|
اخ بندر بالنسبه للمراه الي صبرت الله يجزاها خير يمكن ظروفها ساعدتها
اخ ندر هل سكنت معها بنفس البيت وتعرف وضعها؟؟؟؟؟؟؟؟؟؟؟؟ وانا شخصيا اعرف كثير صبروا واعرف كمان امكانيتهم وظروفهن وحده اعرفها ساكنه قريب من اهلها واخوانها بس يدورون عليها يعني حامينها ولو احساس نفسي لها ووحده ثانيه ام زوجها عندها بالبيت وهو مركزه مرموق وراتبه كبير ووحده عجوز ماتزور اخوانها الا نادرا جدا لكن الكل ملاحظ ان اذا انتقل اخوها لحي جديد بعده بكم يوم انتقلت هي وزوجها لنفس الحي مع انها ماتزور بيت اخوها وبعد سنين اكتشفوا العالم ان زوجها يشرب يعني عندها من يحسسها بالامان انا وضعي غير سكنت مدينه جديده ماالي اي قريب فيها ولاشفت طليقي او اهله الا ليله الدخله وكان مايحب المدينه الي ساكنين فيها اهلي يعني كانه يقول لي لاتحلمين تشوفيهم مره ثانيه واهله مشتتين ولا احد منهم له سلطه او كلمه على الثاني والمشكله الكبرى اهلي مايساعدون ابد عندهم مبدا البنت طلعت من البيت مع زوجها خلاص كيفه فيها لو يحرقها ولما اعترضت وفهمتهم الوضع كان موقفهم سلبي يعني كانهم يقولون هذي حياتك نتي قرري وتحملي لوحدك هالقرار كل هذا مع العلم اني مااخترته ولا احد اخذ رايي فيه الله المستعان الخلاصه اخي الكريم كل شخص له ظروفه وقدرات وبالنسبه لزوج المراه مارجع لها الا لانه احتاج لهاولعيالها |
الله يعطيك العافيه اخوي بندر على تشجيعك لي في اني اسامح زوجي وبصراحه المسامحه من طبعي
واحب اعطي فرص الى مالا نهايه بس اكتشفت انه مايستاهل وعلى قوله الاخوات من باعنا بعناه وكفايه اللي راح من كرامتي والله اقولها وقلبي يتقطع اني اتخذت قرار زي كذا بس اتوقع انه هو الصح عشان اقدر اعيش في حياتي صعب اعيش الاحق سراب وواحد باعني برخيص الله يسامحه |
حبيبتي نيناريتشي من سلا عنك فاسله ..لك في الناس مثله لاتقل لم او كيف ...او ما اوعسى فالعسى يعقد الهوى .. والتأسي يحله كل حب اذا انقضى بعضه ..هان كله |
ريشة فنان قلبي بموت
ليتني اظل قويه دايم لكن وربي اضعف كثير وابكي وبحرقه ماتوقعته يوم يبيع اللي بينا ماتوقعته قاسي وحقود لهالدرجه تدرين لماانفصلنا كلمني وقلت له ظلمتني قال اذا انا ظلمتك الله يحرمني الغاليه ( امه) ومن بعدها والغاليه تعبانه وتوفت من اسبوعين وراحت الغاليه وتركتني تدرين ماحس بتانيب الضمير انه دعا عليها حتى لما سال اخته وش موصيه عليه الوالده قالت له موصيه ترجع زوجتك ماوجعه قلبه ولاحاول يرجعني حتى عشانها مدري من وين جاه هالقلب مع انه دايم يقول لي لاتضيعين وقت في زعل وفراق يمكن يجي يوم وتفقدين هالشخص وتندمين انك زعلتيه وماارضيتيه وماكنتي قريبه جنبه اخر ايامه كيف والشخص هذا امه راحت وهي شايله في خاطرها عليه راحت تتمنى يرجع لي ماتت بحسرتها علي وعلى ولدها مافكر لحظه في دعوته عليها والله اكتب موشايفه من البكي هدم حياتي الله يسامحه |
ريشة فنان : جزيت خيراً وبوركتي إينما حللتي
منتظره فرج ربها : ربما يكون ماحل بك يكون إبتلاء من رب العالمين ليرى صبرك وعليك باللجوء ألى رب العزه والجلال فمن كان حسيبه الله ناصره فلن يستطيع من على البسيطه أن يضروه قال تعالى( ويمكرون ويمكرالله والله خير الماكرين) الآية ربي يفرج همك ويزيل كربتك وعليك بقيام الليل ففيه من السهر مالا يعلمه سوى كبار السن ولكن الشباب يستعجلون الفرج من أول مرره يقومون بها للتهجد |
نيناريتشي : وفقك الله
صدقيني الرجل يحاول يقاوم ويظهر بشكل لايعبر عن واقعه فقد تجدينه داخل قلبه يحترق ويتألم ولكن لايحاول يبين لأحد حتى أقرب الناس له حتى لايبدو ضعيفاً حتى أن أحد أعمامي عندما مرض رفض أن يعرف أحد عن مرضه ويعتبر المرض عيباً لايريد شفقه ولايريد أن يراه أحد بعين الشفقه وهذا هو حال الرجل الشرقي يخجل أن يضعف أمام المرأة ويحاول أن يبدو أمامها بكامل جبروته وهو في الأول والأخير إنسان وله مشاعر وربما أنه صادق في حلفه ووفاة أمه ليس لها علاقه بذلك فهي في علم الغيب والآن هي عند ربها وتحتاج لدعاءك وتصدقك عنها كونها أحبتك مثل أبنتها ولاتستعجلي فربما يراجع نفسه في ليلة حالكه ويسترجع ذكرياته وأخطاءه ويغير سلوكه والله قادر جل شأنه أن يبدل حال بحال بين عشية وضحاها أدعي ربك وحاولي السؤال عن أهله وكوني طيبه وعلى فطرتك ولاتصطنعين ماليس لك وتصرفي بما يمليه ضميرك وأجعلي مستشارك قلبك وماتربيت عليه لاتجعلي مستشارك الآخرين فقد يغرقونك بمشورتهم ولو من باب الحب فمن الحب ماقتل والسلام عليكم |
الله يعطيك العافيه اخوي بندر عالنصايح لكن هو من صارت المشكله وهو يدعي عليها
وبعدين من جد الكبرياء في مواقف مثل كذا ماينفع وش اللي هدم حياتي انا معاه غير كبرياءه وقرارته اللي مايقدر يتنازل عنها لما يصحى حضرته ويفكر يرجع لي يمكن يكون الاوان فات ليه بنتظره طول حياتي انت ماتدري كيف تنازلت وقلت في الحب مافيه كرامه وهذا زوجي وحبيبي ولازم ارجعه لكن كان يصدني باقوى ماعنده واستمر احاول تعبت ماابي افقد الامل برجعته لاني بالفعل احبه لكن تعبت واخاف اني الاحق سراب وبالنسبه لأهله مستحيل اقطعهم هذول بنات عمي قبل كل شي وغير كذا وقفو معي وحبوني وامه الله يرحمها كانت تحبني كثير وانا بعد بندر مو ممكن قلبي يضيعني لو طاوعته لاني لو بطاوعه بلأحق زوجي للابد |
اخي بندر الشوق أعتذر عن سوء الفهم.. ان كان فهمي فعلا خطأ..!
اختي نينا ريتشي.. الحقيقة انني تألمت لحروفك واستشعرت مدى الحزن الذي يجيش بخاطرك.. وفعلا اختي ربما تعانين الآن ألم الفراق لكن.. بعد زمن حين يلتئم الجرح وتعيشين حياة جديدة تستشعرين لذتها ستفرحين انك احتفظت بكرامتك! اعذريني حاولت الإصلاح وحاولت أمه ولازال متعلقا بالرفض! ماذا يراد من حياةٍ معه! لو كان في قلبه بقية ضمير لحاول ولو شكليا! لكن من الواضح ان قلبه قد غُسل! فنسيانه أولى من التفكير في المراجعة .. ولو حاول! فقد أثبتت الأيام ان شخصا كهذا البعد عنه مكسب! وانت تملكين الكثير وستجيدن في المستقبل ما يغنيك بإذن الله تحياتي |
منتظرة فرج ربها
شكر لكلامك والله انتي تريحيني بس اه و اه يليت اني اقدر ادخلك عندها وتعرفين وش بمخها كان تمام هي ماتبي تقابليني بالمرة يعني ولا فيه امل واذا دقيت عليها تعطيني الخامس بصراحة انا بنهبل ما ادري وش مكرهها فيني |
اقتباس:
وانا اخوك القساوة هاذي ناتجه عن امور محتمل بعده عن الله سبحانة وتعالى محتمل فيه مس او جان محتمل منضول والحل سهام الليل لا تخطي |
| الساعة الآن 10:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©