أشمعنه الغريب يكسرون ظهرة مسكين :25:

مثل مابيقولون أنا وأخوي على أبن عمي وأنا وأبن عمي على الغريب:26:

اختي شذرات النور هذا نوع من التصعيب على الغريب اذا انه شاري البنت او لا وكذلك لانه لازم تجهز نفسها اكثر لانها رايحه لناس غرب ولكن يتدخل احد الاقارب من كبار السن ليقلل المهر وتسمى قهوة العريس واهله

يازين ديرتنا بس :)
المهر 40000 ريال سعودي ومعناته تكاليف الفرحة (القاعة) عادية
أما إذا اعطيتهم 50000 ريال سعودي معناته نبغى العرس بقاعة محترمة

وغيره ماعندنا لاشبكة ولاشيء لان عاداتنا كذا, يعني البنت تشري ذهب من مهرها

وسلامتكم

-

المهر = 75 الف درهم

2- الشبكة = 30 الف درهم

2- تاثيث الشقة من اول و جديد يعني بوية سيراميك اواني منزلية مكيفات .... الخ = ما عندي علم

3- القصر + العشاء و مستلزماته = 80 الف درهم

4- ميزانية شهر العسل 16 الف درهم=

والله انا عرسي كان مكلف.. لكن انا ماتشرطت ولا اهلي بعد .. كل شي كان من عند اهل زوجي

الشبكة ب 80 الف درهم اماراتي
فستان عرسي ب 38 الف درهم
مهري كان 150 الف درهم
جابولي هدايا في الملكه .. بس مادري بكم ..
عرسي القاعة مع العشاء: 500 الف درهم

وشو هذا يأم وداد!!!
هل تعلمين أنه ورد عن رسولنا عليه الصلاة والسلام في النساء قوله (أقلهن مهوراً أكثرهنَ بركة) من ارادت ان تطرح البركة في حياتها الزوجية فلتقلل من مهرها فكيف بباقي المصاريف من شبكة وقاعه وفستان!!

كل الغلا والله انا مالي دخل.. كله منهم هم .. والله ولا طلبنا.. اصلا انا ماكنت ابي هذا كله ..

انا كل الي ابيه .. زوج يحبني واحبه ..

الزواج المكلف مافي بركه وهذا الي صار ماحس اني توفقت مع اني والله ماتشرطت .. والله والله ولا حتى اهلي ماتشرطوا.. كله منهم

1- المهر = 100,000 مية الف ريل

2- الشبكة = 4300

2- تاثيث الشقة من اول و جديد يعني بوية سيراميك اواني منزلية مكيفات .... الخ الخ =
مااسويت شقه بنيت بيت كلفني البيت مع التاثيث مليونين ونص
يعني بالكثير 3 مليون

3- القصر + العشاء و مستلزماته = ماادي هالامرو الوالده اهتمت فيها

4- ميزانية شهر العسل =
كانت عاديه يعني صرفت بس 20 الف ريال سعودي

الحمد الله على كل حال
قل اعوذ برب الفلق

كل واحد يقرى ردي لو سمحتوا لا يقول بل قوالوا مااشاء الله هههه

مهور قطرين غاليه

موضوع حلو يخلينا نتعرف على اعراس وتكاليفها في دول العربيه ،، انا بتكلم عن تكاليف العرس الكويتي ،،

بس ما اعرف احطه بريال السعودي :)


- المهر :

عندنا بالكويت المهر يختلف فمثلا عندنا العوايل الحضر تكون مهورهم تتراوح بين (3000دينار كويتي) او في بعض القبائل وحدت المهور علشان ما تكون مغالاه في مهور فاصبحت (5000دينار كويتي) والفئه الاخرى وهي (قبائل+وعوايل) تكون المهور تتراح بين (6000 دينار الى 8000 دينار كويتي )
المهور بالكويت غاليه نوعا ما ،،وللعلم ان اهل العروس لا يحددون المهر (في غالبية الاوقات) وانما التحديد يكون من اهل العريس ويحدد ماهو متعارف عليه ،، و
الحكومه الكويتيه تساعد الشاب الكويتي في توفير المهر باعطاءه قرض الزواج الميسر + 2000 دينار من الحكومه كهديه زواج ،،:22:

2- الشبكة =

يختلف في الكويت في تقديم الشبكه ، عندنا عوايل الحضر معظمها يلتزم بتقديم شبكه لاهل العروس ، بينما القبائل الكوتيه ترفع من قيمة المهر كتعويض عن الشبكه ،،


2- تاثيث الشقة من اول و جديد يعني بوية سيراميك اواني منزلية مكيفات .... الخ الخ =

والله الاغلبيه اما يسكن في بشقه في بيت اهله او يطلع بشقه هو وزوجته ،، والحكومه تصرف له بدل ايجار

150 دينار كويتي يعني الايجار على الحكومه ،، الى ان يصل دوره في وزارة الاسكان وتوفر له الحكومه سكن خاص له ولزوجته ،،

التاثيث غالبا ما يكون الزوج متكفل فيه واحيانا يكون لزوجه دور فيه ،، والبيت الكويتي عادة يأخذ الطابع الغربي في تصميم خاصه المعاريس الجدد،، يعني يتكون البيت الصغير من 3غرف ومطبخ تحضيري وحمامين على الاقل ،،





3- القصر + العشاء و مستلزماته =

اغلب الكويتين يستاجرون قصر الافراح والمنتشره في جميع مناطق الكويت وباسعار متفاوته هناك الغالي والمتوسط والرخيص ،،

الغالي يتراوح بين 2500 الى 5000 دينار ،، والمتوسط 1500 الى 2000 دينار ،، والرخيص 1000 دينار

البوفيه تتراوح اسعاره بحسب اعداد المعازيم ،،


4- ميزانية شهر العسل =

ميزانية شهر العسل تحدد من قبل العريس بحسب ما يقدر عليه ،، واحيان كثيره ما يكون هناك شهر عسل بمعنى شهر كامل بسبب التزام المعرس والعروس بوظائفهم ،، او عدم قدره المعرس تحمل تكاليف شهر العسل ،، فيكتفي بكم يوم يقضيها باحد بلدان القريبه او انه يقضيها في احد الشاليهات بدولة الكويت ،،


شاكره لك الموضوع الممتع ،،