|
اخي رومانسي
حالة ابوي ابدا مو نادره متواجده باغلب المنازل هالمره لاتقول شك ماتشوف البلوتوثات كيف شبابنا الخليجي مع شغالاتهم اصلن لو عدلت من نفسي اشياء كثيره بتوسوس فيني البلوتوثات وغير كذا كل ماادخل منتدى القى في المشاكل زوجي والشغاله وهاتك يامشاكل يعني شي متعب بصراحه نفسيا ويحوس البال00 وابوي كان يسافر لكل مكان ولاامي مو راضيه وساكته بالعكس كانت حياتنا مشاكل تزعل بالثلاث شهور او اكثر000وبعدين تتسفر الشغاله وتجي عقبها وحده ثانيه وهكذا000 المهم الظاهر انا مبتليه بها الشي الله يعينني ،تصدق اليوم الشغاله الجديده ماادري ايش جابها فلتي والقسم اللي انا فيه جايه مع بنت اخو زوجي والمفروض انها ماتجي انا انقهرررررت مره هذا القسم ممنوع ان احد يجيه وهي جايه مع الصغيره وزوجي اللي فتح الباب للبنت كانت تسلم عليه والتفت والاقي وراها هالشغاله خلصوا وراحوا قلت لزوجي من اللي جاي معها قال مدري ومو منتبه كان لاهي قلت الا انا اشوف احد مشى معها قال يمكن الجديده مدري شفت فلبينيه انا عاد ضاق صدري لحظتها اتذكرت كلامكم ووسعت بالي ورحت لها وقلتلها هذاك القسم ممنوووووووع تجينه قالت اوكي وحتى الشغاله الثانيه كانت تهاوشها تقول ليش رحتي سويت وخليجي والله اني احاول قد مااقدر اني ماابين اولا علشان ماالفت نظره وثانيا نظرها وثالثا نظر الكل وادعي بكل صلاة ان الله يبعد عني وساوس ابليس اللعين بائع الورد اشكر لك مدحي ورفع معنوياتي انت قلت كلمه حلوه وهي صدقيني مشكلتك بسيطه وراح تنحل اتمنى اتمنى اتمنى والله كلام الاعضاء هو اللي يهديني واتذكره كل مالعب الشيطان فيني حتى لما صار الموقف اللي ذكرته فوق ذكرتكم علطول وذكرت كلام اختي وحده ونص ورومانسي الله يجزاهم الجنه |
اختي الله يسعدك ويوفقك ويجعلك دررررررررررررررررررررررررررره في قلب زوجك عليك بالاستغفار وقراءة القران وكل ماجاك الشك قولي اعوذ بالله من الشيطان زوجك رجل محترم وفاهم ويحبك مثل ما تقولين والله يخليه لك لاتخلين ماضي يخرب بيتك انسي الماضي وابي باليوم الجميل المشرق الي كله حب ورومانسيه مع زوجك وابعدي هاالافكار عنك صدقي بالعزم والاصرار تتخلصي من كل هاالاوهام والشك والغيره وبعدين انتي تقولين هل احتاج طبيب نفسي اقولك لا لانه مافيك اي مرض بس بيدك يقدرين تغيرين حياتك للافضل والله يسعدك اختي قلبي معك
|
أشكر لك ردك علي
وأهتمامك مشكلتك عكس غيرك يطرح مشكلته ولا يهتم فيها صدقيني بتنحل مشكلتك قريبا وسوف تبشرينا بنفسك وحلو ما فعلتي انك قمتي وتمالكتي نفسك ولم تبيني لهم شي بالنسبه للشغاله .. أعذريها لأنها جديده .. وأنتي قمتي بأندارها .. ولو كررتها .. سيكون لكي كلام آخر معها نحن معك فكوني معنا ووافينا بأخبارك فقلوبنا معك .. لأنها لي أول مشاركه .. وأول مشكله أقوم بالمشاركه فيها .. أتمنى ان تنحل وقلبي معاك بس صدقيني زوجك .. انتي قلتي بنفسك أنه بعيد عن هالأشياء .. فأنتي ما عليك غير تجديد ثقتك بنفسك لا غير .. ولعلمك صدقيني مشكلتك صغيره وبسيطه .. لو تعلمين بمشاكل غيرك لكان لك كلام أخر .. وهانت عليك وكمان عليك بترديد الكلام أنا أثق بنفسي .. زوجي أكبر من كذا بكثير .. وعليك أن تجعلي اكثر وقت زوجك معك وبقربك .. أعملي له مفاجآت واطعلوا سويه وهكذا وانتي أدرى بالبقيه أتمنى لكي التوفيق والسعاده في حياتك |
غلا جلاجل
اميييييييييين الله يسمع منك يارب واشكرك من كل قلبي على هالدعوه يالله والله انكم مثل اخواني واخواتي ياليتني عارضه مشكلتي من زمان000 اخوي بائع الورد اول شي اسويه لمن ادخل النت ادخل على موضوعي وصدقني افكر فيه الليل والنهار والحمد لله حسيت بتغير مو طبيعي فيني والله وراحه نفسيه مو لان مشكلتي بدت تنحل لا 000لاني حكيت بمشكلتي اللي عمري ماقلتها لاحد وشفت ردود وتجاوب من الاعضاء كانوا اكثر من اخواني وخواتي وانا راح اضل احكي وش يصير معاي لحد ماتنحل العقده صدقني ماراح اترك هالمنتدى اللي بدى يفك بعض من عقدي000000 |
أنتي أكثري من الدعاء والاستغفار فمن لزم الاستغفار جعل الله له من كل هم فرجا ومن كل ضيق مخرجا
واستعيذي من الشيطان الرجيم فكلما استعذتي منه يتصاغر وأنت تعلمين أن المقرب من الشياطبن لإبليس هو من فرق بين المرء وزوجه . وأنت ذكرت أن مابك هو عقدة من أفعال والدك فالرجال ليسوا سواء أيضا حاولي أن لا تحتك الشغالة بزوجك أوتقوم بخدمته مباشرة ليرتاح قلبك . فرج الله كربتك |
اقتباس:
هلا ياوخيتي .. الله يفرج عليك ويرفع عنك.. أختي أنا قرأت مشكلتكِ ...كأنكِ تتكلمين عني أنا...من الشك والغيرة الذي ذبحتني وضيق علي عيشتي مع زوجي اللي مافي منه أثنين يحبني ويحترمني .. ...وهذا الغيرة الذي ورثتها من أمي ..هذا من الله الحمد لله ....حبيبتي ترى أبوي طفر من أمي والسبب غيرتها الجنوينة وشكوكها اللي مالها معنى وأحنا نحسب أنو أبوي ظالمن أمي ..وهو لا..ضيقت أمي عليها وأحنا صغار ماندري ويش يشون في مع بعض في غرفة النوم وشيتكلمون فيه ....وتخلينا نراقبوه وأحنا صغيرين مثلك ....بس أنا رحت حقق طبيبة أخصائية نفسية ماأبغى زوجي يطفر مني مثل أبوي طفر وزهق من أمي ..وقالت لي نفس كلام أختنا صائمة لله ...أعتقد أن أختنا جزاها الله خير ...هذا إختصاصها ..وأنت ماعجبتك ..!! صراحتها ....ترى هذا الواقع ....حبيبتي خذيها نصيحة مني إذا ماقدرت تتغلبين على غيرتك ..روحي إلى أخصائية مثلي وأنا الآن الحمد لله والشكر له الغيرة راحت عني وبقي فيني المعدل الطبيعي ......وإذا ماسمعت كلامها الأخت صائمة لله وأعترفت في قرارة نفسك أنهو طبع مورث من أمك ..آخرتها تمرضين بالسكر والضغط..والكرسترول ..مثل أمي الله يشفيها ....ويخليها لنا .. ولكن إذا أعترفت أنهو ورثتي طبع أمك ...ورسولنا الكريم يقول الطبع يالتطبع والحلم بالتحلم .... بتخفين وبتغيرين طبعك وبتروح منك كل ألم وعذاب الغيرة ...أختي أقول لك عن تجربة ....الله يتتم علي ويساعدكِ على نفسك وتتغلبين على غيرتك المرضية بإذن الله....أختي أقوله بصراحة لك لكن لاتزعلين مني ..لازم تعترفين بغيرتك الموروثة علشان تطيبين ..هذا اللي قلت لي الأخصائية مثل أختنا صائمة لله جزاها الله خير ....الله يساعد على نفسك.. |
صبا نجد
الله يجزاك خير ياقلبي والله وماقصرتي ضي وفي ياقلبي صدقيني مو اوهام انا ادرى بنفسي وبالعكس انا مازعلت من كلام اختي صائمه لالالا ابد انا بينت لها اني مو متوهمه لاني شفت بعيوني اشياااااء كثيره ماتذكر لاحظي (شفت بعيوني) يعني مو شكوك |
أختي
والله ثم والله ثم والله الذي لا إله الا هو أن هالحالات نادره جدا جدا في مجتمعنا لا تحكمي على ماتقرئينه في المنتديات فمهما كان العدد فهي تعتبر حالات نادره ياأختي أنا عمري 35 سنه ولم أسمع عن متزوج يتحرش بالخادمه في حياتي كلها الا عن شخص واحده فقط والسبب يعود لأن هذا الرجل إيمانه قليل ورجل يحب الجنس بصوره غير طبيعيه . |
اخي رومانسي
صدقتك والله 000000 بس انا اليوم مرررره متضايقه مرررررره مرررررررره واحس ان وضعي متازم وكانكم تنفخون بقربه مقطوعه انا حسيت هالشغاله عيونها زايغه وتدور على شي هي صغيره عمرها 22 وبس عيونها علينا كل مامرت كانها تدور على شي ياحلاوه000 على فكره انا اقعد عند اهل زوجي اكثر من زوجي واشوفها انا اكثر منه وهو بس يروح يتغدا ويرجع فلتنا واذا بغى يشوف امه لازم يكلم قبل مايروح علشان سلفتي(مرة اخوه) يعمل حسابها ومايقدر يروح كذا بس ااااااااخ تعبت من يوم شفتها اليوم قهرتني مره بس طايره عيونها ونظراتها تجيب الهم واقول لام زوجي عنها تقول مسكينه جديده والادهى تقول للشغالات انا تعبانه ماابغى اشتغل هنا والشغاله الثانيه تقول يمكن علشان هي ماتشوف رجال تقصد السواق00لانه بعيييد عنهم ادري تعبتكم معاي بس وضعي مزززززززززمن والله يعيني على مابلاني الظاهر مالي حل |
صدقيني غلطانه يا اختي سمو الذات
مشكلتك لها حل وحلها سهل جدا وتأكدي انها ما ضاقت ألا لتفرج عليك وربي جايب لك هالمشكله عشان تحلي مشكلتك مع نفسك وتزيد ثقتك بنفسك حيل أصابع يدك يا أختى مو سوا والرجال والله مو هم سوا وانتي عارفه هالشي بس انتي حكمتي على زوجك .. انه ماله بالهسواالف وبعدين الرجال ما يروح للي تبيه .. يروح للي هو يبيها .. واهو جاك انتي بالحلال يعني يبيك انتي أختي سموة الذات شيلي هالأفكار السوده من راسك وخليك متفائله واحمدي ربك انه رزقك بزوج مثل زوجك لان الازواج أللي مثل زوجك نادر بالحيييييييييييييييييييل صدقيني لعل والدك كان بالماضي يعاني من مشاكل نفسيه وشهوته فوق المعقول عشان كذا كان يروح لشغالات ما احد يعلم ألا الله ثم أهو أنتي شفتي بعينك اخلاق ابوك .. وشفتي كمان اخلاق زوجك سؤال واحد بس هل اخلاق أبوك مثل اخلاق زوجك لو كانت اجابتك لا فلماذا يا أختي هذا التفكير كله الموضوع سهل بس انتي مصعبته حييييييييييييييييييييييييييييييييييل الله يفتح عليك وينور لك أللي في بالك وانا متابع معك حتى تنحل مشكلتك وتعيدي الثقة في نفسك وتأكدي أنك أقوى من كذا بكثير لانك من جد اقوى من كذا أتمنى لك التوفيق والسعاده مع زوجك |
| الساعة الآن 04:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©