|
اقتباس:
الزواج نعمه و استقرار وليس شر |
كله الا ده
يا غموض السنين توني اقول عنك ما شاء الله ماخذتها ببساطه و ما معقده الدنيا تعرفي الي اتعجب له انك مره تقولي عن كلام المتزوجات في انانيه انه الزواج يتعب و مره ليش تدعولنا طب حليها لي لاني ما اعرف بس ارضاء الناس غايه لن تنال تعرفي ليش يقولو للي ما متزوجات هالكلام لانه اتعودو و من همه بنات يشتكو من همه وصغار يريدون الفستان و اللعبه و اذا ما اشتروها الهم اهلهم اشتكو كبروا يريدون يتزوجون و يشتكون ليش من يتزوجون ما يشتكون مو همه نفسهم الي كانو يشتكون ليش من يتزوجون ما يشتكون لازم يلقون لهم شي يشتكون منه و اذا حملو هم يشتكون و اذا جاهم الطفل هم يشتكلون و اذا عجزو لازم يشتكون اكمل ولا تكملين انا اشوفها طبيعي انهم يشتكون الي موطبيعي انك ترفضين احد يدعي لك احنا بزمن الناس تستكثر تدعي فيه لاحد و بنظريه اذا مت ضمان لا نزل القطر اذا ما اتزوجت ولا حملت و لا اتهنيت ليش حتى تتهني و ادعيلك ولا اساعدك ولا حتى طالع بوجهك خليها الشكوى متبادله الي ما متزوجه تعتب علمتزوجه و المامتزوجه تعتب علمتزوجه ليش ما تشوفيلي عريس و اذا شفنا عريس يحطوه بمثقال ذهب و يحاسبوكي يا حبيبتي اعيد وا كرر ترى اذا اشتكينا احنا الي متزوجات من الي ما متزوجات خليني ساكته احسن الله يكتب الخير للجميع لجميع امه محمد |
سلاااااااام
شفتي غموووض جيت صفحتك ازروك زي مانتي تجي تزورينا... الموووهم يا ستي شوفي انا اكتشفت اكتشاف وكنت اشك في نفسي واقول يمكن يتهيالي لكن بعدين قريتها بكتاب علم نفس واتاكدت وقتها انه استنتاجي كان صح،، وهو انه الناس تتلذذ لما تشوف معاناة غيرها... يمكن اللي يسمعني يقول هذي معقده نفسيا لكن صدقيني لاحظي حواليك كل ما التفتي يمين او شمال ذكروك الناس بنقطة ضعفك او الموضوع اللي شاغلك وهامك..ممكن نقول بعضهم من باب المحبه (هذا نادر) لكن الاغلب يعملها عشان يغذي اللذه الي بداخله لما يشوف معاناة غيره.. المشكله انه الكتاب كبير ودي اجيبلك بالضبط الدكتور ايش قال في الموضوع هذا بس متاكده انه مارح القاه. عن نفسي عمري ما قلت لاحد احسنلك لا تتزوجي والزواج غمه او لما اشوف بنت نفسها تتزوج اقعد انتقدها او الومها.. الزواج نعمه ولو ماكان نعمه ماكان ذكر في القران على انه جانب مضيء في الحياة الدنيا لو كان مو نعمه كان اعتبره القران على انه بلاء زي المرض كيف ذكر بالقران.. لكن (بعض) الناس فعلا نصيبهم يكون سيء فتلقيهم يا اما صبروا على ماهم عليه او طالبو بالطلاق.. سبحان الله وضعك يا غموض زي وضعنا في صفحتنا اللي تزورينا فيها لكن الاختلاف بالوضع الاجتماعي فقط لكن المواقف وحده والفكره في المضايقه ونظرة الشفقه واللقافه واللوم هي وحده ..فاهمتني انتي انا ايش اقصد بالضبط؟ فيه بيت شعر شفته هنا في المنتدى وعجبني حابه اقولك اياه لانه جدا اثر فيني وهو: سأصبر حتى يمل الصبر من صبري........سأصبر حتى يحكم الله في أمري في امان الله |
حبيبي غمووووض
انا تري نفسج بعد واتمني اتزووج ... لكن موكله امري لله سبحااانه ... مرات الكل يقووولي الزواج تعب وهم وشلك في عووار الراس خلك بيت اهلك مرتاحه .. وهم في بعض الأحيان صادقين ومرات اواسيهن الأنه صدق يمروون في مشاكل وعوار راس تري هذا الحيااه مافي حيااه حلووووووه .. لكن الحياه المتعبه والزوجيه لها طعاام خاااااااص عندنا نحن الغير متزوجات ..لوووووول عشان جذه انحب هاذي الحياااه ونشتاقلها كثييييير ... لا تفكرين وااايد عشان ماتتعبين نفسيا ... تري صدق يتعب .. انا قررت اني ما افكر ولا شي ولا اتعب عمري انا موكله امري لله وخلاااص وعليه بل دعاااء هذا اهم شي .. وان الله لا يخيب من دعاااه .. اسأل الله العظيم رب العرش العظيم ان يرزقك انتي و خواتك بل زووج الصااااااااااالح يارب واسمع عن خطبتكم اليوم قبل باااااااجر كلكم يااااااااااااااااااااااارب... |
اقتباس:
اعوذ بالله اسمحي لي كلامك قاسي ويدل على شوفة النفس حبتين ترى ربي رزقك نعمة الزوج قادر ان يسلبها منك الحرمة جالسة تحكي احاسيسة وانت قلبت الموضوع نكد وقولتك عملتين ماعملتين لا تقسين على حياتك لان في ناس كانو عايشين النكد والعذاب عند اهلهم ولما تزوجو حسو بطعم الحياة ولا عملتين ولاهم |
غموض ..
يعني فرضا فرضا وحدة انانية وقالت لك لا تتزوجين لأن الزواج هم ونكد ومشاكل .. بتكون هي سبب تأخرك في الزواج ..؟؟ أنا بس مستغربة إنتي كيف حللتي الموضوع على إنه ( أنانية من المتزوجات )؟؟ هي بس يمكن من اللي ذاقته تقول لك كذا .. إنتي ماراح تاخذين زوجها عشان هي تصير أنانية وتقول لك لا تتزوجين .. بصراحة هالكلمة ضايقتني والله .. أنا كم مرة قلت الزواج مافيه إلا النكد والمشاكل .. ماقلتها لأني ما أتمنى تتزوجون .. بس يمكن من باب إني أهون عليكم .. أو أبين لكم إن الزواج مو مثل ماتتخيلونه وتحلمون فيه وتتمنونه بكل هذه اللهفة .. لكن أبدا أبدا مانتمنى لكم تظلون بدون زواج .. بالعكس ندعي لكم من كل قلوبنا إنكم تتزوجون زوج ( صالح ) وتعيشون ( بسعادة ) وراحة بال .. مرة من فترة بسيطة كنت جالسة مع قريبة لزوجي .. وهي صديقة قريبة مني وكثير أفضفض لها همومي .. تقريبا عمرها 22 .. وكنت في ذاك اليوم في حالة صعبة .. وقمت أشتكي لها .. وهي من زمان تقول ماراح أتزوج ولا أفكر في الزواج .. فأنا في الحالة اللي كنت فيها نصحتها نصيحة .. وقلت لها ( تحملي تتزوجين ) .. مب أنانية مني .. ولكن خفت عليها من اللي أنا عايشة فيه .. وهي ردت علي .. ومن قال لج أصلا إني أفكر أتزوج .. أصلا أنا شايلة فكرة الزواج نهائيا لا ألحين ولا في المستقبل .. البنت ملكوا عليها يوم الخميس اللي فات .. فرحت لها كثييييييييييير .. ولما زرتها أبارك لها .. تقول لي وأنا أوقع على العقد تذكرت كلمتك .. أنا ضحكت .. وقلت لها الحمد لله إنك ما تأثرتي بنصيحتي .. إذا نصيبك جالك .. ماراح يغير كلام وحدة أو ثنتين من المتزوجات .. والله يوفقك .. |
يااخووووووووواتي وش فيكم قبيتوا فيني :29: :29:
انا قلت مو كل الحريم اغلبهم انانياااااااااااااات لاتزعلون هذي الحقيقه الى لازم الواحد يتقبلها الحين اذا كنتي جالسه مو وحدة حياتها ماشاء الله بمعنى الكلمه رائعه ومو بس انا اشهدلها اهلها وهي نفسها عند اهلها لكن اذا جلست عندك جلست تتحرطم لاتتزوجين لاتتزوجين بالله ايش تقوووووووووولون عنها وش فيكم كذا هذا وانا كاتبه الموضوع افضفض لكم مو تزيدون همي هم يعني بالله انا كتبت هالكلام ابغى اظلمك لا والله بس هذا الكلام مايحس فيه غير الى حست بااحساسي وشعوري يوم صديقتها والا قريبتها عيني عينك تلمح بالكلام وتجلس تتفلسف بالحياة الزوجيه يعنني عارفه كل شي وانتي ماتردين عن شي الحين حتى المزحه الى اول نمزحه عادي اذا احد قالهن شي قال حنا متزوجات خير وش صار يعني تزوجت ليش اول وحدة والا اخر وحدة تتزوج افهمووووووووووووا الموضوع لاتاخذونه من جانب واحد وهو الانانيه إقتباس: المشاركة الأصلية كتبت بواسطة shila di luna وليش الهجوم هذا عالمتزوجات... وايش تبينا نقول للانسات؟؟؟ ياحظك الشين اللي ما تزوجتي ترى الزواج مافي احلى منه؟؟؟ وشنو حيكون شعورك كان سمعت هالكلام... الله يعينك بس على نفسك :d ماقلت قوليلي شي الظاهر انا ماتكلمت عنك تكلمت عن اغلب المتزوجات :17: بس تدرين وش منرفزك وخلاك تردين هالرد لانك اكيد منهم :22: :22: اقتباس المشاركة الأصلية كتبت بواسطة shila di luna بكرة ان شاء الله تتزوجي واشوفك عاد اشلون ناسية كلامك هذا وقاعدة تشتكين من الزواج وسنينه تدرين ليش؟؟ لاننا كلنا كنا كذا. قبل الزواج ما نشوف غير الوجه الحلو منه وبعد الزواج نشوف الوجه الثاني ونشتكي وانت ايضا راح تصيرين مثلنا ان شاء الله لا ان شاء الله مصير مثلكم اشتكي لاني عرفت قيمه النعمه الى الله عطااااااااااني اياها باذن الله :d اتمنى ردي مايزعلك بس ارجعي لردك وشوفي ليش رديت عليك كذا :29: :29: |
غموض هدي أعصابك ..
يعني يوم قلتي الأغلبية تبينا مانزعل .. أشلون عرفتي إنه الأغلبية ؟؟ عندك أحصائية ؟؟ وبعدين فيه وحدة مرتاحة في حياتها تنصحك ماتتزوجين ..؟؟ ليش يعني ؟؟ إنتي بتبوقين من سعادتها لا تزوجتي ؟؟ وللا بتنقصين من راحتها ؟؟ اقتباس:
وأيضا بتعيشين المشاكل اللي قالوا لك لا تتزوجين خوفا عليك منها .. ( لا سمح الله يعني ) .. بس المشاكل لازم في كل بيت .. |
اقتباس:
اللهم امين امين ويرزق الزوج الصالحه الودود الولود ويهديهم ويصلحهم لان من جد الظاهر انها مرض العصر هالظاهرة |
اقتباس:
بحرينه ياعمري والله مادري من اصدق واكذب منكم تدرين اني تعبت والله اني تعبت حاسه اني بدوامه مادري وش فيني هم من الى حوليني والا الصبر خلص والا والا مااااااااااااادري الله يعين بس هي عارفه اني ماراح اسرق سعادتها طيب ليش تكذب علي ليش تحسسني اني اقل منها بالشي هذا يعني بالله ابغى احسدهم والا اسرق زوجها منها والا وش السبب قوليلي انتي طيب الله اعطاك نعمه احمدي الله ليش لجيتي عندي جلستي تتفلسفين يمكن انا غلطانه فهمني |
| الساعة الآن 09:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©