|
ادعي له بالهدايه دعاء الوالدين على ولدهم مستجاب
مع مراقبته وتعليمه بيني له عقوبة الي يسويه والامراض الي تصير للشواذ وخليه يشوف صور مرضى الايدز الي ينتقل عن طريق الشواذ |
انا بتكلم بشكل عام ..
اذا ولدك عمر من 13 - 18 واعتقد انه مايتعدى 16 هذا امره سهل ! هو مايعتبر شي طبيعي ... لكن في نفس الوقت ماهو شي خطير .. لانه في البدايه .. وهو تاثر بالي معه وحوله .. (( وللاسف الشديد ان الامور هذي منتشره عندنا بشكل كبير .. واول مايتعلمونها اولادنا من المدرسه ! )) والناس تستغله لصغر سنه واعتقد لجماله .. لاتستعملين معه اسلوب العنف والضرب .. لانه راح يسوي الحاجات هذي انتقام منك ومن اسلوبك معه .. هو صغير وطايش ومايحسب عواقب الامور ... وتعرض لاستغلال .. حاولي تقوين شخصيته وتفهمينه انه رجال ماينزل نفسه للامور هذي ... خلوه يتحمل مسؤليات في البيت ويحس بقيمته .. وينشغل عن الي يمشي معهم .. واهم شي تبعدونه عن اصدقائه الي في الحي .. والاصدقاء لهم تاثير كبير .. خليه يمشي مع اقربائه ... او سجلوه في مركز صيفي في الاجازه يتعرف على ناس محترمين .. وعامليه باسلوب لطيف .. لان الي يمارس الحاجات هذي يحس بعقدة الذنب مهما كان .. استغلي الشي هذا وخوفيه من ربه وان فعله عظيم .. وان باب التوبه مفتوح .. قولي له انا امك وانا اخاف عليك ولا ابي الناس تستغلك وتضحك عليك ... وانت رجال .. والرجال مايناظر ورى .. وهذا شي فات ومات .. وخلوه يداوم على الصلاة ... علموه ان الي يسوون الحاجات هذي له .. يضحكون عليه في مجالسهم الخاصه ويفتخرون بالي سووه فيه .. وانهم يحتقرونه ... وومكن يضرونه او يصورونه ويسببون له مشاكل .. ( هذا اهم شي .. وهو مع الوقت واحتكاكه بالناس بيدري بعدين ان الي يسويه غلط وبيكره الممارسات الشاذه واهلها ) قولوا له انت بتتزوج بعدين ... والان ندور لك .. ومن تبي ( امزحوا معه ) الكلام هذا يخليه يرجع لفطرته ... ويخليه يكره ممارساته الشاذه .. وان فيه امراض كثيره تنتقل بالممارسات هذي .. اهم شي تخلين المراقبه عنده ذاتيه من نفسه .. لانه ماراح يمنعه شي .. وراح يكبتها في نفسه .. ويرجع لها اذا كبر .. وغالبا الحالات هذي في النهايه لما يكبر يفهم الوضع ويعرف الي يصير حوله ... تكون مثل الازمه وعدت .. ويترك السلوكيات هذي .. لانه كان صغير ومايدري باللي حوله .. وهذي غلطة الاهل انهم مانبهوه او فهموه قبل .. انا انصح بالاخصائي النفسي اذا ظهرت عليه بعض التصرفات مثل :. الميوعه الزايده في الكلام او لبسه ملابس بناتيه وتقليد البنت في حركاتها ومشيتها .. وطريقته في الكلام .. هنا لابد من العلاج النفسي .. (( وانا من قرائتي لموضوعك .. مع انك تقولين فيه ميوعه شوي .. لكن ماتوقع انه وصل المرحله هذي لانه يكون في موقف الفاعل والمفعول .. )) واهم شي انك تهدين نفسك شوي اشوفك تقولين ان اكرهه ولا ابي اشوفه (( مع ان الواقع انك تخافين عليه .. وودك تشوفينه احسن واحد .. لكنك في حالة غضب )) وان شالله سلوكه يتعدل وتكون هذي فتره وتعدي .. وانا لي تجربه في الامور هذي .. وعلشان كذا كثرت في الكلام .. وافكاري غير مرتبه .. واسف للأطاله ... |
الله يفرج همك ويهدي ولدك ويبعد عنه -ا-ص---ح----اب ا-لسوء ويحمي اولادنا من كل شر جميع اولاد المسلمين الله يساعدك وابتعدي عن الضرب خلي ابوه يتقرب منه اكثر
|
لاحول ولاقوة الا بالله
حاولوا معه بالنصح اختي مو بالسااااطور حسبي الله ونعم الوكيل على من تسبب في شذوذه وكان الله في عونكم لو تبعدوا عن هذي الحاره الفاسده احسن |
اقتباس:
بحكم اني ام من 22 سنه كلام الاخ www15 سليم جدا هو ما زال صغير ...احتوية ... زيدي جرعة الحنان والحب كوني له مثل الصديقة لا تذكرية بما مضى ...زيدي ثقته من نفسة احرصي جدا على ان لا يخرج الى مكان لا تعلمينه واحرصي اكثر على ان لا يختلط بهؤلا الاولاد ... وربي يحفظ ابنك من كل شر تحياتي |
ما أقول ألا الله يهديه
اخواني وفوا وكفوا في الردود أنا ارى فكرة المرشد حلوه وادعي له بالهدايه بس أنصحك يا أختى أهو الحين محتاجك أكثر من قبل لا تخيبي ضنه أهو يبي تساعدونه مو تطقونه ولا تضربونه أحتويه بحنانك .. أنسي كل شي .. وأبدي معه صفحه جديده وأعطيه ثقته بنفسه وجدديها أوقفي معه بالنصح أنتي كذا تزيدي الطين بله بالضرب والبصق وهالكلام أرجوك يا أختي احتويه بحنانك هل تعرفي ايش يعني احتويه بحنانك أهو أصلا يدور على الحنان في حركاته هذي وأنتي تحرميه منه .. بحرمانك يروح ويزيد اتمنى لك التوفيق |
اختي ..
كلنا نريد انقاذ هذا المراهق من شر نفسه ..فلا تيأسي عليك بالبحث عن شخص كفوء من حفظة القرآن ممن يعرف عن الورع والصلاح .. ممن يرأس مراكز صيفيه دينيه.. واشكي اليه ابنك . .. هذه المراكز تأخذ الشباب في رحله في ربوع المملكه .. وتخالطهم بالشباب الصالحين المتقيين ..وتشغلهم بأعمال الخير في ارجاء البلاد .. وتعلمهم امور دينهم .. ومخالطة الأخيار افضل علاج .. ارجو من اعضاء وزوار المنتدى ان يفيدونا عن بعض المراكز الصيفيه التي تعرف بالسمعه الطيبه ... |
كان الله في عونك والاعضاء ماشاء الله ماقصروا وكل كلامهم صحيح 100% وانا ماراح ازيد على كلامهم شي بس تاكدي اني بدعي لك بعد الصلاه وكل وقت اتذكرك ان الله يهدي لك ابنك ويزيل همك ويفرج كربتك ويحفظ ابني وبنتي وكل ابناء المسلمين من كل شر وكان الله في عونك
|
جزاكم الله خير على كلامكم الطيب وان شاء الله اجركم عند الله والله يبعد اولادكم وبناتكم واولاد المسلمين جميعآ من شرور انفسهم ويهديهم ويصلحهم ويجنبهم كيد الكائدييين للاسلام والمسلمييين
اما الميوعه اللي في ولدي مرات الاحظ حركاته مافيه شده اما انه يحب يلبس ملابس البنات ولا يسوي شي لا الله المستعان احنا اسره وعائله لايمكن يوصل حالنا الى هذا الحال والله يهدي اولادنا ويبعد عنهم الحرب الفكريه اللي تشنها علينا الدول الغربيه واسرائيل والله انها حرب داخلين علينا ببرامجنا واعلاناتنا وحتى العاب الاولاد الا وتشوف فيها شي يخدش الحياء مانقول الا حسبنا الله ونعم الوكيل وبارك الله فيكم وفي اولادكم واهلكم ومالكم وجزاكم الله خير |
السلام عليكم ورحمة
كيفك اختي ام مهمومة خبرينا اخبارك مع ولدك ؟ بدأتي معاه بالنصائح اللي ذكرناها لك ؟ |
| الساعة الآن 08:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©