منتدى عالم الأسرة والمجتمع - زوجي يبي يطلقني ومالقى سبب مقنع

صفحة 5 من 7

عرض 40 مشاركات من هذا الموضوع لكل صفحة

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - زوجي يبي يطلقني ومالقى سبب مقنع (http://www.66n.com/forums/showthread.php?t=139292)

من بنات آدم

25-08-2007 02:35 AM

اقتباس:

المشاركة الأصلية كتبت بواسطة الوليد

الأخت الفاضلة ...

عامليه بنقيض قصده حاولي تغيير حياتك معه للأفضل , أحرجيه بكرم أخلاقك وتفانيك في حياتك معه, جربي هذه مدة, لا تجعليه يراك إلا كما تحبين أن تريه واصبري في ذلك وسترين نتيجته.. لأنه كما يبدو يعيش صراع نفسي يجعله يعتقد أنك لم تقومي بواجبك أو أن غيرك قد يكون أفضل منك,, ولكن اعكسي ظنه ...

جزاك الله عني الف خير

سأعمل بنصائحك واتمنى ان اجد نتيجه طيبه

من بنات آدم

25-08-2007 02:36 AM

اقتباس:

المشاركة الأصلية كتبت بواسطة نور الغدير 2006

ياربي ليش فيه رجال كذا

حسبي الله ونعم الوكيل

ليش وش شايف فيها زود وفوق هذا حافي ومنتف

اقول خدي محلك ولا تعطيه اياه ناس يبي لها ضرب وتاديب

وعيشي حياتك طبيعيه واذا بيتزوج باللي ما يرده بس خليه هو اللي يطلق مو انتي اللي تطلبي

الله يهديه ويكره المحروسه فيه ويشينه بعينها

جعلها ماتشوف فيه شي عدل

جزاك الله خير حبيبتي

! عروب !

25-08-2007 02:36 AM

حبيبتي تصرفي باي طريقة وخذي محلك لان حقكك وترى مثل مافهمت من كلامك هو ناوي على الطلاق فالافضل تسرعي باخذه على الاقل ماتطلعي من المولد بلاحمص

شوفي انا كنت صغيرة يوم تزوجت وبعد زواجي بسنة توفى ابوي ورثت من ابوي عمائر وعقارات تخيلي بسبب صغر سني ايامها 19 وجهلي سويت له توكيل قلت زوجي وفلوسي وفلوسه واحد قام سرق علي عمائر وارضي للحين ماقدرت ارجعها لان القانون لايحمي المغفلين ولابعد ماسرقها طلقني ..

من بنات آدم

25-08-2007 02:37 AM

اقتباس:

المشاركة الأصلية كتبت بواسطة نيناريتشي

الله يصبرك والله قطعتي قلبي عليك طيب تاكدي يمكن مافي احد في حياته ممكن ظروف نفسيه

ونصيحه مني لاتتركي بيتك وزوجك لاتتخلي ابد عن شي يخصك وصدقيني مافيه في الحب شي اسمه

كرامه معليه حبيبتي تحملي واصبري وخلك قويه عشان اولادك وعشان ترجعين زوجك لك وصدقيني راح

يجي يوم وزوجك يصحى ويرجع لك لكن انتي ردي عليه برد طيب خليه ينحرج منك لاتعطينه اي سبب عشان

يطلقك تكفين ارجوك الا الطلاق

وعليك بالدعاء وماتضيق الا وعند ربك الفرج وربي ماراح ينساك وانتي تذكرينه

اهتمي بنفسك حبيبتي وطمنينا عن خر اخبارك قلبي معك

اختك نينا ريتشي

اهلا اختي

انا متأكده انها موجوده بحياته ويفكر فيها الى الان

وعندي احساس انه مازال يحادثها الى الان

من بنات آدم

25-08-2007 02:39 AM

اقتباس:

المشاركة الأصلية كتبت بواسطة ! عروب !

لاحول ولا قوة الا بالله

الله يعوضك خير اختي

بس في نظرك ماهوا الاسلوب الامثل لمفاتحته في هذا الموضوع ؟

! عروب !

25-08-2007 02:44 AM

ياختي مدري وش هو الاسلوب الافضل صراحة مع زوجك

بس حاولي على الاقل تكتبي ورقة بينك وبين زوجك ويكون اخوانه واهله شهود ان راس المال انتي اللي دفعتيه على الاقل بيي المحل ياخذه بس يرجعلك راس المال ولازم تاخذين اصل او صورة من الورقة .. بكذا تطلعي باقل الخسائر وهو راس مالك ..

نيناريتشي

25-08-2007 02:57 AM

معليه ياقلبي تحملي واسمعي نصيحه عروب عشان اذا صار مافي امل يتعدل

تطلعين باقل الخسائر

أم يـزن

25-08-2007 03:39 AM

الله يكون بعونك اختي

وعليك بالدعاء

oOعبير الرياضOo

25-08-2007 03:50 AM

تنازلتي عن نصيبك في الميراث له !!!

الله يهديك بس

غلا جلاجل

25-08-2007 04:20 AM

الله يعوض صبرك خير لاتخافين فيه رب اسمه الكريم ومن طلب الله ماخاب عليك اختي بالدعاء هوسلاح المؤمنين كثري منه وعايك بالاستغفار والله يكتب لك الي فيه الخير
وبعدين المحل مادامك كتبتيه باسمه حاليا لاتفتحين الموضوع لان الوضع عندك متوتر فيبي يلقى له عذر يطلق فيه
اختى بيتك لاتتنازلين عنه وتقدمينه على طبق من فضه للمحروسه وله
اهم شي عيالك تمسكي فيهم وحقوقك خذيها كامله منه ومكمله واجلسي ببيتك ترى الاهل مايدومون لك صدقي خصوصا اذا عندك اطفال صدقي مالهم غير بيتهم
الله يعطيك على قد صبرك ويرد لك زوجك ردا جميلا ويهديه ويصرف النظر مررررررررررررررره عن الزواج الله كريم كثري الدعاء والباقي على الله الله يجعلك دررررررررررررررررررررررررررره في قلبه ولايفكر بغيرك اللهم ااااامين اللهم استجب دعائي بالساعه المباركه مع الاذان
اللهم ااامين االله يخليلك عيالك ويصخر زوجك لك موفقه اختي ان شاء الله

الساعة الآن 12:52 PM.

صفحة 5 من 7

عرض 40 مشاركات من هذا الموضوع لكل صفحة