منتدى عالم الأسرة والمجتمع - هل يتضايق الزوج عندما.....؟؟؟؟

السلام عليكم

مساء الخيرات

بالنسبة لي وعلى رغم قصر مدة زواجي

الا اني رخيت الحبل في الكلام لزوجي واترك له مجال للحديث عن كل شي يبغيه

بحيث تقربت له وصرت له كبداية صديقة ثم ام ثم اخت ثم زوجة ثم حبيبة والشي الي ساعدني انه ماعنده صديق مقرب له مجرد زملاء ومعارف واصدقاء علاقتهم مش قوية بحيث يعطيهم اسراره

لقيته يحب يفضفض ويسولف عن كل شي بحياته

قمت اضرب على الوتر الحساس وماسأله مباشرة
يعني اجيب له مثلا سالفة عني مع صديقة لي احس انه حدث له مثل هالموقف سابقا في الماضي

بعدين اترك له المجال علشان يفضفض ويعبر عن كل شي يجول بخاطره

اعترف لي بمصايب سواها وبلاوي الله الساتر عليها

بس بالعكس ماقابلته بوجه عبوس ولا بغضب احتويته وصبرت ويوم حس انه ارتاح واني ماراح اتضايق لما يفضفض لي
صار يتكلم عن كل شي وفي كل شي سواه من قبل وعن الظروف الي خلته يسوي الافعال الشنيعة والفواحش الي قام فيها

لاني حسيت انه محتاج احد يسمعه وييوجهه ودام انه صرح بتوبته لله عز وجل فلزم اني اعطيه فرصة للتغير وعلشان يأكد صحة وعده وكلامه

ولان الحمدلله زوجي الله من عليه بالهداية بعد ماشوي تعبني ولكن يهون

فصار الحين اي كل شي يقوله لي واي شي يخبرني عنه مايعرف يكذب علي
ولو اقل حاجة تصير معاه لو بالدوام مع زملائه على طول يخبرني وياخد مشورتي فيها

فانصح كل زوجه حتى لو زوجها عمل اخطاء فلا تاخده بالغضب والكلام الحاد

تراه من الماضي وبني آدم طبعه الخطاء ولاهوب معصوم عن الغلط
ومو عيب الانسان يغلط لكن العيب يستمر في غلطه
وادا ناوي يتوب توبة نصوحة ساعديه على ذلك
الي يهم الحاضر والمستقبل وش بكون عليه مو الماضي

وشي اخير مهم
ياحواء اسمعي ادم وش يقول اسمعييييه اصغي له علشان تكسبينه

والله يوفق الجميع يارب دنيا وآخره