي و بعد ما تقولي له عن هذي العيوب انتبهي تصير فيكي له حيصير ينتبه
قولي له انه وحده من صاحباتك اكتشفت انه زوجها كان يعرف وحده قبل ما ياخذها و البنت الحين منهاره و يمكن تفسخ خطبتها بسبب هالموضوع وشوفي انتي ايش رده وانتي تقدري توحي له انها صديقتك مالها ذنب وناقشيه بهالموضوع
بيني خوفك عليه وحرصك عليه اقترحي عليه تصحيه للدوام
امدحيه اذا جاب لك شي حتى لو شي ما يستاهل لو منديل في عطر من عطره
او انتي اذا جا يزورك اعطيه منديل او علبه فيها ورد مجفف معطر من عطرك المفضل
اذا احد من اهلك مدحه انقلي له هذا المدح قولي له انه والدتك تحبه كانه ولدها وتغليه وتعزه زي اي واحد من اولادها
بالذات انه اخذ اغلى بناتها
ابداي انتي بالاول تتكلمي معاها عن المستقبل اللي ان شاء الله تعالى راح تعيشوه مع بعض
عن احوالكم الدينيه والعلمية والعملية واولادكم
شجعيه يحس من مستواه العلمي واوعديه انك تساعديه
كونه سره
يعني لو يوم بكي او نزل دمعه قدامك انتبهي احد يدري و فهميه انه ما احد راح يعرف ابدا
لو حسيتي انه متضايق وهو عندك قربي منه وامسكي ايديه وطالعي فيه كانك امه و حاولي تخففي عليه
بيني شوقك له بيني انه لو عندك سر ممكن تخبيه عن الدنيا كلها لكن هو لا
و اخيرا اقول لك ادعي في الاوقات التي يجاب فيها الدعاء ان الله سبحانه وتعالى يجعله قره عين لك و يجعلك قره عين له
الله ياربي انه يوقفك ويسعدك ولا تنسينا من الدعاء

ههههههههههههههههههههههههههههههههههههه الله يررجك يامعاالي تسدحت من الضحك على كلمة برىىىىىىىى... اول شي السلام عليكم ... ثاني شي ماشالله عليكي يامعالي ماتوقعت انك بتتجرأي من اول يوم تسوين كذا... بس ماقلتيلي .... اخذ رقم جوالك... حسيتي انه يطالعك... من خلال هالجلسه وش عرفتي عن شخصيته؟ ... كمان قوليلي انتي تدرسين ولا لا .. وعندك اخوان كبار ولا لا .... لان يخطر فبالي اشياء احيانا وتعتمد على هالمعلومات ...وافضل ماكتبها ....بما انك موجوده ردي علي .... ومشكورين على تفااعلكم مع افكاري بصراحه حمستوني ...ردي علي معالي وقوليلي اتفقتوا يجي مره ثانيه ولا كيف الوضع...... عشان اخطط لك لاني مسافره بعد يومين بالضبط..ويمكن اغيب ثلاث اسابيع...وودي اغررقك بالافكار عشان يكون الخيار قدامك كبير وتاخذين اللي يناسبك

اختي جرووح جووري عندي تعليق بسيط على ردك اذا تتقبليه مني ... ماظن انه من مصلحتها ابدا تقوله شي زي كذا... ان صديقتها خطبها واحد يحب ... صراحه احسها حركه ساذجه ومكشوووووفه... وبتخسرها كل شي ...لانه بيفهم على طوووول...واذا عرف انها داريه بالموضوع.... بيتقوقع على نفسه ولا راح يتحرك ولاخطوه لقدام... وكمان ممكن ينهااار ويقولها اني احب ولا قادر انسى ويتعمق شعوره اتجاااه البنت الاولى اكثر بكثير ...والنقطه الاهم انها هي نفسها بعد هالموقف عمرها ماراح تتجرأ تتقرب منه لابشكل مباشر ولاغير مباشر ..وبتفقد ثقتها بنفسها ...اما حكايه اننهم يسولفون بالمستقبل والاولاد والاشياء هاذي .... فماظن انه وقتها ابدا .... لانها مازالت غريبه عنه... وفي بينهم حاجز البنت الاولى ...ومافي حبيب وحبيبه..مايتكلمون عن حياتهم ومستقبلهم ويخططون لبيتهم وحتى يختارون اسماء اولادهم....فتخيلي لو فتحت الموضوع وش بيكون ردة فعله... بتقلب عليه المواجع وتخليه يحن لخياااله ولحبيبته القديمه ولتخطيطه معاها ...اتمنى تتقبلين رأيي لان كلنا قصدنا الاول والاخير من طرح الآراء هو مصلحة معالي فالاول والاخير ...اما بالنسبه لمعالي الدبه اللي للحين ماردت علي ...بقولك حاجتين معالي لفتوا نظري بكلامك... اولا..قلتي انك تحسينه شوي يضحك وشوي ينطوي على نفسه... وهذا اكبر دليل على انه يحس اي تقبل منه لك خيانه لها او على الاقل خيانه لذكراها ...وانه مرتاح لك بس عقله الباااااطن يغلب عليه شوي .. وهذا كله يأكد ان الطريقه الوحيد الوحيده الوحيده.. هي انك بكل شي تبين تحققينه .. تستعملين الطريقه غير المباشره.. عشان مايحس بتأنيب الضميرر.. خلي هذا الشي قدام عيونك...والشي الثاني ....لما قلتي عن حكايه البوسه...ابي انبهك لشي ... وبراحتك.. لكن انها اعتقد انه بينفعك اكثر مستقبلا حتى لو ارتحتي منه الحين... مانصحك انك تحاولي تجذبيه كمرأه وكأنثىوتثيري غريزته... طبعا بغض النظر عن انه زوجك وحلالك وانتي حلاله... بس ماظن ان الحل لمشكلتك انه يتقبلك لانك حلوه او لانه عنده رغبات يبي يشبعها بالحلال... تثيري مشاعره واحاسيسه..هو الاحسن... اجذبيه كانسانه ومخلوقه ناعمه.. قبل تجذبيه بالانوثه وال... وطبعا هذا شي راجع لك....لكن ماظن بترتاحين وانتي تلاقينه يبوسك..ويضمك ....وانتي عارفه ان القلب فمكان ثاني .....هذا مجرد رأي لفت نظري له الموقف اللي قلتيه...لكن الموقف نفسه ابد مايدل على كذا...تدرين وش يدل عليه... يدل على انه حاب يتقرب منك... ووده يصير جنتل باسلوبه معاك.. والرسميه اللي قلتي عنها عطيتك لها اكثر من حل ...تقعدين احد من اخوانك يكون خفيف دم.... او اذا عندك الجراه ...تجربين فكره انكم تجلسون على الارض والمكان يكوون مثل ماوصفت لك....او انك تقولي له يجي مره بلبس مو رسمي .....هذا في حاله انك اخذتي رقم جواله....وصراحه حركه انه فتح رسالتك..معناته انك عنده استعداد كبير يتقبلك ويتقرب منك...لانك يبي يعرف خصوصياتك ويتقربلك.....ابد لايغرك الشي هذا وتفكري بقلبك وتصيري انواع الرومانسيه...والحب وحركات التقرب العاديه.... خليه يحاول يجذبك مثل مانتي تحاولين .... واذا ماعرف ارسليه لي هنا اتصرف معه هههههههههه ياني بعطيه افكاار يطبقها عليكي ... يحبها قلبك...هههههههه...ميمي بقولك شي بعد.. الرجال مايحبون ان المراه تكون كتاب مفتوح قدامهم وعارفين عنها كل شي ....يجذبهم انها تكون غامضه....مثل انها تخفي مهارتها بشي معين ....او اي شي من القبيل هذا مع انهم مايعترفون فهالشي ....وحده من زميلاتي ..شاطره كثير بالتطريز والخياطه وشغل الابره....وخطيبها رغم انهم تكلموا بسالفة الهوايات والاشياء هاذي ماقالت له...وبعد فتره من الخطوبه... اهدته مفرش وطقم وسايد للسرير حقه .. مسويته بيدينها ...وكاتبه كلام رومانسي بالتطريز وحروف اسمه واشكال رووووعه...تخيلي وش شعوووره لما اهدته المفرش هذا ....وكيف بيكون احساسه لما ينام على الحب والغلا اللي بيحضن جسمه من يدين حبيبته....قيسي على الشي هذا وانتي وشطاارتك....فاصل اعلاني ونعود اليكم

معالي 2

مبروك مبروك

اولا ... لا تخافين صدقيني بعد ما يقابلك ليلة الدخله و تعدي الليله على خير بيتغير كل شي

فقط كوني طيبه و لا تعاملينه على انه مجروح فمعاملة المريض على انه مريض يزيد من مرضه

وانتي انسانه لك استقلا ليتك فقط دعيه يحبك.. حسسيه بكرمك وطيبتك وتضحيتك من اجله

وانتبهي تعيرين جرحه اي اهتمام انتي وهو في حياه اخرى

حياه خاصه لك انتي وهو

ولا تعتبرين اي مشاكل حياتيه تواجهكم في المستقبل سببها جرحه او حبه الاول


لا و الف لا

فأني اجدر بالحب خصوصا بعد زواجك


ثقي بنفسك و حافظي على زوجك


والله يوفقك:)

أقول يا جمرة ...

تراكي صح بكل كلمة قلتيها بلا استثناء ...

أنا كنت مثل خطيب معالي واتخيل كل الي تقولينه لو صار فيني من خطيبتي ( زوجتي حاليا ) ...كان بجد امتلكت قلبي بكل سهولة
بس من وييييييييييييييييييييييييييييييييييييييييييين تجيبين هالأفكار هاذي ؟؟؟؟؟؟؟

معالي .. اختي حاولي تنفذين كل شي تقوله الدبية هاذي تراها بلوة مسيحة على قولة اخوانناالمصريين وموب هينة ابد ...الله يعين زوجها عليها بس ;)

هههههههههههههه...مشكووووور يالماستر شهااده اعتز فيها ( بلوه مسيحه) لان مايمشي الا كذا فالوقت هذا ...بعدين دامك مريت بالتجربه احكي لنا وش كانت خطيبتك تسوي...ياخوفي نكون كشفنالك بعض حركاتها هههههه...يعني لاتقعد تراقب من بعيد يالدب علق على حدث معين او قل لنا شي ممكن تسويه.... مواقف يعني اذا فبالك شي ....معالي وينك مختفيه؟؟؟؟